Dagblaðið Vísir - DV - 04.04.2014, Blaðsíða 41

Helgarblað 4.–7. apríl 2014 Sport 41
Mega ekki misstíga
sig í titilbaráttunni
n Liverpool heimsækir lærisveina Sam Allardyce í West Ham n City á tvo leiki til góða
L
iverpool komst í toppsæti
ensku úrvalsdeildarinnar
eftir að liðið kjöldró Totten-
ham, 4–0, á heimavelli sínum
um nýliðna helgi. Stórleikur
helgarinnar var þó leikur Arsenal
og Manchester City á Emirates
Stadium sem endaði með 1–1 jafn-
tefli. Manchester United virðist hafa
rankað eilítið við sér og vann prýði-
legan sigur á Aston Villa, 4–1, á Old
Trafford. Veislan heldur áfram um
helgina og ætli toppliðin að halda
áfram í baráttunni um meistaratit-
ilinn verða þau að innbyrða stigin
þrjú.
Toppliðið fer til Lundúna
Vinni Liverpool alla sex leiki sína
sem eftir eru verður liðið Eng-
landsmeistari í fyrsta skipti í 24 ár.
Miðað við spilamennsku liðsins
upp á síðkastið er það raunhæf-
ur möguleiki. Það er þó erfitt að
gera sér ferð til Lundúna og etja
kappi við lærisveina Sam Allardyce
í West Ham. Þeir hafa unnið síð-
ustu tvo leiki en þrátt fyrir það rík-
ir mikil óánægja meðal stuðnings-
manna liðsins sem finnst leikstíll
liðsins langt frá því að vera áhorf-
endavænn. Leikmenn West Ham
hafa komið liðinu og stjóra sínum
til varnar og þar á meðal Stewart
Downing, fyrrverandi leikmað-
ur Liverpool, sem segir tilgangs-
laust að spila léttleikandi sóknar-
bolta gefi það liðinu ekki stig. Það
verður athyglisvert að sjá viðureign
þessara liða en flautað verður til
leiks á sunnudaginn.
Þeir ljósbláu fá
Southampton í heimsókn
Í hádegisleiknum á laugardaginn
tekur Manchester City á móti
South ampton á Etihad-vellinum.
Það sama gildir um Manchester
City og Liverpool; vinni liðið þá
leiki sem eftir eru verður liðið Eng-
landsmeistari. City-liðið á þó tvo
leiki til góða á rauðklædda herinn
frá Bítlaborginni. Af síðustu sex
leikjum City hefur liðið unnið fjóra
og gert tvö jafntefli.
Southampton vann góðan
heimasigur á lánlausu liði
Newcastle um nýliðna helgi, 4–0,
þar sem sóknarmaðurinn Jay
Rodriguez skoraði tvö mörk.
Manuel Pellegrini, stjóri City, er
á sínu fyrsta tímabili í ensku úrvals-
deildinni og verður fróðlegt að sjá
hvernig hann höndlar pressuna á
lokametrunum. Hann sagði nýlega
að góðir knattspyrnustjórar taki
ekki þátt í sálfræðihernaði og skaut
þar með föstum skotum á kollega
sinn, José Mourinho.
Baráttuhundarnir
heimsækja Stamford Bridge
Hvaða lið ætli hafi unnið flest ná-
vígi það sem af er leiktíðar? Það
ætti ekki að koma mörgum á óvart
að Stoke ber þar sigur úr býtum og
virðist sem arfleifð stjórans Tony
Pulis lifi áfram hjá félaginu. Stoke
siglir lygnan sjó um miðja deild og
hefur unnið nokkra góða sigra á
leiktíðinni. Þar á meðal vann liðið
Chelsea, 3–2, á heimavelli sínum
í æsispennandi leik. Nú er komið
að því að sækja Chelsea-liðið heim
á Stamford Bridge og fer leikurinn
fram á laugardagseftirmiðdegi.
José Mourinho, umtalaður
knattspyrnustjóri Chelsea, hefur
talað lið sitt niður frá því hann tók
við því að nýju í fyrrasumar. Eftir
1–0 tap á móti Crystal Palace, nýju
liði Tony Pulis, í síðustu umferð
sagði Mourinho að möguleikinn
á titlinum væri horfinn. Chelsea-
liðið er þó þrælsterkt og til alls lík-
legt og ekki er mælst til þess að taka
of mikið mark á orðum Mourinhos.
