Fréttatíminn - 10.10.2014, Blaðsíða 13

í sambandi,“ segir Edda sem meðal
annars ráðleggur pörum í þessum
sporum að skipuleggja vikuna
saman í þaula til að minnka líkur á
árekstrum. „Niðurstöður tengdar
áfengis- og vímuefnanotkun eru
einnig athyglisverðar. Konu nefna
þann þátt í um 40% tilvika en karlar
í 20% og sýnir það að áfengis- og
fíkniefnaneysla er stór áhættuþáttur
skilnaðar,” segir hún.
Áhættuþættir skilnaðar
Í starfi sínu segir Edda að forsendur
þess að unnt sé að aðstoða fólk í
skilnaðarhugleiðingum séu að gera
sér grein fyrir hvaða þættir liggja að
baki vandamálinu. „Fólk þarf að gera
sér grein fyrir að þessir þættir sem
fólk nefnir sem ástæðu skilnaðar eru
raunverulegir áhættuþættir sem þarf
að taka alvarlega eins og hverja aðra
áhættuþætti í lífinu,“ segir hún.
Þátttakendur í rannsókninni var
fólk sem hafði skilið eða slitið sam-
búð á árunum 2005-2006 hjá Sýslu-
manninum í Reykjavík og þegar hún
sendi út dulkóðaðan spurningalista
spurði hún einnig út í fleiri atriði, til
að mynda núverandi hjúskaparstöðu
sem þá var staðan 5-6 árum eftir
að fólk hafið skilið. Þeir sem voru
komnir aftur í samband töldu sig búa
við meiri lífsgæði en þeir sem voru
einhleypir.
Edda spurði fólk einnig hversu
sátt það hefði verið við þá ákvörðun
að skilja en marktækur munur var
á hjúskaparstöðu þátttakenda eftir
því hversu sátt eða ósátt fólk var við
þá ákvörðun að skilja. Hærra hlutfall
þeirra sem komnir voru aftur í sam-
band voru sáttir, eða ríflega 70% á
móti 60% einhleypra.
Sáu eftir að skilja
„Fólk sem var komið í samband
sýndi betri aðlögun og var hamingju-
samara en þeir sem voru enn ein-
hleypir,“ segir Edda. Þetta er einnig
í takt við erlendar rannsóknir sem
sýna að fólk í sambandi hefur það
betra andlega og líkamlega en ein-
hleypir, og heilt yfir telur fólk í sam-
bandi að lífsgæði sín séu meiri en
einhleypra. „Ég spurði einnig hversu
sátt fólk var upphaflega við að skilja
og um 66% voru sátt eða mjög sátt.
Þegar ég spurði síðan hvort fólk
hefði séð eftir því að skilja hafði
fimmtungur af þeim sem í upphafi
var sáttur við skilnaðinn séð eftir því
að skilja sem mér finnst merkilegt,“
segir Edda.
Henni þykir einnig afar athyglis-
vert að þegar hún skoðaði ástæður
skilnaðar hjá þeim sem ekki voru
komnir aftur í sambúð þá tilgreindu
þeir mun oftar að ástæða skilnaðar
hafi verið vegna þess að maki hélt
framhjá eða vegna áfengis- og vímu-
efnavanda. „Það gæti bent til þess að
þeir sem hafa orði ðfyrir svikum eigi
erfiðara með að fara aftur í samband
og treysta á ný,” segir Edda.
Hún tekur fram að oft séu skiln-
aðir vitanlega óhjákvæmilegir og
eigi fullkomlega rétt á sér. „En
niðurstöður þessarar rannsóknar
sýna að helstu vandamál sem fólk
tilgreinir sem ástæður skilnaða
tengjast hegðun og tilfinningum.
Það bendir til þess að aðkoma sál-
fræðinga og annarra meðferðaraðila
sé mjög líkleg til að geta gagnast
fólki í sambandserfiðleikum, að
greina vandann og aðstoða við lausn
hans,“ segir hún.
SEX GAGNLEG GRUNNNÁMSKEIÐ
VÍB og Opni háskólinn í Háskólanum í Reykjavík taka
höndum saman og bjóða upp á ókeypis grunnnámskeið
í fjárfestingum. Námskeiðunum er ætlað að veita
þátttakendum nauðsynlega færni til að annast sparnað
sinn og fjárfestingar með ábyrgum og árangursríkum hætti.
Nánari upplýsingar og skráning á vib.is
og á ru.is/opnihaskolinn
Íslandsbanki | Kirkjusandi | 155 Reykjavík | Sími 440 4900 | vib@vib.is facebook.com/VIB.stofan | @vibstofan | www.vib.is
GRUNNUR Í
FJÁRFESTINGUM
23. september LOKIÐ
Fyrstu skref fjárfestinga
Björn Berg Gunnarsson,
deildarstjóri hjá VÍB
14. október
Lestur og greining ársreikninga
Haukur Skúlason, verkefnastjóri
sérhæfðra fjárfestinga hjá
Íslandssjóðum
13. janúar
Lífeyrismál
Haraldur Gunnarsson,
fagfjárfestaþjónustu VÍB
10. febrúar
Skuldabréfamarkaðurinn
Ingunn Sigurrós Bragadóttir,
sjóðstjóri skuldabréfasjóða
Íslandssjóða
10. mars
Hlutabréfamarkaðurinn
Ármann Einarsson, sjóðstjóri
hlutabréfasjóða Íslandssjóða
7. apríl
Atferlisfjármál
Már Wolfgang Mixa, kennari
við Háskólann í Reykjavík
Ástæða
skilnaðar
1. Átti ekki lengur
samleið með maka 63,6%
2. Ástleysi 51,2%
3. Samskiptaerfiðleikar,
rifrildi 42,5%
4. Ágreiningur um forgangsröðum
heimilis, fjölskyldu
og frístunda 38,7%
5. Áfengis- og
vímuefnavandamál 35,5%
6. Andlegt ofbeldi 33,5%
7. Geðræn vandamál 28,7%
8. Framhjáhald maka 26,2%
9. Ágreiningur
í kynlífsmálum 24,6%
10. Svarandi, maki eða báðir
ástfangnir af öðrum 19,8%
Þátttakendur gátu nefnt fleiri en eina
ástæðu.
Ágreiningur um forgangsröðun
heimilis, fjölskyldu og frístunda
46,2% kvenna
26,3% karla
Áfengis- og vímuefnavandi
40% kvenna
28% karla
Orsakaþættir skilnaðar - marktækur kynjamunur
Þátttakendur gátu nefnt fleiri en eina ástæðu.
Andlegt ofbeldi
38,5% kvenna
25,4% karla
Framhjáhald maka
32,8% kvenna
15,3% karla
Ágreiningur um heimilisstörf
24,1% kvenna
9,3% karla
Klámnotkun
10,8% kvenna
1,7% karla
Atvinnuleysi
7,2% kvenna
1,7% karla
fréttaviðtal 13 Helgin 10.-12. október 2014