Dagblaðið Vísir - DV - 27.02.2009, Blaðsíða 12

Seðlabankafrumvarpið varð að
lögum seinnipartinn í gær og þar
með voru örlög Davíðs Oddssonar
í Seðlabankanum ráðin. Með nýju
lögunum er Davíð rekinn úr starfi
seðlabankastjóra og nýr bankastjóri
verður ráðinn í hans stað. Síðustu
dagar hans í stóli seðlabankastjóra
voru magnþrungnir. Í vikunni ákvað
Davíð loks að veita Kastljósinu við-
tal eftir að hafa haldið sig að mestu
fjarri fjölmiðlum síðan íslenska fjár-
málakerfið hrundi á haustmánuð-
um. Fjölmiðlar reyndu mánuðum
saman nærri daglega að ná tali af
Davíð, en án árangurs. Í þau skipti
sem hann veitti viðtöl fór samfélagið
á annan endann. Sjálfstæðismenn á
Alþingi hafa kallað seðlabankafrum-
varpið lengsta og flóknasta uppsagn-
arbréf sem um getur.
Algjör óvissa ríkir um hvað Dav-
íð mun taka sér fyrir hendur eftir að
hann hættir í Seðlabankanum. Hann
hefur verið orðaður við ritstjórastól-
inn á Morgunblaðinu og þær sögur
fengu byr undir báða vængi eftir að
félag Óskars Magnússonar eignaðist
Morgunblaðið. Hann hefur einnig
verið sagður vilja leggja stund á rit-
störf, en flestir telja að hann sé ekki á
þeim buxunum að draga sig í hlé.
Hann á enn kost á því að bjóða sig
fram í prófkjöri Sjálfstæðisflokksins,
kjósi hann að gera það. Framboðs-
frestur í öllum kjördæmum landsins
nema í Suðurkjördæmi er runninn
út, en síðasti dagurinn til að tilkynna
framboð þar er í dag og gildir póst-
stimpill fyrir framboð sem berast
síðar. Sú regla gildir í öllum kjör-
dæmum.
Þegar Davíð var þingmaður þjón-
aði hann Reykjavíkurkjördæmi á ár-
unum 1991 til 2005. Framboðsfrest-
ur þar rann út 20. febrúar. Davíð á
hins vegar rætur að rekja til Suður-
kjördæmis, því hann bjó fyrstu árin
á heimili móðurforeldra sinna á Sel-
fossi.
35 ára ferill
Allar götur frá árinu 1974, eða í 35
ár, hefur Davíð verið ýmist kjörinn
fulltrúi eða háttsettur embættismað-
ur. Hann var kjörinn borgarfulltrúi
Sjálfstæðisflokksins árið 1974, að-
eins 26 ára gamall, á meðan hann
var enn að læra lögfræði í Háskóla
Íslands. Hann var borgarfulltrúi í
átta ár, áður en hann leiddi flokkinn
til sigurs í borgarstjórnarkosningun-
um árið 1982, þá 34 ára gamall. Eftir
átta ár sem borgarstjóri leiddi hann
Sjálfstæðisflokkinn til eins frækileg-
asta kosningasigurs seinni tíma þeg-
ar flokkurinn fékk hreinan meiri-
hluta í borgarstjórn.
Eftir ótrúlegan feril er komið að
tímamótum. Í fyrsta sinn í á fjórða
áratug er Davíð formlega valdalaus
á Íslandi. Hversu lengi það verður er
óljóst.
„Aflakló í öllu sem hann gerir“
Árni Johnsen, flokksbróðir Dav-
íðs, segist vonast til þess að Davíð
verði áfram sýnilegur í þjóðfélaginu
og myndi fagna endurkomu hans.
„Davíð getur gert hvað sem er. Hann
er einhver albesti maður sem við eig-
um. Hann er aflakló í öllu sem hann
gerir og þessi aðför að Seðlabank-
anum er til skammar,“ segir hann.
Aðspurður hvort hann vænti end-
urkomu Davíðs í stjórnmálin segir
hann: „Davíð á ugglaust afturkvæmt
í það sem hann leggur sjálfur áherslu
á. Hann hefur ótrúlega reynslu og
þjálfun og ekki skortir dugnaðinn.
Hvort hann fari aftur á vettvanginn
þar sem endalaust byssuleyfi er á
menn, eða fari í ritstörf, það er bara
hans sjálfs að meta.“
Birgir Guðmundsson, stjórn-
málafræðingur við Háskólann á Ak-
ureyri, er hins vegar ekki á sama
máli um pólitíska framtíð Davíðs
og segir hann haldinn „Jónasar frá
Hriflu heilkenni“. Hann segir að nú
sé kominn sá tími í leiknum að Dav-
íð sýni spilin.
