Dagblaðið Vísir - DV - 22.05.2009, Blaðsíða 44

Föstudagur 22. maí 200944 Ferðir innanlands
EkkErt sElst af
nýjum hjólhýsum
VELKOMIN Á BREIÐDALSVÍK
-Gisting og veitingar
í fallegu umhverfi
-Íslensk sveitasæla
eins og hún gerist best
Hlökkum til að sjá ykkur
Sólvellir 14 - www.hotelblafell.is
info@hotelblafell.is - S. 475-6770
©Mats Wibe Lund - mats.is
Hátíð um allt land
21. maí – 4. júní
aIm
alþjóðleg tónlistarhátíð á akureyri.
29. maí – 1. júní
skjaldborg
Kvikmyndahátíð íslenskra heimildar-
mynda á Patreksfirði.
12. – 14. júní
Isnord
tónlistarhátíð í Borgarfirði.
26. – 28. júní
bíldudals grænar
árleg stærðarinnar fjölskylduhátíð.
1. – 5. júlí
Þjóðlagahátíð
Haldin á Siglufirði í níunda sinn.
3. – 5. júlí
hátíð í ólafsvík
Fjölskylduvæn hátíð í Ólafsvík.
13. – 19. júlí
lunga
Fjölbreytt listahátíð á Seyðisfirði.
20. – 26. júlí
sænskIr dagar
Haldnir á Húsavík, einnig kallaðir
mærudagar.
22. – 27. júlí
rEykholtshátíð
Sígild tónlistarhátíð sem Samhljómur
stendur fyrir.
24. – 26. júlí
bræðslan
tónlistarhátíð á Borgarfirði eystri.
14. – 18. ágúst
svEItasæla
landbúnaðarsýning á Sauðárkróki.
14. – 23. ágúst
ormstEItI
10 daga veisla á Fljótsdalshéraði.
21. – 23. ágúst
danskIr dagar
Fjölskylduhátíð í Stykkishólmi, haldin
í 16. sinn.
Það er nóg um að vera hérlendis
í sumar og er fjöldann allan af
uppákomum og bæjarhátíðum að
finna víðs vegar um landið. allt frá
dýrafjarðardögum til Bræðslunnar
á Borgarfirði eystra. Það er ekki bara
verslunarmannahelgin sem býður upp
á líf og fjör. dV tók saman dagskrá yfir
nokkra skemmtilega viðburði í sumar.
Á meðan góðærið varði var enginn maður með mönnum nema hann fjárfesti í einhvers konar híbýli á hjólum
sem hægt væri að draga á eftir sér út í ómótstæðilega náttúru landsins. Sala á hjólhýsum var lygileg, jafnvel
gripum sem kostuðu vel á tíundu milljón króna. En nú er Snorrabúð stekkur og einungis hreyfing í „notuðu
deildinni“ á mörgum hjólhýsasölunum.
Kreppan hefur þau áhrif að það selst ekkert af nýjum vögnum. Miðað við geng-ið í dag hefur verðið á þeim
hækkað um helming og því er þetta
orðið alltof dýrt og enginn kaupir þá.
Það sem er að bjarga okkur og öðrum
umboðum er að við eigum vagna frá
því í vetur sem eru þá á gamla geng-
inu,“ segir Björgvin Barðdal, fram-
kvæmdastjóri Seglagerðarinnar Ægis,
um áhrif efnahagsástandsins á sölu
hjólhýsa, fellihýsa og tjaldvagna hér
á landi.
Á meðan góðærið varði var eng-
inn maður með mönnum nema hann
fjárfesti í einhvers konar híbýli á hjól-
um sem hægt var að draga á eftir sér
út í ómótstæðilega náttúru landsins.
