Dagblaðið Vísir - DV - 02.08.2013, Blaðsíða 42

14 2.–6. ágúst 2013 Verslunarmannahelgin
Eitthvað fyrir alla um helgina
n Hátíðir í öllum landshornum n Fjölskyldustemning á hávegum höfð
Þ
að ættu allir að geta fundið
eitthvað að gera við sitt
hæfi um verslunarmanna­
helgina, en fjölmargar há­
tíðir fara fram í flestum
landshornum. Stærstu hátíðirnar
eru án efa Þjóðhátíð í Vestmanna­
eyjum og Ein með öllu á Akureyri.
Þá hefur Mýrarboltinn á Ísafirði
einnig verið að sækja í sig veðrið
og þar verður örugglega margt um
manninn.
Unglingalandsmót UMFÍ sem í
ár verður haldið á Höfn í Hornafirði
verður eflaust líka fjölmennt líkt og
undanfarin ár.
Þeir sem leggja ekki í svona stór­
ar hátíðir þurfa þó ekki að örvænta
því margar minni hátíðir eru einnig
í boði.
Vímulausar hátíðir
Að minnsta kosti tvær hátíðir eru
haldnar um helgina þar sem lögð
er áhersla á skemmtun án áfeng­
is. Það eru Sæludagar í Vatnaskógi
og Edrúhátíð SÁÁ í Laugalandi. Á
báðum stöðum er boðið upp á fjöl­
breytta dagskrá fyrir alla aldurshópa.
Dagskráin á Edrúhátíðinni er bæði
af andlegum og líkamalegum toga.
Þar er meðal annars boðið upp á 12
spora fundi, hugleiðslu, jóga, tón­
leika og listasmiðjur. Á Sæludögum
er einnig af mörgu að taka. En mark­
mið hátíðarinnar er að skapa heil­
brigða og eftirsóknarverða hátíð sem
höfðar til allra aldurshópa.
Elsta hátíðin
Þjóðhátíð í Eyjum er sú hátíð sem á
sér hvað lengsta sögu, en hún er arf­
ur frá árinu 1874. Reynt hefur verið
að halda í gamlar hefðir í kringum
hátíðina og margir sækja aftur og aft­
ur í það sem þeir þekkja. Þjóðhátíð
verður sett á föstudag klukkan 14.30
og í kjölfarið verður nánast samfelld
dagskrá fram á mánudagsmorgun.
Hápunkturinn er án nokkurs vafa
brekkusöngurinn á sunnudags­
kvöldinu og blysin sem tendruð eru
í kjölfarið. Eitt blys fyrir hverja Þjóð­
hátíð sem haldin hefur verið.
Stemning á Norðurlandi
Hátíðin Ein með öllu á Akureyri var
sett á fimmtudag og mun standa
yfir alla helgina. Hápunkturinn er
lokatónleikar og flugeldasýning á
sunnudagskvöldinu.
Síldarævintýrið á Siglufirði hefur
verið að festa sig í sessi sem menn­
ingarleg fjölskylduhátíð um versl­
unarmannahelgina. En þar er
lögð mikil áhersla á að listamenn í
heimabyggð fái að láta ljós sitt skína.
Siglfirðingar eru búnir að vera að
hita upp fyrir hátíðina í heila viku
með Síldardögum, svo það má ætla
að mikið fjör verði sé í bænum.
Stuð í borginni
Miðbæjarrottur og latte lepjandi
lopatreflar sem geta ekki hugsað sér
að fara út á land geta fengið ýmis­
legt fyrir sinn snúð í höfuðborginni.
Tónlistarhátíðin Innipúkinn fer
fram í tólfta skiptið nú um verslun­
armannahelgina. Aðaldagskráin
verður á skemmtistaðnum Faktorý,
en þetta er næstsíðasta tónleika­
helgi staðarins sem lokað verður um
miðjan ágúst. Tónlistarmenn sem
koma fram eru meðal annars Steed
Lord, Botnleðja og Valdimar.
Steinsnar frá Reykjavík
Fyrir þá sem vilja skreppa í fjöl­
skyldustemningu skammt frá höfuð­
borginni eru Færeyskir fjölskyldu­
dagar á Stokkseyri skemmtilegur
valkostur. Þar verður boðið upp á
ýmsa afþreyingu alla helgina með
færeysku ívafi. Aðgangur er ókeypis
á fjölda atburða.
Ýmislegt verður einnig um að
vera á Flúðum en hápunktur helg­
arinnar er án vafa traktorstorfæran
sem fer fram á laugardag klukkan
14.00. n solrun@dv.is
1 Ein með öllu
Akureyri
Vinir Akureyrar standa fyrir hátíðinni í
samvinnu við Akureyrarbæ. Lögð er
áhersla að skapa skemmtilega
fjölskyldustemningu í bænum þar sem
bæjarbúar og gestir gleðjast saman.
