Dagblaðið Vísir - DV - 14.02.2014, Qupperneq 6

Helgarblað 14.–17. febrúar 20146 Fréttir
Skítur við árbakkann
n Hænsaskít komið fyrir tíu metrum frá Suðurá í Mosfellsdal
V
ið bakka Suðurár í Mosfells­
dal hefur verið komið fyr­
ir hænsnaskít frá eggjabú­
inu Brúneggjum. Íbúi hafði
samband við DV og sagð­
ist mjög áhyggjufullur vegna skítsins.
„Mér finnst þetta mjög ábyrgðarlaust
sérstaklega þarna rétt við ána,“ segir
hann. Um er að ræða talsvert magn af
skít sem fluttur hefur verið á árbakk­
ann í mörgum ferðum.
Tíu metrum frá
Eins og sést á meðfylgjandi myndum
hefur skítnum verið komið fyrir um
það bil tíu metrum frá bakka Suðurár
í Mosfellsdal. Lítið þarf út af að bera til
þess að skíturinn berist í ána. Óhag­
stæð vindátt gæti feykt honum út í.
Að árbakkanum liggur svo slóð þar
sem sjá má skít sem kastast hefur af
vörubílavagni eða kerru. Samkvæmt
upplýsingum DV gaf eigandi jarðar­
innar leyfi sitt fyrir geymslunni og
hafði eggjabóndinn samráð við hann
áður en þessu var komið fyrir við ár­
bakkann. Þorsteinn Narfason, fram­
kvæmdastjóri Heilbrigðiseftirlits
Kjósarsvæðis segir að eftirlitið hafi
fengið upplýsingar um skítinn fyrir
helgi og hafi þegar haft samband við
eiganda hans.
Má ekki fara í ána
„Við höfðum samband við land­
eigandann og létum vita að skíturinn
væri á óheppilegum stað. Þetta er líka
umtalsvert magn. Landeigandinn tók
vel í að færa skítinn, en þetta er það
mikið magn að það getur tekið tals­
verðan tíma að koma þessu í burtu.
Við höfum haft samband við eiganda
skítsins og gerðum honum grein fyrir
því að þetta væri ekki samkvæmt
starfsleyfisskilyrðum búsins, að dreifa
þessu svona,“ segir hann. „Það er hægt
að búa þannig um hnútana að færa
skítinn á stað þar sem leir er undir,
þá er ekki hætta eða að minnsta kosti
minni hætta á útskolun,“ segir hann.
„Þetta má alls ekki fara í ána,“ segir
Þorsteinn og segir að í gegnum tíðina
hafi verið fylgst með ánni með mæl­
ingum. „Við erum ekki mjög spenntir
fyrir því að fá svona uppsprettu í ána.“
Vilja leysa málið
„Ef þetta verður flutt og það fljótlega
þá hugsa ég þetta leysist. Menn eru
allir af vilja gerðir að ganga í málið
og ég held að menn hafi ekki gert sér
grein fyrir því að það væri hætta á
ferðum,“ segir Þorsteinn. Mikilvægt er
að koma af stað ákveðnu ferli og finna
stað fyrir búið til að flytja skítinn. Þá
væri það afmarkaður staður með allar
heimildir í lagi.
„Áburður veldur áburðarmengun
í ám. Þá verður vöxtur og súrefnis­
skortur. Þetta berst í ána þegar rignir
og þá skolast þetta hægt og rólega. Í
þessu tilfelli rennur áin til sjávar. Þetta
er alvarlegra þegar um er að ræða
stöðuvatn. Þarna kemur nýtt vatn sem
hreinsar þetta í burtu. Engu að síður
erum við ekki ánægðir með svona,“
segir hann.
Áburður
Æskilegt er að dýraskítur sé notaður
sem áburður, það er bæði sjálfbært
og þjóðhagslega hagkvæmt. Í áburði
sem fluttur er til landsins er oft að
finna þungmálma og annað sem get­
ur reynst erfitt að eiga við. Engu að
síður þarf að fylgja ströngum reglum
varðandi áburð og geymslu á skít sem
þessum við Suðurá. Í starfsleyfisskil­
yrðum fyrir alifuglabú á Kjósarsvæð­
inu kemur fram að ekki sé heimilt að
afsetja skít á staði þar sem hann getur
mengað læki, ár og vatnsból. Í þessu
tilfelli er ekki um að ræða dreifingu
á skít, sem er heimilt að dreifa á tún
eða í flög á tímabilinu 15. mars til 1.
nóvember ár hvert, en það skal að­
eins gert ef aðstæður leyfa, svo sem
veðurfar og vindátt. „Ef ekki er hægt
að afsetja skítinn samkvæmt grein
3.4 [dreifa honum á tún, innsk. blm.],
þá er fyrirtækinu skylt að safna hon­
um saman í hauggeymslu, eða flytja
til móttökustöðvar eða móttakanda
til meðhöndlunar og endurnýtingar.
