Dagblaðið Vísir - DV - 15.10.2010, Side 10

10 FRÉTTIR 15. október 2010 FÖSTUDAGUR
Í bréfi ríkislögreglustjóra til ríkissaksóknara vegna máls níumenninganna sem ákærðir eru fyrir árás
á Alþingi er sérstaklega fjallað um aðkomu ellefu þeirra þrjátíu sem fóru inn í þinghúsið. Ragnar Aðal-
steinsson verjandi nokkurra hinna ákærðu segist ekki vita hvers vegna og hvernig þau níu sem ákærð
séu, hafi verið valin úr 30 manna hópi.
„Áverkar brotaþola voru í flestum
tilfellum minniháttar tognanir eða
mar. Á nokkrum sást ekkert. Hef ekki
enn fengið áverkavottorð fyrir lög-
reglumennina sem voru bitnir,“ segir
í greinargerð ríkislögreglustjóra um
mál níumenninganna sem ákærð-
ir eru fyrir árás á Alþingi. Greinar-
gerðin sem er stíluð á ríkissaksókn-
ara er hvorki dagsett né undirrituð,
en í bréfi sem Lára V. Júlíusdóttir,
saksóknari í málinu, sendi til Hér-
aðsdóms Reykjavíkur þann 22. sept-
ember segir að skjalið hafi „að öllum
líkindum fylgt bréfi lögreglustjór-
ans til ríkissaksóknara frá 7. október
2009, en orðið viðskila við það bréf í
gögnum málsins.“
DV hefur greinargerðina und-
ir höndum en athygli vekur að ell-
efu einstaklingar eru teknir fyrir í
greinargerðinni, níu þeirra voru síð-
ar ákærðir. Þá kemur fram í grein-
argerðinni að fleiri hafi ekki verið
teknir fyrir vegna þessa máls. Tveir
þeirra ákærðu segja við skýrslutöku
lögreglu að miða hafi verið dreift á
mótmælum við Austurvöll þann 6.
september 2008 og að fólk hafi átt að
mæta við Iðnó klukkan 15.00 þann
8. desember.
Óskiljanlegt mál
„Í þessu máli réðist hópur fólks inn
á Alþingi og reyndi að komast upp
á þingpalla. Fólkið hafði ákveðið
að hittast við Iðnó og fara inn á Al-
þingi,“ segir meðal annars í grein-
argerðinni. Ragnari Aðalsteinssyni,
lögmanni nokkurra þeirra ákærðu,
var lengst af synjað um að fá grein-
argerðina í hendurnar en fékk hana
svo undir lok september. Hann seg-
ir að í kringum 30 einstaklingar hafi
verið í hópi þeirra sem fóru inn í
þinghúsið þennan dag.
Aðspurður um það hvort hann
viti hvers vegna tveir einstaklingar
sem fjallað er um í greinargerðinni
hafi ekki verið ákærðir segir Ragn-
ar: „Mér er þetta mál allt meira og
minna óskiljanlegt. Það hefur eng-
in skýring komið fram á því hvaða
aðferð var notuð til að velja út fólk.
Við vitum að þeir höfðu nöfn á
miklu fleira fólki og hefðu getað afl-
að þeirra upplýsinga ef þeim sýndist
svo.“
Hvernig á að verjast?
Ragnar fór í upphafi fram á að mál-
inu yrði vísað frá í heild sinni þar
sem ákæran væri svo óljós að hann
teldi erfitt að verjast henni. Hvorki
hann né skjólstæðingar hans vissu
um hvað málið snerist í raun. Var
níumenningunum gefið að sök að
hafa brotið gegn Alþingi, valdstjórn-
inni, almannafriði og allsherjarreglu
og framið húsbrot með því að hafa í
heimildarleysi ruðst inn í Alþingis-
húsið meðan á þingfundi stóð. Frá-
vísunarkröfu hans var hafnað.
Ragnar tekur dæmi af ákæru á
hendur skjólstæðingi sínum, Ragn-
heiði Briem, en í greinargerðinni
segir að hún hafi verið handtekin
í þinghúsinu en sleppt strax: „Það
stendur ekkert um hana í ákæru-
skjalinu, en samt er hún ákærð,
hvernig á ég að halda uppi vörnum
sem verjandi? Ég get að vísu haldið
uppi þeim vörnum að henni verði
ekki refsað fyrir að hafa verið stödd
þarna niðri í miðbæ.“
Jafn sekur og hin níu
Ragnar segir að vegna þessa verði
hann í raun að bíða eftir því að heyra
fyrstu ræðu ríkissaksóknara til að
geta svarað ákæruatriðunum. Ragn-
ar segir að í ákæruskjali eigi að koma
fram hvað hverjum sé gefið að sök
en svo sé ekki í þessu máli og því sé
erfitt að verjast. Þeir tveir einstakl-
ingar sem fjallað er um í greinar-
gerðinni og ekki eru ákærðir, virðast
samkvæmt lýsingum í skjalinu, hafa
gerst sekir um það sama og Ragn-
heiður – að fara inn í þinghúsið.
Í samtali við DV.is í sumar sagð-
ist Lárus Páll Birgisson sjúkra-
liði ekki skilja hvers vegna hann væri
ekki ákærður. Lárus er annar þeirra
tveggja sem fjallað er um í greinar-
gerðinni og ekki voru ákærðir. Hann
sagðist ekki hafa hegðað sér öðruvísi
en aðrir sem fóru inn í húsið þennan
dag og ætti samkvæmt því að vera á
lista yfir níumenningana.
