Fréttatíminn - 27.11.2015, Blaðsíða 14

Göldrótt baráttukona
með skoðanir á öllu
Margrét Frímannsdóttir, forstöðumaður á Litla-Hrauni, sagði starfi sínu lausu í
vikunni. Margrét hefur verið áberandi í íslensku þjóðfélagi áratugum saman, fyrst
sem almennur þingmaður fyrir Alþýðubandalagið á Suðurlandi, síðan sem formaður
Alþýðubandalagsins og svo varaformaður Samfylkingarinnar. Hún dró sig út úr stjórn-
málum 2006 og hefur verið forstöðumaður á Litla-Hrauni síðan 2008.
M argrét var alin upp á Stokks-eyri af kjörforeldrum sínum Frímanni Sigurðssyni, yfir-
fangaverði á Litla-Hrauni, og Önnu Pálmey
Hjartardóttur, húsmóður. Hún er sögð
hafa verið mjög náin kjörföður sínum,
hress og forvitinn krakki með óþrjót-
andi áhuga á öllu sem fyrir augu og
eyru bar. „Hún hafði skoðanir á bók-
staflega öllu alveg frá því hún var
barn,“ segir æskuvinkona hennar. „Var
einstaklega glaðlynd og skemmtileg
og það var alltaf líf og fjör í kringum
hana.“
Árið 1982 varð Margrét oddviti
Stokkseyrarhrepps og gegndi því
embætti til 1990. Hún var fyrst kjörin
á þing árið 1987 og sat þar óslitið til
2007, eða í tuttugu ár. Hún var kosin
formaður Alþýðubandalagsins 1995 og
varð þar með fyrsta konan sem leiddi
einn af gömlu fjórflokkunum. Því emb-
ætti gegndi hún til ársins 2000 þegar
Alþýðubandalagið rann saman við Al-
þýðuflokk og Kvennalista með stofnun
Samfylkingarinnar þar sem hún var
kosin varaformaður og hefur af sumum
verið kölluð ljósmóðir flokksins.
Margrét er mikil fjölskyldukona,
tvígift og á tvö börn með fyrri manni
sínum, Baldri Birgissyni. Seinni mað-
ur hennar er Jón Gunnar Ottósson
og hann átti þrjú börn af fyrra hjóna-
bandi, þannig að fjölskyldan var ansi
stór. Að sögn kunnugra tók Margrét
börnum Jóns Gunnars sem sínum eigin
frá fyrsta degi enda segir stjúpdóttir
hennar að hún sé alveg sérstaklega
mikil fjölskyldumanneskja sem viti
fátt skemmtilegra en að elda góðan mat
ofan í sitt fólk. „Hún er eiginlega göldr-
ótt að ýmsu leyti, hún Magga. Hún er
mikil barnagæla og börn laðast sam-
stundis að henni. Og hún býr til galdra-
súpu úr ýmsum dularfullum kryddum
og lætur keyra hana heim til fólks sem
er með hálsbólgu og hósta. Einnig á
hún til að hrista heilu veislurnar fram
úr erminni, þ.e. allt matarkyns, ef ein-
hver þarf að bjóða 50 manns heim eða
svo.“
Margrét tók við starfi sem forstöðu-
maður Litla-Hrauns árið 2008 og það
kom þeim sem þekkja hana lítið á
óvart. „Hún er mikil alþýðumanneskja
og ég veit að henni þykir virkilega vænt
um fangana upp til hópa, enda alin upp
nánast við bæjartröðina á Litla-Hrauni
þar sem pabbi hennar var fangavörður.
Hún hefur mjög manneskjulega sýn á
þá sem hafa brotið af sér og á auðvelt
með að sjá manneskjuna og reynslu
hennar bak við ásjónu afbrotamanns-
ins,“ segir einn af vinum hennar. „Hún
náttúrulega þekkti fangelsismál, sér-
staklega á Litla-Hrauni, betur en marg-
ir aðrir og bæði í sveitarstjórn og á Al-
þingi lét hún sig mjög varða málefni
fanga. Hún hefur trú á betrun frekar
en refsingu og þetta starf veitti henni
einstakt tækifæri til að vinna fyrir
þann málstað,“ segir önnur. „Þetta er
hins vegar ofboðslega krefjandi starf
við erfiðar aðstæður og mig grunar að
hún hafi ekki verið sátt við hversu illa
gekk að knýja fram umbætur í málefn-
um fanga. Ég held hún hefði viljað gera
svo miklu, miklu betur en hún hafði
svigrúm til að gera.“
Öllum ber saman um að Margrét sé
með eindæmum skemmtileg kona og
sumir ganga svo langt að kalla hana
göldrótta. „Hún sér lengra en nef henn-
ar nær, í orðsins fyllstu merkingu. Hefur
svo góða tilfinningu fyrir hlutum að hún
veit hreinlega stundum hvað mun ger-
ast áður en það gerist, oft þannig að það
fer um mann,“ segir náinn aðstandandi.
