Dagblaðið Vísir - DV - 15.10.2010, Síða 43

Föstudagur 15. október 2010 umsjón: helgi hrafn guðmundsson helgihrafn@dv.is skrýtið 43
Hollensk kona hefur skotið á skotskíf-
ur á útimörkuðum á hverju ári frá því
hún var 16 ára árið 1936. Í hvert skipti
sem hún hittir í mark tekur sjálfvirk
myndavél ljósmynd af henni. Því eru til
myndir af konunni á öllum æviskeiðum
hennar í sömu stellingum.
H ollendingurinn Ria van Dijk stendur grafkyrr og einbeitt. Hún tekur í gikkinn
og skýtur. Hún hittir þráðbeint í
miðju skotskífunnar. Um leið tek-
ur sjálfvirk myndavél ljósmynd af
henni. Myndina tekur hún heim
með sér, enda eru það verðlaunin
fyrir að hitta í mark.
Ria van Dijk elskar skotfimi og
fer að minnsta kosti einu sinni á
ári á útimarkaðinn til að skjóta.
Hún hitti fyrst í mark árið 1936,
þegar hún var 16 ára stúlka í Til-
burg, og eignaðist um leið fyrstu
myndina af sér á skotpallinum.
Hún er 90 ára í dag og fer enn að
skjóta. Vegna þessa áhugamáls
hennar hefur hún óafvitandi safn-
að myndum af sér frá öllum ævi-
skeiðum þar sem hún stendur í
sömu stellingunni, ár eftir ár og
miðar á skotmarkið. Eina undan-
tekning er að engar myndir eru
skiljanlega til frá heimsstyrjaldar-
árunum 1939 til 1945. En að þeim
árum frátöldum eru til myndir frá
hverju ári. Myndirnar voru ekki
bara teknar í heimabæ Riu, heldur
einnig í nærliggjandi bæjum. Ria
van Dijk er löngu orðin fræg í sínu
heimahéraði fyrir einstaka skot-
fimi sína.
Bók komin út
Nú hafa ljósmyndararnir Erik Kess-
els og Joep Eljkens safnað mynd-
unum saman með leyfi Riu van
Dijk og gefið út í glæsilegri bók.
Þeir segja að ljósmyndirnar segi á
óvæntan hátt ævisögu manneskju
frá óvenjulegu sjónarhorni. Þær
leyfi okkur að skyggnast inn í ólík
tímabil í lífi hennar í síbreytilegu
umhverfi. Um leið beri þær vitni
um þróun ljósmyndatækninnar.
helgihrafn@dv.is
Hún hefur óaf-vitandi safn-
að myndum af sér frá
öllum æviskeiðum þar
sem hún stendur í sömu
stellingunni, ár eftir ár
og miðar á skotmarkið.
ria van dijk Hollendingurinn Ria hefur hitt í
mark á hverju ári í 74 ár.
1936 Fyrsta myndin var tekin í
heimabænum Tilburg í Hollandi
þegar Ria var 16 ára.
1938 18 ára í
Tilburg.
1949 29 ára á
eftirstríðsárunum.
1958
38 ára.
1967
47 ára.
1987
67 ára.
1998
78 ára. 2006
86 ára.
1973
53 ára.
1978
53 ára.
Þrír aldarfjórðungar með
riu van Dijk