Fréttatíminn - 16.10.2015, Side 2

10% af sölu
á Bleiku línu
aPÓTeksins
rennur Til
kraBBameinsfélags
íslands í okTÓBer
Jólageitin mætt í
Garðabæ
Líkt og lóan boðar komu vorsins hefur
sænska jólageitin nú boðað komu jólanna
framan við Ikea í Garðabæ. Geitur eins og
sú sem heimsækir Ikea eru afar vinsælar í
Svíþjóð í aðdraganda jólanna og má finna
þær þar í öllum stærðum og gerðum. Sú
frægasta er geitin í Gävle sem hlýtur oft
þau örlög að verða brennuvörgum að bráð.
Ikeageitin hefur áður hlotið sömu örlög,
auk þess að hafa beðið í lægri hlut fyrir
íslenska veðrinu. Það verður spennandi að
sjá hvernig henni mun vegna þetta árið.
Fuglavika í Reykjavík
Fuglavika hefst í Reykjavík á morgun,
laugardag. Það eru Reykjavíkurborg og
Fuglavernd sem standa að Fuglaviku sem
er haldin með því markmiði að vekja at-
hygli á því fjölskrúðuga fuglalífi sem glæðir
borgina lífi allt árið um kring. Fuglavikan
hefst með málþingi í Norræna húsinu þar
sem Snorri Sigurðsson líffræðingur flytur
erindi um fugla Reykjavíkur og búsvæði
þeirra, Elma Rún Benediktsdóttir fugla-
ljósmyndari segir frá reynslu sinni af því
að taka myndir af fuglum og Sigrún Björg
Ingþórsdóttir, leikskólastjóri Furuskógar,
segir frá fuglaverkefnum sem unnin hafa
verið á leikskólanum. Út vikuna verður svo
boðið upp á ýmiskonar fræðsluviðburði
auk gönguferða um borgina með fugla-
fræðingum. Sjá nánar á veg borgarinnar
eða hjá Fuglavernd.
Skora á Myndform að
sýna Suffragette
Íslenskar kvenréttindakonur eru óhressar
með að Myndform skuli ekki hafa ákveðið
hvort kvikmyndin Suffragette, sem segir
sögu baráttu breskra kvenna fyrir kosn-
ingarétti, verði sýnd hér á landi. Hafin er
undirskriftarsöfnun á vefsíðunni change.
org þar sem skorað er á Myndform að setja
myndina í sýningar hér, ekki síst vegna
100 ára afmælis kosningaréttar íslenskra
kvenna.
„Við trúum ekki öðru en að það sé mikill
áhugi fyrir því að fá myndina í íslensk kvik-
myndahús. Þá sérstaklega í ljósi þeirrar
miklu femínísku vitundarvakningar á liðnu
ári, sem og í ljósi þess að í ár fögnum við
því að 100 ár eru liðin frá því að íslenskar
konur fengu kosningarétt,“ segir þar. Að
undirskriftasöfnuninni standa Femínista-
félag Háskóla Íslands, Kvenréttindafélag Ís-
lands, Femínistafélag Íslands og femíníska
vefritið Knúzið.
Sala húsgagna eykst um 10%
Sala húsgagna jókst um fimmtung í september síðastliðnum
frá sama mánuði í fyrra. Þessi aukning ræðst að nokkru
leyti af lítilli sölu í samanburðarmánuðinum í fyrra, en engu
að síður hefur sala á húsgögnum farið vaxandi síðustu má-
nuði. Ef sala húsgagna síðustu þrjá mánuði er borin saman
við sama tímabil í fyrra er hún um 10% meiri í ár. Söluaukningin sést meðal annars
á því að sala sérverslana með rúm jókst um 55% frá því í fyrra.
Veltuaukning var í flestum tegundum smásöluverslunar í september frá sama
mánuði í fyrra. Í veltuhæsta vöruflokknum, dagvöruverslun, jókst veltan um 3,8%
að nafnvirði miðað við september í fyrra. Að magni til hélst veltan nánast óbreytt
á milli ára. Verð á dagvöru var 3,9% hærra en fyrir ári síðan en hefur hækkað um
1,6% það sem af er þessu ári.
