Dagblaðið Vísir - DV - 29.06.2012, Blaðsíða 38

É
g er fædd og uppalin
á Patreksfirði,“ segir
Gríma en nafnið Gríma
sem er mjög óalgengt
segir Gríma að hafi ver­
ið í höfuðið á ömmu sinni.
„Gríma þýðir nótt. Þetta var
mjög sjaldgæft þegar ég var
lítil og ekki skánaði það við að
pabbi minn heitir Ársæll Kóp­
ur en alltaf kallaður Kópur
svo að Gríma Kóps þótti ekk­
ert smá skrýtið, en svo virðist
þetta vera komið í tísku núna
því ég er að sjá litlar „Grímur“
úti um allt núna,“ segir Gríma
og hlær.
Æskan á Patró
Aðspurð um hvernig lífið var
á Patreksfirði segir Gríma að
það hafi verið þroskandi og
gott að búa í litlu sjávarplássi
og telur það hafa verið for­
réttindi að alast þar upp. „Allir
tóku þátt í því sem var að ger­
ast í bænum og við fengum frí
í skólanum til að taka þátt í
uppskipun og útskipun á fiski
því allir þurftu að hjálpast að.
Það var mjög öflugt unglinga­
starf í íþróttafélaginu Herði
og við áttum Íslandsmeistara­
titla í körfuknattleik. Einnig
var starfandi klúbbur sem hét
14–20 og þar mótuðust hljóm­
sveitir og krakkarnir hittust
og skemmtu sér. Svo spiluð­
um við plötur en við höfðum
einnig þær skyldur að þrífa
og taka til í húsnæði klúbbs­
ins sem var líka bíóhús staðar­
ins og það var nokkuð mikil
vinna að sjá um það. Ég æfði
körfuknattleik og svo vorum
við seinna mikið á mótorhjól­
um.“
Fann sig í snyrtifræðinni
Eftir grunnskólann fór ég svo
á íþróttabraut á Laugarvatni,
þaðan á heilsugæslubraut á
Akranesi. Svo kom ég aftur
heim á Patreksfjörð og fór svo
að þjálfa krakkana í plássinu í
körfuknattleik og sundi.“
Það var atvinnuleysi á Pat­
reksfirði og svo fór að Gríma
endaði í Reykjavík árið 1989.
„Ég fór að læra snyrtifræði
í Snyrtiskólanum um árið
2000 og var ein af þeim fyrstu
til að útskrifast þaðan. Árið
2005 byrjaði ég að læra SPA
Therapy og í dag er ég í fjar­
námi í SPA Management í
skóla í Canada og ætla að ljúka
því námi á þessu ári. Ég er að
vinna núna á Beauty Barnum
með Kalla Berndsen – er að
reka þar snyrtistofuna og er
starfsmannastjóri og hef starf­
að þar í á annað ár, stofan hans
Kalla er yndisleg og falleg og
við erum 15 manns að vinna
þar og oft mikið fjör hjá okkur.“
Ætla að halda upp á
afmælið sitt saman
„Ég ætla að vera eins mikið og
ég get í sumar í bústaðnum
okkar í Biskupstungum. Mað­
urinn minn spurði mig hvað
mig langaði að gera á afmælis­
daginn minn og ég sagði að
mig langaði til að eiga einn
dag á verkstæðinu hans þar
sem hann væri bara að smíða
allt sem mig langaði í og auð­
vitað samþykkti hann það.
Mig langar í fullt af hvít­
um fuglahúsum sem eiga að
hanga í trjánum í sumarbú­
staðnum okkar, svo eigum við
fullt af timbri af trjám sem við
höfum verið að saga niður og
úr því langar mig að smíða
bekki, stóla og fleira. Ég vona
bara að dagurinn verði langur
og hlakka mikið til. En veislan
verður að bíða – þar sem Óli
Sæm, maðurinn minn, verður
líka fimmtugur á þessu ári
höldum við upp á þessi 100 ár
saman,“ segir Gríma að lok­
um.
38 29. júní–1. júlí 2012 Helgarblað
Stórafmæli Gríma Elfa Kópsdóttir snyrtifræðingur 50 ára 30. júní
46 ára 30. júní
Boxarinn Mike Tyson sem beit eyrað
af Evander Holyfield.
45 ára 1. júlí
Fyrrverandi strandvörður og
eiginkona Tommy Lee, Pamela
Anderson.
34 ára 29. júní
Söngkonan kynþokkafulla úr Pussycat
Dolls, Nicole Scherzinger.
Merkis-
atburðir
29. júní
1613 – Leikhús Shakespeare, The
Globe í London, brann til kaldra
kola eftir að neisti barst úr fall-
byssu við sýningu á Hinriki VIII.
1632 – Gísli Oddsson var kjör-
inn Skálholtsbiskup á Alþingi.
1912 – Nýja bíó í Reykjavík hóf
kvikmyndasýningar á Hótel
Íslandi.
1952 – Ásgeir
Ásgeirsson var
kjörinn annar for-
seti Íslands.
1960 – Mann-
björg varð
er flutningaskipið Drangajök-
ull sökk í Pentlandsfirði norð-
an Skotlands.
1964 – Krabbameinsfélag
Íslands opnaði leitarstöð á Suður-
götu í Reykjavík. Hún var síðar
flutt í Skógarhlíð.
1974 – Isabel Perón varð forseti
Argentínu eftir lát eiginmanns
síns, forsetans Juan Perón.
1980 – Vigdís Finnbogadóttir var
kjörin forseti Íslands, fyrst allra
kvenna í heiminum til að verða
þjóðkjörinn þjóðhöfðingi.
1996 – Ólafur Ragnar Gríms-
son var kjörinn forseti Íslands.
