Dagblaðið Vísir - DV - 15.07.2011, Qupperneq 25

Fréttir | 25Helgarblað 15.–17. júlí 2011
Þjóðvegur í Kanada gengur und-
ir viðurnefninu „þjóðvegur táranna“.
Ástæðan er sú að þar hafa fjölmarg-
ar konur horfið eða verið myrtar. Um
er að ræða þjóðveg 16 í norðurhluta
Bresku Kólumbíu, en á því svæði búa
margir frumbyggjar. Yfirvöld á svæð-
inu segja að átján konur hafi horfið
eða verið drepnar nálægt þjóðveg-
inum síðustu þrjá áratugi. Leiðtog-
ar frumbyggjanna segja hins vegar
konurnar vera 43 að tölu.
Nú síðast hvarf ung stúlka í
grennd við þjóðveginn í maí síðast-
liðnum, Madison Scott, en síðast sást
til hennar við Hogsback-vatn sem er
vinsæll útilegustaður.
Lögreglan fann tjald hennar og
pallbíl en engin merki fundust um
afdrif hennar sjálfrar. Leit að henni
hefur engan árangur borið.
Varnarlausir puttaferðalangar
Lögregla hefur fáar vísbend-
ingar um hver beri ábyrgð á hvarfi
stúlknanna. Hvort um einn rað-
morðingja sé að ræða eða fleiri ein-
staklinga er ómögulegt að segja til
um. Íbúar telja að einstaklingar með
annarlegar hvatir hafi getað sigtað út
„auðveld fórnarlömb“ – ungar konur
sem ferðast á puttanum. Algengt er á
meðal frumbyggjakvenna að ferðast
á puttanum til að komast á milli af-
skekktra byggðalaga. Af þeim átján
konum sem horfið hafa sporlaust
eru tíu þeirra frumbyggjakonur.
Þegar konurnar setjast upp í bíla
ofbeldismanna eru þær varnarlaus-
ar gagnvart ofbeldi af þeirra hálfu.
Þá mun vera tiltölulega auðvelt
að komast upp með morð á þess-
um slóðum, enda um afar strjálbýlt
svæði að ræða. Vegurinn er mjög af-
skekktur og liggur að stórum hluta
til á óbyggðu svæði. Mjög langt er á
milli bæja og símasamband er oft og
tíðum mjög slæmt. Auðvelt er að losa
sig við lík á þessum slóðum án þess
að það finnist, til dæmis með því að
keyra langan veg með það og henda
í gil eða á aðra staði þar sem erfitt er
að leita.
Lögreglan tók frumbyggja ekki
alvarlega
Hin dularfullu kvennahvörf vöktu
gríðarlega athygli í Kanada árið 2002
þegar 25 ára gömul kona að nafni
Nicole Hoar hvarf. Síðast sást til
hennar við þjóðveginn. Lögreglan
hóf viðamikla rannsókn í kjölfarið
en málið er enn í dag óleyst. Frum-
byggjar gagnrýndu lögreglu í kjöl-
farið og fullyrtu að hún tæki málið
ekki alvarlega vegna þess um að var
að ræða frumbyggjakonu. Frum-
byggjum finnst sem almenningur í
Kanada taki því léttar þegar um er
að ræða frumbyggjakonur í saman-
burði við hvítar konur.
Árið 2005 skipuðu yfirvöld rann-
sóknarnefnd sem vann að verkefni
undir heitinu E-Pana (sem er nafn
eins guða Inúíta). Nefndinni var
ætlað rannska morð á þremur frum-
byggjastúlkum sem framin voru ná-
lægt veginum árið 1994. Umfang
rannsóknarinnar jókst og fór nefnd-
in að skoða mál allt frá sjöunda ára-
tugnum. Nú þegar hafa um 200 mál
sem varða ofbeldi gagnvart konum
verið tekin fyrir. Erfitt hefur reynst
að komast til botns í mörgum þeirra
því mjög langt er liðið frá sumum
þeirra á meðan önnur voru ekki
rannsökuð um leið og þau áttu sér
stað. Frumbyggjar segja hins vegar
málin vera fleiri og að karlmenn séu
einnig á meðal fórnarlamba.
Lítil trú á að málin upplýsist
Vegna seinagangs lögreglunnar í
gegnum árin bera frumbyggjar lítið
traust til hennar og hafa sumir feng-
ið sjálfstætt starfandi rannsóknar-
lögreglumann í lið með sér. Þá hafa
kvenréttindasamtök kvartað yfir því
að pólitískan vilja skorti til að rann-
saka málin. Viðleitni yfirvalda sé
frekar í orði en á borði. Margir eru á
þeirri skoðun að rannsókn nefndar-
innar komi of seint og útlit sé fyrir að
málin verði aldrei upplýst.
Þjóðvegur táranna
n Fjöldi kvenna hefur horfið á kanadískum þjóðvegi síðustu 30 ár n Frumbyggja og
lögreglu greinir á um fjöldann n Frumbyggjar óánægðir með áhugaleysi lögreglunnar
Þjóðvegur númer 16 Liggur meðal annars í
gegnum snævi þakin fjöll Bresku Kólumbíu.
„Vegurinn er mjög
afskekktur og ligg-
ur að stórum hluta til á
óbyggðu svæði.
Björn Reynir Halldórsson
blaðamaður skrifar bjornreynir@dv.is
Teknir í tölu
gyðinga á ný
Rabbínadómstóll hefur úrskurðað
að Chueta-fólkið á Mallorca skuli
vera tekið í tölu gyðinga á ný. Fólkið
er afkomendur gyðinga sem sættu
ofsóknum af hálfu spænska rann-
sóknarréttarins og voru þvingaðir
til að taka upp kristna trú á 15. öld,
nokkrum áratugum áður en gyð-
ingar voru reknir frá Spáni árið 1492.
Þar sem fólkið giftist innbyrðis eftir
að hafa verið þvingað til að taka
kristni var auðveldlega hægt að sýna
fram á að núlifandi afkomendur
væru raunverulega gyðingar. Rabb-
ínar hafa í kjölfarið boðist til að veita
fræðslu um gyðingdóminn en hins
vegar eru þeir teljandi á fingrum
annarrar handar sem mæta í sam-
kunduhús gyðinga í Palma, höfuð-
borg Mallorca.
Ítalir skera niður
Öldungadeild ítalska þingsins sam-
þykkti á fimmtudaginn fjárlaga-
frumvarp sem felur í sér niðurskurð
upp á um 48 milljarða evra, jafngildi
tæplega átta billjóna króna. Neðri
deildin á eftir að samþykkja frum-
varpið en ólíklegt þykir að því verði
hafnað. Með frumvarpinu vonast
Ítalir til að komast hjá því að taka lán
hjá Alþjóðagjaldeyrissjóðnum og
Evrópusambandinu líkt og Grikkir
hafa þurft. Alþjóðagjaldeyrissjóður-
inn brýndi fyrir Ítölum fyrr í vikunni
að skera niður til að komast hjá frek-
ari vandræðum með efnahaginn.
Ítölsk stjórnvöld vilja einnig með
þessum niðurskurði rétta af fjárlaga-
halla Ítalíu fyrir árið 2014.
„Brú til brottfluttra“ 14. – 17. júlí 2011 „Vinir frá Vík í Mýrdal“