Fréttatíminn - 27.11.2015, Blaðsíða 76

Gefðu íslenska tónlist
í jólagjöf
www.recordrecords.is
Fáanlegar á CD og LP
í öllum betri plötubúðum
Of Monsters and Men
Beneath The Skin
Vök
Circles
Júníus Meyvant EP
Haukur Gröndal og Gói segja tónleikana ætlaða fyrir alla fjölskylduna. Ljósmynd/Hari
 Tónleikar GáTTaþefur oG aðrir jólasveinar mæTa í Hörpu
Grýla er alltaf jafn spennandi
Stórsveit Reykja-
víkur heldur fjöl-
skyldutónleika í
Hörpu sunnudaginn
6. desember. Á
efnisskránni verða
jólalög og er
megin uppistaðan
útsetningar Hauks
Gröndal á lögunum
sem Ómar Ragnars-
son gerði vinsæl á
jólahljómplötunum
Gáttaþefur í góðum
hópi, frá árinu 1971,
og Krakkar mínir
komiði sæl frá 1966.
Með Stórsveitinni
verður leikarinn og
skemmtikrafturinn
Guðjón Davíð Karls-
son, eða Gói eins og
flestir þekkja hann,
sem lofar miklu
stuði. Hann segir
það langþráðan
draum að koma
fram með hljóm-
sveit eins og Stór-
sveitinni.
s tórsveit Reykjavíkur heldur alltaf árlega jóla-tónleika,“ segir Haukur
Gröndal saxófónleikari. „Það
sem okkur langaði að gera í ár
er að hafa dagskrána á þá leið
að öll fjölskyldan hafi gaman af.
Svo vorum við að brjóta heilann
um það hvað við ættum að gera,
þá datt mér það í hug að fá hann
Góa með okkur í þetta. Sem er
ein besta hugmynd sem ég hef
fengið,“ segir Haukur. „Ég sagði
auðvitað já um leið,“ segir Gói.
„Það er draumur allra skemmti-
krafta að koma fram með svona
hljómsveit eins og Stórsveitin
er. Fyrir tveimur árum kom ég
fram með Sinfóníunni og það að
vera með svona kraft fyrir aftan
sig er eitt af því skemmtilegasta
sem ég hef gert,“ segir hann.
„Það sem við ætlum að syngja
og spila eru lögin sem Ómar
söng inn sem Gáttaþefur hér
um árið,“ segir Haukur. „Það
eru útsetningar sem ég gerði
af þeirri músík á sínum tíma.
Svo ætlum við líka að vera með
hljóðfærakynningu. Ég er að
vinna í því að útsetja nokkur
stef fyrir þessa kynningu því
Gói ætlar að kynna sér hljóðfæri
Stórsveitarinnar og kynna þau
um leið fyrir gestum. Þarna eru
fullt af blásurum og trommur
og bassi og píanó og sitthvað
fleira,“ segir Haukur.
„Það er gaman að skoða
hvernig svona hljómsveit er
uppbyggð,“ segir Gói. „Ég hef
mikinn áhuga á því. Ég hefði
svo gjarnan viljað vera tónlistar-
maður, ég held að ég hefði orðið
flottur trompetleikari. Ég hlust-
aði mikið á þessa plötu með
Gáttaþefi á þessum tíma og ég
man mest af þessu enn í dag,“
segir hann. „Ég þurfti að rifja
upp eitt og eitt samt. Lögin eru
svo skemmtilega mismunandi,
það er svo margir stílar hjá Óm-
ari,“ segir hann. „Þetta eru frá-
bær lög og gaman að heyra þau í
svona stórum útsetningum.“
„Það sem er líka skemmtilegt
við þessi lög, eru allir text-
arnir,“ segir Haukur. „Það er
skemmtilega farið með íslensk-
una og gaman fyrir krakkana
að syngja með. Allir krakkar
tengja enn við þessi lög,“ segir
hann. „Jólasveinarnir og Grýla
eru ennþá jafn spennandi og þau
voru fyrir fimmtíu árum.“ „Börn
hafa gaman af textum og vilja
syngja með, þau vilja að maður
kenni þeim að syngja með,“
segir Gói. „Það er aldrei að vita
hvort jólasveinn komi á staðinn.
Samningar standa yfir, en það
er stundum vont símasamband
hjá þeim uppi í fjöllum,“ segir
Haukur Gröndal. Tónleikarnir
þann 6. desember hefjast klukk-
an 14 og fara fram Silfurbergi
Hörpu og er miðaverð kr. 3.900
og 1.900 kr. Miðasala Hörpu
ásamt harpa.is og tix.is
Hannes Friðbjarnarson
hannes@frettatiminn.is
Jólakortasmiðja
fyrir alla fjöl-
skylduna
Gerðarsafn býður upp á opna
jólakortasmiðju næstkomandi
sunnudag, 29. nóvember, klukk-
an 13-17. Smiðjan er hluti af
aðventuhátíð Kópavogs sem fer
fram um helgina og verða jóla-
kortin gerð í anda listakonunnar
Barböru Árnason (1911-1975).
Myndlistarmennirnir Linn
Björklund og Edda Mac munu
leiða smiðjuna. Skoðaðar verða
teikningar Barböru á jólakortum
og í barnabókum og kennt verð-
ur að búa til sögu með myndum.
Gerðar verða pennateikningar
þar sem línur fá að ráða för og
gerðar tilraunir með mynstur
og litasamsetningar. Jólakorta-
smiðjan hentar öllum aldurs-
hópum og er öllum opin. Þátt-
taka er ókeypis og ekki er þörf á
skráningu.
Aðventuhátíð Kópavogs fer
fram nú um helgina, 28.-29.
nóvember, í menningarhúsunum
við Hamraborgina. Á laugar-
daginn verður tendrað á jólatré
bæjarins, jólakötturinn og jóla-
sveinar líta við og hægt verður
að fá kræsingar og jólagjafir á
matar- og handverksmarkaði. Á
sunnudaginn verður jólaorigami
smiðja í Bókasafni Kópavogs,
matarmarkaður á túninu, jóla-
leikritið Ævintýrið um Auga-
stein í Salnum, auk jólakorta-
smiðjunnar í Gerðarsafni.
Jólakortin gerð í anda listakon-
unnar Barböru Árnason.
76 menning Helgin 27.-29. nóvember 2015