Dagblaðið Vísir - DV - 09.09.2011, Page 8

H
anna Birna Kristjánsdóttir
hefur gefið það sterklega
til kynna að hún sækist eft-
ir því að verða næsti for-
maður Sjálfstæðisflokksins,
en landsfundur flokksins hefur verið
boðaður 17. til 20. nóvember. Heim-
ildarmenn sem gjörþekkja landslag-
ið í flokknum telja að meiri líkur en
minni séu á því að hún fari fram gegn
Bjarna Benediktssyni formanni.
Heimildir eru fyrir því að stuðn-
ingsmenn Hönnu Birnu hafi sjálfir
staðið fyrir könnun sem gerð var með-
al sjálfstæðismanna fyrr á þessu ári
þar sem spurt var um nokkra framá-
menn í flokknum og hvern þeirra þeir
vildu sjá sem formann flokksins, en
þar var meðal annars að finna nafn
Hönnu Birnu. Fyrsta eindregna vís-
bendingin um að hún hyggist fara
fram gegn Bjarna var þegar hún sagð-
ist á Facebook-síðu sinni vera jákvæð
fyrir hugmyndum Kínverjans Huangs
Nubo um að kaupa jörðina Gríms-
staði undir ferðaþjónustu. Yfirlýsing
hennar kom í kjölfar þess að Bjarni
hafði lýst sig ósammála því að heimila
Kínverjanum að kaupa jörðina.
Hefur haldið sig til hlés
Það vekur athygli að Hanna Birna
skuli gefa upp afstöðu sína í þessu
máli, því hún hefur ekki gefið upp af-
stöðu sína til stórra deilumála á borð
við Icesave og aðildarumsókn Íslands
að ESB. Við það vakna spurning-
ar hvert sé bakland Hönnu Birnu og
hvert sé bakland Bjarna. Daginn eftir
að Bjarni lýsti afstöðu sinni til Gríms-
staðamálsins þá var annar tónn í lykil-
konum Sjálfstæðisflokksins þeim Þor-
gerði Katrínu Gunnarsdóttur, Ásdísi
Höllu Bragadóttur og Ragnheiði Elínu
Árnadóttur, hópi sem mætti kalla
sjálfstæðar konur. Þetta má túlka sem
nokkuð skýra stuðningsyfirlýsingu við
Hönnu Birnu. Ætla má að ESB-sinn-
inn Ragnheiður Ríkharðsdóttir sé í
þeim hópi sem er spenntur fyrir nýju
framboði, jafnvel þótt hún hafi ekkert
viljað tjá sig um stöðuna í flokknum
þegar DV hafði samband við hana.
Hanna Birna hefur ekki sömu vigt
í stjórnmálum og hún hafði áður. Hún
missti borgarstjórastólinn síðasta vor
og hætti sem forseti borgarstjórnar
Reykjavíkur vegna ósættis við meiri-
hlutann. Það er því ekki órökrétt að
ætla að hún hafi haft meira svigrúm
að undanförnu til þess að skipuleggja
næstu skref sín á pólitískri frama-
braut.
Einn heimildarmaður innan
flokksins orðar það þannig að ekki
sé hægt að segja margt neikvætt um
Hönnu Birnu sem stjórnmálamann.
Hún á að baki óflekkaðan feril og þrátt
fyrir að vera ekki lengur borgarstjóri
þá kom hún nokkuð ósködduð und-
an síðustu sveitarstjórnarkosningum.
Hún er hins vegar ekki þingmaður
og myndi skorta vettvang til að leiða
flokkinn.
Síbreytilegt bakland
Fyrir utan borgarstjórnarmálin þá eru
áherslur Hönnu Birnu að mestu leyti
óþekktar. Ekki er vitað fyrir hvað hún
stendur í mörgum stórum málum.
Innan úr flokknum heyrist þó að tæki-
færi geti skapast fyrir hana þar sem
bakland Bjarna Ben hefur verið sí-
breytilegt frá því að hann tók við sem
formaður. Þegar hann tók við sem for-
maður flokksins árið 2009 naut hann
stuðnings frændgarðsins úr Engeyj-
arættinni, þungavigtarmanna á borð
við Þorstein Pálsson og Benedikt Jó-
hannsson, en báðir eru þeir Evrópu-
sinnaðir sjálfstæðismenn.