„Virðist ekkert gera af sér.“
Í niðurstöðu greinargerðarinnar
kemur fram að það sem standi eft-
ir í málinu í kjölfar lögreglurann-
sóknar sé að einn ákærðu hafi bit-
ið lögreglumenn og átt í átökum
við þingverði. Í Kastljósi þann 20.
maí síðastliðinn var sýnd upptaka
af atvikinu þar sem þingvörður-
inn virðist reyna að koma mann-
inum, sem síðan fellur á þingvörð-
inn, út. Í niðurstöðunni kemur
einnig fram að annar ákærðu hafi
haldið hurðinni opinni og sá þriðji
hafi farið á pallana og truflað störf
þingsins og reynt að frelsa hand-
tekinn mann. Þá segir að það hafi
verið samantekin ráð hjá hópnum
að fara inn í þinghúsið og hittast
klukkan 15.00 við Iðnó „í þeim til-
gangi að fara öll saman á Alþingi
og trufla störf þingsins.“ Samkvæmt
niðurstöðu gagnanna gerðust sex
hinna ákærðu ekki sek um annað
en að hafa farið inn í þinghúsið, en
það gerðu eins og fyrr segir í kring-
um 30 manns þennan sama dag. Í
umfjöllun um Kolbein Aðalsteins-
son, einn hinna ákærðu segir með-
al annars orðrétt: „...virðist ekkert
gera af sér annað en að koma gang-
andi inn...“
Hluti hópsins ætlaði sér að lesa
upp yfirlýsingu og fara svo. Yfirlýs-
ingin var svohljóðandi: „Alþingi
á að vera vettvangur samráðs og
lýðræðis. Hlutverk Alþingis er að
setja lög, almenningi til vernd-
ar og heilla. Alþingi sem þjónar
hagsmunum auðvaldsins og bregst
skyldum sínum gagnvart almenn-
ingi er ekki Alþingi fólksins. Þetta
hús þjónar ekki lengur tilgangi sín-
um, þess vegna skorum við á ykkur
þingmenn að ganga héðan út.“
Í umfjöllun um Kolbein Aðal-
steinsson, einn hinna
ákærðu segir með-
al annars orðrétt: „...
virðist ekkert gera af
sér annað en að koma
gangandi inn...“
JÓN BJARKI MAGNÚSSON
blaðamaður skrifar: jonbjarki@dv.is
„VIRÐIST EKKERT
GERA AF SÉR“
Hin ákærðu Áttaþeirraníusem
ákærðerufyrirárásáAlþingi.
Óskiljanlegt mál RagnarAðalsteins-
sonsegirmáliðíraunóskiljanlegtog
aðhannvitiekkihvernighanneigiað
verjasumaskjólstæðingasína.
Starfsfólk Orkuveitunnar er uggandi og hrætt um stöðu sína:
UppnámíOrkuveitunni
„Andrúmsloftið er vægast sagt
hræðilegt. Það eru allir hrædd-
ir um sína stöðu og framtíð innan
fyrirtækisins,“ segir starfsmaður
Orkuveitu Reykjavíkur, sem ekki
vill láta nafn síns getið.
Eins og fram kom í kvöldfrétt-
um RÚV á miðvikudag þá áformar
Orkuveitan að segja upp allt að 80
manns á næstu dögum. Það mun
höggva stórt skarð í þann starfs-
mannafjölda sem fyrir er en núna
starfa á bilinu 580 til 600 manns
hjá fyrirtækinu. Nærri lætur að
sjötti hver starfsmaður fái upp-
sagnarbréf á næstu dögum. Starfs-
menn eru uggandi yfir ástandinu
og finnst erfitt að bíða á milli von-
ar og ótta.
„Auðvitað líður engum vel og
það er doði yfir mannskapnum en
lífið gengur sinn vanagang,“ segir
annar starfsmaður sem vildi ekki
koma fram undir nafni. Hann seg-
ir að þetta sé búið að vera lang-
dregið ferli og allir langeygir eftir
að því ljúki. Starfsmaðurinn bend-
ir á að fólk hafi vitað að uppsagn-
ir væru inni í myndinni en ekki
hversu margir yrðu látnir fara.
„Þetta er óþægilegt fyrir alla, hvort
sem maður heldur vinnu eða verð-
ur látinn fara þá er þetta sorglegt,“
bætir hann við.
Ekki liggur ljóst fyrir hvaða
starfsmenn missa vinnu sína né á
hvaða sviðum verður skorið nið-
ur. Eiríkur Hjálmarsson, upplýs-
ingafulltrúi Orkuveitunnar vildi í
samtali við DV ekki tjá sig um mál-
ið og sagði að ekki væri unnt að
ræða málið á meðan Orkuveitan
sé í samráðsferli við stéttarfélögin
og lögbundinn trúnaður ríki um
það ferli.
Heimildarmenn DV segja að
starfsfólk sé óánægt með að heyra
um yfirvofandi uppsagnir í fjöl-
miðlum og það hafi áhrif á fólk að
frétta af þessu utanfrá.
Frá því að nýr meirihluti tók við
í borgarstjórn Reykjavíkur hefur
legið fyrir að mikilla breytinga sé
að vænta í starfsemi Orkuveitunn-
ar, með það að markmiði að koma
fjármálum fyrirtækisins í betra
horf.
gunnhildur@dv.is
Orkuveitan Starfsmenneru
uggandivegnayfirvofandi
uppsagna.