10%
 Íþróttir Framkvæmdastjóri BridgesamBandsins ósátt við hæstarétt Bretlands
Bridge er ekki íþrótt
„Þetta eru fáránlegar fréttir!“, segir
Ólöf Þorsteinsdóttir, framkvæmda-
stjóri Bridgesambands Íslands, um
þær fregnir að hæstiréttur í Bretlandi
hafi úrskurðað sem svo að bridge sé
ekki íþrótt. Enska bridgesambandið
var ósátt við að Íþróttasamband Eng-
lands vildi ekki viðurkenna bridge
sem íþrótt og ákvað að fara með mál-
ið fyrir dómstóla en nú hefur dæmt
sem svo að bridge sé ekki íþrótt.
Íþróttasambandið neitaði að viður-
kenna bridge sem íþrótt þar sem það
„reyndi ekki líkamlega á spilarana“
og væri frekar „eins og að lesa bók“.
„Ég var bara að heyra þetta en
finnst þetta bara ótrúlegt. Við í
Bridgesambandinu höfum alltaf
haldið því fram að þetta sé íþrótt,
enda er keppt í bridge á ólympíuleik-
um. Ef skák er íþrótt þá er bridge
íþrótt, það er engin munur á þessu.
Þetta er hugaríþrótt.“
Íslenska bridgesambandið, er ekki
hluti af Íþróttasambandi Íslands, en
landslið Íslands vann Norðurlanda-
mótið í bridge í maí síðastliðnum,
annað skiptið í röð. Lið Íslands í
opnum flokki skipuðu þeir Bjarni H.
Einarsson, Aðalsteinn Jörgensen,
Gunnlaugur Sævarsson, Kristján
M. Gunnarsson, Jón Baldursson og
Sigurbjörn Haraldsson. „Við erum
öll frekar hissa á þessum fréttum
en eigum ennþá eftir að hittast og
ræða þetta frekar. Mér finnst þetta
allavega vera mjög sérstök niður-
staða,“ segir Ólöf. -hh
Hæstiréttur Bretlands hefur úrskurðar
að bridge sé ekki íþrótt þar sem það
„reyni ekki líkamlega á spilara“ og sé
„eins og að lesa bók“ en til að flokkast
sem íþrótt verði athöfnin að reyna á
líkamann.
 knattspyrna árangur smáþjóðar með áherslu á þjálFun æskulýðs
Ísland rannsóknarefni
sérfræðinga víða að
Á undanförnum misserum
hefur Íslandsáhugi erlendra
blaðamanna og fólks innan
knattspyrnuhreyfingarinnar
víða um heim aukist
gríðarlega. Ástæðan er
einföld. Uppgangur íslenska
landsliðsins og knattspyrnu-
manna frá Íslandi hefur vakið
spurningar þeirra sem fjalla
um og stunda knattspyrnu.
Hvernig getur landslið frá
svona litlu landi náð svona
langt í þessar vinsælustu
íþróttagrein heims?. Daði
Rafnsson, yfirþjálfari hjá
Breiðabliki í Kópavogi, hefur
á undanförnum mánuðum
tekið á móti óteljandi blaða-
mönnum og þjálfurum frá
öllum heimshornum. Hann
segir ástæðuna fyrir þessum
uppgangi vera margþættan.
h ingað koma hópar í stríð-um straumum,“ segir Daði Rafnsson, yfirþjálfari hjá
Breiðabliki. „Bara núna nýlega hef
ég verið með hópa frá Bandaríkjun-
um, Sviss og Englandi. SKY Italia
var svo hér í vor og gerði heilmikla
úttekt,“ segir hann. „Það er búið að
vera gríðarlega mikið undanfarið.
Þetta eru fjölmiðlamenn sem koma
hingað og vilja fjalla um af hverju
landsliðið er komið á stórmót.
Þeir tala við Lars, Heimi og KSÍ.
