Dagblaðið Vísir - DV - 29.01.2010, Blaðsíða 6

SANDKORN
n Fólk hefur skiptar skoðanir á
ágæti þess að Ólafur Ragn-
ar Grímsson forseti ákvað að
þiggja boð
um að fara til
Davos á ráð-
stefnu World
Economic
Forum-sam-
takanna sem
hafa löngum
boðið fyrir-
mennum í
stjórnmálum og viðskiptum til
fundar. Ráðstefnurnar hafa í
seinni tíð verið harkalega gagn-
rýndar af andstæðingum hnatt-
væðingar og aukinna áhrifa
auðvalds á stefnumótun og
þróun samfélagsins. Hafa því
einhverjir á orði að hinn útrás-
arsinnaði forseti sé sjálfum sér
samkvæmur að þiggja boðið á
ráðstefnuna.
n Bjarni Karlsson prestur er
kominn í athyglisverða stöðu
eftir að ljóst varð að hann braut
reglur sem gilda um auglýsing-
ar í tengsl-
um við
prófkjör
Samfylk-
ingarinnar
í Reykjavík.
Eitt af því
sem prestar
hafa lagt
áherslu á í
gegnum tíðina er auðvitað að
fólk eigi að breyta rétt og víst
að sumir eru á því að það hafi
presturinn ekki gert í þetta
sinn. Hins vegar er spurning
hvort hann hafi brotið regl-
urnar viljandi eða einfaldlega
misskilið þær. Og spurning er
hvort ekki sé rétt að fyrirgefa
honum ef hann veit eigi hvað
hann gjörir.
n Það voru Páli Hreinssyni
hæstaréttardómara og for-
manni rannsóknarnefndar
Alþingis áreiðanlega nokk-
ur vonbrigði þegar spurðist
að Davíð Þór Björgvinsson
mundi áfram gegna embætti
dómara við Mannréttinda-
dómstól Evrópu til ársins 2013.
Páll og Hjördís Hákonardótt-
ir hæstaréttardómari höfðu
verið tilnefnd af hálfu Íslands,
ásamt Davíð Þór fyrir næsta
kjörtímabil sem efst í nóvem-
ber næstkomandi.
Kvisast hafði að
Davíð Þór kæmi
heim og Páll
biði í ofvæni
eftir að kom-
ast úr landi til
að sinna sínum
einkamálum
eftir erilsamt
starf í rann-
sóknar-
nefnd-
inni.
6 FÖSTUDAGUR 29. janúar 2010 FRÉTTIR
„Þetta mál er allt með miklum ólíkind-
um og mér er algjörlega haldið í gísl-
ingu,“ segir Einar Magnússon, tann-
læknir í Reykjanesbæ.
Lögreglan á Suðurnesjum hefur
nú í þrjú og hálft ár rannsakað kæru
Tryggingastofnunar á hendur Einari.
Honum er gefið að sök að hafa falsað
reikninga til Tryggingastofnunar gagn-
vart sautján viðskiptavinum og áður
hafa talsmenn stofnunarinnar lýst því
yfir að um stórfelld svik sé að ræða.
Einar hefur sjálfur í samtali við DV
vísað því á bug. „Ég get ekki sætt mig
endalaust við það að vera sakborning-
ur og þá iðulega undir grun. Ég vil bara
vera hreinsaður af málinu því þetta er
sannarlega hvorki skemmtilegt fyrir
mig né fjölskyldu mína,“ segir hann.
Á haustmánuðum taldi lögregl-
an sig hafa lokið rannsókn og sendi
málið til ríkissaksóknara. Þar á bæ var
ákveðið að senda málið aftur til baka
en hvorugt embættið gefur svör við því
hvers vegna það hafi verið gert.
Einar telur ljóst að lögreglu skorti
sannanir gegn sér og því sé hún í vand-
ræðum með rannsóknina. „Númer
eitt hjá mér er að fá málið út af borð-
inu. Rannsóknin hefur tekið ótrúlegan
tíma og ég hef lagt fram fullt af sönn-
unum þess efnis að kæran sé tómt bull
og vitleysa. Þeir hafa, að ég held, ekki
eina sönnun um að ég hafi gert eitt-
hvað rangt, þær sannanir hef ég alla
vega hvorki fengið að sjá né heyra um.
Ég get hins vegar sannað mál mitt og
hef fullt af sönnunum sem sýna að
þessar ásakanir eru algjört bull,“ seg-
ir Einar. „Af minni hálfu er þetta ólíð-
andi en ég á ekki von á öðru en því að
þetta verði á endanum fellt niður. Mál-
ið hefur skaðað mig verulega mikið
með ýmsum hætti, bæði í vinnunni
og í einkalífinu. Þú getur rétt ímynd-
að þér.“
Samkvæmt upplýsingum frá lög-
reglunni á Suðurnesjum er rannsókn
málsins á lokastigi og aðeins dagas-
pursmál hvenær rannsókninni lýkur
að fullu.
trausti@dv.is
Einar Magnússon tannlæknir hefur í tæp fjögur ár legið undir grun um fjársvik:
Tannlæknir í „gíslingu“
Mannréttindabrot Einar segir það ólíðandi hversu lengi hann hafi þurft að þola að
liggja undir grun og segist hafa lagt fram sannanir fyrir því að kæran sé ekki á rökum reist.
Jón Bjarnason sjávarútvegsráðherra
ætlar að úthluta 130 þúsund tonna
makrílkvóta um leið og settar verði
strangar reglur um veiðarnar. Ætl-
unin er að skipta kvóta á skip og leita
leiða til að auka fjölbreytni makríl-
veiða.
