Dagblaðið Vísir - DV - 29.04.2011, Blaðsíða 27

Erlent | 27Helgarblað 29. apríl–1. maí 2011
Lín Design Laugavegi 176, gamla sjónvarpshúsið Sími 533 2220 www.lindesign.is
Mjúka fermingargjöfin
Úrval fermingargjafa á tilboði
Sumir eiga erfitt með að vera án foreldra sinna:
Skipað að flytja að heiman
Allt frá því að Evrópusambandið var
stækkað til austurs árið 2004 hefur
fjöldi erlendra verkamanna streymt
til Hollands. Var þessi þróun í fyrstu
talin jákvæð en nú, með vaxandi
uppgangi öfga-hægriflokka eins og
Frelsisflokks Geerts Wilders, virðist
öldin önnur.
Talið er að fjöldi erlendra verka-
manna sem sest hafa að í Hollandi
frá 2004 sé í kringum 200 þúsund og
rekja flestir þeirra uppruna sinn til
Póllands. Nú er svo komið að fjöl-
miðlar, og jafnframt stjórnmála-
menn, ræða um „flóðbylgju Pól-
verja“, við litla hrifningu Pólverjanna
sjálfra. Telja þeir að um mismunun
sé að ræða, mismunun sem eigi ekki
að líðast innan aðildarríkja Evrópu-
sambandsins. Þar á að ríkja hið svo-
kallaða fjórfrelsi, sem kveður á um
frjálsa för fólks, fjármagns, varnings
og þjónustu á milli ríkja. Sé rýnt í nýj-
ar tillögur Henks Kamp, hollenska
félags- og atvinnumálaráðherrans,
er ekki annað að sjá en að hann hafi
í hyggju að mismuna verkafólki á
grundvelli þjóðernis.
Tillögur að ströngum reglum
Í byrjun apríl lagði Kamp fyrir hol-
lenska þingið drög að nýjum reglum
sem eiga að hafa þann tilgang að
ná tökum á vandamálum erlendra
verkamanna. Í stærri borgum Hol-
lands, svo sem í Amsterdam og Haag,
er nú þegar rætt um „bóta-ferða-
mennsku“, eða nánar tiltekið erlenda
verkamenn sem setjast að í Hollandi
til þess eins að hirða atvinnuleysis-
eða félagslegar bætur. Til að ná tök-
um á þessum vanda hefur Kamp lagt
til að þeir verkamenn sem rekja upp-
runa sinn til aðildarríkja Evrópusam-
bandsins verði sendir aftur heim til
föðurlandsins eftir þriggja mánaða
samfellt atvinnuleysi. Þá vill Kamp
einnig koma til leiða að settar verði
reglur sem útiloki alla þá sem hafa
ekki náð tökum á hollenskri tungu
frá félagslegri aðstoð.
Kamp vill þó einnig fylgjast með
vinnuveitendunum sjálfum. Hann
vill að allir erlendir verkamenn
skrái sig hjá yfirvöldum svo hægt sé
að fylgjast með högum þeirra. Þá er
hægt að ganga úr skugga um að gylli-
boð vinnuveitenda um húsnæði og
vinnu séu ekki byggð á sandi. Þar
ber helst að nefna fjölmörg dæmi
þess að það húsnæði sem vinnuveit-
endur hafa útvegað erlendu starfs-
liði sínu hefur verið langt frá því að
vera boðlegt. Eru til dæmi þess að 20
hafi þurft að hírast í einni íbúð. Ger-
ist vinnuveitendur sekir um slík brot
munu yfirvöld grípa til harðra refs-
inga samkvæmt tillögum Kamps.
Augljóslega beint að Pólverjum
Verði þessar reglur að veruleika er
þó ljóst að þær eiga að ná yfir ríkis-
borgara allra aðildarríkja, ekki að-
eins þeirra í austurhluta álfunnar.
Þannig mætti Þjóðverji til að mynda
ekki vera lengur en þrjá mánuði at-
vinnulaus, ekkert frekar en Búlgari.
En engum dylst að reglunum er sér-
staklega beint að Pólverjum, sem eru
langflestir erlendra verkamanna í
Hollandi.
Yfirvöld í Póllandi hafa lýst yfir
vonbrigðum sínum með tillögur
Henks Kamp. Segja þau að flestar til-
lögurnar séu á mörkum þess að hægt
sé að tala um mismunun á grundvelli
þjóðernis. „Við höfum orðið fyrir von-
brigðum,“ segir Marcin Bosacki, tals-
maður pólska utanríkisráðuneytisins.
„Við vonum að þessi lög sem byggja
á mismunun verði ekki að veruleika í
Hollandi. Við búumst einnig við því að
framkvæmdastjórn Evrópusambands-
ins líti málið alvarlegum augum.“
Búast við stuðningi frá Brussel
Pólska utanríkisráðuneytið hefur nú
þegar sent framkvæmdastjórn ESB
opinbera yfirlýsingu þar sem fram
kemur að Pólland líti á það sem
augljósa mismunun verði pólsk-
um verkamönnum vísað úr landi og
að Hollendingar verði að taka til-
lit til grundvallarreglu sambands-
ins sem kveður á um frjálsa för fólks
á milli ríkja. Ljóst er að stjórnvöld í
Póllandi reiða sig á stuðning emb-
ættismanna í Brussel. Miðað við yf-
irlýsingar Viviane Reding, varafor-
seta framkvæmdastjórnarinnar, um
dóms- og mannréttindamál njóta
Pólverjar stuðnings, en hún hefur
varað hollensk stjórnvöld við hvers
konar tilraunum til að brjóta í bága
við grundvallarreglur sambandsins.
Blóma- og grænmetisrækt í
hættu
Þrátt fyrir vaxandi andúð Hollend-
inga á erlendu verkafólki, á sú and-
úð vitanlega ekki við um alla. Þar ber
sérstaklega að nefna atvinnurekend-
ur í blóma- og grænmetisiðnaði, sem
er einn sá stærsti í Evrópu. Hafa þeir
notið góðs af starfskrafti frá Austur
-Evrópu, en áður en Evrópusam-
bandið var stækkað til austurs bar
verulega á starfsmannaskorti í grein-
inni. Samtök blóma- og grænmetis-
ræktenda hafa enda lýst yfir von-
brigðum sínum með tillögur Henks
Kamp. Segja þeir að ef Pólverjarnir
verða sendir á brott verði enginn eft-
ir til að tína blóm, jarðarber eða epli.
Nema þá Hollendingarnir sjálfir: „En
þeir eru ekki tilbúnir til að óhreinka
hendur sínar.“
Vilja Pólverjana burt
n Umdeildar tillögur um erlenda verkamenn í Hollandi n Atvinnulausir verkamenn sendir
aftur heim til föðurlandsins n Langflestir erlendir verkamenn í Hollandi eru frá Póllandi
„Við vonum að þessi
lög sem byggja á
mismunun verði ekki að
veruleika í Hollandi.
Björn Teitsson
blaðamaður skrifar bjorn@dv.is
Henk Kamp, félags- og atvinnu-
málaráðherra Hefur kynnt til sögunnar
umdeildar tillögur um erlenda verkamenn.
mynd reUTers
Þjóðartáknið, túlípani Béatrix
Hollandsdrottning heldur á túlípana.
Nú er spurning hvort einhver verði
eftir til að tína þessi vinsælu blóm.
mynd reUTers