Dagblaðið Vísir - DV - 04.09.2009, Qupperneq 44

44 föstudagur 4. september 2009 helgarblað
Kreppa
verður myndlist
Ég var staðráðinn í því að láta atvinnu-leysið ekki buga mig og fór að mála,“ segir Hjalti Parelíus Finnsson, graf-ískur hönnuður í Keflavík, sem held-
ur eina af fjölmörgum myndlistarsýningum
á Ljósanótt.
„Ég vann á stöndugri arkitektastofu í
Hafnarfirði sem hönnuður þegar banka-
hrunið reið yfir,“ heldur Hjalti áfram. „Þetta
var svo fljótt að hafa áhrif í mínum bransa að
strax í október voru allir starfsmenn kallað-
ir á fund og okkur sagt frá yfirvofandi verk-
efnaskorti og stöðnun í framkvæmdum. Ég
var með þeim fyrstu sem misstu vinnuna í
hruninu.“
Hann segir frá því þegar hann kom heim
úr námi í dönskum hönnunarskóla upp
úr aldamótunum og erfitt var að fá vinnu
í faginu. „Þá kynntist ég því hvernig það er
að vera atvinnulaus og mig heltók einhvers
konar atvinnuleysisþunglyndi. Ég var stað-
ráðinn í því að láta það ekki henda mig aftur
og fór að mála myndir af kappi.“
Hjalti er þó síst af öllu sár út í fyrrverandi
vinnuveitendur. „Þetta var frábær vinnu-
staður. Það er miklu frekar að mér þyki Geir
H. Haarde og stjórn hans skulda okkur hjón-
unum skíðaferðina sem við gátum aldrei far-
ið í.“
Verkin byrja í tölvunni
Helsta vinnutól Hjalta í myndlistinni er
myndvinnsluforritið Photoshop, sem kannski
er ekki að undra í tilviki grafísks hönnuð-
ar. „Í tölvunni byrja allar mínar myndir sem
teikningar. Þar vinn ég svo áfram með liti og
skyggingar þangað til hugmyndin er nógu
sterk til þess að mála hana á striga. Á þessu
stigi geri ég útlínuteikningu í tölvunni sem ég
varpa svo á strigann með myndvarpa. Þar eru
línurnar dregnar upp og svo klára ég myndina
á hefðbundinn hátt með akrýllitum.“
Olíuliti hefur Hjalti ekki unnið með í nein-
um mæli, enn sem komið er, en kveðst þó
langa til þess að spreyta sig. „Það er bara svo
seinlegt að vinna með olíuna að ég hef ekki
haft þolinmæði, enda vinn ég oftast mjög
hratt, og það hefur komið fyrir að ég klára
mynd í einni tuttugu klukkustunda lotu.“
Hjalti hafði þó ekki málað um nokkurt
skeið þegar hann skyndilega missti vinnuna.
„Málningardótinu mínu var stolið í Kaup-
mannahöfn og ég hafði ekki gefið mér tíma til
þess að byrja upp á nýtt. Svo þegar konan mín
gaf mér fyrirtaks trönur í þrítugsafmælisgjöf,
þá var ekki eftir neinu að bíða.“
Sýnir með tengdamömmu
Þessi fyrsta myndlistarsýning Hjalta inni-
heldur fimmtán verk. „Öll eru þau í þess-
um stíl sem Erró kallaði frásagnarfígúra-
sjón eða „Comic-book“-myndlist,“ segir
Hjalti. Hann verður þó ekki einn síns liðs
á sýningunni, því tengdamóðir hans, Iða
Brá Vilhjálmsdóttir, sýnir einnig ljós-
myndir á sömu sýningu. Sýningin er á
Hafnargötu 29 og verður opnuð á morgun,
fimmtudag.
„Auðvitað vildi ég helst selja sem flestar
myndir,“ segir Hjalti en kveðst á sama tíma
gera sér hóflegar væntingar. Það er náttúr-
lega kreppa og ekki einu sinni víst að fólk
geti keypt myndlist jafnvel þótt það gjarn-
an vildi.“ Hann hefur því brugðið á það
ráð að hafa nokkurs konar hljótt uppboð á
meðan á sýningunni stendur.
„Þetta fer þannig fram að ég verðmerki
myndirnar ekki, heldur getur fólk komið til
mín og boðið í myndir ef það hefur áhuga.
Þá hengi ég þann verðmiða á myndina og
þá geta aðrir komið og boðið hærra ef þeim
sýnist svo. Uppboðinu lýkur svo á síðasta
degi Ljósanætur, sunnudeginum næsta.“
Hjalti Parelíus Finnsson missti vinnuna sem
grafískur hönnuður fljótlega eftir að bankarnir
hrundu. Hann afréð að taka myndlistina föstum
tökum í stað þess að leggjast í depurð og fram-
kvæmdaleysi. Hann sýnir afraksturinn, fimmtán
málverk, á sýningu á Ljósanótt í Reykjanesbæ.
„Ég var með þeim fyrstu
sem misstu vinnuna í
hruninu.“
Pólitískur þráður Hjalti segir bankahrunið
og atvinnumissinn hafa haft áhrif á innihald
verkanna.
Frásagnarfígúrasjón Hjalti vinnur í sumum
tilvikum með frægar teiknimyndafígúrur í stíl sem
Erró og fleiri hafa notast við.