Breytileg afstaða Bjarna til Evrópu-
sambandsins og einnig breytt afstaða
hans til Icesave-málsins fóru nokkuð
illa með þann stuðning. Vonir stóðu til
að þegar Bjarni yrði formaður myndi
hann þoka flokknum í átt að Evrópu-
sambandinu eins og hann hafði gefið
til kynna með greinarskrifum haustið
2008. Í grein sem hann skrifaði í félagi
við Illuga Gunnarsson í Fréttablaðið
var viðhorf hans til Evrópusambands-
ins fremur jákvætt. Bjarni er hins veg-
ar veikur formaður og hefur því þurft
að teygja sig út til sem flestra arma í
flokknum. Þannig hefur Bjarni í aukn-
um mæli stigið dans við íhaldsöflin í
flokknum og endurómað málflutning
þeirra í mörgum stórum málum. Þrátt
fyrir að hafa ítrekað gagnrýnt ríkis-
stjórnina fyrir að hafa ekki stuðlað að
erlendri fjárfestingu hér á landi, þá
leggst Bjarni gegn kaupum Kínverjans
á Grímsstöðum. Þannig leggst hann á
sveif með íhaldsmönnum í flokknum
á borð við Björn Bjarnason og Styrmi
Gunnarsson og amx.is sem hafa allir
gagnrýnt áformin. Hann hefur einn-
ig fylgt Davíð Oddssyni að málum í
afstöðu til ESB. Hann vill nú að hætt
verði við aðildarviðræðurnar þannig
að þjóðin fái ekki að kjósa um samn-
inginn.
Styggði frjálshyggjumenn
Með því að stíga þennan íhaldsdans
hefur Bjarni hins vegar styggt frjáls-
hyggjumennina í flokknum. Stjórn
Frjálshyggjufélagsins, en óhætt er að
ætla að flestir meðlimir þess félags
séu í Sjálfstæðisflokknum, fordæmdi
ummæli Bjarna um fjárfestingu Kín-
verjans. Í ályktun sem stjórn Frjáls-
hyggjufélagsins sendi frá sér segir:
„Frjálshyggjufélagið fordæmir
ummæli Bjarna. Með ummælum sín-
um er hann kominn í flokk með Ög-
mundi Jónassyni og Lilju Mósesdóttur
sem amast hafa hvað helst við Huang
Nubo.“ Þá segir að það sé „háskaleg
þróun ef þjóðernishyggja og sósíal-
ismi eru orðin aðalviðmiðin í íslensk-
um stjórnmálum, þar sem ofuráhersla
er lögð á að vernda sérhagsmuni inn-
lendra aðila og bægja útlendingum
frá. Stefna af þessu tagi mun ekki leiða
annað en örbirgð yfir þjóðina.“ For-
maður Frjálshyggjufélagsins er Björn
Jón Bragason sem tapaði í formanns-
kjöri hjá SUS á dögunum.
Athyglin beindist að Bjarna
Mögulegt framboð Hönnu Birnu
myndi ekki endilega snúast um
Hönnu sjálfa heldur myndi það skapa
Bjarna neikvæða athygli, þar sem
fjallað yrði um aðkomu hans að við-
skiptalífinu, meðal annars að Sjóvá
og N1, þar sem hann var stjórnarfor-
maður. Viðskiptaferill Bjarna á árun-
um fyrir hrun er vægast sagt umdeild-
ur. Hanna Birna þyrfti hins vegar að
leggja fram sín stefnumál með skýr-
um hætti og útskýra fyrir hvað hún
stendur. Vitað er að efasemdir eru
uppi í þingflokki Sjálfstæðisflokks-
ins hver geti komið að málum – jafn-
vel þótt þingmenn sem DV ræddi við
hafi lítið viljað gefa upp um afstöðu
sína. Hanna Birna geti komið inn sem
nokkuð óspjallaður kostur. Hana má
að vísu tengja við Kjartan Gunnarsson
en hún var aðstoðarframkvæmda-
stjóri Sjálfstæðisflokksins í fram-
kvæmdastjóratíð Kjartans.
Landsfundurinn fer sem fyrr segir
fram 17. til 20. nóvember. Ekki náðist í
Hönnu Birnu við vinnslu fréttarinnar.
8 | Fréttir 9.–11. september 2011 Helgarblað
Haustvörurnar komnar
Lín Design Laugavegi 176 Sími 533 2220 www.lindesign.is
25% kynningarafsláttur fram á laugardag
sendum frítt úr vefverslun
www.lindesign.is
Valgeir Örn Ragnarsson
valgeir@dv.is
Fréttaskýring
Hanna Birna gælir
við formanninn
n Búist við því að Hanna Birna fari í formannsslaginn n Nýtur stuðnings sjálfstæðiskvenna
„Kominn í
flokk með
Ögmundi Jónas-
syni og Lilju
Mósesdóttur
Hanna Birna Kristjánsdóttir Hefur gefið það sterklega til kynna að hún fari í formannsframboð í Sjálfstæðisflokknum.