Fréttatíminn - 27.11.2015, Blaðsíða 2

Verslunar og skrifstofurými
Til leigu
á besta stað í Firði
Laust er til leigu allt að 121m2 verslunarrými á
besta stað á 1. hæð og einnig skrifstofuhúsnæði í
verslunarmiðstöðinni Firði
Upplýsingar gefur Guðmundur
í síma 615 0009 eða fjordur@fjordur.is
www.fjordur.is
Þóra Tómasdóttir og Gunnar Smári Egilsson taka við sem ritstjórar Fréttatímans um
áramótin. Ljósmynd/Hari
Þ að er mjög er fínt að hafa þetta kortlagt, segir Skúli Helgason, formaður skóla- og frístundaráðs,
spurður um álit sitt á skýrslu starfshóps
sem skoðað hefur hvernig brúa megi bilið
milli fæðingarorlofs og leikskóla sem í dag
miðast við inntöku barna sem eru orðin
a.m.k. 18 mánaða. Skýrslan var kynnt í
skóla- og frístundaráði síðastliðinn mið-
vikudag.
515 ný stöðugildi
Í skýrslunni kemur fram að kostnaðarauki
Reykjavíkurborgar við að taka inn börn í
leikskóla við eins árs aldur er á bilinu 2,3
– tæpra 6 milljarða króna og ræðst af því
hvort innritað verður í leik- og grunnskóla
einu sinni eða tvisvar á ári. Einnig kemur
þar fram að fjölgun barna í leikskólum
muni kalla á mikla fjölgun starfsmanna,
eða allt að 515 stöðugildi, og að erfitt gæti
reynst að manna þessi störf með fagfólki
eins og staðan er á vinnumarkaði. Jafn-
framt segir að erfitt gæti reynst að fá
fagfólk í þessi störf miðað við fjölda út-
skrifaðra leikskólakennara og framboð
á vinnumarkaði um þessar mundir. Þá
kemur þar fram að mennta - og menn-
ingarmálaráðherra hefur í samráði við
innanríkisráðherra skipað starfshóp sem
á að gera tillögu að áætlun um hvernig
sveitarfélögin skuli standa að því að bjóða
leikskólaúrræði strax og fæðingarorlofi
lýkur. Miðað er við að árið 2016 hafi fæð-
ingarorlof verið lengt í 12 mánuði og þá
verði sveitarfélög um landið allt reiðubúin
að veita þjónustuna.
Verkefnið er samfélagslegt
Skúli telur næstu skref vera að leggja drög
að aðgerðaáætlun um hvernig hægt sé að
fjölga leikskólaplássum.„ Við sjáum núna
hver kostnaðurinn yrði en það eru auðvi-
tað fleiri kostir í stöðunni sem hægt væri
að vinna með samhliða. Lausnin hlýtur
að vera sú að móta áætlun til næstu ára
þar sem við förum blandaða leið. Bæði
með því að auka samstarfið við aðila sem
hafa reynslu af því að bjóða leikskólaþjón-
ustu og með því að skoða samhengið við
dagforeldrakerfið og aðrar áhugaverðar
hugmyndir sem hafa verið í gangi,“ segir
Skúli sem telur verkefnið vera samfélags-
legt. „Best væri ef hægt væri að ná sam-
ræmdum skrefum á milli ríkisins og sveit-
arfélaganna í heild sinni. Þetta er veruleg
fjárfesting sem er skynsamleg til lengri
tíma litið en fjárhagur sveitarfélaganna
leyfir ekki mikið af nýjum verkefnum eins
og staðan er núna. Þannig að menn þurfa
að vera skapandi í lausnum.“
En þetta er verkefni sem borgarstjórn
mun leggja áherslu á?
„Já, þetta er klárlega eitthvað sem við
viljum leggja áherslu á. Við viljum leita
allra leiða til að fjölga plássum því þetta er
mikilvæg þjónusta sem við erum stolt af.“
Halla Harðardóttir
halla@frettatiminn.is
„Ég treysti dómgreind
lögreglunnar í þessu
máli,“ segir Margrét Frí-
mannsdóttir, fráfarandi
fangelsisstjóri á Litla-
Hrauni, aðspurð um álit
sitt á því að lögreglubílar
verði búnir byssum. Stefnt
er að því að skamm-
byssum verði komið fyrir
í sérstökum vopnakassa
í bílum lögreglunnar á
höfuðborgarsvæðinu um
miðjan næsta mánuði.
hitamælirinn
Byssur í íslenska lögreglubíla?
Viðurkenningar
Jafnréttisráðs veittar
Sigrún Stefánsdóttir, Halla Kristín Einars-
dóttir og ritstjórn Framhaldsskólablaðsins
hlutu á miðvikudag viðurkenningu Jafn-
réttisráðs á sviði jafnréttismála vegna
fjölmiðlaumfjöllunar um mál sem tengjast
jafnrétti kynjanna. Sigrún hlaut viðurkenn-
ingu fyrir störf í þágu jafnréttis á fjöl-
miðlum, Halla fyrir heimildarmyndina Hvað
er svona merkilegt við það og ritstjórn
Framhaldsskólablaðsins fyrir umfjöllun um
jafnréttismál.
