Dagblaðið Vísir - DV - 14.12.2012, Blaðsíða 14

14 Fréttir 14.–16. desember 2012 Helgarblað
n Akureyrarbær snupraður vegna seinagangs varðandi eineltisvanda
S
tarfsumhverfið vegna ein­
eltisásakana hjá slökkviliði
Akureyrar er orðið mjög slig­
andi og nauðsynlegt að leysa
úr því hið fyrsta. Fyrr á árinu
var talað um „hörmungamóral“, en
þrátt fyrir allt er ástandið ekki talið
hafa áhrif á störf liðsins út á við.
Eftir því sem DV kemst næst skap­
aðist umrætt ástand vegna ósættis
með stöðuhækkanir sem voru veittar
og var ein slík ráðning meðal annars
kærð. Ráðning núverandi slökkvi­
liðsstjóra varð svo til þess að hann,
þá óbreyttur slökkviliðsmaður, sem
hafði verið undirmaður, var nú
settur yfir fyrrverandi yfirmenn sína.
Ósættið varð á endanum óyfirstígan­
legt og ítrekað var kvartað undan
starfsumhverfinu. Fór svo að tveir
starfsmenn fóru í leyfi, þó opinber­
lega væri það ekki tengt eineltis­
vandanum. Þegar formleg kvörtun
barst vegna eineltis voru þeir starfs­
menn sem um það voru sakaðir því
þegar í leyfi. Með þessu leyfi voru
vonir bundnar við að málið myndi
leysast en svo varð ekki. Ásakanirnar
flugu á báða bóga og niðurstöður
tveggja skýrslna sem gerðar hafa
verið vegna umrædds eineltisvanda
benda til þess að allir aðilar beri ein­
hverja sök.
Segja Akureyrarbæ ekki klára málið
Einelti er alltaf alvarlegt vanda­
mál en á vinnustöðum er það vandi
sem stjórnendum ber að taka á. Það
er hins vegar erfitt að eiga við slíkt
þegar það eru stjórnendurnir sem
eru ýmist taldir beita einelti eða
verða fyrir því. Þar af leiðandi eru
þeir málsaðilar. Í tilfelli slökkviliðsins
á Akureyri er það því Akureyrarbær
sem á að taka á málinu. Svo virðist
sem það hafi gengið bæði seint og
illa. Vandinn á sér orðið svo langa
sögu að erfitt er að sjá hvar hún hófst
og hvernig hægt er að skrifa endi
hennar. „Þetta er áralangt mál sem
hefur reynst mjög erfitt að eiga við,“
segir heimildarmaður DV.
Trúnaðarmál
Svo virðist sem málsaðilar líti málið
mjög ólíkum augum og ekki bætir úr
skák að úttektir á eineltisvandamáli
Slökkviliðs Akureyrar eru misvísandi
og niðurstöður þar af leiðandi líka.
Samkvæmt heimildum DV hafa verið
gerðar tvær sálfræðiskýrslur. Niður­
stöður þessara úttekta benda til þess
að þolendur eineltisins séu að sumu
leyti einnig gerendur og öfugt.
Að auki stangast á niðurstöður
sálfræðinga og vinnueftirlitsins og
eiga málsaðilar því erfitt með að
átta sig á því hvað sé rétt og hvað sé
rangt í málinu. Miklu hefur verið til
kostað af Akureyrarbæ varðandi að­
keypta sálfræðiþjónustu í málinu og
opinberlega er sagt að allt sé gert til
að leysa úr því, en heimildarmenn
DV segja það aðeins vera í orði en
ekki á borði. Eiríkur Björn Björg­
vinsson, bæjarstjóri Akureyrar, sagði
spurningar sem DV sendi honum of
sértækar til að hægt væri að svara
þeim. Upplýsingarnar séu trúnaðar­
mál og að umfjöllun fjölmiðla hafi
verið mjög einhliða um mál slökkvi­
liðsins. Hann segir þó að komi fram
kvörtun um „meint einelti“ sé það
skoðað og ef nauðsyn krefji fram­
kvæmd eineltisrannsókn af fagfólki.
„Hvað varðar Slökkvistöð Akureyrar
þá hefur bærinn lagt í mikla vinnu til
að leysa þann samskiptavanda sem
þar hefur verið viðvarandi í nokkurn
tíma. Þeirri vinnu er ekki lokið að
fullu,“ segir Eiríkur Björn en segir
ekkert um kostnað á rannsókninni.
Heimildir DV herma að kostnaður­
inn hlaupi jafnvel á milljónum.
Ekkert bólar á
starfslokasamningi
Starfsmennirnir tveir, sem fóru í
leyfi, hafa undanfarið staðið í samn­
ingaviðræðum við Akureyrarbæ um
starfslokasamning að ósk sveitarfé­
lagsins. Slökkviliðsmenn eru opin­
berir starfsmenn því eru vinnuregl­
ur sem þarf að fylgja hvað varðar
uppsögn – til dæmis að veita munn­
legar og skriflegar áminningar, líkt og
Eiríkur bendir á.
Heimildir DV herma þó að þegar
aðeins vika var eftir af launalausu
ársleyfi slökkviliðsmannanna hafi
bærinn tilkynnt þeim að bærinn liti
þannig á að þeir væru hættir, þar sem
báðir væru horfnir til annarra starfa.
