Dagblaðið Vísir - DV - 04.09.2009, Page 50

KlúbbKvöld í Smáralind Það er um að gera
að skella sér á klúbbkvöld Make Up Store í Smáralind sem
haldið verður miðvikudagskvöldið 9. september. Þá verður
rússneska línan Czarinna kynnt auk þess sem förðunar-
meistari frá Svíþjóð sýnir förðun. Make Up Store heldur
klúbbkvöld einu sinni í mánuði og það geta allir gerst með-
limir. Um að gera að skella sér, læra og nýta góð tilboð og
þiggja léttar veitingar.
Fimm ráð til þess að vinna bug á óvini allra kvenna:
SigraStu á appelSínuhúðinni
UMSjón: Indíana ÁSa HreInSdóttIr
Bloggað um
eigin klæðnað
Nýjasta bólan í bloggheimum
tískunnar er að mynda eigin
klæðnað fyrir aðra til að skoða
og kommenta. Hin unga Jane
sem býr í Texas þykir ákaflega
smekkleg og er ofsalega vinsæl
en síðan hennar er heimsótt af
fjöldanum öllum af aðdáendum
á hverjum degi. Slóðin er www.
seaofshoes.com fyrir þá sem
vilja fylgjast með þessari flottu
stelpu.
Stígvél með
opna tá
Nýjasta skóæði stjarnanna er stígvél
með opna tá. Stjörnur á borð við
Victoriu Beckham, Söruh Jessicu
Parker og Lindsey Lohan hafa allar
sést í slíkum skóm. Það er ekkert
skrítið að skórnir séu að slá í gegn
þar sem þeir eru eins konar sam-
bland af þægilegum sandölum og
uppáhaldsstígvélunum þínum. Svo
er það spurningin hvort stígvélin
henti íslenska vetrinum.
HeitaSta
trendið 2009
Svokallaðir „studs“ eða gaddar eru
að tröllríða allri tísku þessa dagana
en það var hönnuðurinn Balmain
sem hóf æðið með sínum krist-
alsskreyttu sandölum sem meðal
annars söngkonan Rihanna hefur
sést klæðast. Nú sést fátt annað en
silfurhnappaskreyttir skór, töskur,
belti eða jakkar en öllu má ofgera
og kannski best að nota aðeins einn
„stud“-hlaðinn hlut í einu.
Ingibjörg Reynisdóttir leikkona var mun meiri villingur þegar hún var unglingur
en dóttir hennar Lovísa Rós sem er 16 ára í dag. Þær mæðgur skrifuðu saman bókina
Strákarnir með strípurnar en kvikmynd byggð á bókinni er í framleiðslu.
50 föStudagur 4. september 2009 lífSStíll
Skemmtilegt en erfitt
að vera unglingur
Drekktu nóg drekktu sex vatns-
glös á dag og haltu þig alveg frá
gosinu. ef þú færð leið á vatninu
prufaðu þá að skera niður ávexti
og setja í glasið.
Hættu að reykja appelsínuhúð
er enn ein ástæðan fyrir því að
hætta að reykja en eiturefnin
í sígarettunni skemma teygj-
anleika húðarinnar auk þess
sem húðin verður hrukkótt og
blettótt.
Slakaðu á Stress og álag hafa áhrif
á hormónaflæðið sem hefur svo áhrif
á húðina. ef þú þjáist af stressi skelltu
þér þá í jóga, út að hjóla eða farðu út
í sveit og njóttu náttúrunnar.
Æfðu reglulega Grannar
konur eru alveg jafnlíklega
með appelsínuhúð en
þyngdaraukning getur gert
appelsínuhúðina sýnilegri.
taktu vel á því og fylgstu með
árangrinum.
Burstaðu húðina Fjárfestu
í góðum bursta og burstaðu
dauðu húðfrumurnar í burtu
og komdu flæðinu af stað.
