Dagblaðið Vísir - DV - 29.01.2010, Blaðsíða 19

Hver er maðurinn?
„Bubbi Morthens.“
Hvað drífur þig áfram?
„Það er fólk og ást mín á lífinu.“
Hvar ólst þú upp?
„Í Reykjavík, nánar tiltekið í Vogunum.“
Hver er þinn uppáhaldsmatur?
„Það er indverskur, taílenskur og
gamaldags íslenskur matur.“
Hverju ertu stoltastur af?
„Að vera á lífi og faðir fimm barna.“
„Hvernig líður þér á 30 ára
útgáfuafmælinu þínu?
„Mér líður stórkostlega. Æðislegt að fá
að upplifa það.“
Af hverju að syngja í framhalds-
skólum frekar en annars staðar?
„Af því að þar er framtíðin. Þarna er
fólkið sem tekur við landinu. Núna eru
þau ekki endilega að pæla í kreppunni
eða öðru en þau vissulega taka við.
Það er magnað að fá tækifæri til að
hitta þau í skólanum, tala við þau,
segja þeim sögur og syngja.“
Eru þetta skemmtilegir áhorfend-
ur?
„Það eru allir áhorfendur skemmtilegir
en þau eru alveg æðisleg. Þau eru svo
hress og kát og ófeimin. Það sem ég
tek líka eftir í dag er hvað ungt fólk er
fallegt.“
Megum við eiga vona á nýrri
plötu frá þér í bráð?
„Já, ég er að fara að vinna í plötu sem
verður örugglega á þjóðlegu
nótunum.“
Hvað er fram undan?
„Nú er ég að spila á fullu og verð að
því fram í mars. Þá tekur við smá pása
áður en ég held í annað tónleikaferða-
lag. Svo er ég að koma á koppinn
sjónvarpsþáttaröð um veiði. Svo er ég
eiginlega að stefna að því að bæta
mig sem manneskju. Verða betri
eiginmaður og faðir.“
BORÐAR ÞÚ HRÚTSPUNGA?
„Nehei.“
SUNNEVA MIST BJÖRNSDÓTTIR
16 ÁRA, NEMI Í FJÖLBRAUT ÁRMÚLA
„Já, og mér finnst þeir góðir.“
ANTON ÖRN GUÐNASON
12 ÁRA
„Oj, nei.“
DÍANA LIND SIGURÐARDÓTTIR
14 ÁRA, NEMI Í ÖLDUSELSSKÓLA
„Nei, en ég hef smakkað þá.“
SÆMUNDUR BERGMANN JÓNSSON
16 ÁRA, VINNUR Í ÞINNI VERSLUN
DÓMSTÓLL GÖTUNNAR
BUBBI MORTHENS
á þrjátíu ára útgáfuafmæli um þessar
mundir og af því tilefni ætlar hann að
halda 24 tónleika í framhaldsskólum
landsins. Honum líður æðislega yfir
að hafa náð þessum áfanga og er
ekki hættur að gefa út plötur.
FRAMTÍÐIN Í FRAM-
HALDSSKÓLUNUM
„Já, en get ekki sagt að mér þyki þeir
góðir.“
ANNA ÓLAFSDÓTTIR
66 ÁRA, HEIMAVINNANDI
MAÐUR DAGSINS
Í dag er hlutfall kvenna í sveitar-
stjórnum á Íslandi um 36% og hefur
aukist hægt og bítandi síðastliðna
hálfa öld. Konur eru í meirihluta í
sveitarstjórnum í tíu sveitarfélög-
um á landinu en í fimm sveitarfé-
lögum er engin kona meðal sveit-
arstjórnarmanna. Þá má geta þess
að einungis fjórðungur oddvita
sveitarstjórna eru konur og karlar
voru 78% þeirra sem skipuðu efstu
sæti framboðslistanna fyrir sveit-
arstjórnarkosningarnar 2006. Ein
meginástæða þess að konum hef-
ur gengið hægt að rétta hlut sinn í
sveitarstjórnum er sú að þær skipa
almennt ekki fyrsta sæti á fram-
boðslistum.
Langt í land
Þrátt fyrir að hér á landi hafi lög um
jafna stöðu og jafnan rétt kvenna og
karla verið í gildi í rúm þrjátíu ár er
enn langt í land hvað raunverulegt
jafnrétti varðar. Jafnrétti kynjanna
þýðir nefnilega að kynin séu jafnsjá-
anleg í samfélaginu, jafnvaldamikil
og taki þátt í opinberu lífi og einka-
lífi í jöfnum hlutföllum. Konur eiga jú
að hafa sömu tækifæri og karlar til að
móta samfélagið sem þær búa í – ekki
satt?
Staðreyndirnar tala
Við vitum öll að veruleikinn er ekki
svona. Verulega hallar á konur þeg-
ar kemur að valda- og virðingar-
stöðum og þegar umönnunar- og
uppeldisstörf eru skoðuð hallar á
karla. Staðreyndirnar tala sínu máli.
Í greinargerð starfshóps um aðgerð-
ir til að auka hlut kvenna í sveitar-
stjórnum kemur fram að karlar eru
í meirihluta í sveitarstjórnum og því
minni sem sveitarfélögin eru því
erfiðara eiga konur uppdráttar. Víða
í dreifbýlinu eru það því karlarnir
sem taka ákvarðanir er snerta sveit-
arfélagið og þá um leið íbúa þess.
Konur leita annað
Smærri sveitarfélög byggja mörg
hver afkomu sína á hefðbundnum
frumvinnslugreinum eins og land-
búnaði og sjávarútvegi. Strákarnir
feta í fótspor feðra sinna, þeir taka
við búinu eða fara til sjós. Minna
er hins vegar um störf sem höfða
til stelpnanna og kynjasamþætt-
ingar er ekki gætt við stefnumótun
og ákvarðanatöku í sveitarfélaginu.
Í þessum karllægu samfélögum er
hættan sú að sjónarmið kvenna fái
minna vægi en sjónarmið karla.
Þetta getur valdið því að konurnar
finna sig ekki í samfélaginu og leita
annað.
Konur hafi sömu tækifæri
Núna er því tækifæri, þegar styttist
í sveitarstjórnarkosningar, að gera
bragarbót og vinna ötullega að því
að fjölga konum í sveitarstjórnum.
Kynin eiga að hafa sömu tækifæri
og vald til að móta samfélag sitt og
eigið líf.
Stjórnmálaflokkarnir og framboðin
bera ábyrgð á kynjahlutföllum á fram-
boðslistunum sem lagðir verða fram í
komandi sveitarstjórnarkosningum.
Það er á ábyrgð framboðanna og okkar
sem kjósum í prófkjörunum að jafna
hlut kynjanna í sveitarstjórnum.
Hvetjum og styðjum konur til þátt-
töku í sveitarstjórnum – setjum konur
í fyrsta sæti.
Setjum konur í fyrsta sæti
MYNDIN
Viðurkenning Nemendafélag Menntaskólans við Sund tók á móti viðurkenningu frá Íslandsdeild Amnesty International fyrir besta árangurinn í samkeppni framhaldsskól-
anna í bréfamaraþoni Amnesty. Alls voru send rúmlega 4.062 bréf til þolenda mannréttindabrota. MYND HEIÐA HELGADÓTTIR
KJALLARI
UMRÆÐA 29. janúar 2010 FÖSTUDAGUR 19
ARNFRÍÐUR
AÐALSTEINSDÓTTIR
verkefnisstjóri skrifar
„Hvetjum og styðjum
konur til þátttöku
í sveitarstjórnum –
setjum konur í fyrsta
sæti.”