Dagblaðið Vísir - DV - 08.04.2014, Blaðsíða 2

Vikublað 8.–10. apríl 20142 Fréttir
Færri styðja
ríkisstjórnina
Stuðningur við ríkisstjórnina
mælist nú 38,7 prósent saman­
borið við 40,9 prósent í lok
febrúar og 46,6 prósent um miðj­
an febrúar, samkvæmt niðurstöð­
um nýrrar könunnar sem MMR
birti á mánudag.
Fylgi Sjálfstæðisflokksins
mældist nú 23,9 prósent, borið
saman við 29 prósent í könnun
frá febrúarlokum. Fylgi Bjartr­
ar framtíðar mældist nú 17,1
prósent, borið saman við 16,4
prósent í síðustu könnun. Fylgi
Samfylkingarinnar mældist nú
15,1 prósent, borið saman við
14 prósent í síðustu könnun.
Fylgi Framsóknarflokksins
mældist nú 14,4 prósent, borið
saman við 14,6 prósent í síðustu
könnun. Vinstri græn mældust
nú með 11,5 prósenta fylgi, borið
saman við 10,4 prósent í síðustu
könnun. Píratar mældust nú með
11 prósenta fylgi, borið saman
við 9,3 prósenta fylgi í síðustu
könnun. Fylgi annarra flokka
mældist undir tveimur prósent­
um, að því er segir í tilkynningu
frá MMR.
960 einstaklingar, 18 ára og
eldri, svöruðu spurningum MMR
en könnunin var framkvæmd
dagana 28. mars til 1. apríl síðast­
liðinn.
Helmingur
ók of hratt
Tíu ökumenn eiga von á sekt eftir
að þeir voru staðnir að hraðakstri
í Heiðargerði í Reykjavík á mánu­
dag. Fylgst var með ökutækjum
sem var ekið í vesturátt. Í tilkynn­
ingu frá lögreglu kemur fram að
á einni klukkustund, fyrir há­
degi, hafi 24 ökutæki farið þessa
akstursleið. Tæplega helmingur
ökumanna, eða 42 prósent, ók
of hratt eða yfir afskiptahraða.
Meðalhraði hinna brotlegu var
45 kílómetrar á klukkustund, en
þarna er 30 kílómetra hámarks­
hraði. Sá sem hraðast ók mældist
á 54 kílómetra hraða. Samkvæmt
sektarreikni á vef Samgöngustofu
bíður hans 20 þúsund króna sekt.
280 ökumenn
stöðvaðir
Tvö hundruð og áttatíu öku­
menn voru stöðvaðir á mið­
borgarsvæðinu um helgina í
sérstöku umferðareftirliti lög­
reglunnar. Þrír ökumenn reynd­
ust ölvaðir eða undir áhrifum
fíkniefna við stýrið og eiga þeir
ökuleyfissviptingu yfir höfði sér.
Einum til viðbótar var gert að
hætta akstri en sá hafði neytt
áfengis en var undir refsimörk­
um. „Þetta segir þó ekki alla
söguna því alls voru sautján öku­
menn teknir fyrir ölvunar­ og
fíkniefnaakstur á höfuðborgar­
svæðinu um helgina, en hinir
síðarnefndu, fjórtán ökumenn,
voru stöðvaðir víðs vegar í um­
dæminu,“ segir á vef lögreglu.
„Þessu verður að linna“
n Líklegt að Ella Dís sé með heilaskaða vegna slyss n Ragna höfðar mál gegn Reykjavíkurborg
S
lysið hefur verið tilkynnt
til landlæknis og formleg
rannsókn er hafin. Hún
hafði þrisvar sinnum áður
lent í lífshættu af sömu
ástæðum en samt fór þetta svona.
Eftir slysið hefur Ella Dís ekki vakn­
að almennilega aftur og sjónin er
farin. Það eru líka blettir á heilan­
um þannig að það er mjög líklegt
að um varanlegan heilaskaða sé að
ræða,“ segir Ragna Erlendsdóttir,
móðir Ellu Dísar Laurens.
Öndunartúban stíflaðist
Ella Dís lenti í hjartastoppi vegna
súrefnisskorts þann 18. mars síð­
astliðinn. Atvikið átti sér stað í skól­
anum hennar en túba sem er fest í
kok hennar til þess að hún geti and­
að, stíflaðist og fékk hún því ekkert
súrefni. Ella var endurlífguð en var
haldið sofandi í þrjá sólarhringa á
eftir og líkami hennar kældur niður
til þess að reyna að koma í veg
fyrir heilaskemmdir. „Núna ligg­
ur hún án þess að geta tjáð sig eða
heyrt, það er ólýsanlega erfitt að
horfa upp á þetta og vita til þess að
barnið mitt dó næstum því í umsjá
aðila sem áttu að vera að hugsa um
hana,“ segir Ragna við DV.
Neyðarplaninu ekki fylgt
„Aðstoðarmanneskjan hennar var
heima með veikt barn og því var
fengin manneskja með henni sem
kunni ekki á þetta,“ segir Ragna.
