Dagblaðið Vísir - DV - 15.07.2011, Qupperneq 8

8 | Fréttir 15.–17. júlí 2011 Helgarblað
Verkalýðsfélag Akraness ætlar að
styrkja Þórarin Björn Steinsson, sem
slasaðist við að hjálpa samstarfs-
konu sinni hjá Norðuráli, um 300
þúsund krónur. Með því vill félagið
auðvelda honum að áfrýja máli sínu
til Hæstaréttar.
Dýrt að áfrýja
Eins og DV hefur áður greint frá
meiddist Þórarinn í baki þegar hann
kom samstarfskonu sinni til hjálpar
eftir að 620 kílóa stálbiti féll yfir fæt-
ur hennar þegar þau voru við störf
í Norðuráli. Björn er í dag metinn
sem 75 prósent öryrki vegna þeirra
meiðsla sem hann hlaut við að
hjálpa konunni. Norðurál og Sjóvá
neituðu að vera skaðabótaskyld og
unnu málið í Héraðsdómi Reykja-
víkur í síðustu viku. Þórarinn sagði
í samtali við DV eftir að dómurinn
féll að hann væri mikið áfall og hef-
ur nú áfrýjað málinu til Hæstaréttar.
Þórarinn er fjögurra barna faðir og
framfleytir fjölskyldu sinni á endur-
hæfingarlífeyri, en kona hans er at-
vinnulaus. Þórarinn segist þurfa að
reiða fram um hálfa milljón króna
ofan á styrkinn frá Verkalýðsfélagi
Akraness til þess að ná upp í lögfæði-
kostnað og önnur gjöld.
„Ég er mjög þakklátur fyrir þenn-
an styrk og hann breytir miklu fyr-
ir mig og fjölskyldu mína. Kostn-
aður við að fara með svona mál
fyrir Hæstarétt er á bilinu átta til níu
hundruð þúsund. Það kostar 150
þúsund að áfrýja máli og svo bætist
lögfræðikostnaður ofan á það. Mað-
ur reddar þessu einhvern veginn, en
ég get ekki lýst því hversu þakklátur
ég er Vilhjálmi Birgissyni [formanni
félagsins, innskot blaðamanns] og
Verkalýðsfélagi Akraness fyrir að
gera þetta fyrir mig.“
Mjög ósáttur við héraðsdóm
Vilhjálmur Birgisson, formaður
Verkalýðsfélags Akraness, segir gríð-
arlega hagsmuni vera í húfi fyrir alla
íslenska launþega að leiða þetta mál
til lykta. Því hafi verið ákveðið að
styrkja Þórarin um þessa upphæð.
„Þetta er búið vera Þórarni gríðar-
lega erfitt mál og dýrt þar sem hann
tapaði í héraði og þar af leiðandi átti
hann fullt í fangi með að hafa fjár-
magn til að áfrýja málinu til Hæsta-
réttar. Við í stjórninni töldum að hér
væru svo gríðarlegir hagsmunir í húfi
fyrir alla íslenska launþega að við
tókum þá ákvörðun að styrkja hann
um 300.000 til þess að geta áfrýjað.
Þannig fáum við endanlegan úr-
skurð í málinu frá Hæstarétti.“
Vilhjálmur er mjög ósáttur við úr-
skurð héraðsdóms. „Það er vægt til
orða kveðið að ég sé ósáttur við dóm-
inn. Þetta eru ljót skilaboð sem ver-
ið er að senda út til allra launþega;
ef samstarfsmenn lenda í alvarlegu
slysi þurfa þeir að hugsa sig tvisvar
um áður en þeir koma náunganum
til hjálpar. Það er eitthvað sem við
þurfum að skoða vel og rækilega og
ég vonast til þess að Hæstiréttur snúi
þessum dómi við.“
Hann skorar á fleiri samtök og
einstaklinga til að styrkja Þórarin og
rétta honum hjálparhönd. „Það að
missa starfsgetu og og verða 75 pró-
sent öryrki eftir að hafa komið sam-
starfsmanni sínum til hjálpar hlýtur að
reyna mikið á viðkomandi fjölskyldu.
Þórarinn á fjögur börn svo þetta hlýtur
að vera mjög erfitt. Ég skora svo sann-
arlega á fólk að rétta honum hjálpar-
hönd þannig að hann komist klakk-
laust frá þessu öllu saman.“
Þeir sem hafa áhuga á að styrkja
Þórarin geta lagt inn á eftirfarandi
reikning: 1147-05-182, kt:120281-
3139.
Skorar á fólk að
aðstoða Þórarin
n Verkalýðsfélag Akraness styrkir Þórarin Björn um 300.000 þúsund
n Formaður segir dóminn senda ljót skilaboð til allra launþega„Það er vægt til
orða kveðið að ég
sé ósáttur við dóminn.
Þetta eru ljót skilaboð
sem verið er að senda út
til allra launþega.
Rétta hjálparhönd Vilhjálmur Birgis-
son, formaður Verkalýðsfélags Akraness,
segir mikla hagsmuni í húfi fyrir íslenska
launþega og hefur Verkalýðsfélagið ákveðið
að styrkja Þórarin um 300.000 krónur upp í
þann kostnað sem fylgir að áfrýja máli hans
til Hæstaréttar.
