Dagblaðið Vísir - DV - 02.08.2013, Qupperneq 12

12 Fréttir 2.–6. ágúst 2013 Helgarblað
Fjár dráttur í jafn réttis félagi
n Gjald keri mis notaði styrk úr æsku lýðs sjóði í eigin þágu
F
yrrverandi gjaldkeri Félags
ungra jafnréttissinna dró sér fé
úr sjóðum félagsins og eyddi
því meðal annars í herra-
klippingu, leigubílaþjónustu og á
skemmtistöðum í miðbæ Reykja-
víkur. Svik gjaldkerans komust upp
í vor við skoðun á reikningsyfirliti
félagsins en áður hafði hann gef-
ið stjórnarmönnum ranga mynd af
fjárhagsstöðu þess.
Félag ungra jafnréttissinna var
stofnað í janúar á síðasta ári og í vet-
ur hlaut félagið 125 þúsund króna
styrk úr æskulýðssjóði mennta- og
menningarmálaráðuneytisins. Þar
af ráðstafaði gjaldkerinn tæplega 50
þúsund krónum í eigin þágu.
Maðurinn sem um ræðir hefur
verið virkur í ýmiss konar félaga-
samtökum um nokkurt skeið og
situr meðal annars í fráfarandi
stjórn Heimdallar, félags ungra sjálf-
stæðismanna í Reykjavík. Hann hef-
ur nú endurgreitt Félagi ungra jafn-
réttissinna upphæðina að fullu. Þá
var honum einnig gert að greina
stjórnum annarra félagasamtaka
sem hann á sæti í frá fjárdrættinum.
Þetta hafa þrír stjórnarmenn fé-
lagsins staðfest í samtali við DV.
Bryndís Torfadóttir, formaður Fé-
lags ungra jafnréttissinna, vill ekki
tjá sig um málið við fjölmiðla en
tekur fram að viðkomandi einstak-
lingur gegni ekki lengur trúnaðar-
stöðu innan félagsins. Ekki náðist
í manninn við vinnslu fréttarinnar
þar sem hann er staddur erlendis á
vegum Sambands íslenskra fram-
haldsskólanema.
Eins og áður sagði er Félag ungra
jafnréttissinna tiltölulega nýstofnað
félag. Samkvæmt vefsvæði félagsins
eru meginmarkmið þess að stuðla að
vitundarvakningu um jafnréttismál og
vekja fólk til umhugsunar um fordóma
og staðalímyndir af ólíkum hópum
samfélagsins. n olafurk@dv.is
„Þar að auki teljum
við að starfsmaðurinn
hafi stundað ýmis önnur
vafasöm viðskipti
Ó
li Valur Steindórsson, fyrrver-
andi framkvæmdastjóri og að-
alhluthafi túnfiskfyrirtækis-
ins Umami, hætti hjá norska
fiskeldisfyrirtækinu Stolt Sea
Farm í Tókýó í kjölfar hneykslis-
máls sem kom upp hjá fyrirtækinu
árið 2003. Stjórnendur Stolt í Noregi
komumst þá að því að óeðlileg við-
skipti hefðu átt sér stað hjá fyrirtæk-
inu í Tókýó þar sem Óli Valur starf-
aði. Nokkrir aðrir starfsmenn Stolt í
Tókýó hættu hjá fyrirtækinu í kjölfar-
ið á hneykslismálinu.
DV hefur gert ítrekaðar tilraunir
til að ná tali af Óla Val Steindórs-
syni vegna gjaldþrots hans sjálfs og
eignarhaldsfélagsins sem hélt utan
um hlutabréf hans í Umami, Atlantis
Group. Óli Valur hefur hins vegar
ekki haft samband við blaðið. Starfs-
lok hans hjá Stolt eru einungis eitt
málið af fjölmörgum sem komið hafa
upp nýlega út af viðskiptum Óla Vals
og Umami. DV greindi meðal annars
frá því fyrir skömmu að Óli Valur
hefði hætt hjá Umami eftir að upp
komst að hann hefði látið Atlantis
Group vera millilið í viðskiptum fé-
lagsins með túnfisk til Japans í fyrra.
Þá greindi blaðið einnig frá því að
norskt fiskeldisfyrirtæki sem veitti
Atlantis Group lán hefði stefnt hon-
um fyrir að tvíveðsetja hlutabréf
Atlantis Group í Umami.
Vafasöm viðskipti
Í ársreikningi Stolt fyrir árið 2003
er rætt um starfslok yfirmanns Óla
Vals í Tókýó, Joe Rifkin, og nokkurra
annarra starfsmanna fyrirtækisins
í Tókýó, meðal annars Óla Vals.
Þar segir meðal annars: „Árið 2003
komumst við að því að starfsmaður á
skrifstofu Stolt í Tókýó hefði stundað
óeðlileg viðskipti með sjávarafurðir.
Nánar tiltekið teljum við að starfs-
maðurinn hefði keypt umtalsvert
magn af ýmiss konar sjávarafurðum
og tilkynnt stjórninni að þær hefðu
verið seldar á markaði á sama tíma.