„Skemmtilegustu ár lífsins hefjast á
unglingsaldrinum,“ segir Ingibjörg
Reynisdóttir leikkona sem skrifaði
bækurnar Strákarnir með strípurn-
ar og Rótleysi, rokk og rómantík en
kvikmyndin Órói, sem er byggð á
bókunum, er í framleiðslu. Ingibjörg
skrifaði handritið ásamt leikstjór-
anum Baldvin Z og munu aðdáend-
ur bókanna mæta persónum og ýms-
um uppákomum sem þeir lásu um
á hvíta tjaldinu. Ingibjörg segir ungl-
ingsaldurinn mikilvægt tímabil í lífi
flestra. „Þá eru allir að rembast við að
finna sinn „status“ og bera sig saman
við aðra. Þetta er því ákveðinn mótun-
artími, erfiður, skemmtilegur en líka
hættulegur,“ segir hún og bætir við að
ein röng ákvörðun geti haft afdrífarík-
ar afleiðingar. „Þess vegna er ég alltaf
að tyggja ofan í unglinginn minn og
aðra unglinga á upplestrum mínum
að það sé mikilvægt að hafa myndað
sér skoðun á hlutunum áður en stað-
ið er frammi fyrir þeim. T.d. ef þú hefur
ekkert pælt í eiturlyfjum, afleiðingum
þeirra og afstöðu þinni gagnvart þeim
er meiri hætta á að þú prófir ef þér er
boðið óvænt. Án þess að hugsa hvað þú
ert að gera.“ Ingibjörg viðurkennir að
hennar kynslóð hafi líklega byrjað fyrr
með unglingaveiki en krakkar í dag en
hún segir að þá hafi allt verið frjálsara.
„Harkan var minni þegar ég var ung og
við vinkonurnar vorum ekki nema rétt
skriðnar upp úr gaggó þegar við fór-
um einar til Spánar. Við vorum ungar
og lékum okkur en lentum sem betur
fer allar standandi. Í dag er heimurinn
harðari og allskyns hryllingur í gangi
sem veldur því kannski að við ofvernd-
um börnin,“ segir hún og bætir við að
hún sé heppin með sinn ungling. „Það
er samt skrítin og dálítið óþægileg til-
finning að vera hérna megin. Vera
mamma unglings. Hvernig á maður
að svara spurningunni hvort það sé í
lagi að drekka einn Breezer? Ef ég segi
já er ég að samþykkja unglingadrykkju
en ef ég segi nei þá er ég að bjóða upp
á að farið sé á bak við mig,“ segir hún
en bætir við að hennni finnist ótrúlega
stutt síðan hún hafi verið unglingur.
„Tíminn líður alveg hrikalega hratt og
því er um að gera að fólk nýti tímann
vel og njóti þessara ára. Áður en þú
veist af eru gömlu draumarnir óger-
legir en það er svolítið það sem ýtti
mér út í að skrifa þessar bækur, koma
hlutum í verk á blómatíma lífsins og
þurfa ekki að sjá eftir því síðar að hafa
ekki framkvæmt.“ Lovísa Rós dótt-
ir Ingibjargar samdi fyrri bókina með
mömmu sinni þegar hún var aðeins 14
ára en hún er nú á sama aldri og krakk-
arnir sem þær hófu að skrifa um árið
2006. Hún segir að þær hafi átt auðvelt
með að vinna saman. „Mamma þótt-
ist vita allt um þetta tímabil enda var
hún töluvert meiri villingur en ég get
talist vera. Ég kom samt með margar
hugmyndir og við gerðum þetta í sam-
einingu,“ segir Lovísa og bætir við að
það sé skemmtilegt að vera unglingur
í dag, „Það er samt líka flókið og erfitt
því kröfurnar eru miklar.“ Atli Óskar
Fjalarsson leikur Gabríel sem er aðal-
hlutverkið í myndinni en Atli er 17 ára.
Hann tekur undir orð Lovísu og segir
að það geti verið erfitt að vera ungl-
ingur í dag. „Við erum á lestarstöð og
þurfum að ákveða hvaða lest við ætl-
um að taka,“ segir hann. Aðspurð um
ráð handa foreldrum unglinga segja
Lovísa og Atli að virðing í samskiptum
skipti miklu máli. „Við viljum bara
láta koma fram við okkur á jafningja-
grundvelli,“ segir Atli og Lovísa bætir
við: „Það eru ekki allir unglingar vill-
ingar, við erum flest ósköp venjulegt
fólk.“
Indíana Ása Hreinsdóttir
Höfundar og aðalleikari
Ingibjörg er móðir Lovísu
rósar í raunveruleikanum
en í myndinni er hún móðir
karaktersins sem atli leikur.