Dagblaðið Vísir - DV - 29.06.2012, Blaðsíða 12
12 Fréttir 29. júní–1. júlí 2012 Helgarblað
Greiddi deutsche
35 milljarða í mars
Í eigu Bakkabræðra Lýsing var hluti af Exista-sam-
stæðu Bakkavararbræðra á árunum fyrir hrunið 2008.
Félagið greiddi niður 35 milljarða skuld í erlendum
myntum fyrr á þessu ári.
n Lýsing borgaði upp stóran hluta af skuldum sínum n Sala félagsins gekk ekki
K
aupleigufyrirtækið Lýsing
greiddi niður 35 milljarða
af skuld sinni við þýska
stórbankann Deutsche
Bank um miðjan mars
síðastliðinn. Um var að ræða 35
milljarða af rúmlega 91 milljarðs
heildarskuldum dótturfélags Lýs-
ingar, Peru. Þetta kemur fram í árs-
reikningi Lýsingar sem skilað var
til ríkisskattstjóra þann 25. júní
síðastliðinn.
DV fjallaði um þessa endur-
greiðslu Lýsingar til Deutsche
Bank í mars síðastliðinn, rétt eftir
að hún átti sér stað. Sú frétt byggði
á heimildum blaðsins. Endur-
greiðslan hefur nú verið staðfest í
ársreikningi Lýsingar og Peru ehf.
Orðrétt segir um endurgreiðsluna
í ársreikningi Peru: „Þann 16.
mars 2012 greiddi félagið 35 ma
af skuld sinni við Deutsche Bank.
Greiðslan dregur umtalsvert úr
gjaldeyrisáhættu félagsins auk
þess sem hún hefur jákvæð áhrif
á eiginfjárhlutfall í samstæður-
eikningi móðurfélagsins, þar sem
um var að ræða skuld í erlendum
gjaldmiðlum sem var greidd með
íslenskum krónum.“
Lýsing tapaði tæplega 4,3 millj-
örðum króna á síðasta ári og var
eiginfjárhlutfall félagsins 9,34 pró-
sent í lok ársins.
Salan gekk ekki eftir
DV greindi frá því í mars að unnið
væri sölu á Lýsingu. Deutsche
Bank er langstærsti kröfuhafi
Lýsingar og hugnast ekki að eiga
fyrirtækið til langframa. Lýsing er
hluti af eignarhaldsfélaginu Exista,
sem nú heitir Klakki, en það var
áður í eigu bræðranna Lýðs og
Ágústs Guðmundssona.
Í tengslum við söluna var opnað
sérstakt gagnaherbergi (e. data
room) í húsakynnum Lýsingar í
Ármúla þar sem áhugasamir kaup-
endur gátu kynnt sér gögn og upp-
lýsingar um starfsemi félagsins. Að
minnsta kosti tvö íslensk fjármála-
fyrirtæki kynntu sér starfsemi Lýs-
ingar samkvæmt heimildum DV
en ekkert varð úr kaupum þeirra á
félaginu á endanum. Salan á Lýs-
ingu gekk því ekki eftir.
Unnið að endurskipulagningu
Í skýrslu stjórnar Lýsingar í árs-
reikningnum kemur fram að starf-
semi félagsins á fyrri hluta árs
2011 hafi einkennst af „aðgerð-
um og viðbrögðum“ við dómum
Hæstaréttar frá 2010 um ólögmæti
gengis tryggingarákvæða bíla-
samninga. Dómarnir höfðu áhrif
á stóran hluta samninga Lýsingar.
Þá réðst Lýsing í endurskipulagn-
ingu um mitt ár 2011 sem miðaði
að því að undirbúa fyrirtækið fyrir
niðurstöður dómsmáls um lög-
mæti gengistryggingar fjármögn-
unarleigusamnings en fyrirtækið
tapaði málinu í lok árs í fyrra í hér-
aði og síðar í Hæstarétti Íslands.
Í skýrslunni segir að stjórn
félagsins geri ráð fyrir því að
dómarnir hafi neikvæð áhrif á
rekstrarhæfi Lýsingar en að endur-
skipulagningu félagsins sé ætlað
að tryggja að félagið geti staðið við
endurgreiðslur til viðskiptavina og
„staðist kröfur um fjárhagslegan
styrkleika sem ákvæði laga um
fjármálafyrirtæki leggja því á herð-
ar.“ Miðað við 35 milljarða endur-
greiðsluna til Deutsche Bank fyrir
nokkrum mánuðum þá er Lýsing
ekki á vonarvöl.
Ekki náðist í Lilju Dóru Hall-
dórsdóttur, forstjóra Lýsingar, til
að spyrja hana út í ársreikning fé-
lagsins en skilin voru eftir skilaboð
fyrir hana.
„Salan á
Lýsingu
gekk því
ekki eftir
Ingi Freyr Vilhjálmsson
fréttastjóri skrifar ingi@dv.is
Tillögur um ný heildstæð lög
Mannúð og
réttaröryggi
Starfshópur innanríkisráðherra
um málefni útlendinga utan
Evrópska efnahagssvæðisins hef-
ur skilað tillögum sínum. Meðal
tillagna starfshópsins er að ein
heildarlög taki til dvalar- og at-
vinnuleyfa útlendinga, réttindi
fylgi einstaklingi en ekki dvalar-
leyfi og að almennt gildi að rétti
til dvalar fylgi réttur til atvinnu. Þá
leggur hópurinn til að horfið verði
frá því að refsa hælisleitendum
fyrir að framvísa fölsuðum skilríkj-
um og að komið verði á laggirnar
sjálfstæðri úrskurðarnefnd í mál-
efnum hælisleitenda, sem hugs-
anlega nái til allra kærumála á
grundvelli útlendingalaga.
Í tillögunum um ein heildar-
lög um dvalar- og atvinnuleyfi
útlendinga er lagt til að það komi
skýrt fram að tilgangur þeirra
skuli vera mannúð og réttaröryggi
útlendinga á Íslandi. Lögin taki til
dvalar- og atvinnuleyfa og séu ein-
föld yfirlestrar og í uppsetningu
svo auðvelt sé að skilja skilyrði
leyfa og réttindi sem þeim fylgja.
Hópurinn leggur einnig til að
með nýrri löggjöf verði kveðið
á um skýra verkaskiptinu milli
ráðuneyta og undirstofnana um
framkvæmd laganna. Gert er ráð
fyrir að hætt verði að kalla eftir
sakavottorði vegna allra umsókna
um dvalarleyfi. Útlendingastofn-
un fái hins vegar svigrúm til þess
að meta hvenær skuli kalla eftir
sakavottorði og meginreglan verði
sú að litið verði til þess hvort um
sé að ræða skammtímadvalar-
leyfi eða leyfi sem þarf að afgreiða
með öðrum hætti. Inni í umsókn
um dvalarleyfi verður fræðsla um
réttindi og skyldur útlendinga.
Þá er gert ráð fyrir fjölskyldu-
sameiningu þannig að þeir sem
eru með dvalarleyfi til lang-
tímadvalar geti fengið fjölskyldu
sína til landsins. Í tillögunum
eru einnig ákvæði um að bæta
málsmeðferð hælismála og að
taka sérstakt tillit til hælisleitenda
á barnsaldri.