Þetta var hins vegar ekki rétt og því sat
fyrirtækið uppi með verulegt magn af
fiski á sama tíma og verð fór lækkandi
á mörkuðum. Þessar birgðir voru á
endanum seldar með tapi.“
Þessi viðskipti leiddu til þess að
Joe Rifkin, yfirmaður Óla Vals, missti
starf sitt hjá Stolt. Fyrirtækið tap-
aði rúmlega 78 milljónum dollara
árið 2003 og er rakið í ársreikningn-
um hvernig stjórnendur fyrirtækis-
ins hafi metið það sem svo að tapið
mætti meðal annars rekja til þessara
viðskiptahátta starfsmanna þess í
Tókýó. Sérstaklega er rætt um þessa
vafasömu viðskiptahætti í skýrslu
stjórnar fyrirtækisins.
Grunur um græsku
Þá kemur einnig fram í ársreikningi
Stolt að Joe Rifkin hafi staðið í annars
konar vafasömum viðskiptum sem
höfðu það að markmiði að hann
hagnaðist sjálfur á kostnað Stolt.
„Þar að auki teljum við að starfs-
maðurinn hafi stundað ýmis önn-
ur vafasöm viðskipti sem höfðu það
að markmiði að færa fjármuni frá
Stolt til hans sjálf, með beinum eða
óbeinum hætti. Starfsmaðurinn, og
allir aðrir einstaklingar sem talið er
að hafi tengst þessum vafasömu við-
skiptum, hafa síðan hætt hjá Stolt …“
25 milljóna dollara tap
Svo mjög taldi Stolt sig hafa tap-
að á þessum vafasömu viðskiptum
starfsmanna sinna í Tókýó að þau
voru líka rædd í ársreikningi félags-
ins fyrir 2004 þar sem það mat var
lagt á skaðsemi viðskiptanna að þau
hefðu kostað fyrirtækið rúmlega 25
milljónir dollara árið 2003. Áhrifin
af þessum viðskiptum höfðu því
veruleg áhrif á norska fyrirtækið um
nokkurra ára skeið. n
Ingi Freyr Vilhjálmsson
ritstjórnarfulltrúi skrifar ingi@dv.is
22. júlí 2013
Óli Valur
hætti eftir
hneykslismál
n Hundraða milljóna tap í Tókýó vegna vafasamra viðskipta
Hneyksli í Tókýó Óli
Valur Steindórsson hætti
hjá Stolt í Tókýó eftir að
hneykslismál kom upp
árið 2003.
Mynd: © FréTT eHF/TeiTur Jónasson
Milljónir
safnast
Söfnun áheita fyrir góðgerðafé-
lög í tengslum við Reykjavíkur-
maraþon Íslandsbanka á vefnum
hlaupa styrkur.is fer vel af stað. Á
miðvikudag höfðu safnast yfir 11
milljónir króna en á sama tíma í
fyrra höfðu safnast rúmar 6 millj-
ónir króna, þannig að um er að
ræða yfir 80 prósenta aukningu
milli ára. Á síðasta ári söfnuð-
ust um 46 milljónir króna sem
runnu til um 130 góðgerðafélaga.
Tæplega 1.700 hlauparar hafa nú
skráð sig á hlaupastyrkur.is og eru
að safna áheitum. Reykjavíkur-
maraþon Íslandsbanka fer fram
laugardaginn 24. ágúst næst-
komandi. Nú þegar hafa tæplega
7.000 manns skráð sig í hlaup-
ið. Rúmlega 5.000 manns höfðu
skráð sig á sama tíma í fyrra. Um
1.800 erlendir þátttakendur eru
skráðir til leiks í ár og hafa þeir
aldrei verið fleiri.
Ekki leggja
of snemma
af stað
Á Íslandi verða að minnsta kosti
250 umferðarslys á ári sem rekja
má til ölvunaraksturs. Í um
fimmtungi þeirra slasast fólk og
tveir til þrír láta lífið á ári. Þetta
kemur fram í tilkynningu frá VÍS
sem minnir ferðalanga á að fara
varlega um verslunarmanna-
helgina, stærstu ferðahelgi ársins,
og sleppa því alfarið að setjast
undir stýri eftir neyslu áfengis
eða eitur lyfja. „Samkvæmt rann-
sóknum ráða tilviljun, skamm-
tímasjónarmið og brengluð dóm-
greind mestu um að fólk ákveður
að aka drukkið. Þá ekur margur
of snemma af stað daginn eftir
djamm þannig að áfengi er enn
í blóðinu. Tryggingafélög geta
krafið einstaklinga um endur-
greiðslu tjóna- og slysabóta ef
umferðar slysi er valdið af ásetn-
ingi eða stórkostlegu gáleysi. Árið
2011 stöfuðu 84 prósent endur-
krafa af ölvunar- og/eða lyfja-
ástandi ökumanna. Hæstu kröf-
urnar námu 4,5 milljónum. Þrír af
hverjum fjórum sem eru krafðir
um endurgreiðslu eru karlmenn
og í 44 prósentum tilfella ungir
ökumenn. Mjög margir átta sig
ekki á hversu mikil áhrif áfengi
hefur á líkamlega og andlega
færni og aka eftir að hafa fengið
sér drykk. Ef allir tækju þá stað-
föstu ákvörðun að aka aldrei eftir
að hafa neytt áfengis drægi stór-
lega úr slysum. Láttu þitt ekki eftir
liggja,“ segir í tilkynningu frá VÍS.
Fjárdráttur Fyrrverandi gjaldkeri Félags ungra jafnréttissinna dró sér fé úr sjóðum
félagsins.