Dagblaðið Vísir - DV - 20.04.2011, Blaðsíða 10

10 | Fréttir 20.–26. apríl 2011 Páskablað
Eiður Smári Guðjohnsen fótbolta-
maður og meðfjárfestar hans í Knatt-
spyrnuakademíunni í Kópavogi voru
í sjálfskuldarábyrgðum fyrir lánum
sem tekin voru í tengslum við fjár-
festingu þeirra í Knattspyrnuaka-
demíunni í Kópavogi árið 2005. Þetta
herma traustar heimildir DV. Ætlun
fjárfestanna var að byggja upp heil-
mikla íþróttaaðstöðu í Vallakór í
Kópavogi og fengu þeir til þess lán
frá Landsbankanum sem stóðu í um
1.700 milljónum í lok árs 2009.
Líkt og Viðskiptablaðið greindi frá
í apríl í fyrra þurfti Kópavogsbær að
kaupa íþróttaaðstöðuna aftur af fjár-
festunum fyrir 1.600 milljónir króna
þar sem kreppti að hjá fjárfestunum
eftir íslenska efnahagshrunið. Heild-
arskuldbindingar bæjarins vegna
íþróttamannvirkjanna fóru með
þessu frá því að vera á bilinu 700 til
800 milljónir króna upp í á þriðja
milljarð króna.
Eigendur Knattspyrnuakademí-
unnar voru Eiður Smári, faðir hans
Arnór Guðjohnsen, Guðni Bergs-
son, Ásgeir Sigurvinsson og Logi
Ólafsson, en allir eru þeir lands-
þekktir vegna aðkomu sinnar að
knattspyrnu íþróttinni.
Hagstæðara fyrir bæinn
Knattspyrnuakademía Íslands hafði
gert samstarfssamning við Kópa-
vogsbæ árið 2005 sem fólst í því að
akademían byggði íþróttaaðstöðu í
Vallakór í Kópavogi og leigði bænum
síðan afnot af henni. Meðal þess sem
gert var ráð fyrir að eigendur Knatt-
spyrnuakademíunnar myndu byggja
á svæðinu voru íþróttahús, sundlaug,
fjölnota knattspyrnu- og sýningar-
hús þar sem átti að vera keppnisað-
staða fyrir knattspyrnu auk þriggja
fótboltavalla utandyra. Bærinn ætl-
aði að leigja íþróttaaðstöðuna til 25
ára samkvæmt upprunalegu sam-
komulagi. Forsvarsmenn Kópavogs-
bæjar töldu að hagstæðara væri fyrir
bæinn að gera slíkan samning við
Knattspyrnuakademíuna frekar en
að byggja íþróttamannvirkin sjálfir
og eiga þau til framtíðar. Þetta gekk
hins vegar ekki eftir.
Rætt um yfirtöku á
sjálfskuldar ábyrgðum
Hrunið setti strik í reikninginnn
eins og áður segir og hófust viðræð-
ur um yfirtökuna á milli fjárfestanna
og Kópavogsbæjar um haustið 2009.
Meðal þess sem kom fram í ársreikn-
ingi eignarhaldsfélagsins sem stofn-
að var utan um fjárfestingu fimm-
menninganna var að félagið hefði
átt að greiða rúmlega 600 milljónir
af 1.700 milljóna skuldum sínum í
fyrra. Ætla má að þetta hafi verið fé-
laginu ofviða.
Ofan á þetta bættust áðurnefndar
sjálfskuldarábyrgðir fjárfestanna en
meðal þess sem mun hafa komið til
umræðu við sölu á íþróttamannvirkj-
unum til Kópavogsbæjar var hvort
Nýi Landsbankinn gæti tekið yfir
sjálfskuldarábyrgðir hluthafanna án
samþykkis þeirra, samkvæmt heim-
ildum DV.
Skeggrætt um kaupverð
Nýi Landsbankinn átti veð í hluta
íþróttaaðstöðunnar fyrir að minnsta
kosti 820 milljónir króna og hefði
því getað tekið hana yfir ef eignar-
haldsfélag fjárfestanna hefði ekki
getað staðið í skilum. Slíkt hefði hins
vegar ekki verið mjög hagstætt fyrir
bankann því þá hefði hann setið
uppi með íþróttaaðstöðu sem hann
hefði þurft að koma í verð. Óvíst er
að áhugasamir kaupendur hefðu
verið fyrir hendi.
Því var brugðið á það ráð að
Kópavogsbær keypti íþróttaaðstöð-
una af fimmmenningunum fyrir
um 1.600 milljónir króna. Heim-
ildir DV herma að eigendur Knatt-
spyrnuakademíunnar hafi skegg-
rætt verðið við bæinn en upphaflega
vildi bærinn greiða 1.500 milljónir
fyrir íþróttaaðstöðuna. Fjárfestarnir
töldu sig hins vegar geta fengið 1.650
milljónir króna. 1.600 milljónir var
svo endanlegt kaupverð. Fyrir vikið
gátu fjárfestarnir grynnkað á skuld-
um eignarhaldsfélags síns við bank-
ann og væntanlega losnað undan
sjálfskuldarábyrgðunum við Lands-
bankann.
„Fjárfestarnir töldu sig hins vegar geta fengið
1.650 milljónir króna.