Þetta er jú, allt sálfræðileikur hjá
honum.
Cardiff City tekur á móti Crystal
Palace á laugardaginn en liðin eru í
harðri fallbaráttu. Sunderland, sem
situr í 19. sæti deildarinnar, freistar
þess að stela stigum af lánlausum
Tottenham-mönnum á mánudags-
kvöldið. n
Allt í járnum á Goodison Park
Jón Karlsson, knattspyrnu þjálfari hjá Val og lögfræðingur, fylgist vel
með ensku úrvalsdeildinni. Hann spáir því að West Ham muni vinna
Liverpool á sunnudaginn og að þeir rauðklæddu muni ekki skora mark
í leiknum.
Man. City – Southampton
„Ég held að City sé að fara klára þetta.
Þeir eru einfaldlega með betra lið og
munu vinna. Þetta fer 2–0 fyrir City
og Yaya Toure og James Milner skora
mörkin.“
Norwich – West Brom
„Einstaklega
spennandi leikur. Ég
spái 1–1 jafntefli
í hörkuleik.
Norwich kemst
yfir en WBA jafnar
undir lokin.“
Newcastle – Man. United
„Manchester United vinnur 2–1. United
eru með bullandi sjálfstraust eftir
leikinn við Bayern München og fer
með sjálfstraust inn í útileikinn gegn
Newcastle.“
Cardiff – Crystal Palace
„Það er gaman að horfa á leiki þar sem
allt er undir. Ég held að Tony Pulis taki
klókindin á þetta og vinni 0–1 sigur.
Solskjær fer niður með Cardiff.“
Hull – Swansea
„Hull er búið að vinna tvo af síðustu
þrem heimaleikjum. Hull mun vinna
leikinn 2–1 og ég hef takmarkaða trú á
Swansea fyrir leikinn.“
Aston Villa – Fulham
„Fulham er að fara beint niður. Aston
Villa tekur þetta öruggt, 2–0. Benteke
og Andreas Weimann skora mörkin.“
Chelsea – Stoke
„Stoke er búið að vinna fjóra af síðustu
fimm leikjum. Ég held að Chelsea taki
þetta 2–1. Stoke kemst yfir og reynir að
halda markinu hreinu en Chelsea klárar
þetta í lokin.“
Everton – Arsenal
„Það verður allt undir
þar enda leikurinn um
fjórða sætið. Ég held
að þetta verði 1–1
leikur. Allt í járnum.
Seamues Coleman
kemur Everton yfir og
Mertesacker jafnar.“
West Ham – Liverpool
„1–0 fyrir West Ham. Það þarf einhver
að stoppa þetta Liverpool-lið og Andy
Carroll skorar sigurmarkið.“
Tottenham – Sunderland
„Tottenham tekur þetta 2–0. Chadli
og Gylfi skora mörkin. Markið hjá Gylfa
verður skot fyrir utan teig eins og honum
einum er lagið.“
Ingólfur Sigurðsson
ingolfur@dv.is
Vissir þú …
… að Newcastle hefur ekki skorað í 10 af
síðustu 14 deildarleikjum sínum?
… að aðeins fjórir leikmenn, Suarez,
Sturridge, Gerrard og Yaya Toure, hafa
skorað fleiri mörk í deildinni frá áramót-
um en Adam Johnson?
… að allt West Ham liðið hefur aðeins átt
28 fleiri skot að marki andstæðingsins
en Luis Suarez hjá Liverpool í vetur?
… að Liverpool er eina liðið sem ekki
hefur tapað í úrvalsdeildinni árið 2014?
… að í fyrsta skipti frá árinu 2009 hefur
Tottenham tapað þremur úrvalsdeildar-
leikjum í röð?
… að Liverpool hefur skorað 52 mörk í
fyrri hálfleik í vetur, 12 fleiri en Totten-
ham hefur gert allt tímabilið í leikjum
sínum?
Hefur gjörbreytt
Liverpool-liðinu
Brendan Rodgers,
þjálfari Liverpool, hefur
gert góða hluti með
Liverpool á leiktíðinni.