Aðgerðaáætlun um
hagræðingu í rekstri
Borgarráð hefur samþykkt tveggja ára
aðgerðaáætlun til að ná fram hagræðingu í
rekstri borgarinnar. Samkvæmt áætluninni
á miðlæg stjórnsýsla og stjórnsýsla á
fagsviðum að taka á sig 5% hagræðingu á
útgjöld og þjónusta fagsviða á að hagræða
um 1,5% að jafnaði í útgjöldum og annarri
þjónustu. Alls nemur hagræðingin 1.780
milljónum í stjórnsýslu borgarinnar á
næsta fjárhagsári.
Færri í eigin húsnæði
Helstu niðurstöður í nýrri könnun MMR á
því í hvernig húsnæði fólks býr í árið 2015
borið saman við 2013 sýna að íbúum í eigin
húsnæði hefur fækkað um 3% frá 2013
(72%) til 2015 (69%). Íbúum í leiguhúsnæði
hefur fjölgað um 2% frá 2013 (18%) til 2015
(20%). Af þeim sem búa í leiguhúsnæði
töldu tæp 84% það vera öruggt árið 2015
miðað við tæp 86% árið 2013. Þeir sem
styðja Framsóknarflokkinn eru líklegastir
til að búa í eigin húsnæði í dag.
 Fjölmiðlar nýir eigendur koma að Fréttatímanum
Nýir og spennandi tímar
Hópur undir forystu Gunnars
Smára Egilssonar hefur keypt allt
hlutafé í Miðopnu, eiganda Frétta-
tímans. Markmið með kaupunum
er að efla og styrkja Fréttatímann
og auka þátttöku fyrirtækisins á
fjölmiðlamarkaði.
Við kaupin lætur Teitur Jónas-
son, stofnandi og framkvæmda-
stjóri Fréttatímans, af störfum og
eru honum þökkuð vel unnin störf.
Það er ekki lítið afrek að byggja
upp öflugan miðil og reka hann
réttum megin við núllið á tímum
þegar flestir fjölmiðlar berjast í
bökkum og margir tapa stórfé á
hverju ári. Valdimar Birgisson tek-
ur við starfi framkvæmdastjóra og
Gunnar Smári verður útgefandi.
Jónas Haraldsson mun ritstýra
Fréttatímanum fram að áramótum
en þá tekur Þóra Tómasdóttir
við sem ritstjóri ásamt Gunnari
Smára.
„Fjölmiðlaheimurinn er að
ganga í gegnum djúpstæðar tækni-
legar og félagslegar breytingar og
þær munu ekki aðeins umbreyta
markaðnum heldur einnig hafa
mikil áhrif á samfélagið,“ segir
Gunnar Smári. „Við viljum taka
þátt í þessum breytingum og hafa
á þær góð áhrif. Við erum að upp-
lifa hrörnun eldri miðla og gamalla
hugmynda og erum á leið inn í
spennandi tíma með fjölþættari
og árangursríkari fjölmiðlun sem
mun leiða til opnara og lýðræðis-
legra samfélags.“
Eftir eigendaskiptin verða eig-
endur Miðopnu þeir Árni Hauks-
son, Gunnar Smári Egilsson,
Hallbjörn Karlsson, Sigurður Gísli
Pálmason og Valdimar Birgisson
og eiga allir viðlíka stóran hlut.
Lausnin
hlýtur að
vera sú að
móta áætl-
un til næstu
ára þar sem
við förum
blandaða
leið.
 Skólamál leikSkóli Frá 12 mánaða aldri?
Veruleg en skyn-
samleg fjárfesting
Það mun kosta borgina 2,3 til tæpra 6 milljarða að brúa bilið milli fæðingarorlofs og leik-
skóla, samkvæmt skýrslu starfshóps sem skoðað hefur málið. Í skýrslunni, sem kynnt var í
vikunni, kemur einnig fram að 515 stöðugildi myndu skapast sem erfitt yrði að manna. Skúli
Helgason, formaður skóla- og frístundaráðs, segir borgina munu leggja áherslu á að fjölga
leikskólaplássum, það sé skynsamlegt, en nauðsynlegt sé að hugsa í skapandi lausnum því
kostnaðurinn sé verulegur.
Mennta- og menningarmálaráðherra hefur í samráði við innanríkisráðherra skipað starfshóp sem á að gera tillögu að áætlun
um hvernig sveitarfélögin skuli standa að því að bjóða leikskólaúrræði strax og fæðingarorlofi lýkur. Miðað er við að árið 2016
hafi fæðingarorlof verið lengt í 12 mánuði og þá verði sveitarfélög um landið allt reiðubúin að veita þjónustuna.
2 fréttir Helgin 27.-29. nóvember 2015