Dagblaðið Vísir - DV - 27.02.2009, Blaðsíða 18

Safn græðginnar
Svarthöfði sér ekkert nema möguleika í nýfengnu mál-frelsi Davíðs Oddssonar sem hann öðlaðist eftir að Alþingi
setti lögbann á störf hans í Seðlabank-
anum. Þegar eini maðurinn sem enn
er með fullu viti í þessum sturlaða
heimi hrunsins hefur gert upp við þá
óreiðumenn sem settu landið á haus-
inn með alls konar krassandi leyndar-
málum úr svörtu bókinni sinni getur
uppbyggingin hafist fyrir alvöru. Dav-
íð er eini maðurinn sem ber hag þjak-
aðs almennings fyrir brjósti og er eini
maðurinn sem sá bankahrunið fyrir
og því mun hann eðlilega leggja hönd
á plóg þegar kemur að endurreisn
lands og gjaldþrota þjóðar.
Það fyrsta sem alvöru leiðtogi með Churchill-komplexa gerir er auðvitað að koma í veg fyrir að þau ósköp sem
hann varaði við fyrir daufum eyrum
endurtaki sig. Hann tryggir að við
munum læra af reynslunni til þess
að sorgarsagan endurtaki sig ekki.
Til þess að hrunið og afleiðingar þess
gleymist aldrei þarf þjóðin að eignast
safn. Safn græðginnar. Salurinn er
svo gott sem tilbúinn. Það eina sem
þarf að gera er að þjóðnýta hálfkar-
að og skothelt sveitasetur Sigurð-
ar Einarssonar í Norðurárdal. Klára
bygginguna fyrir almannafé, rétt eins
og tónlistarhús Björgólfs Guðmunds-
sonar, og fylla það svo af glingri og
útrásardóti.
Hrun okkar hefur vakið heimsathygli og það mun Safn græðginnar líka gera. Safnið verður eftirsóttur
ferðamannastaður eins og Graceland-
ið hans Elvisar í Memphis. Útlend-
ingar, ekki síst Danir, Hollendingar og
Bretar, munu koma í stríðum straum-
um í Norðurárdalinn til þess að hlæja
að mikilmennskubrjálæði dvergþjóð-
ar sem ætlaði að kaupa heiminn með
Matadorpeningum. Veggir safnsins
verða skreyttir leikmannatreyjum
West Ham, hlutabréfum í FL Group og
innrömmuðum myndum af einka-
þotum, snekkjum, Bentleyum, Range
Roverum og alls konar græjum sem
nú fást keyptar á brunaútsölum. Gler-
augu Eltons John verða þarna auð-
vitað líka og Candle in the Wind mun
endalaust hljóma úr hátalarakerfinu.
Íburðarmikil vaxmynd af dem-antaskreyttum forsetahjónun-um að stýra svallveislu afsteyptra útrásarvíkinga verður í öndvegi
og rúsínan í pylsuendanum er svo
auðvitað sjálfur safnvörðurinn. Geð-
stirður fyrrverandi seðlabankastjóri
sem rukkar útlendingana
um aðgangseyri með 18
prósent vöxtum og
neitar að gefa til
baka á meðan
hann tautar: „I
told you so. I
told you so!“
Föstudagur 27. Febrúar 200918 Umræða
Sandkorn
n Því var skúbbað á dv.is í gær-
morgun að Árni Mathiesen, fyrr-
verandi fjármálaráðherra, hefði
axlað sín skinn og væri hættur
við framboð í Suðurkjördæmi.
Fréttavefurinn visir.is hafði um
svipað leyti
komist á
snoðir um
það sama en
Árni þvertók
fyrir að vera
á förum með
þeim orðum
að þetta væri
„vitleysa“
og „ekki réttar fréttir“. Skömmu
síðar var upplýst á dv.is að hann
væri hættur við.
n Reikna má með því að Árni
Johnsen alþingismaður hafi svo
til beina braut í prófkjöri á Suð-
urlandi eftir að Eyþór Arnalds
og Árni Mathiesen hættu við
framboð. Árni hefur ræktað kjör-
dæmið af alúð og þarf nú aðeins
að berjast
við aðkomu-
manninn og
fyrrverandi
aðstoðar-
mann Geirs
H. Haarde,
Ragnheiði
Elínu Árna-
dóttur, og
Kjartan Ólafsson þingmann
um efstu sætin. Kjartan gæti þó
orðið honum skeinuhættur með
sjálfan umboðsmann Íslands,
Einar Bárðarson, sér við hlið.
