Dagblaðið Vísir - DV - 15.07.2011, Blaðsíða 44

44 | Tækni 15.–17. júlí 2011 Helgarblað
S
uður-kóresk stjórn-
völd hafa heitið því
að hætt verði að nota
bækur í skólum lands-
ins og öll kennslu-
gögn verði færð yfir á tölvutækt
form. Í stað þess að krefjast
þess af nemendum að mæta
með skólabækurnar í skólann
verður börnum kennt í gegn-
um miðlægt net sem mennta-
málayfirvöld munu uppfæra
með nýjustu kennslugögnun-
um. Þurfa því nemendurnir að
tileinka sér að nota tölvur og
spjaldtölvur í skólanum og til
að vinna heimaverkefni.
Mörg hundruð milljarða
verkefni
Stjórnvöld í landinu hafa þeg-
ar ráðstafað um jafnvirði 235
milljarða íslenskra króna í
verkefnið. Hugmyndin er svo
að þróa samhliða skýþjónustu
þar sem allt námsefni verður
geymt þannig að nemendur
hafa aðgang að sínum gögn-
um sem og kennslugögnunum
hvar og hvenær sem er. Þannig
er það lengur ekki afsökun fyrir
nemendur að hafa verið veikir
hafi þeir ekki unnið heima-
vinnuna sína. Munu mennta-
málayfirvöld líka bjóða upp
á fjarnám í gegnum skýþjón-
ustuna. Mun þetta því að öll-
um líkindum auka aðgengi
íbúa Suður-Kóreu að mennt-
un.
Þrátt fyrir að stjórnvöld
reikni með miklum kostn-
aði við umbreytingarnar mun
menntakerfið í landinu lík-
lega spara mikið til langs tíma
litið. Margfalt ódýrara er að
gefa út efni á tölvutæku formi
en að prenta það í bækur. Með
breytingunni mun líka verða
talsvert einfaldara að uppfæra
kennslugögnin og verða því
minni líkur á að kennslugögn
úreldist. Grunnurinn að þessu
er skýþjónustan sem virkar
eins og miðlægt internet fyrir
upplýsingar. Stjórnun netsins
mun svo liggja hjá mennta-
málaráðuneytinu þannig hægt
sé að tryggja gæði efnisins.
Líklegt til að ganga vel
Þessi mikla bylting sem stjórn-
völd í Suður-Kóreu boðar
mun að öllum líkindum ganga
ágætlega. Landið er mjög
framarlega er varðar tækniþró-
un og eru íbúar landsins flest-
ir duglegir við að tileinka sér
nýja tækni. Spjaldtölvur hafa
þá einnig þróast mjög hratt
og hafa náð góðri útbreiðslu
á skömmum tíma. Það er þó
hugsanlega háleitt markmið
að ætla að útrýma öllum bók-
um úr skólum í heilu landi en
það mun þó að öllum líkind-
um gerast á endanum. Þetta
mun þó án efa flýta fyrir þróun
í útgáfu efnis á stafrænu formi
í landinu.
„Við gerum ekki ráð fyrir því
að það verði flókið að skipta
út bókum fyrir stafrænt efni
þar sem nemendur eru van-
ir stafræna umhverfinu,“ seg-
ir menntamálaráðherra Suð-
ur-Kóreu í samtali við erlenda
fjölmiðla. Þá er talið líklegt að
með tilkomu spjaldtölva verði
enn auðveldara að fá nemend-
ur til að nota tölvur í stað bóka.
Það mun þó ekki koma í ljós
fyrr en eftir fjögur ár hvern-
ig verkefnið gengur í raun og
veru.
Engar bækur
– bara tölvur
n Hætta að nota bækur í kennslu fyrir árið 2015 n Ætla að setja upp miðlæga
skýþjónustu með námsgögnum n Nemendur munu læra í gegnum spjaldtölvur
Framleiða spjaldtölvur
Eitt stærsta tæknifyrirtæki
heims, Samsung, framleiðir
spjaldtölvur en ekki kemur
fram í áætlunum stjórnvalda
hvort spjaldtölvur frá því
fyrirtæki verði notaðar í
kennslu.
Aðalsteinn Kjartansson
adalsteinn@dv.is
Tækni
Aðalsteinn Kjartansson
adalsteinn@dv.is
Tækni
S
amfélagssíðan Google+
hefur strax vakið mikla at-
hygli en aðeins eru tvær
vikur frá því að prufuút-
gáfa af henni var opnuð. Strax er
um ein milljón manns um víða
veröld farin að nota síðuna. Þó
nokkrir Íslendingar eru meðal
þeirra sem byrjaðir eru að nota
vefinn. Vefurinn á að vera svar
Google við vefsíðum á borð við
Facebook og Myspace en þær
hafa notið gífurlegra vinsælda.