30. júní
1742 – Sunnefumál: Hans
Wium sýslumaður dæmdi systk-
inin Sunnefu Jónsdóttur og Jón
Jónsson Sunnefubróður til dauða
fyrir sifjaspell.
1862 – Eldgos hófst vest-
an Vatnajökuls og stóð í tvö
ár. Eldstöðin heitir Toppgígar og
hraunið sem rann heit-
ir Tröllahraun.
1934 – Nótt hinna löngu hnífa í
Þýskalandi. Blóðugar hreinsanir
innan nasistaflokksins.
1968 – Kristján
Eldjárn var kjörinn
forseti Íslands.
1974 – Alþing-
iskosningar voru
haldnar. Þennan dag
hófu fyrstu kvenlögregluþjónar
á Íslandi störf í Reykjavík.
1990 – Efnahagskerfi Aust-
ur- og Vestur-Þýskalands voru
sameinuð.
1990 – Kvennahlaup ÍSÍ haldið
í fyrsta sinn og var hlaupið á sex
stöðum.
1997 – Bretar létu yfirráð
yfir Hong Kong í hendur Kínverja.
2005 – Spánn heimilaði hjóna-
bönd samkynhneigðra.
1. júlí
1928 – Líflátshegning var afn-
umin á Íslandi og hafði ekki verið
beitt í nær heila öld.
1941 – Bandaríkin tóku
upp stjórnmálasamband við Ís-
land fyrst allra ríkja. Með þessu
viðurkenndu þau í raun sjálf-
stæði landsins 3 árum fyrir lýð-
veldisstofnunina.
1957 – Vilhjálmur Einars-
son setti Íslandsmet í langstökki,
7,46 metra, og stóð það í 27 ár.
1965 – Landsvirkjun var stofnuð
af íslenska ríkinu og Reykjavíkur-
borg.
1979 – Tollur var felldur niður
af reiðhjólum og jókst þá inn-
flutningur þeirra til muna.
1986 – Guðrún
Erlendsdótt-
ir varð Hæsta-
réttardóm-
ari fyrst íslenskra
kvenna.
1991 – Einkaleyfastofan var sett
á laggirnar.
1992 – Aðskilnaður var gerður
á milli dómsvalds og umboðs-
valds sýslumanna á Íslandi.
Gríma Kópsdóttir Skírð í höfuðið á ömmu sinni.
Á smíðaverkstæði
á afmælisdaginn
Fjölskylda
Grímu
n Foreldrar: Kópur Svein-
björnsson f. 30.4. 1942
Rannveig Árnadóttir f. 11.1. 1942 –
d. 10.6. 2002
n Systkin: Árni Kópsson f. 12.9.
1963
Þóra Sif Kópsdóttir f. 27.4. 1971
n Maki: Ólafur Sæmundsson
f. 14.8. 1962
n Börn: Aðalheiður Ýr Ólafs-
dóttir f. 14.4. 1984
Víðir Hólm Ólafsson f. 29.11. 1993
Sumarkrukka fyrir börnin
n Gerum eitthvað skemmtilegt með börnunum okkar
Þ
að eru flestir við að fara í
sumarfrí eða eru komn­
ir í sumarfrí. Ef dagskrá
barnanna er ekki alveg
troðfull þá getur verið að for­
eldrar verði fljótir að heyra
„mér leiðist“. Það er margt
hægt að gera án þess að það
þurfi að kosta mikla peninga.
Eitt af því sem er alveg kjörið
að gera og barninu þínu gæti
þótt mjög spennandi er að
búa til Sumarkrukku. Þú skrif­
ar niður fullt af afþreyingu fyr­
ir þig og barnið og leyfir svo
barninu að draga einn eða
tvo miða á morgnana og þá
er komin afþreying fyrir þann
daginn. Svo er sniðugt að
skrifa eftir á, aftan á miðann
hvernig dagurinn var.
Hér eru uppástungur sem
kosta ekki mikið:
n Gefa öndunum brauð. Reykja-
víkurtjörn er ekki eini staðurinn
sem hægt er að fara til að gefa
öndunum því það er hægt að
gefa öndunum í nánast öllum
bæjarhlutum á höfuðborgar-
svæðinu.
n Takast á við stórt púsl.
Veldu eitthvað sem þið getið
gert saman og er ekki of erfitt.
Frábært á rigningardegi.
n Fara á bókasafn. Börn hafa
flest gaman af bókum þegar þeim
er ýtt að þeim. Það finna allir eitt-
hvað við sitt hæfi á bókasafninu,
bæði börnin og fullorðnir.
n Tombóla. Hjálpaðu barninu
þínu að skipuleggja og halda
tombólu.
n Nýir leikvellir. Farið í vett-
vangsferð á nýja leikvelli sem
barnið hefur ekki komið á áður.
Slær alltaf í gegn.
n Tjalddagur. Tjaldið á bak við
hús og látið eins og þið séuð í
útilegu, börnin elska það.
n Partíkvöld. Skipuleggið
partíkvöld með öllu tilheyrandi;
vídeói, niðurskornum ávöxtum,
heimatilbúnum klaka og poppi.
n Smábátahöfn. Kíkið í heim-
sókn niður að höfn og skoðið
bátana og skúturnar. Höfnin er
ævintýraheimur þegar maður
er barn.
n Bakið brauð eða köku saman.
Kennið barninu hvernig á að
ganga um eldhúsið, á skemmti-
legan hátt.
n Hjólreiðatúr. Farið í reiðhjóla-
túr með nesti og teppi. Stoppið
einhvers staðar og borðið nestið
og skoðið ykkur um.
Það er auðvitað hægt að gera
margt, margt fleira.
Sumarkrukkan Börnum
finnst spennandi að fá að
draga miða úr krukkunni.