Dagblaðið Vísir - DV - 09.09.2011, Síða 4

4 | Fréttir 9.–11. september 2011 Helgarblað
Sími 412 2500 - sala@murbudin.is - www.murbudin.is
– Afslátt eða gott verð?
Dreglar og mottur
á hagstæðu verði!
Reykjavík - Reykjanesbæ
Akureyri - Húsavík
Vestmannaeyjum - Flúðum
Margar stærðir
og gerðir
Farbann yfir Ágne Krataviciuté framlengt til 1. október:
Geðmat liggur fyrir
Farbann yfir Agné Krataviciuté hefur
verið framlengt til 1. október. Agné,
sem grunuð er um að hafa komið ný-
fæddu barni sínu fyrir í ruslagámi við
Hótel Frón, hefur verið í farbanni frá
11. ágúst. Hún er frá Litháen en hefur
verið búsett hér á landi í tæpt ár. Far-
ið var fram á að Agné gengist undir
geðmat, og liggja niðurstöður úr því
fyrir. Björgvin Björgvinsson, aðstoð-
aryfirlögregluþjónn í Reykjavík, vildi
í samtali við DV ekki gefa upp nið-
urstöður geðmatsins, en sagði mál-
ið vera að fara úr síðustu afgreiðslu
embættisins til ákærusviðsins og
yrði senn sent til saksóknara.
Ef Agné er metin ósakhæf er hún
þriðji einstaklingurinn sem geð-
læknir metur ósakhæfan eftir að
hafa orðið einstaklingi að bana á
síðastliðnum mánuðum. Hinir tveir
eru Gunnar Rúnar Sigurþórsson,
sem myrti Hannes Þór Helgason 15.
ágúst 2010 og er nú vistaður á rétt-
argeðdeildinni að Sogni, og Axel Jó-
hannsson, sem talið er að hafi ban-
að unnustu sinni í Heiðmörk 12. maí
síðastliðinn. Axel hefur ekki ver-
ið metinn ósakæfur fyrir dómi en
dvelur samt sem áður á Sogni. At-
hygli vekur hversu ung þau eru öll að
árum en Axel er elstur, fæddur 1986
og er því 25 ára. hanna@dv.is
Farbann framlengt Lögregla vill ekki gefa upp hvort Agné Krataviciuté sé sakhæf eða ekki.
F
jármálaeftirlitið veitti
Straumi IB hf. fjárfest-
ingabankaleyfi um síð-
ustu mánaðamót. Bankinn
er byggður á grunni gamla
Straums-Burðaráss og er nú í eigu
félagsins ALMC, en hluthafar eru
kröfuhafar gamla bankans. Eru 25
starfsmenn starfandi hjá bankanum
sem veitir þjónustu á sviði markaðs-
viðskipta og fyrirtækjaráðgjafar.
Athygli vekur að þrír íslenskir
stjórnarmenn voru kjörnir í fimm
manna stjórn Straums fyrir um mán-
uði. Eru það þeir Finnur Reyr Stef-
ánsson, Sigurgeir Guðlaugsson og
Örvar Kærnested. Sagði Pétur Ein-
arsson, nýráðinn forstjóri Straums, í
samtali við Morgunblaðið nýlega að
þeir væru óháðir stjórnarmenn. Hin-
ir tveir stjórnarmennirnir sem sitja
fyrir hönd ALMC eru Bandaríkja-
maðurinn Chris Perrin og Daninn
Oscar Crohn, sem hefur starfað hjá
Straumi síðan árið 2005. Einnig var
haft eftir Pétri að nýi Straumur vildi
leggja sitt af mörkum til að endur-
reisa og styrkja íslenskt atvinnulíf.
Finnur náinn samstarfsmaður
Bjarna Ármannssonar
Óhætt er að segja að þeir Finnur
Reyr, Sigurgeir og Örvar hafi verið
virkir þátttakendur í íslensku fjár-
málalífi fyrir hrun. Finnur Reyr Stef-
ánsson var einn nánasti samstarfs-
maður Bjarna Ármannssonar hjá
Glitni þar til þeir létu báðir af störfum
hjá bankanum í maí 2007. Höfðu þeir
þá starfað þar saman í tíu ár, allt frá
því að þeir gengu til liðs við Fjárfest-
ingarbanka atvinnulífsins (FBA) árið
1997 sem síðar sameinaðist Íslands-
banka. Finnur Reyr hagnaðist vel á
sölu hlutabréfa sinna í Glitni þegar
hann fór frá bankanum, líkt og Bjarni,
og keypti hann sig þá inn í fasteigna-
félagið Klasa þar sem hann fer enn
með þriðjungshlut í dag. Hann og
Steinunn Jónsdóttir, eiginkona hans,
eru á meðal auðugustu hjóna lands-
ins. Þrjú eignarhaldsfélög í þeirra
eigu eru með eigið fé upp á rúmlega
fjóra milljarða króna. Auk þess eru 2,6
milljarðar króna skráðir á þau pers-
ónulega og borguðu þau nærri 40
milljóna króna auðlegðarskatt fyrir
árið 2010.
