Dagblaðið Vísir - DV - 04.04.2014, Blaðsíða 12

Helgarblað 4.–7. apríl 201412 Fréttir
Ný stjórn
Landsvirkjunar
Á aðalfundi Landsvirkjunar, sem
haldinn var á fimmtudag, var
samþykkt tillaga fjármála- og
efnahagsráðherra um kjör að-
almanna og varamanna í stjórn
Landsvirkjunar.
Aðalmenn í stjórn Lands-
virkjunar voru kjörnir: Jónas Þór
Guðmundsson, hæstaréttarlög-
maður og formaður Lögmanna-
félags Íslands, Helgi Jóhannesson
hæstaréttarlögmaður, Jón Björn
Hákonarson, forseti bæjarstjórn-
ar Fjarðabyggðar, Þórunn Svein-
bjarnardóttir, framkvæmdastýra
Samfylkingarinnar og Álfheiður
Ingadóttir líffræðingur.
Varamenn í stjórn Landsvirkj-
unar voru kjörnir: Páley Borg-
þórsdóttir, Teitur Björn Einars-
son, Ásta Björg Pálmadóttir, Skúli
Helgason og Steinþór Heiðars-
son.
Aðalfundurinn staðfesti
skýrslu fráfarandi stjórnar og
samstæðureikning fyrir liðið
reikningsár.
Á aðalfundinum var jafnframt
samþykkt tillaga stjórnar um arð-
greiðslu til eigenda að fjárhæð 1,5
milljarðar króna fyrir árið 2013.
Á aðalfundinum var Deloitte
ehf. kosið endurskoðunarfyrir-
tæki Landsvirkjunar að fenginni
tillögu ríkisendurskoðunar, sem
efndi til útboðs á endurskoðun
reikninga Landsvirkjunar í mars
2014. Var niðurstaðan sú að
ganga til samninga við endur-
skoðunarfyrirtækið Deloitte ehf.
Líkur á lækkun
stýrivaxta
Greining Íslandsbanka telur
að líkur séu á að peninga-
stefnunefnd Seðlabankans
lækki stýrivexti í maímánuði.
Þetta kemur fram á heimasíðu
Greiningar. Meðlimir peninga-
stefnunefndar bankans stuttu
allir tillögu Más Guðmundssonar
Seðlabankastjóra um óbreytta
stýrivexti á síðasta vaxta-
ákvörðunarfundi bankans þann
19. mars síðastliðinn, en fundar-
gerð vegna fundarins var birt
á fimmtudag. Á vef Greiningar
kemur fram að verði stýrivextir
bankans lækkaðir í maí verði það
fyrsta vaxtalækkunin síðan í febr-
úar 2011 og fyrsta vaxtabreytingin
síðan í nóvember 2012. Verður
þá rofið lengsta samfellda tímabil
óbreyttra stýrivaxta í yfir þrjá ára-
tugi.
H
jörtur Hjartarson, fréttamað-
ur Stöðvar 2, sendi frá sér til-
kynningu á Facebook í vik-
unni þar sem hann sagðist
iðrast óendanlega vegna þeirra at-
burða sem áttu sér stað um síð-
ustu helgi. Þá viðurkenndi Hjörtur
að hann ætti við áfengisvandamál
að stríða og að hann væri á leiðinni
í meðferð á sjúkrahúsinu Vogi. Eins
og DV greindi frá á miðvikudag hefur
Hjörtur verið sendur í leyfi frá störf-
um í kjölfar atviks sem átti sér stað í
starfsmannapartíi síðastliðinn föstu-
dag. Málið snýst um meinta líkams-
árás en fullyrt er að Hjörtur hafi ráð-
ist á samstarfsmann sinn með þeim
afleiðingum að sá síðarnefndi þurfti
að leita sér aðhlynningar.
„Í ljósi atburða síðustu mánaða
og þá sérstaklega um síðustu helgi
er staðan sú að ég er kominn ofan í
holu enn á ný,“ sagði Hjörtur meðal
annars stöðuuppfærslu sinni á Face-
book. „Engum er um að kenna nema
mér sjálfum. Það er kristaltært.“
Samkvæmt heimildum DV íhugar
fórnarlambið að kæra Hjört fyrir lík-
amsárás en hann mun hafa fengið
áverkavottorð hjá lækni eftir árásina.