Jarðgerð er einnig heimil í aðstöðu
sem hefur fengið samþykki heilbrigð­
iseftirlits.“ Á Íslandi er algengt að
skítur sé geymdur í haugum og hann
látinn brjóta sig, en það verður að vera
við viðunandi aðstæður.
Verður flutt
Framkvæmdastjóri Brúneggja,
Kristinn Gylfi Jónsson, segir að úr­
gangurinn hafi verið fluttur til bónd­
ans sem á landið af verktaka. Það
er bóndans að taka ákvörðun um
það hvert úrgangurinn er fluttur
og settur niður en Kristinn segir að
finna eigi varanlegri lausn á málinu
í ljósi þessarar stöðu. Hann segist
bera fullt traust til þess að það verði
gert og segir samskipti fyrirtækis­
ins við landeigandann vera góð, en
bóndinn hefur notað hænsnaskít frá
Brúneggjum um árabil sem hluta af
vistvænni stefnu fyrirtækisins. Skítn­
um hefur verið komið fyrir á mis­
munandi stöðum á landareigninni
og er nú brýnt að flytja hann svo
Suðurá mengist ekki. n
Ásta Sigrún Magnúsdóttir
astasigrun@dv.is Við árbakkann Hér sést nálægð
skítsins við árbakkann. Með rign-
ingu eða roki berst skíturinn smám
saman í Suðurá. Myndir SigTryggur Ari
Slóð Hér sést slóðinn af skít sem komið hefur verið við Suðurá. Mengunarhætta er af því að
hafa skítinn á þessum stað.
„Þetta má alls
ekki fara í ána
Hágæða flísalím og fúga
Neytendur athugið! Múrbúðin selur al lar vörur s ínar á lágmarksverði fyr ir a l la , a l l taf . Gerið verð- og gæðasamanburð!
Sími 412 2500 - sala@murbudin.is - www.murbudin.is
Weber.tec 822 Rakakvoða
8 kg kr. 7.890
24 kg kr. 19.990
Weber.xerm.
850 BlueCom-
fort C2TE
kr. 2.790
Weber.xerm.
BlueComfort
852 C2TE S1
kr. 3.990
Reykjavík Kletthálsi 7. Opið má-fö kl. 8-18, laug. 10-16
Reykjanesbær Fuglavík 18. Opið má-fö kl. 8-18
Látið fagmenn vinna verkin!
Weber.xerm.
BlueComfort
CE /TE S1
Xtra Flex
kr. 5.290
Weber.Fug 870
Fúga 1-6 mm
CG1 5 kg
kr. 1.690
Weber.Fug 880
Silicone
EC.1. plus
310 ml.
kr. 1.190
DEITERMANN
TECHNOLOGY INSIDE
Ánægja með
heilsugæsluna
Um 83 prósent notenda eru mjög
eða frekar ánægð með þjónustu
Heilsugæslu höfuðborgarsvæðis­
ins og liðlega 75 prósent bera mik­
ið eða frekar mikið traust til henn­
ar. Þá telja tæplega 89 prósent að
mjög eða frekar vel hafi verið leyst
úr erindi þeirra þegar þeir komu
síðast á heilsugæslustöðina sína.
Þetta er meðal þess sem fram
kemur í nýrri þjónustukönnun
sem rannsóknafyrirtækið Mask­
ína gerði fyrir Heilsugæslu höfuð­
borgarsvæðisins í lok síðasta árs
og greint er frá í fréttatilkynningu.
„Ég tel að Heilsugæsla höfuð­
borgarsvæðisins geti unað nokkuð
vel við þessar niðurstöður. Þær
sýna að þrátt fyrir erfitt árferði og
mikið aðhald í rekstri hefur okkur
tekist að halda uppi þjónustu sem
notendur eru almennt sáttir við,“
segir Svanhvít Jakobsdóttir, for­
stjóri Heilsugæslu höfuðborgar­
svæðisins, í tilkynningu.
Vill sýna
minnisblaðið
„Ég er algerlega reiðubúinn
að segja réttum aðilum frá
því minnisblaði, sýna þeim
það og afhenda það. Ég tel
að þetta minnisblað sé það
minnisblað sem um er að
ræða og er ekkert feiminn
við það að láta það í hendur
réttra aðila,“ sagði þingmað­
urinn Mörður Árnason á Al­
þingi. Hann segist vera með
minnisblaðið um hælisleit­
andann Tony Omos, sem lekið
var úr innanríkisráðuneytinu.
Það hefur að geyma persónu­
upplýsingar skjólstæðinga
ráðuneytisins og sætir Hanna
Birna Kristjánsdóttir ráðherra
lögreglurannsókn ásamt öðr­
um starfsmönnum ráðuneyt­
isins, vegna þess.