Dagblaðið Vísir - DV - 20.04.2011, Blaðsíða 74

74 | Lífsstíll 20.–26. apríl 2011 Páskablað
Kartöflusalat og egg með reyktum laxi hjá Hrefnu Sætran um páskana:
Lystaukandi morgunverður
„Páskarnir eru tíminn til þess að fara
svolítið snemma á fætur, sitja lengi
yfir morgunmatnum með góðum
vinum áður en farið er í súkkulaðið,“
segir matgæðingurinn Hrefna Sætr-
an, eigandi Fisk- og Grillmarkaðarins
sem gefur lesendum DV uppskriftir
að góðu kartöflusalati með döðlum
og lystaukandi eggjarétti.
Soðin egg fyllt með
reyktum laxi
n 4 stk. harðsoðin egg
n 100 gr reyktur lax
n 1 rif hvítlaukur
n 2 msk. bráðið smjör
n 1 stk. börkur af lime
n Salt og pipar
Aðferð: Skerið eggin í tvennt, sax-
ið laxinn, rífið hvítlaukinn og börk-
inn af lime-inu. Setjið laxinn, eggja-
rauðuna, hvítlaukinn, bráðið smjör,
lime-börk í skál og kryddið með salti
og pipar. Setjið fyllinguna í eggjahvít-
una og berið fram með majónesi og
lime.
Kartöflusalat með
beikonvöfðum döðlum
n 200 gr soðnar kartöflur
n 2 stk. vorlaukur
n 60 gr smjör
n 8 stk. beikonsneiðar
n 16 stk. döðlur
n Salt og pipar
n 2 stk. eggjarauður
n 1 msk. eplaedik
n 4 msk. brætt smjör
Aðferð: Saxið vorlaukinn og mauk-
ið kartöflurnar með smjörinu.
Vefjið beikoninu utan um döðl-
urnar og djúpsteikið. Kryddið með
salti og pipar. Pískið eggjarauð-
urnar með eplaedikinu yfir vatns-
baði þar til eggjarauðurnar verða
þykkar. Hellið brædda smjörinu
hægt og rólega saman við og písk-
ið.
kristjana@dv.is
Gámahúsin frá Stólpa Gámum ehf eru góður
kostur fyrir ferðaþjónustuaðila sem vilja
auka við gistirými á ódýran hátt.
Húsin eru 24m að stærð með snyrtingu.
Vantar gistirými, snyrtingu eða
bara meira pláss á vinnustaðnum?
Getum einnig útvegað allar gerðir vörugáma
Gistirými fyrir ferðaþjónustu
Björt og snyrtileg
Salernishús
K
ristján Jóhannsson tenór-
söngvari og eiginkona hans
Sigurjóna Sverrisdóttir ætla
að vera með lambahrygg í
matinn á páskadag, eða réttara sagt
lambahryggi þar sem gestir verða
margir.
Boðið verður upp á reyktan lax í
forrétt.
„Hráefnið er allt alíslenskt en
eldamennskan kannski blönduð.
Krydd og meðlæti verður tiltölulega
tengt Suður-Evrópu. Ég geri ráð fyr-
ir að lambahryggurinn verði kannski
meira „spæsí“ en Íslendingar borða
hann yfirleitt, þetta verður tiltölu-
lega bragðsterkt. Við kryddum kjötið
með rosmarino, eða rósmarín, hvít-
lauk eða ferskri salvíu sem á mjög vel
við með lambakjöti. Við verðum með
mikið af grænmeti sem við höldum
upp á sem fæst á þessum árstíma hér
á Íslandi.“
Kristján segir að sveppasósa sem
elduð verði „alla Jóna“ verði borin
fram með kjötinu.
Hvað drykk með matnum varðar
segir Kristján að boðið verði upp á
gott hvítvín með forréttinum og eðal-
rauðvín með lambinu. „Ég á nokkrar
flöskur af góðu Barolo frá Piemonte
frá árinu 2001.“
Í eftirrétt verður boðið upp á
Macedonia sem er ítalskt ávaxta-
salat.