Hanna Ólafsdóttir
blaðamaður skrifar hanna@dv.is
Fer með málið fyrir Hæstarétt Þórarinn
Björn Steinsson segist ekki geta lýst hversu
þakklátur hann er Vilhjálmi Birgissyni og Verka-
lýðsfélagi Akraness fyrir styrkinn.
Ekkert misjafnt og/eða ólöglegt
fannst í rannsókn sem Íslandsbanki
lét framkvæma innan bankans á sölu
Glitnis, sem endurskírður var Ís-
landsbanki eftir hrun, á meirihluta
hlutabréfa í Skeljungi árið 2008. Sá
starfsmaður bankans sem sá um
söluna, Einar Örn Ólafsson, þáver-
andi framkvæmdastjóri fyrirtækja-
sviðs, hætti í bankanum í apríl 2009
og réð sig skömmu síðar til Skeljungs
þar sem hann gegnir starfi forstjóra
í dag.
Nokkur titringur var innan Ís-
landsbanka vegna starfsloka Einars
Arnar á vormánuðum 2009 og ráðn-
ingar hans til Skeljungs en bank-
inn hélt þá enn utan um 49 prósent
hlutafjár í Skeljungi. Annar af tveim-
ur fulltrúum Íslandsbanka í stjórn
greiddi til að mynda atkvæði gegn
því að Einar Örn yrði ráðinn sem
forstjóri. Af þessum sökum, sem og
þeim að núverandi eigendur Skelj-
ungs greiddu að hluta til fyrir hluta-
bréfin í Skeljungi með verðlitlum
fasteignum í Danmörku og voru við-
skiptin því ekki mjög hagstæð fyrir
bankann, taldi Íslandsbanki þörf á
að rannsaka söluna á Skeljungi. Þá
voru starfslok Einars Arnar útskýrð
með þeim hætti að „trúnaðarbrest-
ur“ hefði komið upp milli hans og
bankans.
Líkt og DV greindi frá í júní 2009
lét Íslandsbanki óháðan aðila rann-
saka þessa sölu bankans á hlutabréf-
unum í Skeljungi. Þessari rannsókn
lauk með þeirri niðurstöðu að ekk-
ert fannst sem benti til þess að Einar
Örn hefði gerst brotlegur í starfi, með
einum eða öðrum hætti, þegar hann
seldi Skeljung til núverandi eigenda
olíufélagsins. Orðrétt segir í svarinu
frá Íslandsbanka: „Á árinu 2009 fór
fram ítarleg skoðun innri endur-
skoðunar og regluvörslu bankans á
viðskiptum með hluti í Skeljungi á
árinu 2008. Við þá skoðun kom ekk-
ert í ljós sem gefur tilefni til að ætla
að Einar Örn hafi ekki haft hagsmuni
bankans að leiðarljósi í vinnu sinni
fyrir bankann.“
ingi@dv.is
Rannsókn Íslandsbanka á Skeljungsviðskiptunum:
Einar Örn braut ekki af sér
Ekki brotlegur Rannsókn Íslands-
banka á sölu Einars Arnar Ólafssonar,
núverandi forstjóra Skeljungs, á hluta-
bréfum í Skeljungi til núverandi eigenda
olíufélagsins lauk með þeirri niðurstöðu
að Einar Örn hefði ekki gerst brotlegur í
starfi sínu fyrir bankann.
Hraðamynda-
vélar í Bolungar-
víkurgöngum
Þann 15. júlí verða hraðamyndavél-
ar teknar í notkun í Bolungarvíkur-
og Héðinsfjarðargöngum.
Uppsetning vélanna er liður í
umferðaröryggisáætlun stjórnvalda
og er tilgangurinn sá að draga úr
ökuhraða á þjóðvegum og fækka
umferðarslysum. Umferðarörygg-
isáætlun er hluti samgönguáætl-
unar.
Vegagerðin, innanríkisráðuneyt-
ið, ríkislögreglustjóri og Umferðar-
stofa vinna að uppsetningu hraða-
myndavélanna.
Um er að ræða stafræna mynda-
töku þar sem upplýsingar um hraða-
brot eru sendar samstundis til lög-
reglunnar. Ekki er tekin mynd nema
um brot sé að ræða.
Fá óhöpp
hjá Strætó
Fyrri helmingur þessa árs hef-
ur gengið vel í akstri strætisvagna
Strætós bs. Óhöppum í umferðinni
hefur fækkað um nærri helming
samanborið við sama tímabil í fyrra,
sem þó var metár hvað öryggi í aksti
Strætós varðar. Þetta kemur fram í
tilkynningu frá Strætó bs.
Met maímánaðar á þessu ári
var jafnað í júní, en í hvorum mán-
uðinum fyrir sig lentu strætisvagnar
Strætós einungis í þremur óhöpp-
um. Áður hafa ekki verið skráð svo fá
óhöpp hjá Strætó í einum mánuði.
Í voru óhöpp samtals sautján.
Óhöppin voru ellefu í febrúar, níu í
mars, sex í apríl og sex samtals í maí
og júní.
Vilt þú sjá
úrbætur?
Rannsóknarnefnd kirkjuþings und-
irbýr nú tillögur til úrbóta á starfs-
háttum Þjóðkirkjunnar. Tillögurnar
eiga að taka mið af skýrslu rann-
sóknarnefndar kirkjuþings sem var
gefin út nýverið.
Tillögur og/eða erindi um efnið
sem menn vilja koma á framfæri
má senda á netfangið kirkjuthings-
nefnd@kirkjan.is.