n Sjálfstæðismenn á Suður-
landi hafa nokkrar áhyggjur af
mannavali í efstu sætum. Ein-
hverjir þeirra hafa lagt að Davíð
Oddssyni, fráfarandi seðla-
bankastjóra, að taka slaginn um
fyrsta sætið. Davíð er Selfyssing-
ur að uppruna og hvarf ungur til
Reykjavík-
ur. Seinna
reisti hann
sér veglegt
sumarhús
í grennd
við æsku-
stöðvarn-
ar. Telja
fylgis-
menn þeirrar hugmyndar að
Davíð gæti farið á kostum í kjör-
dæminu. Aðrir eru efins og telja
að Davíð eigi að setjast í helgan
stein.
n Guðlaugur Þór Þórðarson
alþingismaður þykir liggja lágt
í slagnum við Illuga Gunnars-
son um fyrsta sætið í Reykja-
vík. Óþægileg umræða hefur
verið um örlæti hans sem heil-
brigðisráðherra til hinna ýmsu
ráðgjafa sem gjarnan tengjast
honum.
Hann ber
þess merki
að vera
taugaveikl-
aður þeg-
ar hann
bloggar um
að DV sé
í blóðugu
stríði við hann og Illuga. „Ég
veit að barátta okkar félaganna
verður öflug, en ekki verður
hún blóðug, hvernig sem DV
eða aðrir reyna að æsa til ill-
inda!“
LyngháLs 5, 110 reykjavík
Útgáfufélag: útgáfufélagið birtíngur ehf.
Stjórnarformaður: hreinn Loftsson
framkvæmdaStjóri: elín ragnarsdóttir
ritStjórar:
jón trausti reynisson, jontrausti@dv.is
og reynir traustason, rt@dv.is
fréttaStjórar:
brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
ásmundur helgason, asi@birtingur.is
dv á netinu: dv.is
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 70 50.
umbrot: dv. Prentvinnsla: Landsprent. dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
öll viðtöl blaðsins eru hljóðrituð.
„Það er mikil
tilhlökkun í
mannskapnum.“
n Björn Ingi Hrafnsson, ritstjóri fréttavefsíð-
unnar pressan.is sem opnuð verður undir hans
stjórn á laugardag. – Fréttablaðið
„Hún er alveg
yndisleg.“
n Bubbi Morthens um
nýfædda dóttur hans og
Hrafnhildar Hafsteinsdóttur. Bubbi
á fyrir tvo syni og dóttur en þetta er fyrsta barn
þeirra Hrafnhildar. – DV
„Þetta er töluvert
feimnismál.“
n Logi Bergmann Eiðsson
sem stundar listmálun í frítíma
sínum. Listaverk eftir hann hangir meðal annars
uppi á vegg hjá Sigurði Kára alþingismanni. – DV
„Við stundum ekki við-
skipti við fyrirtæki sem
tengd eru drápum á
sjávarspendýrum.“
n Andrew Mallison, sjávarútvegsfræðingur hjá
Marks & Spencer, í viðtali við The Guardian um að
fyrirtækið muni hætta að kaupa íslenskan fisk. - DV
„Ég held að þetta
sé svona týpískt
óráðshjal í
Davíð.“
n Óskar Hrafn Þorvaldsson um ummæli Davíðs
Oddssonar í Kastljósi þar sem hann sagðist efast
um að kannanir Stöðvar 2 og Vísis um óvinsældir
hans hefðu verið framkvæmdar. - DV
Farðu í friði
Leiðari
Þau tímamót urðu í íslensku samfé-lagi í gær að Davíð Oddsson lét af störfum. Hann hættir í skugga þess að hafa með gáleysistali og dylgj-
um varpað grun á fjölda félaga sinna um að
þeir séu innviklaðir í spillingu tengda einka-
hlutafélögum. Hann iðraðst einskis og tel-
ur að aðrir en hann sjálfur beri sök á hrun-
inu. Við brotthvarf Davíðs verður þjóðin að
nota tækifærið til þess að henda aftur fyrir
sig deilum liðinna áratuga og stilla saman
kraftana. Því ástandi verður að linna að öll
umræða snúist um það sem gerðist. Þjóðin
er sem áhöfn skips í sjávarháska sem situr öll
í borðsalnum og rífst um ástæður þess að svo
illa er komið að skipið er að farast. Enginn
er að huga að möguleikum þess að komast
úr háskanum og á meðan aukast líkurnar á
stórskaða. Alþingi hefur eytt kröftum sínum
í að rífast um það hvort þessi eða hinn eigi
að vera þingforseti. Tekist hefur verið á um
það hvort farið verði að kröfu alls almenn-
ings um að skipt verði út stjórn Seðlabank-
ans. Í miðjum háskanum fer minnstur tími
í að leita leiða úr ógöngunum. Alið er á
óróleika, kvíða og vanlíðan þjóðarinn-
ar með ruglinu. Með brotthvarfi Dav-
íðs verður ástandinu að linna. Nú
verða allir að leggjast á árarnar
til að bjarga þjóðarskútunni úr
þeim háska sem sýnilegri verður
með hverjum degi. Allir Íslend-
ingar verða að taka saman hönd-
um til að lágmarka það tjón sem
hlýst af völdum kreppunnar. Engin
ástæða er til þess að eltast við Dav-
íð Oddsson eða aðra sem sök gætu átt
á hruninu. Við hann er aðeins eitt að
segja: „Farðu í friði.“ Nú skiptir mestu
máli að vinna út frá þeirri stöðu sem uppi
er í dag. Seinna kemur að uppgjöri við þá
sem settu samfélagið í kaldakol. Björgunar-
starfið er öllu öðru mikilvægara. Með-
an á því stendur má enginn líta um
öxl. Seinna, þegar landið rís að nýju,
mun nauðsynlegt uppgjör fara fram.
