Dagblaðið Vísir - DV - 22.05.2009, Blaðsíða 62
föstudagur 22. maí 200962 Helgarblað
„Við Íslendingar stöndum í miðju sál-
fræðistríði og þurfum á jákvæðni og
jafnvægi að halda,“ segir Benedikt
Lafleur talnasérfræðingur og bætir
við að jafnvægið felist í því að finna
hugarástand á milli ofurbjartsýni og
bölsýni. „Við verðum að vera hæfilega
bjartsýn svo við náum áttum á nýjan
leik eftir glannalegu framtakssem-
ina. Það getur verið hættulegt að fara
á vinstri hliðina, falla í þunglyndi og
sjá ekkert annað en svartnættið fram
undan, líkt og margir gera. Það veit
enginn hvað framtíðin ber í skauti sér
en framtíðin er undir okkur sjálfum
komin.“ Benedikt segir kreppuna af-
leiðingu gjörða okkar og að við hefð-
um ekki þurft að vera í þessari stöðu.
Við höfum einfaldlega uppskorið
eins og við sáðum. Nú þurfi og nú sé
tækifæri til að hugsa allt samfélagið
upp á nýtt. „Við erum á tímamótum
og munum búa til nýtt samfélag því
fyrri hugmyndafræði okkar fór alveg
í þrot. Við þurfum að hugsa þetta allt
upp á nýtt og standa saman í þeirri
uppbyggingu sem fram undan er.“
Íslendingar eru útrásarþjóð
Þrátt fyrir að útrásin eigi stóran þátt
í stöðu okkar segir Benedikt að við
megum ekki snúa baki við allri útrás.
Við Íslendingar séum útrásarþjóð
sem verði að halda áfram að taka
áhættu og vera áræðin. „Við þurfum
að tengjast umheiminum æ meira
því við megum ekki einangrast. Per-
sónulega tel ég að okkur verði best
komið fyrir innan ESB. Stefnan í fjár-
festingum verður að vera í aðrar átt-
ir en hún hefur verið upp á síðkastið
því góð fjárfesting skilar sér alltaf inn
í samfélagið. Allt brask sem vegur að
sakleysi þjóðarinnar fáum við hins
vegar í hausinn aftur. Að mínu mati
erum við ennþá eitt auðugasta ríki í
heimi því landið er hreint og saklaust
og við verðum að varðveita þetta sak-
leysi,“ segir hann og bætir við að sak-
leysið felist í hreinu landi, hugviti,
menntun og menningu. „Ríkisstjórn-
in á að styðja við bakið á sprotafyrir-
tækjum því þannig tökum við minni
áhættu frekar en að setja allt fjár-
magnið á bak við fá stór fyrirtæki.
Framtíðin er í þessum litlu fyrirtækj-
um sem þurfa lítið til að hefja rekstur
en geta skilað þjóðarbúinu miklu ef
vel gengur. Möguleikarnir eru ótelj-
andi, fólk verður bara að finna von-
ina aftur. Þarna úti er mikið af afar
hæfu fólki sem er viljugt til samstarfs,
margir hafa líka misst allt sitt og hafa
því engu að tapa og eru tilbúnir að
reyna nýja hluti. Ríkisstjórnin þarf að
styðja þetta fólk. Bankamenn og yf-
irvöld átta sig ekki á því að það þarf
ekki háa styrki til að koma hlutunum
í gang því oft þarf ekki nema eina til
tvær milljónir til að koma af stað öfl-
ugri starfsemi.“
Nýtt samfélag fram undan
Spurður um þær tölur sem liggja í
kortunum segir hann bjartari tíma
fram undan. „Árið 2008 var uppgjör
peninganna en í ár er uppgjör hug-
myndafræðinnar. Á næsta ári mun-
um við sjá afsprengi þessa uppgjörs
sem verður nýtt samfélag. Allt það
ár, 2010, felur í sér miklar breyting-
ar sem krefjast gríðarlegrar vinnu,
við þurfum að hafa fyrir hlutunum
en þessar breytingar festa sig í sessi
2011 og skila sér í sjálfstæði þjóðar-
innar 2012. Það ár verðum við kom-
in upp úr mestu hremmingunum og
árið 2015 verðum við sannarlega rík
þjóð,“ segir Benedikt og bætir við að
í hinu nýja samfélagi muni önnur og
húmanískari gildi taka við af mark-
aðsgildunum sem undanfarið hafi
ráðið ferðinni. Benedikt líst vel á nú-
verandi forsætisráðherra og segist
hrifinn af mörgu sem ríkisstjórnin
sé að gera. „Ég tel að Jóhanna standi
sig mjög vel og ríkisstjórnin einnig
í heild sinni en það sem er ábóta-
vant er að þau mættu ræða meira við
önnur öfl. Sem dæmi mættu sam-
skiptin milli Framsóknarflokksins
og Samfylkingar vera betri. Það er al-
gjör óþarfi fyrir þessa flokka að vera
að agnúast út í hvor annan. Þetta eru
svo líkir flokkar. En varðandi Sjálf-
stæðisflokkinn verður hann að taka
betur til heima hjá sér.“
Sálfræðilega sterkt
að afskrifa skuldir
Benedikt sér fram á betri tíma og
hann segir að sumarið muni hjálpa
til við að lyfta brúninni á fólki. „Nýja
samfélagið er eitthvað sem við höf-
um þegar átt, við þurfum bara að
koma auga á það og rækta hin raun-
verulegu auðævi sem eiga eftir að
skila okkur hamingju og velferð. Við
fórum út af réttu brautinni en ef við
erum nógu mörg sem erum jákvæð
finnum við hana aftur og byggjum
upp bjartsýni. Við verðum að hætta
að agnúast út í hvert annað og leita
í sameiningu nýrra og róttækra leiða
úr skuldasúpunni. Sálfræðilega gæti
þannig verið sterkt að afskrifa skuld-
ir en auka til muna bindiskyldu
bankanna í kjölfarið. Til að efla vaxt-
armöguleika fyrirtækjanna að nýju
mætti auka til muna fjármagn í ný-
sköpunarsjóðum en leggja sérstak-
an kreppuskatt í um það bil þrjú ár
á alla þá sem hafa þokkalegar tekj-
ur en hátekjuskatt á þá sem mest
mega sín, því það er nú töluvert til af
þeim ennþá. Ég vil vara menn við því
að fyllast bölsýni, þykjast sjá fram á
annað hrun og halda því fram að all-
ir séu sofandi því ef við einbeitum
okkur að því neikvæða getum við
farið alveg á hliðina og misst allt úr
höndunum. Við ættum frekar að ein-
beita okkur að því að finna jafnvægi
og jarðtengingu okkar aftur.“
Hægt er að nálgast upplýsingar
um talnaspeki á lafleur.is og á Face-
book-síðunni Talnaspeki-Lafleur auk
þess sem Benedikt bendir á síðuna
sahajayoga.is.
Indíana Ása Hreinsdóttir
Þurfum á jákvæðni
að halda
Talnaspekingurinn Benedikt Lafleur segir á
rið 2008 hafa
verið uppgjör peninganna og árið í ár u
ppgjör hugmynda-
fræðinnar. Benedikt segir næstu ár fel
a í sér gríðarlegar
og erfiðar breytingar á samfélagi okka
r. Þessar breytingar
munu svo skila sér í nýju og ríku samf
élagi árið 2015.
Benedikt Lafleur
2009 er ár uppgjörs
hugmyndafræðinnar.