Dagblaðið Vísir - DV - 28.01.2011, Side 2

2 | Fréttir 28.–30. janúar 2011 Helgarblað
Sjóður Sonju
seldi myndir
Minningarsjóð-
ur Sonju Zorrilla
hefur á síðastliðn-
um árum selt í
kringum tuttugu
listaverk hjá upp-
boðshöldurunum
Christie‘s í New
York og Sotheby‘s
fyrir tugi milljóna.
Samkvæmt heimasíðu uppboðshald-
arans Christie‘s var síðasta salan á
verki eftir bandaríska listamanninn
Mark Tobey sem seldist á 47.500 doll-
ara, ríflega 6,5 milljónir króna, þann
13. nóvember 2008, rúmum mánuði
eftir bankahrunið á Íslandi. Son-
ja vildi að minningarsjóðurinn yrði
notaður til styrkveitinga í þágu mál-
efna tengdum börnum á Íslandi og í
Bandaríkjunum.
Rasistar háværir á
Íslandi
Sigríður Bryn dís
Baldvinsdótt-
ir vakti athygli á
dögunum þegar
hún birti mynd-
band á netinu
þar sem hún fór
með „möntru“
rasista og nýnasista. Hún er tveggja
barna móðir, býr í Hveragerði og er
meðlimur í alþjóðasamtökunum Blóð
og heiður og Combat18 og aðhyllist
öfgaþjóðernishyggju og kynþáttahat-
ur. Sigríður segir félagið hér á Íslandi
vera virkt og segir að þátttakendur í
því séu venjulegt fjölskyldufólk á öll-
um aldri. Hún segir félagið eiga stór-
an stuðningshóp hjá fólki sem hefur
búið erlendis og séð hvernig ástandið
er orðið í nágrannalöndunum. Sjálf
bjó hún í Danmörku í sjö ár og um
tíma í Svíþjóð og Hollandi.
Kosning til stjórn-
lagaþings ógild
Hæstiréttur Ís-
lands úrskurð-
aði á þriðjudag
að kosningin til
stjórnlagaþings
sem fram fór í
nóvember hafi
verið ógild. Þrjár
kærur bárust
Hæstarétti, sem
fann verulega annmarka að kosning-
unum. Meðal annars var fundið að
því að kjörseðlarnir hefðu verið núm-
eraðir, ekki verið verið hægt að læsa
kjörkössunum, talning atkvæða hefði
ekki farið fram fyrir opnum dyrum og
að pappírsskilrúm teldist ekki vera
kjörklefi í skilningi laganna. Þá fann
Hæstiréttur að því að ekki var hægt að
brjóta kjörseðlana saman. Sá mögu-
leiki er uppi að meirihluti Alþingis
skipi hreinlega þá sem kjörnir voru.
Fréttir vikunnar í DV
1 2 3
Viðurkenndar
stuðningshlífar
í úrvali
Opið virka daga kl. 9 -18
og á laugardögum kl. 11 - 16
Stórhöfða 25 • Sími 569 3100 • www.eirberg.is
n HS Orka og Norðurál kosta stöðu Runólfs Ágústsonar sem lobbíista
fyrir Samband sveitarfélaga á Suðurnesjum n Stjórnarformaðurinn
kannast ekki við það n Runólfur veit ekki hvaðan peningarnir koma
HS Orka og Norðurál taka þátt í að
kosta stöðu Runólfs Ágústssonar sem
verkefnisstjóra vegna undirbúnings
álvers í Helguvík á vegum Sambands
sveitarfélaga á Suðurnesjum (SSS).
Runólfur var ráðinn til þriggja mán-
aða þann 22. september og ráðning
hans var framlengd nú í vikunni. Í
fundargerð Atvinnuþróunarráðs SSS
kemur fram að ráðning Runólfs hjá
sambandinu sé með þeim formerkj-
um „að fjárhagslegir þættir vegna
verkefnisins séu tryggðir.“ Runólfur
er í raun lobbíisti fyrir sambandið til
þess að þrýsta á að álverið í Helguvík
rísi. Hann er verktaki fyrir samband-
ið og sendir reikninga fyrir vinnu
sína þangað. Fyrirtækin kosta stöðu
hans hins vegar óbeint.
Stjórnarformaður SSS vildi ekk-
ert kannast við að staða Runólfs væri
kostuð af þessum fyrritækjum þeg-
ar DV spurði hann út í málið. Sam-
kvæmt traustum heimildum DV hef-
ur þetta ekki verið gert opinbert til
þess að ljá stöðu Runólfs trúverðug-
leika.
Runólfur var skipaður um-
boðsmaður skuldara í haust en
hrökklaðist frá störfum í kjölfar um-
fjöllunar DV um kúlulán hans.
Að frumkvæði SSS
Ásgeir Margeirsson, forstjóri Mag-
ma á Íslandi og stjórnarformað-
ur HS Orku, gengst hins vegar við
því að fyrirtækið komi að því kosta
stöðu Runólfs. „Við höfum stutt að-
komu hans að verkefninu, sem þýð-
ir að við tökum þátt í kostnaðinum.
Við styrkjum sambandið til þessa
verks. Þau óskuðu eftir því að þetta
yrði unnið. Það yrði settur maður í
að ýta þessu áfram og við styrkjum
þau í því samhengi. En við erum alls
ekki að greiða honum laun. Þetta
dekkar ekki allan hans kostnað.