Samkvæmt heimildum DV töldu
slökkviliðsmennirnir að það væri
eðlilegt að leita sér að nýjum störfum,
enda í starfslokaviðræðum. Slökkvi­
liðsmennirnir sjálfir líta ekki þannig á
að þeir hafi sagt upp og bærinn kann­
ast ekki við að hafa sagt þeim upp
– heldur hafi þeir hætt sjálfviljugir.
Málið er því í hnút og bætist ofan á
allt sem undan er gengið.
Bæjarbúum ekki rótt
Afleiðingar eineltis eru ekki aðeins
slæmar fyrir þolendurna heldur
einnig fyrir rekstur stofnana eða fyrir­
tækja. Fréttaflutningur og umræðan
á Akureyri hefur valdið bæjar­
búum hugarangri og segjast þeir,
sem hafa sett sig í samband við DV,
hafa áhyggjur af öryggi bæjarbúa ef
slökkvistöðin sjálf standi í „björtu
báli“ eins og einn þeirra orðaði það.
Heimildarmenn DV eru þó sam­
mála um að á slökkvistöðinni starfi
afar hæfir slökkviliðsmenn þó svo að
samskipti yfirmanna og undirmanna
gangi eins og raun ber vitni. Undir
þetta tekur Eiríkur Björn og segir að
bæjarbúar þurfi ekki að óttast – þeim
sé engin hætta búin vegna „innan­
húsvanda“ slökkviliðsins. Heimildar­
menn DV segja að mórallinn meðal
óbreyttra slökkviliðsmanna sé góður
þrátt fyrir að það sé óhjákvæmilega
svo að menn séu orðnir þreyttir á
langvarandi ástandi. Nokkrir íhuga að
hætta samkvæmt heimildum DV og
veikindadagar eru tíðir. Slökkviliðs­
mennirnir eru hreint út sagt orðnir
þreyttir á því að málið sé ekki leyst. n
Ásta Sigrún Magnúsdóttir
blaðamaður skrifar asta@dv.is
„Þetta er
áralangt
mál sem hef-
ur reynst mjög
erfitt að eiga við
„Í björtu báli“
vegna eineltis
Trúnaðarmál Bæjarstjórn Akureyrar segir
málið vera bundið trúnaði, en að miklu hafi
verið til kostað til að leysa „innanhúsvanda“
hjá slökkviliðinu. Eiríkur Björn Björgvinsson
er bæjarstjóri Akureyrar.
Jón Gnarr í
þingframboð
Búið er að stilla upp í efstu sæti
Bjartrar framtíðar og mun Jón
Gnarr, borgarstjóri Reykjavík­
ur, verða í fimmta sæti listans í
Reykjavíkurkjördæmi norður. Í
fréttum RÚV á fimmtudag kom
fram að Guðmundur Steingríms­
son, sem er sitjandi þingmaður,
muni leiða lista Bjartrar framtíðar
í suðvesturkjördæmi og þingmað­
urinn Róbert Marshall muni leiða
Reykjavíkurkjördæmi norður.
Tillaga uppstillingarnefndar
Bjartrar framtíðar var samþykkt
á fundi flokksins á miðvikudags­
kvöld. Búist er við að listarnir
verði kynntir í heild sinni þegar
nýtt ár gengur í garð.
Ekki er loku fyrir það skotið að
Óttar Proppé borgarfulltrúi Besta
flokksins og góðvinur Jóns Gnarr
borgarstjóra muni taka sæti á lista
Bjartrar framtíðar en hann hefur
lýst því yfir að hann hafi áhuga á
að bjóða sig fram til þings.
Ráðist á konu
Ráðist var á unga konu á gisti­
húsi í Austurbænum aðfaranótt
fimmtudags. Lögreglunni á höfuð­
borgarsvæðinu barst tilkynning
um málið á fjórða tímanum. Þegar
lögreglan kom á staðinn handtók
hún árásarmanninn. Hann var í
kjölfarið vistaður í fangageymslu
vegna rannsóknar málsins. Konan
var flutt á slysadeild Landspítalans
til aðhlynningar.
Ástæða fyrir
útburðinum
„Það eru ástæður fyrir svona gern­
ingum. Fólk er ekki borið út úr
Kringlunni á hverjum degi,“ sagði
Sigurjón Örn Þórðarson, fram­
kvæmdastjóri verslunarmiðstöðv­
arinnar Kringlunnar, á fimmtu­
dag aðspurður út í þá ákvörðun
að vísa kaupmanninum Maríu
Birtu Bjarnadóttur úr Kringlunni
þar sem hún hafði komið fyrir
jólamarkaði Maníu. Hann sagði
innkomu Maríu Birtu í Kringluna
hafa borið að með skömmum
hætti. Hún hafi mætt með jóla­
markað Maníu í Kringluna með
leyfi eiganda rýmis í verslunar­
miðstöðinni. Hann sagði alla þá
sem ætla sér að vera með rekstur
í Kringlunni þurfa heimild til þess
og að gangast undir ákveðnar hús­
reglur. Hann segist hafa talið að
þarna yrði verslunin Manía starf­
rækt en svo reyndist ekki vera,
heldur var þetta jólamarkaður
Maníu. Verslunin Manía er enn
starfrækt að Laugavegi 51. „Það
kom svo á daginn að þetta var út­
sölumarkaður hennar. Það eru al­
veg klárar reglur í Kringlunni sem
kveða á um það að útsala er ekki
heimil nema á ákveðnum skil­
greindum tímabilum. Það er í hús­
reglum sem allir gangast undir.“