Dagblaðið Vísir - DV - 29.01.2010, Blaðsíða 15

FRÉTTIR 29. janúar 2010 FÖSTUDAGUR 15
Ásbjörn Óttarsson, þingmaður
Sjáflstæðisflokksins, og fjölskylda
hans, hefðu þurft að telja helming
65 milljóna króna arðgreiðslu árið
2008 sem laun miðað við skattaregl-
ur sem tóku gildi um nýliðin ára-
mót. Í stað 10 prósenta fjármagns-
tekjuskatts af milljónunum 65 hefði
Ásbjörn og fjölskylda orðið að telja
32,5 milljónir króna fram sem laun
og greiða af þeim tekjuskatt og út-
svar, sem Snæfellsbær varð af. Á
þeim tíma var Ásbjörn forseti bæj-
arstjórnar Snæfellsbæjar.
Þess má geta að Nesver ehf., fjöl-
skyldufyrirtæki Ásbjörns, skuld-
aði á annan milljarð króna og eig-
ið fé félagsins var neikvætt um 156
milljónir króna árið 2008. Á sama
tíma og fjölskyldan greiddi sér 65
milljóna króna arð og þær skatt-
lagðar sem 10 prósenta fjármagns-
tekjuskattur varð ríkið og Snæfells-
bær af tekjuskatti og útsvari vegna
neikvæðrar stöðu Nesvers.
DV hefur ekki heimildir um það
hversu háar tekjur Ásbjörn reikn-
aði sér í fyrirtækinu, en þær geta
ekki farið niður fyrir tiltekið lág-
mark samkvæmt lögum. Þannig
voru takmörk fyrir því hversu hátt
hlutfall tekna sinna Ásbjörn gat lát-
ið skattleggja sem fjármagnstekjur.
Ásbjörn sagði sig frá ábyrgðar-
stöðum í Nesveri ehf. þegar hann
var kjörinn á þing síðastliðið vor.
Brot gegn lögum um
einkahlutafélög
Endurskoðendur, sem DV hefur ráð-
fært sig við, segja ótvírætt að ólöglegt
hafi verið að taka arð úr Nesveri eins
og Ásbjörn gerði árið 2007 vegna
ársins á undan. Þá var eigið fé Nes-
vers ehf. neikvætt um 213 milljónir
króna. Ásbjörn hefur nú endurgreitt
þær 20 milljónir króna sem hann og
fjölskylda hans tóku sér árið 2007 úr
fyrirtækinu sem árið 2006 átti ekki
fyrir skuldum.
Eins og fram hefur komið við-
urkennir Ásbjörn að hafa með arð-
greiðslunni 2007 brotið lög en það
hafi hann ekki gert viljandi eða vís-
vitandi. Möguleg brot hans gegn
lögum um einkahlutafélög eru nú
til rannsóknar hjá efnahagsbrota-
deild ríkislögreglustjóra.
Við blasir, eftir að Ásbjörn skil-
aði 20 milljóna króna arðgreiðsl-
unni og viðurkenndi brot sitt, að
fjárhæðin verður skattlögð sem
tekjur samkvæmt lögum um tekju-
skatt.Í 11. grein laganna stendur
orðrétt: „Úthlutun verðmæta til
hluthafa eða hlutareiganda sem
jafnframt er starfsmaður félags,
eða tengds félags, telst vera laun
ef hún er óheimil samkvæmt lög-
um um hlutafélög eða lögum um
einkahlutafélög. Ef úthlutun til
annarra en starfsmanna er óheim-
il samkvæmt lögum um hlutafé-
lög eða lögum um einkahlutafélög
skal skattleggja úthlutunina sem
tekjur.“
Þannig verður upphæðin skatt-
lögð sem tekjur hvernig sem allt
veltur. Á umræddum tíma var
tekjuskattur og útsvar um 37 pró-
sent. Því má ætla að Ásbjörn og
fjölskylda hans verði nú að greiða
7,4 milljónir króna í tekjuskatt og
útsvar til Snæfellsbæjar. Þessi upp-
hæð getur orðið lægri, svo sem
vegna ýmissa frádráttarliða.