Klappað fyrir Davíð
Starfslok Davíðs Oddssonar í Seðla-
bankanum hafa nær einokað þjóð-
félagsumræðuna í um það bil þrjár
vikur, eða síðan ríkisstjórn Jóhönnu
Sigurðardóttur tók við. Davíð verð-
ur seint sagður venjulegur maður
og þrátt fyrir einskæran vilja ríkis-
stjórnarinnar til að skipta honum út
úr bankanum ákvað Davíð að hætta
ekki sjálfviljugur. Bréf Jóhönnu Sig-
urðardóttur til Davíðs dugði ekki til
en þar bað hún hann að ganga til
viðræðna um starfslok í Seðlabank-
anum. Davíð svaraði bréfinu seint og
féllst ekki á að hætta. Til þess að reka
Davíð þurfti lagasetningu, þar sem
kveðið var á um breytingar á Seðla-
bankanum og að sitjandi banka-
stjórar myndu víkja strax. Slík örlög
hafa einstakir opinberir starfsmenn
ekki hlotið áður. Starfslok Davíðs
ber að með svipuðum hætti og þeg-
ar hann sjálfur lét leggja niður Þjóð-
hagsstofnun með lagasetningu.
Davíð og Eiríkur Guðnason köll-
uðu starfsfólk Seðlabankans saman
á fund um hádegisbil í gær. Á fund-
inum kvöddu þeir samstarfsmenn
sína og sögðust vænta þess að hætta
í bankanum í dag. Þeir uppskáru
lófaklapp samstarfsmanna sinna að
loknum stuttum fundi.
Þegar frumvarpið varð að lögum
á Alþingi í gær yfirgaf Davíð Seðla-
bankann, mögulega í síðasta sinn.
Einkabílstjóri Davíðs ók honum á
brott á í BMW-bifreið bankans og
var eiginkona Davíðs, Ástríður Thor-
arensen, með í för.
Kannast ekki við framboð
Þegar blaðamaður DV hafði sam-
band við Margréti Sanders, formann
kjörnefndar Suðurkjördæmis, sagð-
ist hún ekki kannast við að Davíð
hefði tilkynnt framboð sitt.
Kjörnefndir Sjálfstæðisflokksins
Föstudagur 27. Febrúar 200912 Helgarblað
StarfSferill DavíðS ODDSSOnar
1970-1972:
skrifstofustjóri
Leikfélags
reykjavíkur
1973-1974:
Þingfréttarit-
ari Morgun-
blaðsins
1974-1978: borgarfull-
trúi í meirihluta í borg-
arstjórn reykjavíkur.
sjálfstæðisflokkurinn
með 55% fylgi
1978-1982: borgarfulltrúi í minnihluta
í borgarstjórn reykjavíkur. sjálfstæðis-
flokkurinn með 43% fylgi í borginni
1982-1986: borgar-
stjóri reykjavíkur.
sjálfstæðisflokkurinn
með 51% fylgi í
borginni 1986-1990: borgar-
stjóri reykjavíkur.
sjálfstæðisflokkurinn
með 49% fylgi
1989-1991: Varafor-
maður sjálfstæðis-
flokksins
1990: borgarstjóri
reykjavíkur. X-d
með 56% fylgi
1991: Formaður
sjálfstæðisflokksins
1991-1995: Forsæt-
isráðherra. X-d fær
38,6% fylgi. umtals-
verð fylgisaukning
frá tíð fyrri formanns
flokksins
1994: Forsætisráðherra.
X-d nýtur stuðnings um
38% þjóðarinnar skv.
Þjóðarpúlsi gallups
1995: Forsæt-
isráðherra.
X-d nýtur
stuðnings um
40% þjóðarinnar
skv. Þjóðarpúlsi
gallups
STÓRLEIKARI STÍGUR AF SVIÐINU
Davíð Oddsson er í fyrsta sinn frá því hann var 26 ára formlega valdalaus. 35 ára
stjórnmála- og embættismannsferli hans er lokið. Í bili að minnsta kosti. Sirrý spákona
er þó ekki á því og sér endurkomu hans í stjórnmál í spilunum. Birgir Guðmundsson
líkir Davíð við Jónas frá Hriflu. Hann var kvaddur með lófataki í Seðlabankanum í
gær og ók á brott með eiginkonu sinni eftir að ný lög tóku gildi.
vAlGeir örn rAGnArssOn
OG erlA HlynsDóttir
blaðamenn skrifa: valgeir@dv.is og erla@dv.is
„Hann er ekki gerandi í
flokknum eins og hann
var og mjög ótrúlegt að
hann fari í pólitík. Áin
heldur áfram að renna.“
óvæntur erill Þegar davíð hætti í stjórnmál-
um, þar sem hann naut vinsælda, og tók við
sem seðlabankastjóri hafði hann orð á því að
rólegir tímar væru í vændum. raunin varð svo
sannarlega önnur.
MynD stefán KArlssOn