Uppeldi og menntun - 01.07.2015, Page 125

UPPELDI OG MENNTUN/ICELANDIC JOURNAL OF EDUCATION 24(2) 2015 125
GUÐNÝ S. GUÐBJÖRNSDÓTTIR
MENNTAVÍSINDASVIÐI HÁSKÓLA ÍSLANDS
Uppeldis- og menntunarfræði 40 ára
háskólagrein á Íslandi: Upphaf og þróun
BA-náms við Félagsvísindadeild
Háskóla Íslands
Í tilefni þess að 40 ár eru liðin frá því að byrjað var að kenna uppeldisfræði til BA-prófs
og síðar til æðri prófgráða við Háskóla Íslands bað ritstjórn Uppeldis og menntunar
nokkra kennara að líta um öxl. Það kom í minn hlut að fjalla um upphaf BA-námsins
og þróun þess innan Félagsvísindadeildar. Allir kennarar uppeldis- og menntunar-
fræðinnar kenndu þó bæði í BA-náminu og framhaldsnáminu þegar það var tekið
upp.
UPPHAFIÐ
Þó að liðin séu 40 ár frá því að kennsla í uppeldisfræði sem aðalgrein hófst við
Háskóla Íslands, þá hófst nám í uppeldis- og kennslufræði til kennsluréttinda mun
fyrr eða skólaárið 1951–1952, í heimspekideild. Því námi stýrði Matthías Jónasson
uppeldisfræðingur, sem gegndi prófessorsstöðu í greininni frá árinu 1957 til ársins
1973 þegar hann hætti fyrir aldurs sakir. Andri Ísaksson tók við stöðu prófessors í
uppeldis- og kennslufræði árið 1973 og hóf fljótlega undirbúning að því að uppeldis-
fræðin yrði gerð að aðalgrein. Haustið 1975 samþykkti heimspekideild að taka upp
kennslu í uppeldisfræði bæði til aðalgreinar og aukagreinar og hófst kennslan þá um
haustið (Andri Ísaksson, 1984). Sama haust (1975) var Guðný S. Guðbjörnsdóttir skip-
uð lektor í greininni og voru því fastir kennarar orðnir tveir. Þeir sáu bæði um námið
í uppeldis- og kennslufræði til kennsluréttinda og hið nýja BA-nám, ásamt nokkrum
stundakennurum. BA-námið varð strax eftirsótt, en í boði voru tvær megináherslur,
annars vegar á nám og kennslu og hins vegar á uppeldislega ráðgjöf (Andri Ísaksson,
1984).
Uppeldi og menntun
24. árgangur 2. hefti 2015