Dagblaðið Vísir - DV - 04.06.2010, Blaðsíða 24

Meðan eldurinn logaði í skemmtistaðnum Prav-da, sem helst var þekktur fyrir blautbolskeppnir og
áfengiskynningar, stóð borgarstjór-
inn stoltur með hjálm slökkviliðs-
manns og sagði að húsið yrði endur-
byggt. Á kostnað skattgreiðenda.
Þegar borgarstjórinn frétti að selja ætti kaldan bjór í áfengisversluninni í mið-bænum skirrðist hann við
og stakk niður penna. Hann náði
með styrkri hönd sinni að beygja
verslunina undir vald sitt og koma í
veg fyrir að bjór yrði seldur kaldari
en við stofuhita. Tilgangurinn var
að hindra neyslu útigangsmanna á
bjór í miðbænum. Rónar eru, eins
og þekkt er, mjög kröfuharðir á bjór
og drekka hann ekki nema við rétt
hitastig og helst úr réttum glösum
sem hæfa hverri tegund fyrir sig.
Borgarstjórinn trúði því að með því
að stýra hitastigi bjórsins mætti um
leið stýra neyslu áfengissjúklinga og
þar af leiðandi minnka vímu þeirra
og bæta hegðun þeirra, sem hefði
jákvæð, fagurfræðileg áhrif á ásýnd
miðbæjarins. Þessi sami borgar-
stjóri hafði ákveðið að gera Ólaf F.
Magnússon að borgarstjóra.
Ólafur F. og hinn borgarstjór-inn ákváðu í sameiningu að eyða útsvari þúsund Reykvíkinga á einu ári í að
kaupa úr sér gengin kofaræksni við
Laugaveg til að koma í veg fyrir upp-
byggingu mannsæmandi byggingar
sem myndi skila samfélaginu meiri
arði en litla skóverslunin sem var
þar fyrir. Þeir keyptu sem sagt einn-
ar hæðar hús á besta stað í bænum
fyrir 580 milljónir króna af skattfé.
Skömmu síðar var tilkynnt að borgin
myndi leggja niður frístundastarf
sumarklúbbs fatlaðra barna, sem
kostaði einn þrítugasta af húsunum
ljótu við Laugaveg.
Það er því ólíklegt að Jón Gnarr verði brjálaðri borgarstjóri en Vilhjálmur Þ. Vilhjálms-son var.
BRJÁLÆÐI Í BORGINNI „Huddersfield
virkar sem
stærri klúbbur
en Barnsley þó að þeir séu
í deildinni fyrir neðan.“
n Knattspyrnumaðurinn frá Akranesi Jóhannes
Karl Guðjónsson samdi við lið í 2. deild frekar
en 1. deild á Englandi. - Fótbolti.net
„Það þarf pínu kjark í að
stökkva svona út og skilja
allt stuðningsnetið eftir.“
n Jógakennarinn Guðjón Bergmann flytur til
Austin í Texas 1. júlí ásamt fjölskyldu sinni til
frambúðar. - Fréttablaðið
„Það er ekki vaninn að
íbúar í Götu læsi húsun-
um sínum en ættingjar
Eivarar er nú byrjaðir að
gera það út af þessum
manni.“
n Jens Guðmundsson sem er að skrifa bók um
Eivöru Pálsdóttur lýsir stemningunni í Götu
vegna eltihrellisins sem skelfir söngkonuna. - DV
„Hann verður
hengdur eins og
heilög Jóhanna.“
n Jónas Kristjánsson ritstjóri
skrifar á bloggsíðu sína
að Jóni Gnarr verði
kennt um hækkunina á
heita vatninu.
- jonas.is
Jæja, Jón Gnarr
Brátt rennur upp stund sannleikans hvað Besta flokkinn varðar. Þegar nýr meirihluti verður að veruleika mun koma í ljós hvort hagsmun-
ir eða hugsjónir ráða för. Stóra spurningin
er sú hvort upp renni tími breytinga og sið-
væðingar. Ætla Jón Gnarr og félagar að hella
sér í ormagryfju spillingar og hagsmuna-
pots? Borgarfulltrúar undanfarinna áratuga
hafa smám saman sogað til sín sporslur og
bit linga með því að grafa sig eins og veggja-
títlur inn í fyrirtæki sem eru í eigu Reykvík-
inga. Með því hafa sumir þeirra náð að kom-
ast á ofurlaun. Borgarfulltrúi á með réttu að
vera eins og stjórnarmaður í fyrirtæki. Hann
á aðeins að þiggja laun fyrir stjórnarsetuna
en ekki að hafa aðra hagsmuni af daglegum
rekstri. Dæmi um slíka spillingu var að finna
innan ríkisfyrirtækisins Símans. Stjórnar-
formaðurinn Friðrik Pálsson tók milljón-
ir árlega frá fyrirtækinu umfram stjórnar-
laun í gegnum einkahlutafélag sitt, Góðráð.
