Dagblaðið Vísir - DV - 11.02.2011, Blaðsíða 46
46 | Sport 11.–13. febrúar 2011 Helgarblað
Manchester United tekur á móti
nágrönnum sínum og erkifjendum
í Manchester City í ensku úrvals-
deildinni í hádeginu á laugardag-
inn. United gat með sigri á botnliði
Úlfanna komið sér í afar þægilega
stöðu á toppnum um síðustu helgi
og náð þar sjö stiga forskoti. Fyrsta
tap liðsins í úrvalsdeildinni gerði að
verkum að nú munar aðeins fjórum
stigum á United og Arsenal og einu
stigi aftar er Manchester City. Geta
þeir bláklæddu því minnkað mun-
inn í tvö stig með sigri á Old Traff-
ord en þar unnu þeir síðast árið
2008. Bilið er ekki bara að minnka
á töflunni heldur er City orðið ell-
efta ríkasta félag heims samkvæmt
nýjasta lista Deloitte. United er
sem fyrr þriðja ríkasta félagið á eft-
ir spænsku risunum Real Madrid og
Barcelona.
Munar um sjeikinn
Þrátt fyrir alla heimsins peninga var
Manchester City ekki spáð alvarlegri
toppbaráttu í ár. Töldu sérfræðingar
í Englandi að liðið ætti auðveldlega
að geta barist um Meistaradeildar-
sæti en að liðsheildina skorti til að
keppa við Chelsea og Manchester
United um Englandsmeistaratitil-
inn. „Það eru ljósár í að Manchest-
er City geti keppt um titillinn,“ sagði
spekingurinn Alan Hansen hjá BBC
í byrjun leiktíðar.
Þó þeir bláu hafi verið upp og
niður eru þeir ekki nema fimm stig-
um frá Manchester United sem á
leik til góða. Sigur á laugardaginn
myndi minnka muninn í tvö stig og
hann myndi einnig hjálpa Arsenal
mikið sem á leik gegn Úlfunum.
Ástæða uppgangs Manchest-
er City er auðvitað aukið fé. Þó lið-
ið kaupi ekki hamingjuna er ekk-
ert því til fyrirstöðu að hægt sé að
skapa gott knattspyrnulið sé rétt
haldið á spilunum. Manchester City
á líka nóg af peningum eins og allir
vita. Svo mikla að lið sem var aldrei
nálægt því að vera inni á neinum
peningalistum er nú allt í einu orðið
ellefta ríkasta félag heims.
Roberto Mancini, stjóri City, hef-
ur verið gagnrýndur fyrir of mikinn
varnarleik í stórleikjum og sagður
ekki vilja vinna þá. Ætli hann sér
virkilega í baráttu um titilinn verður
hann að sækja til sigurs á Old Traf-
ford, en þó skynsamlega.
Vidic hvíldur fyrir leikinn
Dimitar Berbatov, framherji
Manchester United, er sá sem hef-
ur staðið sig best í úrvalsdeildinni
samkvæmt allri tölfræði. Annar
leikmaður sem hefur þó átt stjörnu-
tímabil fyrir þá rauðklæddu er serb-
neski varnarmaðurinn Nemanja
Vidic sem er líklega eins og stað-
an er í dag besti miðvörður heims.
Vidic fékk frí í landsleik með Ser-
bíu í vikunni gagngert til að hafa
hann ferskan fyrir City-leikinn, seg-
ir í breska blaðinu Daily Mail. Gerði
United samning við serbneska
knattspyrnusambandið þess efnis.
Það má því fastlega reikna með
Vidic í miðri vörn United á laug-
ardaginn en hver mun standa við
hlið hans er annað mál. Samkvæmt
bresku pressunni er Rio Ferdinand
ekki klár í leikinn en hann meiddist
í upphitun gegn Úlfunum um síð-
ustu helgi.
Jonny Evans kom þá inn í liðið
og stóð sig hörmulega en pilturinn,
sem lofaði svo góðu á síðasta tíma-
bili, hefur verið skugginn af sjálfum
sér undanfarið. Var hann tekinn af
velli í seinni hálfleik fyrir U21 árs
landsliðsmanninn Chris Smalling
sem hefur komið nokkuð á óvart á
tímabilinu. Var leikurinn gegn Úlf-
unum að öllum líkindum sá síðasti
sem Evans fær í bili fyrir United en
hvort Smalling fær tækifærið eða Sir
Alex bryddar upp á gamalli klassík
og hendir John O‘Shea í miðvörð-
inn verður að koma í ljós.