Eiður var í sjálfs-
skuldarábyrgð
n Eigendur Knattspyrnuakademíunnar voru í sjálfskuldarábyrgðum
n Rætt var að Nýi Landsbankinn myndi losa þá undan ábyrgðunum án
þeirra samþykkis n Kópavogsbær keypti íþróttaaðstöðuna á endanum
Ingi Freyr Vilhjálmsson
fréttastjóri skrifar ingi@dv.is
Dýrkeypt fjárfesting
Fjárfesting Eiðs Smára
og viðskiptafélaga hans
hefur reynst dýrkeypt fyrir
Kópavogsbæ. Heildarskuld-
bindingar bæjarins vegna
íþróttamannvirkjanna
fór frá því að vera 700 til
800 milljónir upp í á þriðja
milljarð króna.
Eiríkur Bergmann með nýja skýrslu um Ísland og EES:
EES hefur virkað vel
Ný skýrsla um Evróputengsl Íslands
er komin út í Noregi. Höfundur henn-
ar er dr. Eiríkur Bergmann Einarsson,
forstöðumaður Evrópufræðaseturs
Háskólans á Bifröst . „EES-samning-
urinn er sem klæðskerasaumaður
utan um þá efnahagslegu þörf Ís-
lands að taka þátt í samstarfi Evr-
ópuríkja á sviði viðskipta en viðhalda
um leið formlegu fullveldi sem verið
hefur grundvallaráhersla í íslenskum
stjórnmálum,“ er ein af meginniður-
stöðum skýrslunnar.
Samningurinn um Evrópska
efnahagssvæðið (EES) tók gildi 1.
janúar 1994. Í skýrslunni kemur
fram að samningurinn hafi í meg-
inatriðum virkað vel á þeim sautján
árum sem hann hefur verið í gildi.
„Hefur íslenskt samfélag Evrópu-
væðst í efnahags- og lagalegu til-
liti, töluvert umfram það sem menn
sáu fyrir í upphafi.“ Það sé athyglis-
vert í ljósi yfirvofandi málshöfðunar
Eftirlitsstofnunar EFTA (ESA) fyrir
EFTA-dómstólnum vegna Icesave-
deilunnar að Ísland hafi getað stað-
ist langvarandi þrýsting Noregs og
Framkvæmdastjórnar ESB um að
veita EFTA-dómstólnum heimild til
að dæma brotleg ríki til fésekta með
álíka hætti og Framkvæmdastjórn
ESB hefur gert gagnvart ESB-ríkjum.
Skýrslan var unnin að beiðni
norskra sjórnvalda sem í upphafi árs
2010 létu setja saman rannsóknar-
hóp sem hafði að meginmarkmiði að
meta áhrif EES-samningsins á Noreg.
Var Eiríkur Bergmann fenginn til að
vinna skýrslu um áhrif EES-samn-
ingsins á Ísland frá árinu 1994 til 2011.
as@dv.is
Evrópuvætt
Ísland Eiríkur Berg-
mann segir að Ísland
hafi Evrópuvæðst í
lagalegu tilliti.
Reykjanesbær skilar góðri afkomu:
Hundraða
milljóna
rekstrar-
hagnaður
Bæjarsjóður Reykjanesbæjar skilaði
639,7 milljóna króna rekstrarhagn-
aði árið 2010 samkvæmt ársreikn-
ingum bæjarins
sem lagðir voru
fram á bæjar-
stjórnarfundi á
þriðjudaginn.
Reykjanesbær
hefur verið mikið
í deiglunni und-
anfarið vegna
skuldavanda sem
sveitarfélagið hefur átt við að etja.
Á vef bæjarfélagsins kemur fram að
næstu verkefni séu að styrkja lausa-
fjárstöðu og eigið fé sveitarfélagsins. 
Þar segir enn fremur: „Heildar-
eignir Reykjanesbæjar námu um
52,1 milljörðum króna í árslok 2010.
Heildarskuldir Reykjanesbæjar
námu um 43,4 milljörðum króna en
þar með eru taldar skuldir HS Veitna
og framreiknaður leigukostnaður til
næstu 25 ára, svo dæmi séu tekin.
Um 19 milljarða króna peningalegar
eignir bæjarins, utan lögbundinna
verkefna sveitarfélaga, geta styrkt
lausafjárstöðu og lækkað skuldir
verulega. Aðgerðir á þessu ári munu
styrkja eiginfjárstöðu Reykjanesbæj-
ar umtalsvert “. 
Dómsmál vegna fermingarveislu:
Þarf að borga
veisluna
Héraðsdómur Reykjaness dæmdi á
fimmtudag konu til að greiða Flug-
hótelinu í Keflavík rúmlega 340 þús-
und krónur vegna fermingarveislu
dóttur hennar sem haldin var í sal
hótelsins í fyrra.
Konan var ósátt við framkvæmd
veislunnar, sagði að matur hafi verið
framreiddur of seint og að ekki hafi
verið nóg af mat til að gestir gætu
fengið sér ábót. Þá hafi aðeins einn
starfsmaður sinnt því að bera fram
matinn og hafi framreiðslan því tek-
ið langan tíma. Konan efast einnig
um að jafnmargir gestir hafi mætt í
veisluna og hótelið taldi.
Upphaflegi reikningurinn fyrir
veisluna hljóðaði upp á tæpar 560
þúsund krónur en konan hafði
greitt 100 þúsund krónur inn á
reikninginn sem staðfestingargjald.
Hún neitaði að borga meira vegna
óánægjunnar, þrátt fyrir að forsvars-
menn hótelsins hefðu lækkað reikn-
inginn um 100 þúsund krónur.
Dómurinn taldi ekki sannað að
framkvæmd veislunnar hefði verið
með öðrum hætti en um var samið,
né heldur að gestirnir hefðu verið
færri en hótelið taldi. Konan var því
dæmd til að greiða hótelinu eftir-
stöðvar reikningsins, auk vaxta.