„Þetta er í þriðja skiptið sem þetta
gerist og vegna fyrri skipta var út­
búið sérstakt neyðarplan sem
þurfti að fylgja eftir ef þetta gerðist,
manneskjunni sem var með henni
var ekki kunnugt um þetta,“ segir
Ragna sem er mjög ósátt við Barna­
verndarnefnd Reykjavíkur sem
fer með forsjá yfir Ellu Dís þó að
Ragna sé með forræðið. Hún segir
ítrekað gengið fram hjá rétti sínum
og henni ekki leyft að fylgjast með
gangi mála hjá Ellu Dís en undan­
farna mánuði hefur hún búið á
sambýli. „Ég frétti seint og illa af
því sem er að gerast. Áður en þetta
gerðist fékk ég lítið að vita hvernig
henni liði milli þess sem ég fór að
hitta hana.“
Hafði gerst áður
„Það sem mér finnst alvarlegast
er að ef þetta er eins og þetta lítur
út núna, varanlegur skaði, þá eiga
þeir að taka ábyrgð á því sem þeir
gerðu. Þeir fengu ólært starfsfólk
til að hugsa um Ellu. Ég vissi það,
þetta var búið að gerast áður. Lög­
fræðingurinn minn og ég vorum
bæði búin að senda ítrekaðar skrif­
legar beiðnir um að þetta fólk yrði
þjálfað betur. Það var fólk sem var
búið að hætta því það panikkaði
og vissi ekki hvað það ætti að gera.
Þegar þetta slys átti sér stað þá
hefðu þeir til dæmis getað hringt í
mig beint. Ég bý rétt hjá skólanum
og hefði verið á undan sjúkrabíln­
um og vissi nákvæmlega hvað átti
að gera.“
Lýsti yfir áhyggjum
Í tölvupóstsamskiptum milli lög­
fræðings Rögnu og fulltrúa Barna­
verndar sem DV hefur undir hönd­
um kemur meðal annars fram að í
febrúar 2013 hafi Ragna frétt það í
gegnum eldri dóttur sína sem er í
sama skóla og Ella Dís, að hún hafi
verið flutt á spítala með sjúkrabíl
úr skólanum. Ragna hafi ekki verð
látin vita af því þrátt fyrir að vera
með forræði yfir Ellu en þá var hún
í tímabundnu fóstri utan heim­
ilis. Þá lýsir lögfræðingurinn yfir
áhyggjum Rögnu af því að sjúkra­
liðinn sem fylgdi Ellu í skólann hafi
ekki fengið nægilega þjálfun ef upp
kæmu erfið tilfelli. Í svarbréfinu af­
sakar fulltrúi Barnaverndar Reykja­
víkur það að Ragna hafi ekki verið
látin vita um umrætt atvik.
Óvíst að hún komi til baka
„Ég fékk svo lítið að vita hvað gerð­
ist. Ég hef ekki fengið að hafa hana
heima hjá okkur þótt ég sé kom­
in með húsnæði fyrir hana og hún
hefur búið á sambýli,“ segir hún.
„Núna er staðan sú að við vitum
hreinlega ekkert hvernig þetta fer.
Lífsmörkin eru góð en það er óvíst
að hún komi til baka. Sjónin er far­
in en það var orðið hennar eina leið
til að tjá sig, nú getur hún ekkert
tjáð sig og við getum í raun ekkert
gert annað en að bíða og sjá hvort
hún komi til baka.“
Ragna segir það eiga að vera rétt
Ellu Dísar að vera með fjölskyldu
sinni. „Auðvitað er réttast að hún
fái þá að koma heim og vera í fjöl­
skyldufaðmi, ekki að hún fari aftur á
sambýlið. Ég veit fullkomlega hvern­
ig á að annast hana og hef verið til­
búin til að vinna með Barnavernd að
því að þetta gangi allt upp. En það
er bara eins og að af því að ég gerði
þau mistök á sínum tíma að fara
gegn þeim þá fái ég bara ekkert ann­
an séns, jafnvel þótt það hafi leitt til
þess að Ella fékk rétta greiningu á
sjúkdómi sínum. Þeir sýna engan
samstarfsvilja og halda bara áfram
að brjóta á okkur,“ segir Ragna.
Slysið kornið sem fyllti mælinn
„Ella Dís á skilið að fá að vera með
móður sinni og systrum en þeir
taka það ekki í mál og ætla að fara
með þetta alla leið og ætla að stefna
mér í héraðsdómi núna aftur. Það
myndi spara ríkinu töluverðan
pening ef hún fengi að vera hjá okk­
ur þar sem henni líður vel en ekki
vera á þessu sambýli,“ segir Ragna
sem segist vera orðin úrkula vonar
eftir baráttu síðustu ára. Slysið hafi
verið kornið sem fyllti mælinn en
áður hafi hún ætlað sér að gera allt
til þess að ná sáttum þannig að Ella
fengi að koma heim og vera hjá
þeim, þótt hún hafi bent á ýmislegt
sem betur mætti fara.
Ætlar að höfða einkamál
„Ég vil bara að Ella fái sómasam­
lega þjónustu og sé ekki í lífshættu.
Ég hef ráðfært mig við lögfræðing
minn og er að undirbúa mál gegn
Reykjavíkurborg og heimaþjónust­
unni sem sá um að útvega starfs­
manninn þennan dag,“ segir hún.
Hún vill koma í veg fyrir að
þetta hendi annan sjúkling. „Ég vil
bara ekki að þetta komi nokkurn
tímann fyrir aftur, ekki fyrir nokkra
manneskju. Slys geta átt sér stað en
þarna var margoft búið að benda
á þetta og sérstakt neyðarplan í
gangi en það var bara ekki farið eft­
Viktoría Hermannsdóttir
viktoria@dv.is
Alvarlega veik Hér sést Ella fyrir nokkrum árum. Hún var ósjúkdómsgreind í mörg ár.
„Ég vil bara
að Ella fái
sómasamlega
þjónustu og sé
ekki í lífshættu
„Það eru
líka blettir á
heilanum þannig
að það er mjög lík-
legt að um varan-
legan heilaskaða
sé að ræða