Dagblaðið Vísir - DV - 29.06.2012, Blaðsíða 21

H
azairan Iskandar var á mið-
vikudag sakfelldur fyrir að
hafa orðið ástamanni eig-
inkonu sinnar að bana árið
2010. Morðið hefur ver-
ið kallað heiðursmorð í áströlskum
fjölmiðlum og af dómstólum þar í
landi. Eiginkona hans, Nita Iskand-
ar, og sonur, Andrew Iskandar, hafa
einnig hlotið dóm fyrir þátt sinn í
því að verða Mohd Shah Saemin að
bana.
Allir vissu um framhjáhald
Árið 2010 barst Hazarian Iskandar til
eyrna hávær orðrómur þess efnis að
eiginkona hans Nita og Mohd Shah
Saemin ættu í ástarsambandi. Þótti
það mikil hneisa í samfélagi indó-
nesískra innflytjenda í Leichhardt í
Ástralíu. Mun ástarsambandið hafa
verið á allra vitorði en Hazarian var
sá síðasti til að heyra af því.
Hazarian var sakfelldur fyrir að
hafa orðið Saemin að bana, en hann
hefur ávallt neitað að um morð af
ásetningi væri að ræða. Hins vegar
segist hann hafa orðið Saemin að
bana fyrir tilviljun.
Eltu hann uppi
Feðgarnir voru báðir ákærðir fyr-
ir að hafa myrt Saemin. Hazari-
an fyrir að hafa stungið Saemin til
bana en Andrew, sonur hans, fyrir
að hafa barið Saemin ítrekað í höf-
uðið með hamri. Mun það hafa at-
vikast svo að feðgarnir óku bíl sín-
um inn í hlið bifreiðar Saemin fyrir
utan íbúð hans í Leichhardt. Eft-
ir ákeyrsluna, eltu feðgarnir Saem-
in um íbúðagötu og réðust á hann
með eggvopnum, auk þess sem þeir
börðu hann margsinnis í höfuðið
með hamri. Saemin lést af áverk-
um sínum áður en hann komst
undir læknishendur. Var hann með
margvíslega lífshættulega áverka
eftir árásina og var hún talin vera
hrottafengin og vel skipulögð, enda
voru feðgarnir bæði með hamar og
eggvopn sem þeir notuðu í árásinni.
Feðgarnir neita því hins vegar, eins
og áður sagði, að árásin hefði verið
skipulögð. Segir Hazarian að hon-
um hafi hitnað í hamsi þegar að
Saemin kallaði hann homma og því
hafi farið sem fór.
Hjálpaði syni sínum að flýja
Hazarian var handtekinn skömmu
eftir morðið árið 2010 og ákærður.
Sonur hans reyndi hins vegar að flýja
úr landi og með aðstoð móður sinnar
komst hann til Singapúr. Vildi móðir
hans aðstoða hann við að komast
undan ákæru. Hann var framseldur
aftur til Ástralíu og réttað yfir hon-
um árið 2011. Hlaut hann átján ára
fangelsisvist fyrir að hafa margsinnis
barið Saemin í höfuðið með hamr-
inum. Móðir hans hlaut einnig dóm,
en hún var sakfelld fyrir að hafa að-
stoðað son sinn við að flýja. Hún fékk
tæplega tveggja ára skilorðsbundinn
dóm. Hazarian hefur verið sakfelld-
ur, en ákvörðun um lengd refsingar
hans verður tekin í september. Allar
líkur eru á því að hann hljóti lífstíðar-
fangelsisvist fyrir morðið.
Erlent 21Helgarblað 29. júní–1. júlí 2012
Feðgar frömdu heiðursmorð
Undirbjó flótta Nita undirbjó flótta
sonar síns og sendi hann til Singapúr
Ásta Sigrún Magnúsdóttir
blaðamaður skrifar astasigrun@dv.is
n Réðst á ástmann eiginkonu sinnar n Eiginkonan reyndi að hjálpa syninum að flýja land
Myrtu ástmann móðurinnar Mohd Shah Saemin lést eftir hrottafengna árás feðga.