Ef þú ert að skrifa uppfærslur
eða skilaboð á Google+ geturðu
notað styttingar til að feitletra,
skáletra eða strikað yfir texta
með því að setja stjörnu (*) báð-
um megin við orðið sem þú ætlar
að feitletra, með því að setja und-
irstrik (_) báðum megin við orð-
ið sem þú ætlar að skáletra eða
bandstrik (-) báðum megin við
orðið sem þú ætlar að strika yfir.
Til að merkja vini þína í
stöðuuppfærslum eða skila-
boðum á Google+ geturðu bæði
notað plús (+) eða hjá-merkið
(@) á undan nafni þeirra. Þegar
þú gerir þessi merki og byrjar að
skrifa eitthvert nafn færðu lista
yfir þau nöfn vina þinna sem
koma til greina. Þú getur stytt
þér leið og valið nafnið sem þú
vilt úr listanum.
Þú getur sent fólki skila-
boð beint úr stöðuuppfærslu-
glugganum sem er á upphafs-
síðu Google+. Til að skilaboðin
fari bara á tilætlað fólk geturðu
eytt út þeim vinahringjum sem
sjálfkrafa er deilt til og bætt við
Google+ vin og hvaða netfangi
sem er. Þú verður svo bara að
passa þig að breyta stillingunum
næst þegar þú sendir inn stöðu-
uppfærslu.
Í myndasafninu þínu á
Google+ geturðu gert einfaldar
breytingar á myndunum þínum.
Til að breyta myndunum ferðu í
myndaalbúmið, velur mynd,
velur „actions“ og svo „edit
photo“. Þá færðu upp glugga þar
sem þú getur gert margvíslegar
breytingar á myndinni.
Fjórir hlutir til að gera á Google+
n Samfélagssíðan Google+ vekur athygli
Facebook fyrir
venjulega síma
Stjórnendur Facebook hafa
loksins áttað sig á því að það
eiga ekki allir snjallsíma. Fyrir-
tækið hefur nú sent frá sér java-
viðbót fyrir venjulega farsíma
en margar eldri tegundir síma,
það er að segja símar sem ekki
teljast til svokallaðra snjall-
síma, geta keyrt java-forrit.
Gefst notendum einafaldari
síma loksins tækifæri á að nota
sérhæfða Facebook-viðbót sem
gerir þeim kleift að ná betri
stjórn á Facebook-síðunum
sínum í gegnum farsímann.
Fundu
galla í iOS
Tölvuhakkarar hafa fundið ör-
yggisgalla í iOS-stýrikerfinu frá
Apple. Stýrikerfið er meðal ann-
ars notað til að keyra
iPad-spjaldtölvur, iP-
hone-farsíma og iPod
Touch-tónlistarspilar-
ann. Sérfræðingar sem
fréttastofan Reuters
ræddi við vegna örygg-
isgallans segja hann
vera það alvarlegan að
óprúttnir aðilar gætu
misnotað hann til að
ná stjórn á tækjum
sem keyrð eru á stýrikerfinu.
Hakkararnir greindu frá öryggis-
gallanum á heimasíðunni Jail-
breakMe.com.
50 milljón
síður nota
WordPress
WordPress-vefumsjónarkerfið
hefur náð enn einum áfang-
anum en það er nú
notað til að keyra yfir
50 milljón vefsíður.
Þetta staðfesti Matt
Mullenweg, mað-
urinn á bak við Wor-
dPress-verkefnið, á
blogginu sínu á mánudag.
Nýjustu útgáfu kerfisins hefur
þá einnig verið hlaðið niður
yfir milljón sinnum, en útgáfan
kom út fyrir viku. Mullenweg
sagði á blogginu sínu í tilefni
áfangans að þetta væri ánægju-
legur áfangi en hann sjálfur var
staddur á WordCamp-ráðstefnu
þegar þetta met var slegið.
Toyota keyrir
á Linux
Brátt mun Toyota-bíllinn þinn
keyra á Linux. Það kanna að
hljóma undarlega en Toyota
hefur gengið til liðs við Linux
Foundation og mun bílafram-
leiðandinn, sem er einn sá
stærsti í heimi, nota Linux-stýri-
kerfið í framtíðinni til að stjórna
öllum þeim tölvustýrðu tólum
sem er að finna í bílunum.
Stjórnendur Toyota tilkynntu
þessa breytingu í síðustu viku.
Kom fram í tilkynningunni að
með þessari breytingu reyndi
fyrirtækið að fylgja þeirri öru
tækniþróun sem á sér stað.