„Hún er skynug og eiginlega óvenju
eðlisgreind, ef svo má segja. Hún er
með mjög þefnæmt pólitískt nef og
sér oft í gegnum pólitíska atburðarás
áður en hún er svo mikið sem haf-
in, oft forvitnilegt að hlusta á spár
hennar um framvindu mála og þá er
hún ekki minna gagnrýnin á þá sem
hafa svipaðar skoðanir og hún, hún
stendur með sannfæringu sinni.“
Þegar fiskað er eftir göllum í fari
Margrétar verður færra um svör.
„Hún er mikil prívat manneskja
og á til að vera lokuð þegar mikið
mæðir á henni, þar af leiðandi hætt-
ir henni til að harka of mikið af sér,“
segir vinkona. „Hún er ábyggilega
flughræddasta manneskja sem ég
þekki, sennilega af því að hún fær
ekki að stýra flugvélinni sjálf. Ef
hún fengi það væri hún sennilega
ekkert flughrædd og það eitt segir
ábyggilega mikið um hana. Hún er
dul, hún Margrét, göldrótt og dul,
og í því felast bæði ótrúlegir kostir
en líka gallar sem koma fryst og
fremst fram í því að hún á til að vera
ótrúlega hörð við sjálfa sig.“
Enginn af þeim sem talað er við
hefur nokkra trú á því að Margrét
ætli sér að setjast í helgan stein
þótt hún hætti á Litla-Hrauni. „Hún
er enn hálfgerður unglingur, ekki
nema sextíu og eins árs, og það
verður örugglega ekki langt þang-
að til hún verður komin á bólakaf í
einhver spennandi verkefni. Annað
væri mjög ólíkt henni.“
Friðrika Benónýsdóttir
fridrika@frettatiminn.is
Margrét Sæunn FríMannSdóttir
Fædd í Reykjavík 29. maí 1954
Kjörforeldrar:
Anna Pálmey Hjartardóttir og Frímann
Sigurðsson
Blóðforeldrar: Hannes Þór Ólafsson
og Áslaug Sæunn Sæmundsdóttir
Maki 1: Baldur Birgisson
Maki 2: Jón Gunnar Ottósson
Börn: Áslaug Hanna og Frímann Birgir
Stjúpbörn: Auður, Rannveig og Ari
Klængur
Nám og starfsferill:
Gagnfræðapróf og landspróf frá Gagn-
fræðaskóla Selfoss. Nám í öldunga-
deild Fjölbrautaskóla Suðurlands.
Störf hjá Hraðfrystihúsi Stokkseyrar,
verslunarstörf. Kennari við Grunnskóla
Stokkseyrar, leiðbeinandi við félags-
málaskóla UMFÍ.
Oddviti Stokkseyrarhrepps 1982-1990.
Í Vestnorræna þingmannaráðinu 1988-
1990. Sat á allsherjarþingi Sameinuðu
þjóðanna 1989 og 1990. Í stjórnar-
nefnd Ríkisspítalanna 1993-1995. Í
stjórn og formaður kjördæmisráðs
Alþýðubandalagsins á Suðurlandi. Í
stjórn Alþýðubandalagsins 1983-1987.
Formaður Alþýðubandalagsins 1995
fram að stofnun Samfylkingarinnar
árið 2000. Talsmaður Samfylkingar-
innar í kosningunum 1999. Varafor-
maður Samfylkingarinnar 2000-2003.
14 nærmynd Helgin 27.-29. nóvember 2015
Gleraugnaverslunin þín
MJÓDDIN
Sími 587 2123
FJÖRÐUR
Sími 555 4789
SELFOSS
Sími 482 3949
Bættu árangurinn!
Íþróttagleraugu með og án styrkleika.