Í Reykjavík hafa mál þróast þannig að ein-
stakir borgarfulltrúar hafa raðað sér á jötur
fyrirtækja á borð við Orkuveituna, Faxaflóa-
hafnir og jafnvel malbikunarstöð borgarinn-
ar. Þannig hafa sumir þeirra náð að tvöfalda
laun sín og jafnvel þrefalda þau. Þeir hags-
munaárekstrar sem verða vegna þessa koma
best fram í ruglinu með REI. Eiginhagsmun-
ir borgarfulltrúa hafa orðið almannahags-
munum ofar. Ekkert bólar á þeirri hugsun að
óeðlilegt sé að borgarfulltrúar sitji jafnframt
í stjórnum fyrirtækja. Augljóst er þó að slíkt
krossvald leiðir til hnignunar og spillingar.
Oflátungsháttur hefur einkennt alla starfs-
umgjörð þeirra sem sitja í borgarstjórn.
Borgarstjóri er með einkabílstjóra og sömu-
leiðis forseti borgarstjórnar. Og þetta lið
raðar í kringum sig aðstoðarmönnum sem
síðan er potað inn í fyrirtæki í eigu Reykvík-
inga. Orkuveitan hefur gjarnan verið rusla-
kista fyrir þess háttar fólk. Besti flokkur-
inn hefur nú einstakt tækifæri á að siðvæða
stjórnkerfi Reykjavíkurborgar og fyrirtækja
hennar. Ef þeir taka til hendinni er flokkur-
inn kominn til að vera. Geri þeir það ekki
bíður þeirra dauði sem tekur aðeins kjör-
tímabilið. Jæja, Jón Gnarr. Þú átt leik. Ísköld
alvaran hefur tekið við af gríninu.
REYNIR TRAUSTASON RITSTJÓRI SKRIFAR. Eiginhagsmunir borgarfulltrúa hafa orðið almannahugsmunum ofar.
24 FÖSTUDAGUR 4. júní 2010 UMRÆÐA
SANDKORN
LYNGHÁLS 5, 110 REYKJAVÍK
ÚTGÁFUFÉLAG: DV ehf.
STJÓRNARFORMAÐUR:
Lilja Skaftadóttir
FRAMKVÆMDASTJÓRI:
Bogi Örn Emilsson
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRI:
Ingi Freyr Vilhjálmsson, ingi@dv.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
VÆNDISKAUP
ÓSÖNNUÐ
n Helga Sigrún Harðardóttir, vara-
þingmaður Framsóknarflokksins,
gaf í skyn í vetur að hún þekkti til að
minnsta kosti eins
þeirra sem ákærð-
ir yrðu vegna við-
skipta við Cata-
linu Mikue Ncogo.
Helga Sigrún setti
á Facebook-síðu
sína ummæli sem
skóku stjórnmála-
heiminn. ,,Hvað
ef maður nú kannaðist við a.m.k. eitt
þeirra nafna sem nefnd hafa verið í
tengslum við væntanlegar ákærur... í
gegnum pólitík?“ spurði hún. Sá aðili
sem hún vísaði til var ekki ákærður
þrátt fyrir að hafa millifært fé af
einkareikningi sínum til Catalinu. Sá
grunaði, sem DV veit full deili á, neitar
staðfastlega að hafa greitt fyrir vændi.
Sannanir skortir og hann sleppur.
HRÖKKLAÐIST ÚR
FRAMSÓKN
n Um svipað leyti og Helga Sigrún
Harðardóttir, varaþingmaður Sivjar
Friðleifsdóttur, setti inn á Facebook
fræga uppljóstrun sína um meint
vændiskaup
hrökklaðist hún
úr Framsóknar-
flokknum. Sjálf
þvertekur hún
fyrir að það snúist
um þetta tiltekna
mál sem sneri inn
á við í flokknum.
Hún kveðst hafa
farið vegna þess að nýrri forystu hafi
ekki tekist að siðvæða flokkinn og
snúa af ógæfubrautinni. Eftir sem áður
er hún varaþingmaður og mun leysa
Siv af ef til kemur.
JÓN GNARR HENGDUR
n Þótt Jón Gnarr og félagar í Besta
flokknum hafi ekki ennþá stofnað
formlega til meirihlutasamstarfs með
Samfylkingu í Reykjavík eru óveðurs-
skýin þegar tekin að hrannast upp.