Svo koma þeir til félaganna og oft
til okkar í Breiðabliki þar sem við
erum bæði með atvinnumenn og
með knattspyrnuhús. Svo fara þeir
til Vestmannaeyja og upp á Akra-
nes því þar er landslag sem þeir
hafa ekki séð áður. Þetta er orðið
það algengt að þessar kynningar
eru orðnar partur af minni starfs-
lýsingu,“ segir Daði.
Gömul kempa í heimsókn
„Einnig koma stórir hópar af
þjálfurum hingað í heimsókn,“ seg-
ir hann. „Ég var með 20 þjálfara frá
sænska knattspyrnusambandinu
hér í síðustu viku, til dæmis. Gamla
kempan Stig Inge Björnebye kom
svo hingað með norska þjálfara, þar
sem hann er yfir hæfileikamótun
norska sambandsins og svona mætti
lengi telja,“ segir Daði sem telur Ís-
land og þjálfun á Íslandi vera ein-
staka um allan heim.
„Það fara margir hlutir saman
hér á landi,“ segir hann. „Mín kenn-
ing er sú að hvergi í heiminum séu
krakkar með jafn góða aðstöðu,
með jafn menntaða þjálfara og jafn
mikinn æfingatíma fyrir jafn lít-
inn kostnað og hér á landi. Það er
bara heilt yfir öll félög á landinu,“
segir hann. „Ég hef bloggað mikið
um þessi mál og hvergi í heiminum
smella þessir hlutir jafn vel saman.
Það sem fólk er að borga í
æfingagjöld og það sem það
fær í staðinn er gríðarlega
dýrmætt, og finnst hvergi
annarsstaðar,“ segir Daði.
Foreldrar kaupa sér
æfingar
„Hér heima er þetta
heldur ekki orðið svokallað
„elítusport“ eins og tíðkast
í mörgum löndum. Sem ger-
ir það að verkum að þar er
dregið úr möguleikunum á
að finna hæfileika krakka.
Frændur okkar á Norðurlöndun-
um eru að berjast við samfélags-
lega menningu sem bannar það að
getuskipta krökkum í íþróttum,“
segir hann. „Við getuskiptum mjög
snemma hér á landi, en allir hafa
jafn menntaða þjálfara til 19 ára ald-
urs. Við erum heldur ekki hrædd við
að láta krakka keppa mjög snemma
sem tíðkast ekki eins mikið hjá
nágrannaþjóðunum. Getuskipting
hefur vissulega kosti og galla, en ef
maður vill búa til gott knattspyrnu-
fólk og lið, þá er það nauðsynlegt,“
segir Daði, sem segir markmiðið
að halda áfram að búa til gott knatt-
spyrnufólk í öllum liðum landsins.
„Ég er á því að það séu mjög góðir
hópar að koma upp hjá öllum liðum
landsins. Það eru þó hlutir sem við
þurfum að hafa áhyggjur af,“ segir
hann. „Ég hef áhyggjur af
því þróunin sé að fara í sömu
átt og er að gerast í Banda-
ríkjunum og á Norðurlönd-
unum, sem er sú að foreldr-
ar eru farnir að ráða miklu.
Foreldrar eru að kaupa sér
æfingar fyrir börnin í stað
þess að leyfa menntuðum
þjálfurum liðanna að sjá um
þetta og láta krakkana frek-
ar leika sér á milli æfinga,“
segir hann.
„Félagslegi þátturinn er
mjög mikilvægur í þessu
starfi og það er nauðsynlegt að
krakkar séu ekki alltaf undir hand-
leiðslu þjálfara. Félögin sjá til þess
að krakkar æfa vel, og undir hand-
leiðslu mjög góðra þjálfara. Þess á
milli verða þeir að fá að leika sér á
sparkvelli eða vera með foreldrum
sínum,“ segir Daði Rafnsson, yfir-
þjálfari knattspyrnudeildar Breiða-
bliks.
Hannes Friðbjarnarson
hannes@frettatiminn.is
Daði Rafnsson,
yfirþjálfari
knattspyrnu-
deildar Breiða-
bliks.
Við getuskiptum
mjög snemma hér
á landi, en allir
hafa jafn mennt-
aða þjálfara til 19
ára aldurs.
2 fréttir Helgin 16.-18. október 2015