Sama þó baulað sé
Carlos Tevez, framherja Manchest-
er City, var ekki ekki vel tekið síð-
ast þegar hann mætti á Old Traf-
ford, þá sem leikmaður Manchester
City. Það er auðvitað dauðadómur í
augum stuðningsmanna United að
skipta yfir til þeirra bláu. Bauluðu
þeir duglega á Tevez sem er alveg
sama um slæmar móttökur. „Mér
er alveg sama þó fólk bauli á mig.
Baul hefur engin áhrif á mig og því
hræðist ég ekki að fara aftur á Old
Trafford. Ég skil þetta samt alveg.
Stuðningsmennirnir vilja auðvitað
verja lið sitt út í það óendanlega,“
segir Tevez sem lék í tvö ár með
Manchester United, vann tvo Eng-
landsmeistaratitla, einn Meistara-
deildartitil og skoraði ógrynni mik-
ilvægra marka.
„Stuðningsmenn United geta
aldrei sagt að ég hafi ekki gefið allt
mitt. Kannski skilja þeir bara ekki
allir hvers vegna ég fór. En ég er at-
vinnufótboltamaður og stundum
verður baulað á mann. Það er bara
hluti af starfinu,“ segir hann.
Pablo Zabaleta, samlandi Tevez
og liðsfélagi hjá City, er handviss
um að þeir bláu geti sótt mikilvæg-
an sigur í leikhús draumanna. „Ég
er algjörlega hundrað prósent viss
um að við getum unnið leikinn. Allt-
af þegar við virkilega þurfum þess
sýnum við hversu góðir við erum.
Við vitum samt að þetta verður erf-
itt því United er með frábært lið og
taplaust á heimavelli. Það bíða allir
spenntir eftir þessum leik á laugar-
daginn því þetta eru einir skemmti-
legustu leikir úrvalsdeildarinnar á
hverju ári,“ segir Pablo Zabaleta.
n Manchester-slagurinn í hádeginu á laugardaginn n City getur minnkað muninn í tvö stig með sigri
n City klifrar upp peningalistann og er 11. ríkasta félag heims n Nemanja Vidic sparaður fyrir stórleikinn
Dregur saman með fjendum
Leikir helgarinnar
Laugardagur 12. feb
12.45 Man. United - Man. City
15.00 Arsenal - Úlfarnir
15.00 Birmingham - Stoke
15.00 Blackburn - Newcastle
15.00 Blackpool - Aston Villa
15.00 Liverpool - Wigan
15.00 WBA - West Ham
17.30 Sunderland - Tottenham
Sunnudagur 13. feb
16.00 Bolton - Everton
Staðan
Lið L U J T M St
1. Man. Utd 25 15 9 1 55:24 54
2. Arsenal 25 15 5 5 54:27 50
3. Man. City 26 14 7 5 42:22 49
4. Chelsea 25 13 5 7 46:22 44
5. Tottenham 25 12 8 5 35:27 44
6. Liverpool 26 11 5 10 34:31 38
7. Sunderland 26 9 10 7 32:31 37
8. Bolton 26 8 9 9 36:37 33
9. Stoke City 25 10 3 12 31:32 33
10. Newcastle 25 8 7 10 40:38 31
11. Blackburn 26 9 4 13 34:42 31
12. Fulham 26 6 12 8 28:28 30
13. Everton 25 6 12 7 33:34 30
14. Aston Villa 26 7 8 11 30:45 29
15. Blackpool 25 8 4 13 38:49 28
16. Birmingham 24 5 12 7 24:33 27
17. WBA 25 7 5 13 31:48 26
18. Wigan 26 5 11 10 26:44 26
19. Wolves 25 7 3 15 26:43 24
20. West Ham 26 5 9 12 27:45 24
Tómas Þór Þórðarson
blaðamaður skrifar tomas@dv.is
Enginn vinskapur
Bæði liðin ætla sér sigur á
laugardaginn. MyNd REUTERS
Líklega enginn Rio
Það munar um minna
fyrir United. MyNd REUTERS