Endurskoðendur, sem DV hef-
ur ráðfært sig við, segja augljóst að
arður sem tekinn er með ólögmæt-
um hætti úr einkahlutafélagi geri
neikvæða eiginfjárstöðu enn nei-
kvæðari. Þegar skuldir eru orðnar
langt umfram eignir hljóti það að
snerta hagsmuni lánadrottna. Hafi
arður verið tekinn með ólögmæt-
um hætti og lagður á hann tekju-
skattur koma einnig til álita regl-
ur um staðgreiðslu tekjuskatts og
möguleg brot gegn slíkum reglum.
Óskýr kvótaeign
Í ársskýrslu Nesvers frá árinu 2008
eru óskýrðar svonefndar ósundur-
liðaðar aflaheimildir fyrir um 240
milljónir króna. Þetta er kvóti sem
ekki er tilgreindur í neinum fisk-
tegundum, svo sem ráð má gera
fyrir, og flokkast sem óefnisleg eign
félagsins.
Lausleg athugun á aflahlut-
deild Nesvers varpar engu ljósi á
það hvers vegna ósundurliðað-
ar aflaheimildir fyrir 240 milljónir
króna eru færðar sem eign félags-
ins enda aðeins heimilt að eign-
færa kvóta sem hefur verið keyptur.
Að meðtöldum 240 milljónunum
var kvótaeign Nesvers metin á um
940 milljónir króna árið 2008. Vert
er að taka fram að kvóti er færð-
ur sem óefnisleg eign rétt eins og
viðskiptavild. Kvóti, eða fiskveiði-
heimildir, eru hins vegar ófyrnan-
legar og ekki hægt að afskrifa.
Líklegt má telja að þetta skýrist
við frekari rannsókn þar sem rakin
yrði saga kaupa og sölu Nesvers á
kvóta frá öðrum útgerðarfélögum á
undanförnum árum sem og á milli
stóra og litla kvótakerfisins sem svo
eru nefnd.
Traust og trúverðugleiki
Þó svo að Ásbjörn Óttarsson hafi
nú viðurkennt óviljandi brot gegn
lögum um hlutafélög er óútkljáð
hvort hann og fjölskylda hans hafi
enn fremur brotið lög um tekju-
skatt. Slíkt verður rannsókn að
leiða í ljós.
Staða Ásbjörns á Alþingi hef-
ur veikst eins og sannaðist fyr-
ir helgi þegar hann sagði sig úr
níu manna þingmannanefnd sem
leggja á fram tillögur um hvað gert
skuli með niðurstöður rannsókn-
arnefndar Alþingis þegar þar að
kemur. Bjarni Benediktsson, for-
maður Sjálfstæðisflokksins, hafði
áður lýst fullum stuðningi við Ás-
björn og sagði meðal annars í Kast-
ljósþætti síðastliðinn miðvikudag,
að hann hefði gert mjög vel grein
fyrir málinu. „Hann hefur gert það
sem hann gat til þess að leiðrétta
þessi mistök ... Og meira finnst mér
í sjálfu sér ekki um málið að segja,
annað en að hann hafi mjög vel
gert hreint fyrir sínum dyrum.“
Bjarni var einnig spurður um
það hvort hann teldi eðlilegt að Ás-
björn héldi sæti sínu í áðurgreindri
þingmannanefnd. „Hann hefur
fullt traust frá mér til að sitja áfram
í þeirri nefnd, nefnd sem á að fjalla
um rannsóknarskýrsluna um að-
draganda hrunsins. Þetta mál er
svo afmarkað, tengist hans einka-
hlutafélagi: hann er búinn að gera
grein fyrir því hvernig í pottinn var
búið og ég sé enga ástæðu til þess
að vandtreysta Ásbirni til þess að
sitja í nefndinni,“ sagði formaður
Sjálfstæðisflokksins.
Sjálfstæðismaðurinn Albert
Guðmundsson var iðnaðarráð-
herra í ríkisstjórn Steingríms Her-
mannssonar snemmvetrar 1987
þegar upp komst að Albert hafði
ekki talið fram greiðslur til sín frá
Hafskipi hf. fram til skatts. Þor-
steinn Pálsson var þá fjármála-
ráðherra og formaður Sjálfstæðis-
flokksins.