Sigurgeir samstarfsmaður
Björgólfs Thors
Sigurgeir Guðlaugsson hefur ver-
ið náinn samstarfsmaður Björgólfs
Thors Björgólfssonar á undanförn-
um árum. Stýrði hann samrunum og
yfirtökum Actavis á árunum 2003 til
2006. Frá árinu 2006 var hann fram-
kvæmdastjóri Novator Healthcare,
félags Björgólfs Thors, og jafnframt
var hann um tíma framkvæmda-
stjóri Novator Partners. Hann hætti
hins vegar störfum fyrir Novator í lok
árs 2009 og rekur í dag ráðgjafarfyrir-
tækið Citalfort Consulting.
Líkt og flestir vita var félag Björg-
ólfsfeðga, Samson Global Holding,
stærsti hluthafi Straums fyrir hrun
og var Björgólfur Thor jafnframt
stjórnarformaður bankans. Heimild-
armaður sem DV ræddi við segir að
Sigurgeir hafi enga yfirburðaþekk-
ingu á íslenska markaðinum. Því
veki stjórnarseta hans upp spurn-
ingar um hvort Björgólfur Thor hafi
áhrif innan kröfuhafahóps Straums.
Slíkt hefur þó ekki fengist staðfest.
Örvar var yfir fjárfestingum FL
Group
Örvar Kærnested starfaði sem fram-
kvæmdastjóri fyrirtækjaráðgjafar
Kaupþings banka til ársins 2006 þeg-
ar hann tók við starfi aðstoðarfram-
kvæmdastjóra hjá Kaupthing Singer
& Friedlander í Bretlandi. Árið 2007
tók hann við sem framkvæmda-
stjóri fjárfestingasviðs FL Group,
síðar Stoða, og stýrði skrifstofu
þess í London. Frá árinu 2009 hef-
ur hann rekið Ortus Capital sem
starfar á sviði ráðgjafar og fjárfest-
inga.
Líkt og áður kom fram er Straum-
ur í eigu félagsins ALMC, en eigendur
ALMC eru kröfuhafar gamla Straums-
Burðaráss. Þegar félaginu er flett upp
í hluthafaskrá kemur fram að Sam-
einaði lífeyrissjóðurinn fer með 1,1
prósents hlut í félaginu og Söfn-
unarsjóður lífeyrisréttinda
0,4 prósent. Óupplýst
er um hina hlut-
hafana sem fara
með 98,5 pró-
sent í félaginu.
Samkvæmt
heimasíðu
austurríska
bankans
Raiffeisen
Zentralbank
(RZB) er
hann nú
stærsti eigandi
Straums með
hlut á bilinu 9,2
til 13 prósent. Aðrir
stórir hluthafar eru
gamli Landsbank-
inn, íslenskir lífeyr-
issjóðir, Bayerische
Landesbank, Gold-
man Sachs Lending
Partners og Deutsche
Bank. Nema eignir
ALMC 1,5 milljörðum evra
eða nærri 250 milljörðum ís-
lenskra króna.
n Sigurgeir Guðlaugsson var háttsettur hjá Novator en er nú kominn í stjórn Straums
n Nýr Straumur fékk fjárfestingabankaleyfi um síðustu mánaðamót
Félagi Björgólfs
í stjórn Straums
„Heimildarmað-
ur sem DV ræddi
við segir að Sigurgeir hafi
enga yfirburðaþekkingu
á íslenska
markað-
inum.
Vann með Björgólfi Sigur-
geir stýrði samrunum og
yfirtökum Actavis á
árunum 2003 til
2006.
Annas Sigmundsson
blaðamaður skrifar as@dv.is
Ökumaðurinn
í göngugrind
Ökumaðurinn sem lenti í alvarlegu
slysi á Dodge-sportbíl í vikunni eftir
að hafa tekið þátt í spyrnukeppni
heitir Valur Sveinbjörnsson. Hann
er 67 ára gamall og hefur samkvæmt
heimildum DV mjög gaman af hrað-
akstri. Maðurinn notast við göngu-
grind en hún var í farangursgeymslu
bílsins þegar hann valt af Hafnar-
fjarðarvegi eftir spyrnukeppnina.
Mildi þykir að hann hafi ekki slasast
meira en raun ber vitni. Talið er að
Valur hafi verið í spyrnu við ókunn-
ugan mann en hann hefur nú verið
útskrifaður af spítala. Smáhundur
sem Valur átti drapst í slysinu. Bíll-
inn sem Valur ók í spyrnukeppn-
inni er 340 hestafla svartur Dodge
Charger-bíll. Hann er gjörónýtur
eftir slysið.
Fékk óvart
10 milljónir
Viðskiptavinur Búnaðarbankans
fékk 9,6 milljónir ofgreiddar úr
fjárfestingarsjóði fyrir mistök árið
2002, en tapið var fyrst bókfært í ár í
bókum Arion banka. Hann var ekki
krafinn um endurgreiðslu, en málið
komst upp þegar Kaupþing tók sjóði
Búnaðarbankans yfir árið 2004. Sér-
fræðingar bankans töldu þá að það
væri ekki ráðlegt að krefja viðskipta-
vininn um endurgreiðslu. Vísir
greinir frá þessu. Viðskiptavinur
bankans fékk upphæðina ofgreidda
út úr fjárfestingarsjóði fyrir mistök,
og því má segja að viðskiptavinurinn
hafi fengið tæpar tíu milljónir að gjöf
frá Búnaðarbankanum.