Dagblaðið Vísir - DV - 26.08.2011, Blaðsíða 21

Fréttir | 21MIðvikudagur 24. ágúst 2011
útlimirnir dofnað og hjartslátt-
urinn farið upp úr öllu valdi.
„Öndunin verður óregluleg og
mig svimar en ég man að þeg-
ar ég lenti í þessu í fyrsta skipt-
ið bað ég mömmu að gæta
þess að ég myndi ekki deyja.
Ég var ekkert að deyja en þeg-
ar kvíðinn er orðinn það svæs-
inn að maður upplifir það að
hafa ekki stjórn á önduninni
þá verður óttinn við dauðann
raunverulegur í huga manns.
Þetta var alveg skelfileg upplif-
un,“ segir Gunnar en bætir við
að hann óttist ekki lengur að
fá kvíðakast. „Ég hef lært það
mikið á sjálfan mig og veik-
ist mun sjaldnar en ég gerði.
Þegar það gerist hefur það
ekki eins slæmar afleiðing-
ar og áður og ég á auðveldara
með að leita mér hjálpar. Ég er
orðinn meiri skipstjóri í mínu
lífi. Ég trúi á styrkleika mína og
þori að láta reyna meira á þá
en áður. En þegar þetta gerist
efast enginn um að ég verði að
komast tafarlaust undir lækn-
ishendur.“
Efni í prófessor og
kleppara
Gunnar segist hafa upplifað
fordóma gagnvart sjúkdómn-
um þegar hann veiktist. „Ég
held samt að hörðustu for-
dómarnir hafi komið frá mér
sjálfum. Ég vissi ekkert um
geðsjúkdóma og átti mjög erfitt
með að leita mér hjálpar.  Auk
þess sem ég var allt of grimm-
ur og kröfuharður á sjálfan
mig með tilheyrandi niðurrifs-
hugsunum. Mér fannst þetta
feimnismál og skammarlegt
og því fylgdi framtaksleysi. Ég
gerði mér ekki grein fyrir því
hve veikur ég væri þegar ég lét
ekki heilsuna vera í algjörum
forgangi,“ segir Gunnar sem
hefur það nokkuð gott í dag.
„Ég hef það gott að mörgu leyti
og byrjaði aftur í stærðfræð-
inni og er í fjarnámi við skóla
í Suður-Afríku. Þetta gengur
hægt en ég á ekki nema fimm
fög eftir í BS-gráðuna. Sam-
kvæmt lækninum mínum er
mín saga ótrúleg. Hann held-
ur því fram að jákvæðni mín og
gáfur hafi haldið í mér lífinu –
að ég væri ekki staddur á þess-
um stað, það er kvæntur með
tvö yndisleg börn, ef ég hefði
ekki haft jákvæðnina að leiðar-
ljósi. Hann segir að veikindin
hafi verið svo erfið að ég hefði
þess vegna getað verið bú-
inn að enda þetta líf eða verið
lokaður inni á stofnun en þar
hef ég stundum þurft að vera.
Samkvæmt honum er ég efni
í prófessor en var efni í klepp-
ara,“ segir Gunnar hlæjandi og
bætir við að hann geti sem bet-
ur fer séð spaugilegu hliðarnar
á sjúkdómnum.
Missir dómgreindina
Góðu tímabilin hans Gunn-
ars Björns eru þeir dagar, vik-
ur og mánuðir sem hann get-
ur stundað vinnu eða nám
án þess að taka veikindaleyfi.
Lengsta góða tímabilið var tvö
ár en þegar hann veikist verður
hann ekki jafn veikur og áður.
„Þessi tímabil lengjast smátt
og smátt eftir því sem betur
gengur að finna réttu lyfin og
mér tekst að þroskast líkam-
lega og andlega. Ég gríp inn
í við minnsta grun því fyrir
mér er geðheilsan algjör horn-
steinn lífsins,“ segir hann og
bætir við að þegar hann missi
geðheilsuna missi hann dóm-
greindina. „Ég verð skrítinn í
samskiptum, get ekki alið upp
börnin mín og næ ekki að hafa
stjórn á geðsveiflum mínum
eða hegðun. Veikindin bitna á
öllu. Ég tek þessu því alvarlega
og af mikilli festu en  þó reyni
ég að hafa húmor fyrir þessu.
Hér áður fyrr var ég fullur af
sjálfvorkunn en það hefur sem
betur fer breyst eftir að ég hætti
að drekka og fór að stúdera AA-
fræðin sem hafa verið mér holl
lesning og mannrækt. Ég þoldi
engan veginn áfengi. Það sló
á kvíða en jók alla depurð. Ég
var í hálfgerðri maníu þegar ég
drakk en datt svo niður í mjög
djúpt og erfitt þunglyndi og
Framhald á næstu opnu
Ofurtrú á
minninu
Samkvæmt bandarískri rann-
sókn sem birtist í vefritinu
PLoS ONE höfum við tröllatrú
á minni okkar. Í rannsókninni,
þar sem yfir 1.500 Amerík-
anar voru látnir svara spurn-
ingum um minnið og leysa
verkefni tengd því, kom í ljós
að sumar mýtur um minnið
eru svo lífseigar að allt upp í
83% aðspurðra trúðu þeim.
Tveir þriðju hlutar aðspurðra
töldu að minnið virkaði líkt
og myndbandsupptökuvél –
safnaði saman heimildum til
nota síðar. Hægt er að skoðað
hversu vel minnið virkar á vef-
slóðinni theinvisiblegorilla.
com/survey.html.
Ofurmömmur
þunglyndari
Mæður sem vinna heima þjást
frekar að þunglyndi en útivinn-
andi mæður. Þetta kemur fram
í rannsókn nema við háskóla
í Washington. Hins vegar séu
þær útivinnandi mæður sem
vilja passa í mýtuna um „ofur-
mömmuna“ líklegri til að verða
þunglyndar. Þær sem ætla sér
mikils starfsframa meðfram
hinu fullkomna heimilislífi eru
líklegri til að finna fyrir þung-
lyndi en þær sem gera sér grein
fyrir að eitthvað verði að víkja.
„Við getum blandað starfsframa
og fjölskyldu saman ef við bara
slökum á fullkomnunarárátt-
unni,“ segir Katrina Leupp, höf-
undur rannsóknarinnar.
Tengsl milli
heilaskaða
og geðklofa
Þeir sem verða fyrir alvarlegum
höfuðáverka sem veldur heila-
skaða eru 1,6 sinnum líklegri
til að þróa með sér geðklofa
en aðrir. Þetta kemur fram í
nýlegri rannsókn sem birtist í
Schizophrenia Bulletin. Aðrar
rannsóknir hafa sýnt fram á
tengsl milli heilaskaða og geð-
klofa en nýja rannsóknin er
sú fyrsta sem sýnir tengslin á
ótvíræðan hátt. Niðurstöðurn-
ar sanna þó ekki að heilaskaði
valdi geðklofa. Sjúklingarnir
gætu hafa verið farnir að þróa
með sér sjúkdóminn þegar
þeir urðu fyrir heilaskaðan-
um. Samkvæmt WHO hefur
geðklofi áhrif á sjö af hverjum
1.000 fullorðnum einstakling-
um í heiminum.