Breki Logason, fréttastjóri Stöðvar 2,
staðfesti að tekið hefði verið á mál-
inu innanhúss en vildi ekki tjá sig um
það að öðru leyti.
„Ég mun á morgun leggjast inn
á Sjúkrahúsið á Vogi og leita hjálp-
ar hjá því góða fólki,“ sagði Hjörtur
færslunni sem hann birti á Face-
book á miðvikudaginn. „Eitthvað
sem ég hefði átt að gera fyrir löngu.
Ég fór í viðtal þar í gær og fann að ég
var á réttum stað. Það er það sem ég
hef augun á núna, það er mitt fyrsta
skref.“ Hann sagði persónubresti
og breyskleika hafa komið honum
á þann stað sem hann væri á núna.
„Ég iðrast óendanlega fyrir það sem
ég hef gert öðrum og ekki síður sjálf-
um mér.“ n
jonbjarki@dv.is
Fréttamaður leitar sér hjálpar
Segist iðrast óendanlega vegna atburða sem áttu sér stað síðustu helgi
Þung skref Hjörtur
Hjartarson sagði skref-
in fram undan þung
en vonar jafnframt að
hann nái bata þannig
að hann geti byrjað að
bæta fyrir gjörðir sínar.
Á
starfstíma mínum kom ég
að 800 lánum. Það er eðli
bankastarfsemi að taka
áhættu. Á áratuga ferli mín-
um heyrði ég aldrei minnst
á hugtakið umboðssvik, né að ein-
hverjar ákvarðanir sem teknar væru
frá degi til dags gætu verið á skjön
við lög,“ sagði Lárus Welding, fyrr-
verandi forstjóri Glitnis, í aðalmeð-
ferð Aurum-málsins sem fram fór á
fimmtudag.
Aurum-málið snýst í einföldu
máli um að Glitnir hafi keypt skart-
gripakeðjuna Aurum af Pálma Har-
aldssyni fjárfesti á yfirverði, sex millj-
arða króna, í júlí 2008 og að sinn
milljarðurinn hvor hafi runnið til
Pálma og Jóns Ásgeirs Jóhannes-
sonar, eins stærsta óbeina hluthafa
bankans. Jón Ásgeir og Pálmi voru
viðskiptafélagar en þeir lögðu línurn-
ar í viðskiptunum í tölvupósti sem
sendur var til starfsmanna Glitnis.
Segir 4,6 milljarða ofgreidda
Bókfært verðmæti félagsins var sam-
kvæmt saksóknara 1,4 milljarðar í
ársbyrjun 2008, en verjendur sak-
borninganna véfengja þetta og segja
markaðsvirðið hafa raunar verið
hærra en sex milljarðar.
Lárus er ákærður fyrir umboðssvik
í málinu ásamt Jóni Ásgeiri, Magnúsi
Arnari Arngrímssyni, fyrrverandi
framkvæmdastjóra fyrirtækjasviðs
bankans, og Bjarna Jóhannessyni,
fyrrverandi viðskiptastjóra bankans.
Þeir neita allir sök.
Minnið litað af yfirheyrslum
Við upphaf skýrslu sinnar fyrir dómi
hélt Lárus einræðu þar sem hann
sagði að sérstakur saksóknari hafi
„eytt miklum tíma í að búa til sög-
ur“. Þá þykir honum skjóta skökku við
að hann eigi nú að sæta ábyrgð fyrir
viðskiptalegar ákvarðanir sínar. „Ég
hef aldrei verið spurður út í þau lán
eða ákvarðanir þar sem að endan-
legar heimtur voru góðar. Allar þær
ákvarðanir sem ég tók, tók ég af heil-
indum.“
Hann segir að lánið í Aurum-
málinu hafi numið 0,5 prósentum
af gjörvöllu lánasafni bankans og
kveðst lítið muna um lánveitinguna,
enda hafi hann veitt 800 lán á ferlin-
um. „Það sem ég man um þetta lán er
nú verulega litað af þeim yfirheyrsl-
um sem ég þurfti að sitja.“
Þá stendur hann við ákvörðunina
um að veita lánið. „Ég er enn þeirrar
skoðunar að ákvörðunin um að veita
lánið hafi verið skynsamleg, miðað
við þau gögn sem lágu fyrir á þeim
tíma,“ sagði Lárus, og sagði að sér
sárnaði að horfa upp á þær „ofsókn-
ir“ sem fyrrverandi samstarfsmenn
hans þyrftu nú að sæta. „Hvatir emb-
ættis sérstaks saksóknara í störfum
sínum eru mér hulin ráðgáta.“
„Er ég rekinn?“
Málið snýst að stóru leyti um það
hvort inngrip Jón Ásgeirs hafi valdið
því að lánið hafi verið veitt; hvort
hann hafi fyrirskipað Lárusi að gera
það, og hvort að lánveitingin hafi ver-
ið skaðleg fyrir bankann en arðbær
fyrir Jón Ásgeir sjálfan. Í því eru hin
meintu umboðssvik fólgin.