„Þegar kemur að hátíðarmatn-
um er la democrazia, eða lýðræðið,
í hávegum haft,“ segir Kristján þeg-
ar hann er spurður hvort hann sé
liðtækur í eldamennskunni á heim-
ilinu. „Ég held að ég sé sæmilega lið-
tækur og við gerum þetta mikið sam-
eiginlega, ég og frúin.“
Kristján segist langa til að fara
í Kristskirkju á páskadagsmorg-
un. „Við eigum góða vini þar, bæði
kirkjunnar fólk og vini sem sækja þá
kirkju. Mér finnast kirkjunnar hátíð-
ir nauðsynlegar sálartetrinu og mér
finnst einnig yndislegt að fjölskyld-
an og vinir komi saman og þjappi sér
saman á þessum hátíðisdögum.“
Kristján Jóhannsson tenórsöngvari:
Páskar með
ítölsku ívafi
Forrétturinn
Húsbóndinn veiddi laxinn síðast-
liðið sumar og var laxinn auðvitað
reyktur fyrir norðan. Með laxinum
ætlum við að vera með ristað brauð
og tilbrigði við tarragon-sósu:
n 1 stór eggjarauða
n 1½ tsk. Dijon-sinnep (sterkt)
n 2 msk. pressaður sítrónusafi
n 1 fínt saxaður skalotlaukur
n ½ bolli ólífuolía
n 1 msk. steinselja ( það ætti að nota
fáfnisgras)
n Sjávarsalt og svartur pipar (best að vera
með nýmalað úr kvörn)
n 3 msk. heitt vatn
Hræra eggjarauðuna og sinn-
epið vel saman í skál og bæta síð-
an sítrónusafanum, lauknum og
steinseljunni saman við. Hræra síð-
an hratt saman við helminginn af
olíunni (hella henni hægt saman
við). Nú ætti sósan að vera farin að
þykkna og virka eins og majónes.
Hræra áfram smástund og bæta
síðan hægt við afganginum af olí-
unni. Bæta saman við salti og pip-
ar og síðan vatninu og hræra allan
tímann.
Aðalrétturinn
Marinering fyrir lambahryggina:
½ dl ólífuolía
2–4 hvítlauksrif
Rósmarín
1 pepperoncino (má nota chili-pipar)
skorinn í bita og fræhreinsaður
Salt og pipar (best að nota sjávarsalt og
mala hvort tveggja í kvörn)
Hita olíuna við vægan hita ásamt
pressuðum hvítlauknum og peppe-
roncino – alls ekki steikja hann.
Bæta salti, pipar, rósmarín og síðan
dass af hvítvíni (u.þ.b. hálfan desi-
lítra), það má nota tvær matskeið-
ar sítrónu í staðinn. Baða hrygg-
ina upp úr mareneringunni og láta
standa í sólarhring.
Í hvora steikarpönnuna ásamt
hryggnum fer hálf paprika, sellerís-
töngull og ein gulrót og einnig hálft
lárviðarlauf ásamt hálfu peppe-
roncino. Við setjum líka dass af
hvítvíni.
Leyfum hryggnum síðan að
malla í ofninum.
Meðlæti :
n Sykraðar eða brúnaðar kartöflur
n Polenta (sjá umbúðir)
Waldorf-salat
n 200 gr vínber skorin í bita
n 1 epli skorið í litla teninga
n Sellerístöngull brytjaður
n Valhnetukjarnar muldir
n Rjómi þeyttur
n Blanda öllu saman og helst að
láta salatið standa í ísskáp í nokkrar
klukkustundir til að taka sig
Spínatsalat
n 1–2 pokar baby-salat (gott að blanda
saman ruccola og spínati)
n ¼–½ bolli rúsínur
n ¼–½ bolli muldar valhnetur
n Parmesanostur skorinn í þunnar flögur
n Salt og pipar
n 6 msk. olífuolía
n 2 msk. balsamik-edik
Allt blandað saman í skál nema
balsamik-edikið og ólívuolían sem
er blandað saman sér ásamt saltinu
og piparnum og hellt yfir salatið rétt
áður en það er borið fram.
