Fréttatíminn - 10.10.2014, Blaðsíða 70

Þyngir ekki hárið og hefur þykkjandi áhrif með hjálp Collagen þykknis. Vatnsroð hveiti prótín
hjálpar við að gera hárið þykkara og heilbrigðara. Frábært fyrir þunnt, fíngert og linnt hár.
Ert þú búin að prófa ?
Biotin & Collegen sjampó og næring
D ömulegir dekurdagar hóf-ust í gær, fimmtudag, á Akureyri og standa fram á
sunnudag, að því er fram kemur í
tilkynningu Viðburðastofu Norður-
lands. „Vinkonur, systur, mæðgur,
dætur og frænkur njóta lífsins og
gera sér glaðan dag saman. Boðið er
upp á alls kyns skemmtanir um all-
an bæ, kynningar og tilboð í versl-
unum. Bleiki þráðurinn í gegnum
allt það sem fram fer er fjáröflun-
arátak til styrktar rannsóknum
á krabbameini í konum. Krabba-
meinsfélag Akureyrar og nágrenn-
is mun í þessum alþjóðlega bleika
október njóta góðs af því sem safn-
ast á Dömulegum dekurdögum,“
segir enn fremur.
Alls kyns uppákomur fara fram
þessa daga í rómantísku og bleiku
umhverfi þar sem dans, söngur,
ljúfir tónar, list, hönnun, heilsa
kvenna, forvitnilegur fróðleikur,
matur, drykkur og kruðerí koma
meðal annars við sögu. Í kvöld,
föstudag, verða kvöldopnanir í
verslunum bæði á Glerártorgi og
í miðbænum. Konukvöld verður á
Glerártorgi og dömukvöld í mið-
bænum þetta sama kvöld. Úrval
viðburða af ólíku tagi sem heillað
gætu bæði dömur og herra eru á
boðstólum á föstudags- og laugar-
dagskvöld en þar má nefna tón-
leika, ball og diskótek.
Í kvöld, föstudag, verður sér-
stök happdrættissala sem versl-
anir á Glerártorgi standa fyrir og
alla helgina verða til sölu hand-
þrykktir taupokar en allur ágóði af
sölu þeirra og happdrættismiðanna
rennur óskiptur til Krabbameins-
félags Akureyrar og nágrennis. -jh
 KrabbameinsstyrKur bleiK aKureyri
Dömulegir dekurdagar
Bleikur miðbær skreyttur. Verslanir á
Akureyri verða opnar í kvöld, föstudag,
á Glerártorgi og í miðbænum. Mynd
Dömulegir dekurdagar
Our Lives frumflytur nýtt lag
í þættinum Entertainment Weekly
Hljómsveitin Our Lives heldur
tónleika á laugardaginn á Gamla
gauknum. Þetta eru fyrstu tón-
leikar sveitarinnar hér á landi í
þó nokkurn tíma. Our Lives eru
að leggja lokahönd á plötu sem
kemur út innan skamms og verð-
ur hún gefin út í Bandaríkjunum
og á Íslandi. Mikil vinna var lögð í
plötuna sem nefnist Den Of Lions
og kemur einnig út á vínyl, sem er
gamall draumur meðlima sveitar-
innar. Fyrr í vikunni var fyrsta lag-
ið af plötunni frumflutt í sjónvarps-
þættinum Entertainment Weekly
og heitir lagið Blurry Eyes. Our
Lives hafa að undanförnu fengið
lög sín spiluð á sjónvarpsstöðinni
MTV sem og í fjölda sjónvarps-
þátta. Fyrsta lagið sem fer í spilun
á íslenskum stöðvum heitir Higher
Hopes og er byrjað að heyrast. Á
tónleikunum á laugardaginn kem-
ur hljómsveitin Himbrimi einnig
fram en húsið verður opnað klukk-
an 21.
 mynDlist sýning og sjónvarpsmynD
s ýning Leifs Breiðfjörð á nýjum málverkum og vatnslitamynd-um verður opnuð á sunnudaginn
í Borgum, safnaðarheimili Kópavogs-
kirkju, eftir messu í Kópavogskirkju
sem hefst klukkan 11. Einnig verður á
sýningunni sérstök myndröð 17 vatns-
lita- og pastelmynda, sem byggðar eru
á efni Opinberunarbókarinnar, myndir
sem á vissan hátt tengjast steindum
glugga á vesturhlið Hallgrímskirkju
sem Leifur gerði 1999, að því er fram
kemur í tilkynningu.
Á miðvikudaginn næstkomandi
frumsýnir RÚV heimildarmynd um
Leif. Myndin ber heitið Litir ljóssins,
líkt og sýningin í safnaðarheimilinu.
Myndina gerðu Jón Þór Hannesson
og Haukur Haraldsson.
Sýningin í safnaðarheimilinu
stendur til áramóta. Hún er opin
virka daga klukkan 9-13, eða eftir
samkomulagi, til 12. janúar.
Leifur Breiðfjörð hefur unnið við
myndlist og gerð steindra glerlista-
verka síðan 1968. Hann hefur gert
steinda glugga í fjölmargar opinberar
byggingar og kirkjur bæði hér á landi
og erlendis. Þekktustu verk hans er-
lendis eru stór steindur gluggi í St.
Giles dómkirkjunni í Edinborg og
steindur gluggi í Southwark dóm-
kirkjunni í Lundúnum. Meðal stærri
listaverka Leifs hér á landi eru steind-
ir gluggar fyrir Hallgrímskirkju, Bú-
staðakirkju, Fella- og Hólakirkju,
Grafarvogskirkju og stór glerlista-
verk fyrir Flugstöð Leifs Eiríkssonar
og Grand Hótel í Reykjavík.
Leifur hefur í samvinnu við konu
sína og aðstoðarmann, Sigríði Jó-
hannsdóttur, unnið veflistaverk og
skrúða fyrir kirkjur. Þau hafa haldið
margar einkasýningar og tekið þátt í
samsýningum. -jh
Sýning Leifs Breiðfjörð verður opnuð í safnaðarheimili Kópavogskirkju eftir messu í Kópavogskirkju sunnudaginn.
Litir ljóssins í túlkun
Leifs Breiðfjörð
Sláturtíð í Hafnarhúsinu
Sláturtíð, árleg tónlistarhátíð S.L.Á.T.U.R., Samtaka listrænt ágengra tónsmiða um-
hverfis Reykjavík, hófst í gær, fimmtudag, og stendur fram á laugardag. Markmið
Sláturtíðar er að kynna tónlist eftir meðlimi samtakanna auk annarra valinna sam-
tímatónskálda. Hátíðin er unnin í samstarfi við tónleikaröðina Jaðarber og Listasafn
Reykjavíkur og fer fram í Hafnarhúsi.
70 menning Helgin 10.-12. október 2014