Nú verður þjóðin að hugsa um það
eitt að komast af.
reynir TrauSTaSon riTSTjóri Skrifar. Þjóðin er sem áhöfn skips í sjávarháska.
bókStafLega
Kynlífið í kreppunni
Eitt sinn var á Íslandi geðsjúkur geð-
læknir sem kveikti í húsi og gekk svo
um og varaði fólk við. Til allrar ham-
ingju var enginn í húsinu þegar eld-
urinn logaði því viðvaranir hins geð-
fatlaða manns komu heldur seint.
Eins var hér eitt sinn geðbilaður slátr-
ari sem hélt að hann væri Napoleon.
Vistmenn á stofnun inn við sundin
blá kölluðu hann Nafla-Jón. Hann
ræddi daglega við smjörstykki sem
hann kallaði Krist. Hann gekk um
með smjörið, varaði það við og sagði
heimsendi vera í nánd. Umræddur
heimsendir kom þó ekki og á endan-
um var smjörstykkið tekið af Nafla-
Jóni og notað í bakstur fyrir jólin.
Í dag eigum við svo lítinn banka-
mann sem segist hafa varað okkur
við bankahruni. Hann segist einn
hafa varað alla við. En enginn kann-
ast við að hafa heyrt hann minnast
á neitt slíkt. Í maí á síðasta ári sögðu
talsmenn litla bankamannsins að
staða íslensku bankanna væri betri
en staða sambærilegra banka í vor-
um heimi. Og í apríl sagði litli banka-
maðurinn ekkert benda til annars en
íslenskir bankar stæðu afar vel. Hann
blés á raddir manna sem vöruðu við
bankahruni og bað þá um að tala var-
lega og bað þá fyrir alla muni að vera
ekki að magna vandann með óþarfa
kjaftæði. Á sama tíma lofaði þessi
sami einstaklingur sölu bankanna og
útrás íslensks atvinnulífs. Hann lét
fólk meira að segja öskra margföld
húrrahróp svo mæra mætti nokkra ís-
lenska bankaeigendur. Hann sagði ís-
lenska banka hafa leikið lykilhlutverk
í farsælli útrás íslenskra fyrirtækja.
Hann kom okkur í kreppu, hann lof-
aði aukið viðskiptafrelsi, hann söng
sinn útrásarsöng og skammaðist sín
ekki baun, því hann naut þess að sjá
drauma frjálshyggjunnar rætast.
Í dag kemur þessi litli bankamað-
ur fram og segir okkur að til hans leiti
fjöldi manns og segi hann vera eina
manninn sem hægt sé að treysta.
Já, fögur er dýrðin. Ef þessi maður
lýgur ekki lýgur enginn. Hann kemur
fram og tönglast á því einsog tauga-
veiklað jórturdýr, að hann hafi var-
að alla við. Og þeir sem hann seg-
ist hafa varað við kannast ekki við
að hafa heyrt neitt slíkt. Það er eins-
og lygavefurinn sé orðinn að slíkum
göndli að maðurinn virðist ekki vita
hvenær hann lýgur og hvenær hann
segir satt.
Og fyrst ég er að minnast á geð-
heilsu og kreppu, er kannski rétt að
geta þess að ágætur geðlæknir heldur
því svo fram að andlegt ástand okkar
geti batnað í kreppunni, hann heldur
því nefnilega fram að í kreppu dafni
kynlífið sem aldrei fyrr.
Þótt ég verði af örbirgð ær
og engu nái að safna
ég veit að kynlíf kannski fær
í kreppunni að dafna.
kristján hreinsson
skáld skrifar
„...maðurinn
virðist ekki vita
hvenær hann lýgur
og hvenær hann
segir satt.“
SkáLdið Skrifar
Svarthöfði