Súrsætir skalotlaukar:
n 24-28 skalotlaukar
n 1½ bolli kjötseyði (ég nota súpukraft
úr dós)
n 2 msk. ólífuolía
n 1½ tsk. sykur
n 6 msk. balsamik-edik
Afhýða laukana og sjóða þá í
seyðinu í u.þ.b. 25 mínútur en þá
á seyðið að vera meira eða minna
soðið í burtu. Setja ólífuolíuna í
pönnu ásamt sykrinum og hita og
hræra vel saman. Bæta skalotlauk-
num ásamt afganginum af soðinu
saman við og hræra varlega þar
til laukarnir eru gullnir og glans-
andi. Bæta balsamik-edikinu út í og
hræra þar til laukarnir eru baðaðir í
dökkri súrsætri þykkri sósu. Gott að
gera áður og hita upp.
Sveppasósa
n 250 g sveppir skornir smátt
n 1 skalotlaukur brytjaður mjög smátt
n Smjörklípa
n ½ lítri rjómi
n Salt og pipar
n Soð af hryggnum
n 1 msk. sítrónusafi, ég nota dass af hvít-
víni eða koníaki
Steikja sveppina við lágan hita
þar til þeir eru orðnir gullbrún-
ir, bæta skalotlauknum saman við
og hækka aðeins hitann og brúna
laukinn í augnablik, skvetta hvít-
víninu eða koníakinu yfir, salta og
pipra og skella rjómanum yfir. Bæta
soðinu af hryggnum út í og láta
suðuna koma upp. Ecco é pronta!
Kúrbítur:
n 3 msk. ólífuolía
n 1 saxaður laukur
n 2 hvítlauksrif
n 2 stórir kúrbítar (zucchini) skornir í litla
bita 1–2 cm
n Salt og pipar
n 1 msk. smjör
n 2–3 msk rifinn parmesanostur
Hita olíuna á pönnu og bæta
lauknum saman við. Steikja lauk-
inn við lágan hita í u.þ.b. tíu mín-
útur, þar til hann er gullinn. Þá er
hvítlauknum bætt saman við og
hrært í eina til tvær mínútur til við-
bótar og síðan er kúrbíturinn sett-
ur út í og steikt þar til hann er orðin
mjúkur, tekur fimm til tíu mínútur.
Salta og pipra eftir smekk, bæta
smjörinu saman við og setja í skál.
Strá parmesanostinum yfir og
beint á borðið.
Eftirréttur
n 1 epli
n 1 banani
n 1 pakki jarðaber, u.þ.b. 250 gr
n 1 pakki bláber, u.þ.b. 200–250 gr
Skorið smátt og sett í skál. Einni
matskeið af sykri stráð yfir ávext-
ina og safinn úr einni appelsínu
kreistur yfir, hrært vel og helst látið
standa í eina til tvær klukkustundir.
Gott að bera fram með ís eða þeytt-
um rjóma (setja þá tvær til þrjár
matskeiðar af súkkulaðispænum
saman við hann).
Reyktur lax með „tarragon-sósu“ og ristuðu brauði. Lambahryggur með kart-
öflum, polenta, waldorf-salati, spínatsalati og súrsætum skalotlaukum ásamt
kúrbít in umido. Macedonia Espresso
P áskamatseðill „alla famiglia Jóhannsson“
Kristján Jóhannsson
Tenórinn segir að lamba-
kjötið verði kannski meira
„spæsí“ en Íslendingar eigi
að venjast. „Þetta verður
tiltölulega bragðsterkt.“