Mikið magn tölvupósts var lagt
fyrir dóm þar sem Jón Ásgeir hefur
ýmis afskipti af málinu, rekur á eftir
lánveitingunni og hefur samskipti
við Lárus. Í febrúar 2008 var Jón Ás-
geir ítrekað að reka eftir meðákærðu
og fyrirskipaði þeim að „klára málið“.
Aðrir hinna ákærðu segjast ekki hafa
litið á póstinn sem bein fyrirmæli:
„Ég hef þekkt Jón Ásgeir það lengi
að ég leit ekki á þetta sem fyrirmæli.
Hann hefur bara þennan stíl,“ sagði
Bjarni í skýrslu sinni.
Nokkrir póstar benda hins vegar
til þess að Jón Ásgeir hafi stjórnað
Lárusi. Í einum er Jón Ásgeir að lýsa
yfir óánægju sinni með afkomu til-
tekinnar viku og svarar Lárus einfald-
lega: „Er ég rekinn“. Aðspurður um
þetta sagðist Lárus hafa verið að grín-
ast. Í öðrum pósti segir Jón Ásgeir í
niðurlagi: „Annars er kannski best að
ég verði starfandi stjórnar formaður
GLB [Glitnis] :)“ Lárus svaraði því
til að eflaust hafi Jón Ásgeir verið að
grínast þar.
„Hafðu hemil á Guðnýju“
Af fleiri málsgögnum að dæma gætti
andstöðu með lánveitinguna á meðal
starfsmanna bankans, en lánið var
veitt með ákvörðun sem tekin var
milli funda í áhættunefnd bankans
í júlí 2008. Kom það því ekki til efn-
islegrar meðferðar þar, eftir máls-
gögnum að dæma. Slíka ákvörðun
þurfa aðeins þrír nefndarmenn að
taka, þar með talinn forstjórinn, en
Lárus tók hana ásamt Magnúsi og
Rósant Má Torfasyni.
Athygli vekur að þar virðist hafa
verið farið fram hjá lánastjóra bank-
ans, Guðnýju Sigurðardóttur, en hún
hafði lýst yfir andstöðu sinni við lán-
veitinguna og farið fram á auknar
tryggingar fyrir láninu. „Líttu í spegil
maður, þetta er verðlaust,“ sagði
Guðný um kaupin fyrirhuguðu. Jón
Ásgeir sagði í einum af sínum fjöl-
mörgu póstum til Lárusar: „Hafðu
hemil á Guðnýju“. Lárus kvaðst hins
vegar ekki hafa litið svo á að um fyrir-
mæli væri að ræða.
Einn af viðmælendum DV sem
þekkir Aurum-málið mjög vel
hefur sagt að það sé í raun „lýsing á
bankaráni“. Búast má við að dómur
falli í málinu í sumar. n
„Líttu í spegil maður,
þetta er verðlaust“
n Lárus ber fyrir sig minnisleysi í Aurum-málinu n „Skynsamleg“ lánveiting
Símon Örn Reynisson
simon@dv.is
Sagður stjórna Jón Ásgeir Jóhannesson
er sagður hafa verið skuggastjórnandi
Glitnis, en Lárus segir að hann hafi líklegast
verið að grínast þegar hann skipaði honum
fyrir í tölvupósti. Mynd SiGtRyGGuR ARi
„Ofsóknir“ Lárus
Welding segist ekki
vita hvað sérstökum
saksóknara gangi
til með „ofsóknum“
sínum. Mynd SiGtRyGGuR ARi