Dagblaðið Vísir - DV - 08.04.2014, Blaðsíða 31

Vikublað 8.–10. apríl 2014 Sport 31
Sektaðir fyrir
of lítinn svefn
H
ver hefði trúað því í fyrra­
sumar að Everton yrði í
harðri baráttu í vor um að
tryggja sér sæti í Meistara­
deild Evrópu? Ef einhver
hefði trúað því þá er það Roberto
Martinez en hann tók við stjórnar­
taumunum á Goodison Park í byrj­
un júní í fyrra. Martinez upplifði tím­
ana tvenna sem þjálfari Wigan en
þar hafði hann stýrt skútunni frá ár­
inu 2009. Á síðasta tímabili varð Wig­
an bikarmeistari undir hans stjórn,
eftir glæstan sigur á Manchester City
á Wembley, en aðeins þremur dög­
um síðar féll liðið úr ensku úrvals­
deildinni eftir tapleik gegn Arsenal.
Þrátt fyrir magurt ár í deildinni
efaðist þó enginn um hæfileika
Martinez sem knattspyrnustjóri –
hann hafði gjörbreytt spilamennsku
liðsins og naut virðingar í starfi. Þess
vegna vildu stjórnarmenn Everton
ólmir fá hann til þess að setja fingra­
för sín á bláa liðið úr Bítlaborginni.
Sem hann hefur sannarlega gert.
Vill svefnherbergi á æfingasvæðið
Hinn fertugi Martinez tók með
sér fjóra úr þjálfarateymi sínu hjá
Wigan til Everton og hóf að leggja
drög að leikmannahópnum. Belginn
Marouane Fellaini, sem hafði verið
lykilmaður hjá þeim bláklæddu,
gekk í raðir Englandsmeistaranna
í Manchester United fyrir stórfé.
Alls hefur Martinez selt leikmenn
frá Everton fyrir 40 milljónir punda
og fengið leikmenn til félagsins fyr­
ir 13 milljónir punda. Í sumar verð­
ur þó breyting á. „Það er ljóst að við
munum eyða peningi í sumar,“ sagði
Martinez nýlega í samtali við Daily
Mail.
Martinez, sem kemur frá Spáni,
vill styrkja liðið með leikmönnum
fyrir 20 milljónir punda og þá vill
hann bæta æfingaaðstöðu félags­
ins enn frekar, með athyglisverðum
hætti. „Við viljum gera sér svefn­
herbergi fyrir leikmenn félagsins og
bæta við grasvöllum. Æfingaaðstað­
an er stórkostleg nú þegar, en það er
alltaf svigrúm til þess að gera betur,“
sagði Martinez sem vill að yngri leik­
menn liðsins gisti endrum og eins á
æfingasvæðinu. „Það hjálpar þeim
að einbeita sér að vinnunni. Ungir
leikmenn, 24 ára og yngri, þurfa að
hafa hið fullkomna jafnvægi á milli
æfinga og hvíldar til þess að taka
framförum. Knattspyrnumenn verða
til að mynda að sofa átta klukku­
stundir á nóttu,“ útskýrir Martinez
og bætir því við að hann hiki ekki við
sekta leikmenn sína komi í ljós að
þeir hafi ekki sofið nóg fyrir æfingar
eða leiki.
Hægt að koma í veg fyrir meiðsli
Samhliða atvinnumannaferli sínum
í knattspyrnu stundaði Martinez há­
skólanám af kappi. Hann lærði með­
al annars sjúkraþjálfun sem hefur
nýst honum vel í þjálfun. „Námið
hjálpaði mér til þess að skilja manns­
líkamann betur þegar ég var sjálf­
ur að spila og einnig til þess að vera
meðvitaðri um meiðsli og hvernig
líkaminn nær bata,“ sagði Martinez
en á 16 ára atvinnumannsferli sín­
um var hann aldrei meiddur lengur
en í níu vikur í senn. Námið hefur
augljóslega gagnast Martinez að ein­
hverju leyti en lið hans hafa jafnan
verið með fæst meiðsli á ársgrund­
velli.
