Fréttatíminn - 10.10.2014, Blaðsíða 50
50 ferðalög Helgin 10.-12. október 2014
XXXXX XXXXXX
MatarMenning nágrannaþjóðanna
Create Now – Reykjavík
Grand Hótel, 15.-16. október
Námsstefnan Adobe Create Now verður haldin á Grand Hótel Reykjavík með fjölda frábærra fyrirlestra um
notkun Adobe hugbúnaðar fyrir ljósmyndun, prenthönnun, vefhönnun og kvikmyndagerð.
Ókeypis kynningarfyrirlestur um Adobe Creative Cloud báða dagana. - Allir velkomnir.
Nánari upplýsingar um dagskrá og skráning er á heimasíðu Hugbúnaðarsetursins: www.hugbunadarsetrid.is
2 dagar, 27 fyrirlestrar frá 6 sérfræðingum
Verð aðeins 15.000 kr.
Í Östermalms Saluhall koma íbúar Stokkhólms þegar þeir ætla að elda eitthvað sérstak-
lega gott eða fá sér góða fyllingu
í hádeginu. Það er því hvert sæti
skipað um miðjan dag á þessum
126 ára gamla matarmarkaði
og fyrir stórhátíðir liggur við að
hleypa þurfi inn í hollum. Vin-
sældir Saluhallen í Stokkhólmi eru
þó alls ekki einsdæmi því sam-
bærilegir markaðir eru víða taldir
nauðsynlegur hluti af borgarskipu-
laginu. Nýlega fengu því íbúar
Oslóar og Kaupmannahafnar sín
hús og í Helsinki er nýlokið við-
haldi á þekktasta matarmarkaði
borgarinnar.
Dönum þótti þetta dýrt
Það var hart deilt á verðlagið í
Torvehallerne við Nørreport í Kö-
ben haustið 2011 þegar markaður-
inn opnaði. En eftir að hópurinn
stækkaði sem varð háður anda-
samlokunni hjá Ma Poule, pizzun-
um hjá Gorm og kaffinu hjá Coffee
Collective þá þögnuðu óánægju-
raddirnar og í dag heimsækja um
60.000 manns Torvehallerne í viku
hverri. Húsin tvö sem hýsa allt
góðgætið eru orðin meðal þeirra
staða sem laða til sín flesta ferða-
menn í Kaupmannahöfn.
Ferskt blóð í Helsinki
Túristar eru líka stór hluti þeirra
sem fá sér í svanginn í Vanha
Kauppahalli (Gamla Saluhallen)
við suðurhöfnina í Helsinki. Gengi
þess markaðar hefur verið upp og
niður frá stofnun hans árið 1889
en hefur blómstrað eftir að ferða-
þjónusta borgarinnar fór að dafna.
Vanha Kauppahalli er reyndar
nýopnað eftir að hafa verið lokað í
meira en eitt og hálft ár vegna við-
halds. Tíminn var líka nýttur í að
endurnýja úrvalið í húsinu og nú
spreyta margir ungir verslunar-
menn sig þar í fyrsta skipti. Þrátt
fyrir það er markaðurinn ennþá
sagður góður staður til að kynnast
finnskri matarmenningu.
Styttist í lokun í Stokkhólmi
Það eru hnoðaðar kjötbollur í gríð
og erg við standana í Östermalms
Saluhall í Stokkhólmi og þeir sem
vilja klassískan sænskan mat í
höfuðborginni eru vel settir í þess-
ari fallegu byggingu í útjaðri mið-
borgarinnar. Bakari hússins kann
líka að búa til góða snúða og því
hægt að slá margar flugur í einni
heimsókn á markaðinn. Húsinu
verður reyndar lokað á næsta ári
því það er kominn tími á viðhald
og á meðan færist starfsemin út á
torgið fyrir framan.
Mysuostur og lax
Það er langt í næstu framkvæmd
við Mathallen í Osló því húsið var
opnað í hittifyrra í útjaðri hins líf-
lega Grünerløkka hverfis. Í Mat-
hallen er mikið lagt upp úr því að
gestirnir borði á staðnum og því
leita margir ferðamenn þangað. Í
Mathallen er líka að finna allt það
sem Norðmenn eru þekktir fyrir
þegar kemur að mat. Nóg er af
laxi, skelfiski og villibráð og auð-
vitað mysuosti.
Þeir sem vilja gera matarmenn-
ingu nágrannaþjóðanna skil ættu
að koma við á þessum matarmörk-
uðum í næstu reisu. Vonandi stytt-
ist líka í að við getum boðið gest-
um okkar inn í þess háttar hús.
Kristján Sigurjónsson
kristjan@turisti.is
Borðað úr búri nágrannanna
Matarmarkaðir eru vinsælir áfangastaðir hjá ferðamönnum og
í norrænu höfuðborgunum er mikill metnaður lagður í þessar
menningarstofnanir.
Vikulega heimsækja
um sextíu þúsund
manns Torvehall-
erne í Kaupmanna-
höfn en þessi helsti
matarmarkaður
borgarinnar opnaði
fyrir þremur árum.
Mynd/Copenhagen
MediaCenter
Norðmenn fengu nýlega alvöru matarmarkað þegar Mathallen opnaði. Þar er fjöl-
breytt úrval fyrir þá sem vilja borða á staðnum. Mynd/Innovasjon Norge