Dagblaðið Vísir - DV - 04.04.2014, Blaðsíða 38

38 Lífsstíll Helgarblað 4.–7. apríl 2014
Hvað á að gera
um páskana?
P
áskarnir eru uppáhalds-
tími útivistarfólks. Þá gefst
góður tími til að sinna úti-
veru og halda til fjalla eða
í styttri ferðir í næsta ná-
grenni. Áhugamálin í útivistinni
eru margvísleg og hvort held-
ur ferðamenn fara í jeppaferðir,
skíðaferðir, sleðaferðir, hestaferðir,
hjólandi eða gangandi eru allir að
njóta útiverunnar og náttúrunnar.
Góður undirbúningur
Mikilvægt er að huga vel að góðum
undirbúningi áður en lagt er af stað
í ferðalag. Góður undirbúningur
eykur ánægju og öryggi þeirra sem
ferðast. Huga þarf að búnaði sem
þarf til ferðarinnar, veðri, færð, mat
og gistingu eftir því sem við á.
Fjallareglur
– vetrarferðamennska
Sífellt fleiri stunda nú fjalla-
mennsku allt árið um kring. Um
leið og það er ánægjuleg þróun
að fleiri stundi fjallamennsku þá
er rétt að árétta að fjallamennska
að vetri til getur verið hættuleg af
mörgum ástæðum. Því er gott að
hafa í huga nokkrar góðar fjalla-
reglur:
Fjallareglurnar 10
1 Gerðu raunhæfa ferða-áætlun með hliðsjón af
landakortum og árstíð.
2 Tilkynntu:n Hvenær þú ætlar að fara
n Hvert þú ætlar
n Hverjir fara
n Hvenær þú hyggst koma til
baka
3 Langferðir krefjast þjálfunar. Ekki leggja upp í
langferð án undirbúnings. Gefðu
þér nægan tíma og haltu jöfnum
hraða. Fylgstu með ferðafélögun-
um og gættu þess að enginn
dragist mikið aftur úr.
4 Fylgstu með veðurspám og veðurútliti. Haltu ekki
áfram skeytingarlaust ef veður
versnar.
5 Snúðu við í tæka tíð. Það er engin skömm af því að
vera skynsamur. Farðu að ráðum
reyndra fjallamanna.
6 Ætlaðu þér ekki um of í byrjun. Þegar þú hefur öðl-
ast reynslu getur þú lagt í erfiðari
ferðir.
7 Vertu viðbúinn því versta, jafnvel í stuttum
ferðum. Hafðu ávallt meðferðis
lágmarksútbúnað, s.s.:
n Nesti til sólarhrings
n Hlífðarföt
n Varafatnað
n Landakort
n Áttavita
n Flautu
n Neyðarblys
n Sjúkrabúnað
8 Ferðastu ekki einsamall. Haltu þig við hópinn og
fylgdu fararstjóranum.
9 Ef þú lendir í villu eða slæmu veðri skaltu spara
kraftana og leita skjóls í tæka tíð.
10 Gleymdu ekki góða skap-inu.
Valtýr Sigurðsson fjallagarpur „Ég ætla að sjálfsögðu til Siglufjarðar á skíði.“
Heiðrún Meldal fv. skálavörður „Ég mun eyða páskunum í faðmi fjölskyldunnar og
borða góðan mat og njóta þess að vera til. Planið er líka að labba á 1 til 2 fjöll og síðan á að
taka garðinn í gegn. Eins gott að það verði gott veður.“
Sigrún Valbergsdóttir,
leiðsögumaður og leikstjóri
„Ég ætla að dvelja með fjölskyldunni að
Brekkulæk í Miðfirði og ganga ýmist um
strendur Vatnsness eða upp á heiðar
Miðfjarðardala – helst í fótspor Grettis
Ásmundarsonar. Jafnvel reyna við nokkur
grettistök í sveitinni.“
Hjalti Björnsson göngugarpur
„Ég fer í fjögurra daga Skíðaferð í Tindfjöll
þar sem gist verður í snjóhúsum. Þetta er
ferð á vegum Ferðafélags Íslands sem ber
nafnið „með blóðmör á berum sér“ þar sem
gengið er á skíðum út frá grunnbúðum.
Hópurinn fræðist um gerð snjóhúsa og býr
til slík og æfir útilegutækni í vetraraðstæð-
um. Dögunum verður síðan varið í að toppa
alla helstu tinda Tindfjalla, Ými, Ýmu, Haka,
Saxa, Búra, Hornklofa, Gráfell, Bláfell og/
eða Vörðufell. Þetta verður epískur leiðang-
ur sem fer á spjöld sögunnar!“
Elísabet Jóna Sólbergsdóttir fjallakona
„Ég ætla til fjalla og gista í snjóhúsi, nánar tiltekið í Tindfjöll með FÍ.“
Páll Ásgeir Ásgeirsson
leiðsögumaður
„Ég ætla að Tindfjöll og gista í snjóhúsi.“
Auður Kjartansdóttir
fjallakona
„Ég ætla með börnunum á skíði og njóta
þess að vera úti.“
Gaman um páska Páskarnir eru
uppáhaldstími útivistarfólks.