Ólíkt Bjarna þá tók Þorsteinn
afstöðu gegn þingmanni sínum og
ráðherra, sem endaði með því að
Albert sagði af sér ráðherraemb-
ætti. Albert klauf sig síðan frá Sjálf-
stæðisflokknum, stofnaði Borg-
araflokkinn sama ár og kom sjö
mönnum á þing.
n „Mat mitt á því, að þetta er alvarlegt mál,
byggist að stærstum hluta á því, að Albert
var fjármálaráðherra á þeim tíma er hann tók
við greiðslunum,“ sagði Þorsteinn Pálsson,
fjármálaráðherra og formaður Sjálfstæðis-
flokksins, á blaðamannafundi síðdegis í gær.
Þar staðfesti hann blaðafréttir þess efnis, að
tvær greiðslur, sem Albert Guðmundsson,
iðnaðarráðherra, fékk frá Hafskip 1984 og
1985, að upphæð 117 þúsund krónur og 130
þúsund krónur, hefðu ekki verið taldar fram til
skatts. Albert Guðmundsson, sem í gær sat fund
iðnaðarráðherra Norðurlanda í Kaupmanna-
höfn, sagði í samtali við Morgunblaðlð, að hann
hefði ekki haft afskipti af rekstri Heildverzlunar
Alberts Guðmundssonar í 13-14 ár, en ástæðan
fyrir því, að þessar greiðslur hefðu ekki komið
fram í bókhaldi heildverzlunarinnar væri sú, að
ekki hefði tekizt að fá fylgiskjöl frá Hafskip með
þessum greiðslum, þrátt fyrir tilraunir til þess.“
(Morgunblaðið 20. mars árið 1987)
Morgunblaðið gerir málið síðan upp í löngu máli 5. apríl 1987 og hefur eftirfarandi
eftir frammámanni í Sjálfstæðisflokknum:
n „Mistök þau sem Albert verða þarna á, eru auðvitað ekki stórkostlega saknæm,
en þau eru alvarlega ámælisverð. Þessu gera forystumenn Sjálfstæðisflokksins sér
strax grein fyrir og telja að ekki verði komist hjá því að Albert víki úr ríkisstjórn,
þar sem hann hafi látið renna í eigin vasa afsláttargreiðslur, sem að líkindum hafi
átt að renna til annarra, auk þess sem þær voru ekki taldar fram til skatts.“
Þegar Albert sagði af sér
Fyrrverandi formaður
flokksins Þorsteinn Pálsson,
sem var formaður Sjálf-
stæðisflokksins 1987, studdi
ekki Albert Guðmundsson,
þingmann sinn og ráðherra,
þegar upp komst um
skattalagabrot hans.
Arðtaka Ásbjörns Óttarssonar, þingmanns Sjálfstæðisflokksins, úr fjölskyldufyrirtæki hans árið 2007
verður skattlögð sem tekjur. Verði hann sekur fundinn um ólöglega arðtöku úr Nesveri, fjölskyldufyr-
irtæki sínu, er líklegt að einnig sé um að ræða skattalagabrot. Formaður Sjálfstæðisflokksins lýsir
stuðningi við Ásbjörn sem sagði sig þó úr hrunnefnd Alþingis í gær.
ÁSBJÖRN STEYTIR Á SKERI
JÓHANN HAUKSSON
blaðamaður skrifar: johannh@dv.is
Því má ætla að Ásbjörn og fjöl-
skylda hans verði nú
að greiða 7,4 milljónir
króna í tekjuskatt og út-
svar til Snæfellsbæjar.
Formaðurinn Bjarni Benediktsson,
formaður Sjálfstæðisflokksins, lýsir yfir
fullum stuðningi við setu Ásbjörns í
þingmannanefnd um rannsóknarnið-
urstöður bankahrunsins.
Athafnamaðurinn Albert Guð-
mundsson varð að segja af sér vegna
skattalagabrota enda var það skoðun
formanns flokksins að hann ætti að
gera það.
Athafnamaðurinn Ásbjörn kann einnig að hafa
brotið skattalög verði hann sekur fundinn um
að hafa brotið gegn lögum um arðgreiðslu úr
einkahlutafélagi fjölskyldunnar.