Dagblaðið Vísir - DV - 22.05.2009, Blaðsíða 36
Föstudagur 22. maí 200936 Ferðir innanlands
Víkingahópurinn Rimmugýgur kemur heimsókn og slær upp
búðum við Sögusetrið. Þar gefst gestum tækifæri á að sjá
vinnubrögð að hætti fornmannanna í handverki,
klæðnaði, leik og bardögum.
Dagskráin byrjar kl. 13.00 og stendur til kl. 19.00.
Bardagar verða kl. 14, 16 og 18.
Við hvetjum alla þá sem eiga búninga heima
að taka þá upp og mæta í skrúðanum.
Allir velkomnir!
Víkingarnir koma!
Laugardaginn 30. maí 2009
Sögusetrið Hvolsvelli | The Saga Centre
www.njala.is | njala@njala.is
Sími: 487-8781, 895-9160
Ég myndi segja að það væri frábært fyrir alla fjölskyld-una að koma hingað. Við erum með gott og aðgengi-
legt tjaldsvæði og einstaklega fallegt
umhverfi og sérstaka náttúru,“ seg-
ir Helga Árnadóttir, aðstoðamaður
þjóðgarðsvarðar í Ásbyrgi. „Jökulsá á
Fjöllum, jarðskjálftar og eldsumbrot
hafa myndað hið einstaka landslag í
Jökulsárgljúfrum þar sem finna má
þekkt náttúrufyrirbæri eins og Ás-
byrgi, Hljóðakletta, Hólmatungur og
Dettifoss. Ásbyrgi er meðal annars
talið hafa grafist út í miklu hamfara-
hlaupi. Eftir stendur skeifulaga byrgi
sem nokkurs konar minjar um hin
miklu flóð í Jökulsánni sem við get-
um varla gert okkur grein fyrir hversu
öflug voru,“ útskýrir Helga. Land-
svæðið tilheyrir Vatnajökulsþjóð-
garði og er talið vera eitt af fallegustu
svæðunum á Íslandi.
Á sumrin lifnar Ásbyrgi við og er
skemmtileg og fræðandi dagskrá í
boði yfir háannatímann frá 22. júní til
17. ágúst. „Þetta er heilmikil dagskrá
þar sem boðið er upp á fræðsluferðir
um svæðið á hverjum einasta degi,“
segir Helga og dagskráin er fjölbreytt
og hönnuð fyrir alla fjölskylduna.
„Þetta eru um klukkutíma ókeypis
ferðir sem farnar eru á tveimur stöð-
um, í Ásbyrgi og í Vesturdal og það
eru landverðir sem sjá um fræðslu-
ferðirnar,“ útskýrir Helga. Í Vestur-
dal er einnig tjaldsvæðið, en ekki sú
þjónusta sem í boði er í Ásbyrgi.
Sérstök dagskrá er einnig fyrir
börn á aldrinum sex til tólf ára þar
sem náttúran er rannsökuð og far-
ið er í allskyns leiki. Einnig er boðið
upp á sérstakar uppákomur í sumar,
eins og miðnæturgöngu á sumarsól-
stöðum og jóga á Jónsmessu. Helga
segir tilvalið fyrir ferðalanga að
stoppa við í Ásbyrgi. „Það er langt að
fara, sérstaklega frá Reykjavík þannig
að ég mæli með því að fólk dvelji um
tíma.“
Fyrir utan einstaka náttúru er veðr-
ið í Ásbyrgi engu líkt þegar sólin skín.
Þetta getur Helga tekið undir. „Það er
algjör sæla að vera hérna í góðu veðri,“
segir Helga brosandi.
Áhugasamir geta kynnt sér dagskrá
Ásbyrgis á vatnajokulsthjodgardur.is.
algjör sæla
í Ásbyrgi
Boðið er upp á skemmtilega og fjölbreytta dagskrá
í Ásbyrgi í sumar fyrir ferðalanga.
Mikið um að vera Allir ættu að finna
eitthvað við sitt hæfi í Ásbyrgi í sumar.
Ásbyrgi Einn af fallegustu stöðum Íslands.
Fræðsluferð Boðið verður
upp á ókeypis fræðslu-
ferðir um Ásbyrgi fyrir alla
fjölskylduna í sumar.