Bent er á að úthlutun makríl-
kvóta stríði gegn áformum stjórn-
valda um að leysa allan kvóta til
ríkisins samkvæmt svonefndri fyrn-
ingarleið.
Verði 130 þúsund tonn af makríl
veidd til manneldis má gera ráð fyr-
ir því að verðmæti aflans verði allt
að 30 milljarðar króna. Yrði kvótinn
varanlegur og framseljanlegur, gæti
hann í heildina numið 60 til 90 millj-
örðum króna.
Áhugamenn um sjávarútveg og
breytingar á kvótakerfinu benda á
að unnt sé að stjórna makrílveiðum
án þess að úthluta aflamarki. Banna
mætti veiðar með flotvörpu, banna
mætti veiðar á ákveðnu tímabili eða
á ákveðnum svæðum. Þetta megi
gera með því að beita reglugerð-
um sem hvíla á lögum um veiðar í
landhelgi Íslands. Með því að banna
veiðar á ákveðnum árstíma væri
til dæmis hægt að koma í veg fyrir
veiðar áður en makríllinn henti til
manneldis. Slík reglugerð yrði í eðli
sínu svipuð reglum um hrognkelsa-
veiðar.
Því ekki að bjóða makrílinn út?
Þá er á það bent að álitamál sé
hvort heimilt sé að takmarka veið-
ar á makríl yfirleitt. Tilraunir til að
kvótasetja makrílinn séu því gerðar
í pólitískum tilgangi og geti hæglega
strítt gegn hagsmunum um veiðar á
öðrum tegundum sem hafi einnig
fæðu sína úr lífríkinu á Íslandsmið-
um. Geta má þess að makrílveiðarn-
ar hefjast hugsanlega eftir um fjóra
mánuði.
Þá sé einnig hætta á að makríl-
kvótanum verði aðeins úthlutað til
örfárra útgerða, hugsanlega 10 en
ekki mikið fleiri. Heppilegt væri fyr-
ir ríkisstjórnina að taka fyrsta skref-
ið að veiðileyfagjaldi og bjóða upp
130 þúsund tonn af makríl. Þessar
fáu útgerðir gætu þá samið innbyrð-
is um skiptinguna og boðið í hvert
kíló.
Sem kunnugt er hefur Lands-
samband íslenskra útvegsmanna
tekið tillögum Jóns Bjarnasonar
um að leigja árlega út 2.000 tonn af
skötusel næstu tvö fiskveiðiár svo
fálega að jaðrar við stríðsástand.
Um makrílinn gilda aðrar reglur þar
sem um er að ræða flökkustofn sem
semja verður um við aðrar fiskveiði-
þjóðir.
Engar varanlegar heimildir,
segir ráðherra
Jón Bjarnason segir að með ein-
hverjum hætti verði að stýra makríl-
veiðunum. „Menn mega ekki fara
fram úr sér. Þetta mál er til vinnslu
í sjávarútvegsráðuneytinu. Það er
ósamið við nágrannaþjóðir um
skiptingu heildaraflans og nokkur
spenna milli Norðmanna, Íslend-
inga og Færeyinga varðandi þessar
veiðar. Það verður reynt að semja
um skiptinguna, líklega í mars næst-
komandi.“
Jón bætir við að sú túlkun eigi
ekki við rök að styðjast að ætlunin sé
að úthluta makrílkvótanum til var-
anlegrar eignar. „Það er ekkert slíkt
á döfinni. Tillögur um þetta og ráð-
stöfun aflans eru til vinnslu í ráðu-
neytinu. Það er yfir vafa hafið að út-
hlutun aflaheimilda í makríl skapar
engar varanlegar heimildir. Þetta
vita útgerðirnar einnig mæta vel.“
Flottrollsveiðar með kraftmikl-
um skipum hafa verið gagnrýnd-
ar enda miðast þær við að ná sem
mestum afla sem gjarnan hefur far-
ið til bræðslu en ekki verið verkaður
til manneldis. Jón leggur hins vegar
áherslu á að makríll verði fyrst og
fremst unninn til manneldis.
Jón Bjarnason (VG) var á sínum
tíma meðal flutningsmanna þings-
ályktunartillögu um breytta stjórn
fiskveiða í samræmi við úrskurð
mannréttindanefndar Sameinuðu
þjóðanna. Mannréttindanefndin
hafði komist að þeirri niðurstöðu
að fiskveiðistjórnunarkerfi Íslend-
inga bryti í bága við alþjóðasamn-
ing um borgaraleg og stjórnmálaleg
réttindi. Því yrði að breyta lögunum
um stjórn fiskveiða í samræmi við
úrskurð mannréttindanefndarinnar
til að tryggja jafnræði borgaranna,
sanngirni og mannréttindi.
Til stendur að stjórna makrílveiðum með úthlutun kvóta. Þetta þykir stríða gegn
áformum ríkisstjórnarinnar um innlausn fiskveiðikvóta á 20 árum. Makrílveiðar gætu
skilað þjóðarbúinu verulegum tekjum ef fiskurinn yrði allur unninn til manneldis.
MAKRÍLSTRÍÐ
FRAM UNDAN
JÓHANN HAUKSSON
blaðamaður skrifar: johannh@dv.is
Það er yfir vafa hafið að út-
hlutun aflaheimilda
í makríl skapar engar
varanlegar heimildir.
Engar varanlegar heimildir Jón
Bjarnason hefur slegist við LÍÚ að
undanförnu um skötuselskvóta og gæti
lent í útistöðum vegna makríls næst.
Stórútgerðir Stór
og kraftmikil skip
hafa verið notuð
til að veiða makríl í
miklu magni í troll.
Mikið af aflanum
hefur farið í bræðslu.