Hans kostnaður er miklu meiri en
við leggjum til,“ segir Ásgeir og er þá
spurður hvort þetta hafi verið gert í
samstarfi við stjórn SSS? „Þetta ger-
ist þannig að þeir höfðu áhuga á því
að maður yrði settur í þetta verkefni.
Okkur leist vel á það, því við höfum
mikinn áhuga á að af þessu geti orð-
ið. Við urðum við þeirri hugmynd
að leggja til eitthvað smáræði til að
hjálpa þeim við þetta,“ segir hann og
tekur fram að verkefnið snúist um
atvinnumál á Suðurnesjum. „Það
er okkar venja að styðja við þau og
þetta er eins og fjölmargur annar
stuðningur sem við höfum veitt í
gegnum tíðina.“
Stjórnarformaður kannast við
tómatarækt
Gunnar Þórarinsson, stjórnarfor-
maður SSS, vill hins vegar ekkert
kannast við að HS Orka kosti stöðu
Runólfs. Tekið skal fram að DV ræddi
við hann áður en Ásgeir staðfesti
samstarfið. „Nú bara get ég ekki sagt
til um það,“ segir Gunnar í samtali
við DV og er þá spurður hvort það
sé beinlínis rangt að staða Runólfs
sé kostuð með þessum hætti. „Við
borgum launin hans, það er alveg
pottþétt. Það er alveg á hreinu,“ seg-
ir hann.
Spurður hvort HS Orka og Norð-
urál komi að því að styrkja SSS, svar-
ar Gunnar: „Þeir hafa verið að styrkja
ýmis atvinnuverkefni hér. Þeir eru
meðal annars að vinna verkefni sem
við erum með sameiginlega, SSS, HS
Orka og fleiri í sambandi við tómata-
rækt.“ Hann nefnir hins vegar ekkert í
tengslum við álverið í Helguvík.
Aðspurður hvort hann sem
stjórnarformaður ætti ekki að vita af
samningi um styrk frá félögunum, ef
hann hefði á annað borð verið gerð-
ur, svarar hann: „Ég get því miður
ekki staðfest þetta eða véfengt. Við
greiðum honum laun. Meira getum
við ekki sagt. Ég hef ekki séð slíkan
samning.“
Orð Gunnars stangast algjör-
lega á við orð Ásgeirs sem segir
að frumkvæðið að því að HS Orka
styrkti stöðu Runólfs, hefði komið
frá SSS.
Runólfur veit ekki hvaðan
peningarnir koma
Runólfur sjálfur segist ekkert vita
hvaðan peningarnir koma. „Ég fæ
greidd laun frá Sambandi sveitarfé-
laga á Suðurnesjum. Þú verður að
spyrja þá um þau mál. Ég sendi minn
reikning þangað. Þeir greiða mér mín
laun og ég er í verktakasambandi við
samtökin. Hvernig þau fjármagna
þau mál hef ég ekki hugmynd um,“
segir hann við DV.
„Þau óskuðu eftir
því að þetta yrði
unnið. Það yrði settur
maður í að ýta þessu
áfram og við styrkjum
þau í því samhengi.
Valgeir Örn Ragnarsson
blaðamaður skrifar valgeir@dv.is
HS Orka kostar
stöðu Runólfs
Runólfur Ágústsson Starfar sem lobbíisti
fyrir Samband sveitarfélaga á Suðurnesjum.
HS Orka og Norðurál kosta stöðu hans.
Líkir framgöngu SA við ofbeldi:
Átök í vændum
á Grundartanga
„Eins og staðan er í dag eru umtals-
verðar líkur á því að til átaka komi
á þessu svæði,“ segir Vilhjálmur
Birgisson, formaður Verkalýðsfé-
lags Akraness. Á föstudag fundar
samninganefnd sem hann leið-
ir með Samtökum atvinnulífsins
(SA) hjá ríkissáttasemjara þar sem
í deiglunni verða kjarasamningar
starfsmanna Elkem Ísland og Klafa
á Grundartanga. Vilhjálmur segir
heildarkröfuna sem lögð hefur ver-
ið fram hljóða upp á 27,5 prósenta
launahækkun. Vilhjálmur er harður
á því að veita útflutningsfyrirtækjum
engan afslátt af launahækkunum
enda hafi þau meira bolmagn til að
bæta kjör starfsmanna en önnur á
grundvelli hruns íslensku krónunn-
ar. Vilhjálmur segir að ef SA ætli að
setja kjarasamningsbundinn rétt
launafólks í herkví vegna ágrein-
ings útvegsmanna við stjórnvöld og
halda til streitu galinni hugmynd um
samræmda launastefnu með hóf-
stilltum launahækkunum til þriggja
ára, óháð getu hverrar atvinnugrein-
ar fyrir sig, sé ljóst að til verkfalls
komi. Ábyrgðin verði öll á hönd-
um SA ef til þess kemur. Vilhjálmur
segir forsvarsmenn Elkem og Klafa
hafa tekið vel í tilboð hans um að
framlengja samninga til 1. maí gegn
eingreiðslu til að auðvelda samn-
inga. En SA, sem fer með samn-
ingsumboðið fyrir stóriðjuna, hafi
„lamið fast í lúkurnar
á þessum aðil-
um“ hvað það
varðar vegna
deilu sinnar
við stjórn-
völd. Vil-
hjálmur
líkir þessari
framgöngu
SA við of-
beldi.
mikael@dv.is
Vilhjálmur Egilsson
Er formaður Samtaka
atvinnulífsson.