Fastir dagskrárliðir eru meðal annars
Fimmtudagsfílingur, Kirkjutröppuhlaup-
ið og góðgerðauppboð á möffinskökum.
2 Færeyskir
dagar á Stokkseyri
Hátíðin verður haldin dagana 1.–5.
ágúst. Eins og nafnið gefur til kynna
svífur andi Færeyja yfir vötnum og verð-
ur meðal annars boðið upp á færeyska
tónlist, sagðar sögur frá Færeyjum og
smökkun á skerpukjöti. Ókeypis er á
fjölda viðburða.
3 Edrúhátíð SÁÁ
í Laugalandi
Vímulaus hátíð SÁÁ fer nú fram í annað
skiptið. Dagskráin er af líkamlegum
og andlegum toga en á svæðinu fara
meðal annars fram 12 spora fundir og
hugleiðsla. Þá verður einnig boðið upp á
dans og tónleika.
4 Fjölskylduhelgi
á Úlfljótsvatni
Fjölskyldumiðuð dagskrá er í boði á
Úlfljótsvatni um helgina. Meðal annars
er boðið upp á báta, klifurturn og
vatnasafarí. Sérstaklega er tekið fram
að kyrrð eigi að vera komin á tjaldsvæð-
ið um miðnætti og ölvun er ekki leyfileg.
5 Innipúkinn
Reykjavík
Boðið verður upp á veglega tónlistar-
veislu á Innipúkanum sem haldinn er
í tólfta skipti. Tónleikahald fer fram á
föstudags- og laugardagskvöld. Ýmis-
legt annað verður til gamans gert, líkt
og vatnsbyssustríð í Hjartagarðinum.
6 Mýrarboltinn
Ísafirði
Hörð keppni fer fram í Mýrarbolta á
Ísafirði. Vinahópar taka sig gjarnan
saman og mynda lið, en einstaklingar
geta einnig tekið þátt með svokölluðum
skrapliðum. 18 ára aldurstakmark er í
Mýrarboltann. Fyrir partíþyrsta er svo
boðið upp á böll á kvöldin.
7 Neistaflug
Neskaupstað
Á Neistaflugi er lögð áhersla á að
fjölskyldan skemmti sér saman. Hátíðin
er haldin í 21. skipti í ár og er í stanslausri
þróun. Fjölbreytt skemmtun er í boði
fyrir alla fjölskylduna.
8 Sæludagar í
Vatnaskógi
Skógarmenn KFUM ásamt KFUM og
KFUK á Íslandi standa fyrir fjölskyldu-
hátíðinni Sæludögum. Um er að ræða
áhugaverðan kost fyrir þá sem kjósa að
skemmta sér án vímuefna.
9 Síldarævintýri
á Siglufirði
Siglfirðingar bjóða upp á Síldarævintýri
um verslunarmannahelgina. Þar er
lögð sérstök áhersla á að listamenn í
heimabyggð fái að njóta sín. Bærinn fær
þó einnig til liðs við sig utanbæjarlista-
menn sem leggja sitt af mörkum til að
halda uppi stemningu.
10 Þjóðhátíð í
Vestmannaeyjum
Þjóðhátíð í Eyjum er nú haldin í 139.
skipti og hefur fest sig í sessi sem elsta
útihátíð landsins. Fjölbreyttur hópur
sækir Eyjamenn heim um helgina og
nýtur fjölbreyttrar dagskrár sem boðið
er upp á.
12 Traktors-
torfæra Flúðum
Dagskrá verður alla helgina á Flúðum og
þær gleðifréttir hafa borist að traktors-
torfæran verði á sínum stað.
13 Kotmót í
Fljótshlíð
Kotmót Hvítasunnusafnaðarins verður
haldið í Kirkjulækjarkoti í Fljótshlíð um
helgina. Um er að ræða kristilega hátíð þar
sem lögð verður áhersla á bænir, lofgjörð og
haldnar verða samkomur. Ýmislegt fleira
verður í boði, eins og varðeldur og tónleikar.
11 Unglingalandsmót UMFÍ
á Hornafirði
Unglingalandsmótið er haldið í annað sinn á Hornafirði í glæsilegum íþróttamannvirkj-
um á staðnum. Á daginn er keppt í hinum ýmsu íþróttagreinum en á kvöldin er boðið upp
á kvöldvökur og ýmis skemmtiatriði.
32
10
4
12
13
11
8
9
7
6
13
1
5