Björgvin spáir því að salan í ár verði
svona 35 til 40 prósent af því sem
hún var í fyrra. „En það er samt mik-
ið að gera í notuðum „húsum“, hvort
sem við lítum til tjaldvagna, fellihýsa
eða hjólhýsa. Þau stoppa mjög stutt
hjá okkur,“ segir hann en það var ekki
nærri því jafn mikið að gera í notuðu
deildinni fyrir hrun fjármálakerfisins
síðastliðið haust.
„Fólk er meira farið að kaupa
vagna á verðbilinu fimm hundruð
þúsund upp í tvær milljónir á meðan
það fór mun hærra áður. Og ég held
að fólk sé svolítið að hætta við að fara
til útlanda og eyða frekar þeirri millj-
ón sem hefði farið í það í vagn,“ segir
Björgvin. Um helmings samdráttur er
í sölu dýrari vagnanna, sem eru flest-
ir á verðbilinu þrjár til sex milljónir,
giskar Björgvin á. „En þetta er náttúr-
lega að byrja þannig að maður er ekki
alveg kominn með púlsinn á þetta.“
fólk mInnkar EkkI vIð sIg
Hjólhýsi eru veglegasta útgáfan í
„hjóla-aftaníossadeildinni“. Salan
á tjaldvögnum og fellihýsum hefur
verið sú sama síðustu tíu til fimmtán
ár að sögn Björgvins en nánast eng-
in sala var á hjólhýsunum þar til fyrir
um fimm árum. Þá breyttist það jafn
snarlega og veðrið á Íslandi á klass-
ískum veðrasýnishornadegi.
„Þá varð áberandi innspýting í
hjólhýsunum,“ segir Björgvin. „Fyr-
ir fimm árum seldust kannski 2 til
10 stykki á ári. Síðustu ár hefur sal-
an hins vegar verið allt upp í fimm
hundruð stykki ári. Þetta var bara
ekkert inn hér áður fyrr en jókst svo
svona gríðarlega. Núna eru hjólhýsin
aftur á móti alltof dýr.“
Eru einhver dæmi um að fólk sé
að minnka við sig í hjólhýsadeild-
inni; reyni að selja stórt ferlíki sem
það var búið að kaupa til að fá sér
eitthvað minna og ódýrara?
„Nei, ekki svo ég viti til. Fólk sem
á annað borð er byrjað að ferðast í
hjólhýsum bætir frekar við sig. Þetta
er orðinn lífsstíll hjá því fólki. Það
er kannski að ferðast 30 til 60 daga
á sumri,“ segir Björgvin. Og eins og
kunnugt er búa sumir alfarið í hjól-
hýsum, til að mynda í Bláskógabyggð
við Laugarvatn.
sElur frEkar bíl númEr tvö
Björgvin kannast heldur ekki við að
fólk komi á hjólhýsasölur og segist
hreinlega verða að selja hjólhýsið sitt
til að eiga í sig og á. „Ekkert þannig.
Það er náttúrlega fólk sem hefur lent
illa í því með erlent lán á vagninum,
og eitthvað um það að bankarnir hafi
tekið þá yfir, en samt ótrúlega lít-
ið. Fólk virðist miklu fremur hanga í
þessu en bílnum sínum og losa sig til
dæmis frekar við bíl númer tvö.“
Björgvin kveðst aðspurður ekki
eiga von á að kreppan hafi þau áhrif
að einhverjir landsmenn ákveði að
selja fasteignina sína og taka alfarið
upp búsetu í hjólhýsum eða annars
konar vögnum, einfaldlega til þess
að hafa meira fjármagn á milli hand-
anna. Í fyrrasumar voru spildur fyrir
hundrað og sextíu hjólhýsi í notkun
í Bláskógabyggð. Ekki náðist í for-
svarsmenn íbúanna þar til að fá upp-
lýsingar um hvort fjöldinn hefði auk-
ist síðan þá. kristjanh@dv.is
Björgvin Barðdal „Fólk er meira farið
að kaupa vagna á verðbilinu fimm
hundruð þúsund upp í tvær milljónir á
meðan það fór mun hærra áður.“