„Ég trúi því að hægt sé að koma í
veg fyrir hvers konar vöðvameiðsli,“
útskýrir Martinez en hann leggur
ríka áherslu á að leikmenn sinni
forvarnaræfingum. Að sama skapi
passar hann upp á álagið á leik­
mönnum og að þeir æfi ekki of mik­
ið. Sé ekki haldið rétt á spöðunum
aukast líkurnar á ofþjálfun. „Þú
lendir vissulega í átökum á vellin­
um sem geta orðið þess valdandi
að þú meiðist. En ef þú sérð vel um
þig og líkamann þinn muntu ná fyrr
bata.“ n
„Það er alltaf
svigrúm til
þess að gera betur
n Everton nálgast Meistaradeildina n Martinez lærður sjúkraþjálfari
Ingólfur Sigurðsson
ingolfur@dv.is
Hugsuður Martinez
þykir þenkjandi maður
sem hugsar til framtíðar
í starfi sínu. Mynd ReuteRS
Kolbeinn
óánægður
Kolbeinn Sigþórsson, framherj­
inn knái sem leikur með stórliði
Ajax í hollensku deildinni, segist
vera óánægður með frammistöðu
sína á tímabilinu. Kolbeinn hefur
skorað tíu mörk en segir, í samtali
við vefinn ajax1.nl, að hann hafi
ekki átt sitt besta tímabil. „Ég ætti
að vera kominn með að minnsta
kosti 20 mörk.“ Í greininni er þó
bent á að Kolbeinn hafi skorað
flest mörkin í þýðingarmiklum
leikjum, til dæmis báðum leikj­
unum gegn Feyenoord auk þess
sem hann hafi skorað gegn PSV,
Twente og Vitesse, en þessi lið
eru helstu keppinautar Ajax á
toppi deildarinnar.
Wilbek hættur
Ulrik Wilbek, fráfarandi lands­
liðsþjálfari Dana í hand­
knattleik, hefur stýrt liðinu í síð­
asta sinn. Það gerði hann um
helgina þegar liðið tapaði með
tveggja marka mun fyrir Frökk­
um á fjögurra landa æfingamóti
í Danmörku. Wilbek hefur stýrt
liðinu í 13 ár. Liðið hefur undir
hans stjórn unnið til sjö gull­
verðlauna á stórmótum.
Heiðursmaðurinn Claude
Onesta, landsliðsþjálfari Frakka,
hrósaði Wilbek í hástert eftir
leikinn og sagði hann fremsta
landsliðsþjálfara sögunnar.
Sjálfur hefur hann unnið allt
sem hægt er að vinna með
landslið – og það oftsinnis.
Eftir yfirstandandi leiktíð í
Þýskalandi tekur Guðmund­
ur Guðmundsson við danska
liðinu.
Bale spilar ekki
Gareth Bale, stórstjarnan í liði
Real Madrid, verður fjarri góðu
gamni í síðari viðureign Real
við Dortmund í átta liða úr­
slitum Meistaradeildarinnar.
Bale meiddist í leik á Spáni um
helgina og fékk skurð á hné.
Fjarvera Bale ætti ekki að koma
að sök þar sem Real hefur af­
gerandi þriggja marka forystu
fyrir seinni leikinn. Ekki liggur
fyrir hvort Bale missir af fleiri
leikjum vegna þessa.
Brons Liðið hafnaði í þriðja sæti
á Algarve Cup í mars. Mynd KSÍ
Formsatriði á Möltu
Stelpurnar okkar mæta botnliði riðilsins í undankeppni HM
K
vennalandsliðið í knatt­
spyrnu lenti á Möltu á
sunnudag eftir næturferða­
lag frá Tel Aviv. Liðið leikur
gegn Möltu í hádeginu á fimmtu­
dag í mikilvægum leik. Þær malt­
nesku hafa ekki riðið feitum hesti
frá leikjum sínum í undankeppn­
inni til þessa. Liðið hefur spilað
fjóra leiki og tapað þeim öllum.
Liðið hefur fengið á sig 21 mark en
ekki tekist að skora.
Íslenska liðið hefur aftur á móti
verið á miklu skriði undanfarið.
Stúlkurnar náðu frábærum árangri
á Algarve Cup í mars þar sem liðið
krækti í bronsverðlaun eftir að
hafa lagt Svía að velli. Áður hafði
liðið lagt Kína og Noreg, en tapað
fyrir ógnarsterku liði Þýskalands.
Íslenska liðið ætti fyrir leikinn
að teljast mun sigurstranglegra.
Á heimasíðu KSÍ kemur fram að
ferðalagið frá Tel Aviv hafi gengið
ágætlega en liðið lagði af stað til
Möltu klukkan tvö að nóttu til, eftir
að hafa lagt Ísrael með einu marki
gegn engu á laugardag. Stúlkurn­
ar hafa því verið þreyttar, en sælar
eftir sigurinn, þegar þær komu til
Valetta á Möltu.
Leikurinn á fimmtudag fer fram
á gervigrasi en fram kemur á vef­
síðu KSÍ að aðstæður á Möltu virð­
ist vera góðar. Stúlkurnar munu
æfa ýmist á grasi eða gervigrasi í
aðdraganda leiksins. n
baldur@dv.is