Við blasir risahækkun á heitu vatni hjá
Orkuveitu Reykjavíkur sem líklegt er
að sé vegna óráðsíu þar undanfarin ár.
Samfélagsrýnirinn Jónas Kristjánsson
er ekki í vafa um það hver örlög Jóns
Gnarrs verði í þessu máli. „Öllu rugli
Flokksins í Orkuveitunni verður dengt
á herðar Jóni Gnarr. Hann verður
hengdur …“
SEXTUG
BARNASTJARNA
n Útvarpsmaðurinn og barnastjarn-
an fyrrverandi, Þorgeir Ástvaldsson,
varð sextugur
á miðvikudag-
inn. Mikið var
um dýrðir í þætti
hans, Reykjavík
síðdegis, og gekk
þátturinn út á
afmæli kappans.
Spor Þorgeirs á
undanförnum
áratugum liggja víða. Hann skaust
fyrst fram á sjónarsviðið með ung-
lingahljómsveitinni Tempó en síðan
hefur hann verið áberandi víða. Meðal
þeirra sem ávörpuðu þennan ástmög
þjóðarinnar í þættinum var Ólafur
Ragnar Grímsson, forseti Íslands, sem
flutti honum lofgjörð. Reikna má með
að Þorgeir sé kandídat til fálkaorð-
unnar.
LEIÐARI
SVARTHÖFÐI
BÓKSTAFLEGA
Fyndna byltingin
Ágætu Íslendingar, við búum á
landi þar sem íhaldið hefur ítök
þrátt fyrir að þar í flokki megi finna
okkar flottustu krimma. Fólk virðist
ennþá dýrka gyltur á gullklósettum
og enn þykir víst sjálfsagt að litlir,
feitir grísir – stríðaldir af fjármagns-
eigendum – fari hér um og stjórni í
nafni þeirra sem trúa því virkilega
að peningar hafi einhvern æðri til-
gang en þann að hjálpa fólki við
að draga að sér nauðþurftir. Feitir
geltir og önnur hofmóðug spilling-
arsvínin fá uppreisn æru hjá flokki
sem neyðist til að leyna nafni sínu í
kosningabaráttu.
Á okkar ágæta landi hafa hnus-
andi tuddar og hrokabeljur Fram-
sóknar fengið að leika lausum hala.
Víst hafa þau kykvendi komið sér
svo haganlega fyrir á öllu sem lík-
ist ríkisspena að þau þurfa vart að
sækja mútur til kvótakónga einsog
íhaldið hefur haft fyrir sið (auðvitað
í skjóli nafnleyndar).
Nýafstaðnar kosningar sýna
okkur að enn eru til lélegir kjósend-
ur hér á landi – fólk sem veit að sjálf-
stæðismenn og framsóknarmenn,
sem fara í framboð, eru stjórnmála-
menn sem hugsa einungis um eig-
in hagsmuni jafnvel þótt þeir lofi
að hugsa um hagsmuni fjöldans.
Okkur er t.d. opinberuð sú stað-
reynd að í Reykjanesbæ vinna sjálf-
stæðismenn sigur. En við erum að
tala um þá sömu sjálfstæðismenn
og hafa lagt samfélag Reyknesinga
svo fullkomlega í rúst að búið er að
selja allt samfélagið. Það sem ekki
hefur verið selt úr landi eða farið í
hít einkavinavæðingarinnar hefur
verið selt í búntum til kvótakónga,
þ.e.a.s. sálir stjórnmálamanna.
Víða um land fá framsóknar-
menn að hrósa sigri, jafnvel þótt
sannast hafi að flokkurinn sá arna
hefur meira að gera með skipu-
lagða glæpastarfsemi en heiðarlegt
stjórnmálavafstur.
Ljósglæturnar í okkar samfé-
lagi eru hin óhefðbundnu framboð.
Sigurvegararnir eru þeir sem gefa
trúarhreyfingum og ættarveldum
Sjálfstæðisflokks og Framsóknar
langt nef. Fólkið sem trúir á réttlæti
og heiðarleika er í dag að virkja sína
krafta. Um ókomin ár munu full-
trúar fyndnu byltingarinnar ganga
brosandi um duftreit spillingarinn-
ar og fordæma þá einkavinavæð-
ingu sem stjórnmálamenn hafa
tekið þátt í með því að þiggja mút-
ur, sukk og svínarí.
Nú fær þjóðin nýja sýn
nú má engu skeika.
Meira fjör og meira grín
og meira af heiðarleika.
KRISTJÁN HREINSSON
skáld skrifar
„Fólkið sem trúir
á réttlæti og heið-
arleika er í dag að
virkja sína krafta.“
SKÁLDIÐ SKRIFAR