Dagblaðið Vísir - DV - 14.12.2012, Blaðsíða 29
Viðtal 29Helgarblað 14.–16. desember 2012
að ella hefði ég líklega ekki gert það
strax. En það er ekki versta afsökun
í heimi að skrá sig í stjórnmálaflokk
fyrir strák sem maður er skotin í!“
Þrátt fyrir að hún hafi lengi starf-
að fyrir flokkinn er ekki þar með sagt
að hún sé alltaf sammála öllu sem
Sjálfstæðisflokkurinn gerir. „Ég held
að það eigi við um alla sem starfa í
stjórnmálum, sama hvaða flokki þeir
tilheyra. Ég vil tilheyra þessari heild
því þannig tel ég að ég geti haft áhrif.
En ég hef tekið opinbera af-
stöðu gegn því sem minn flokkur
er að gera. Það gerðu borgarfull-
trúar Sjálfstæðisflokksins til dæm-
is með mjög afgerandi hætti þegar
þeir sögðu nei takk við þeirri þróun
sem átti að verða í Orkuveitu Reykja-
víkur.“
Sennilega er ekkert sem hefur
mótað Hönnu Birnu jafn mikið
sem stjórnmálamann að standa
frammi fyrir þeirri áskorun. „Þá tók
ég ákvörðun um að vera í stjórn-
málum á mínum forsendum og
gera það sem ég tel rétt og fylgja
eigin samvisku frekar en hefðinni
og flokkslínunni. Það má því segja
að REI-málið hafi verið ákveðinn
vendipunktur í minni pólitík.“
Erfið ákvörðun
Réttlætiskenndin gerði það að verk-
um að hún fór gegn því sem ætlast
var til af henni og því sem hún segir
að hefði verið skynsamlegt að gera til
þess að halda völdum í borginni og
sleit meirihlutasamstarfi við Ólaf F.
Magnússon. „Það var hvorki auðvelt
né sjálfsagt en ég tók þessa áhættu
vegna þess að mér fannst það eina
rétta í stöðunni. Þetta var í ágúst árið
2008 og við fundum að það kreppti
að og að við yrðum að taka hönd-
um saman. Til þess að skapa sátt
þurfti ákveðnar breytingar. Þá tók
ég afdráttarlausa ákvörðun um að
ef mér þykir eitthvað rangt þá fer ég
ekki þangað. Það var í senn erfitt og
þroskandi en eftir það mun ég aldrei
taka þátt í neinu sem ég get ekki varið
fyrir sjálfri mér. Ég hef aldrei gert það
og ég mun aldrei gera það.
Það þýðir að ég hef stundum sagt
nei þegar það er erfitt og flokkurinn
vill annað. Það er ekki alltaf klappað
fyrir áherslu minni á breytt stjórnmál
í öllum sölum Sjálfstæðisflokksins.
En ég hef valið að fara þessa leið í von
um að það skili sér fyrir flokkinn. Það
er mín sannfæring að þessi aukna
sátt sem ég er að leita eftir í stjórn-
málum sé jafn mikilvæg fyrir Sjálf-
stæðisflokkinn og samfélagið allt.“
Skilyrðislaus ást
Fyrst þetta mótaði hana sem stjórn-
málamann er áhugavert að heyra
hvað mótaði hana sem manneskju.
Hún brosir og segist vera ósköp
venjuleg stelpa úr Hafnarfirðinum.
„En ég er mjög mótuð af því að al-
ast upp við mikla ást, umhyggju og
öryggi. Ég vissi eiginlega alltaf hvað
næsti dagur bæri í skauti sér. Ég vissi
líka að foreldrar mínir myndu ganga
alla leið fyrir mig, ég fékk mjög skýr
skilaboð um að umhyggja þeirra
gagnvart okkur börnunum væri al-
gjörlega skilyrðislaus.
Óeigingirni foreldra minna gagn-
vart okkur börnunum er það falleg-
asta sem ég hef kynnst í lífinu, hversu
alltumlykjandi ást þeirra var. Ég á
mér þann draum að þegar börnin
mín eldast og líta til baka þá hafi ég
gefið þeim eitthvað sem er svo ómet-
anlegt. Að þau upplifi eitthvað gagn-
vart mér sem er eitthvað áþekkt því
sem ég upplifi gagnvart foreldrum
mínum. En ég mun aldrei komast
með tærnar þar sem þau hafa hæl-
ana.“
Einu áhyggjur Hönnu Birnu í
æsku lutu að eigin samviskusemi,
sem átti sér fá takmörk. „Ég hafði
áhyggjur af því hvort ég stæði mig
örugglega ekki nógu vel og hvort ég
væri nógu dugleg. Ég er mjög mót-
uð af því að telja að ég eigi að ganga
í gegnum lífið með ærlegum hætti
þannig að ég geti lokað augunum á
kvöldin fullviss um að ég gerði allt
sem ég gat. Að mínu mati er það
kjarninn í því sem á eftir kom. Ég
er passlega metnaðarfull, hef ágæt-
is sjálfstraust, er örugg og ákveðin
í því að gera allt sem ég get til þess
að bæta samfélagið og tel mig bera
skyldu til þess.“
Langaði að verða rithöfundur
Þar sem hún var feimin í æsku er
hún þess fullviss að það sé ekki hægt
að hafa uppi á einni einustu mann-
eskju sem hefði spáð því að hún
yrði stjórnmálamaður. „Ég var
Gekk í flokkinn fyrir ástina
„Það var í senn
erfitt og þrosk-
andi en eftir það mun ég
aldrei taka þátt í neinu
sem ég get ekki varið fyrir
sjálfri mér.
Ekkert eins fallegt
og ást foreldranna
Hanna Birna ólst upp við
mikla umhyggju, ást og
öryggi og segir að það hafi
mótað sig til framtíðar. Hún
er full sjálfstrausts, hefur
metnað og er sannfærð um
að hún geti látið gott af sér
leiða ef hún fær tækifæri til.
myndir Sigtryggur ari