Dagblaðið Vísir - DV - 08.04.2014, Side 8

Vikublað 8.–10. apríl 20148 Fréttir
Gæði fara aldrei úr tísku
Hitastýrð
blöndunartæki
Stílhrein og
vönduð
N
ei, ég stökk bara á vagninn,
eftir að hafa lesið frumvarp­
ið að sjálfsögðu,“ segir Guð­
mundur Steingrímsson,
þingmaður Bjartrar fram­
tíðar, aðspurður hvaða vitneskju
hann hafi haft um vinnuna á bak við
frumvarp um spilavíti á Íslandi, sem
Willum Þór Þórsson hefur lagt fram.
Guðmundur, sem var einn af með­
flutningsmönnum að frumvarpinu,
segist ekki hafa vitað að Willum Þór
hafi tekið við málinu frá hagsmuna­
aðilum. Sömu sögu má segja um
aðra meðflutningsmenn frumvarps­
ins sem DV hefur rætt við. „Ef frum­
varpið lítur vel út, og ég er sammála
því, þá pæli ég yfirleitt ekkert í því
hvaðan það er komið. Þessi lagabálk­
ur er ágætlega skrifaður og ég er fylgj­
andi því að lögleiða þetta,“ segir Guð­
mundur.
Líkt og DV greindi frá á föstu­
daginn þá byggir frumvarpið um
lögleiðinguna á grunnvinnu sem
knattspyrnumennirnir Arnar og
Bjarki Gunnlaugssynir standa fyrir
en þeir hafa um árabil verið hlynnt­
ir lögleiðingu fjárhættuspila hér á
landi og hafa reynt að vinna þeirri
hugmynd brautargengi um árabil.
Orðrétt sagði Willum: „Ég get alveg
sagt þér aðkomu mína að þessu máli.
Arnar Gunnlaugsson var duglegur
að hitta þingmenn og kom að máli
við mig út af þessu og ég fékk áhuga
á málinu. Ég var í námi í Danmörku
á sínum tíma þegar fyrsta spilahöllin
var opnuð þar í landi og hafði kynnst
þessu þar. Þá fékk ég í hendur skýrslu
sem hafði verið unnin 2009 og frum­
varpsdrög sem voru þýðing á þessum
dönsku lögum. Þetta rímaði ágætlega
við mínar hugmyndir þannig að ég sá
að ég gæti gert mér mat úr þessu.“
Fundaði með
bræðrunum og Björgólfi
Þó Guðmundur hafi ekki vitað hvern­
ig Willum Þór fékk spilavítamálið
upp í hendurnar þá segir þingmaður­
inn að hann hafi lengi vitað af áhuga
þeirra Arnars og Bjarka á lögleiðingu
fjárhættuspila á Íslandi. Hann segist
meðal annars hafa fundað með þeim
og Björgólfi Jóhannssyni, forstjóra
Icelandair, á sínum tíma. „Já, hef
farið á fund með Arnari og Björgólfi.
Þeir hafa verið að kynna þessi sjónar­
mið mjög lengi,“ segir Guðmundur.
Líkt og kom fram í DV á föstu­
daginn þá létu þeir Arnar og Bjarki
þingmanninn fyrrverandi, Lúðvík
Bergvinsson lögmann, vinna fyrir
sig skýrslu árið 2009 um lögleiðingu
fjárhættuspila auk þess sem dönsk
lög um efnið voru þýdd. Þrátt fyrir
að þeir bræður hafi rætt við þing­
menn á sínum tíma þá höfðu þeir
ekki erindi sem erfiði fyrr en Willum
Þór tók málið upp á sína arma.
Arnar og Bjarki voru í samstarfi
við Icelandair fyrir nokkrum árum
um að vinna þeirri hugmynd fram­
gang að lögleiða fjárhættuspil á Ís­
landi. Hugmynd Icelandair var
að reka spilavíti á hótelum sínum
og var rætt um að Arnar og Bjarki
myndu koma að rekstri þeirra.
Gagnrýni á málið
Einn af þeim sem gagnrýndi með­
ferð spilavítamálsins og aðkomu
hagsmunaaðila að því var stjórn­
málafræðingurinn Birgir Her­
mannsson sem jafnframt er
eigin maður Sigríðar Ingibjargar
Ingadóttur, þingkonu Samfylk­
ingarinnar. Á Facebook­síðu sinni
sagði hann: „Verður framtíðin sú
að fjársterkir einkaaðilar eða hags­
munasamtök muni semja frum­
vörp fyrir þingmenn sem þeir síð­
an leggja fram í eigin nafni? Það
er raunar sérstakt að þingflokkur
Framsóknar leyfi þessa málsmeð­
ferð í stað þess að vísa málinu til
ríkisstjórnarinnar.“
Eina landið fyrir utan Albaníu
Guðmundur Steingrímsson segir
að alveg ljóst sé að bræðurnir og
Icelandair séu hagsmunaaðilar
í þessu máli. „Það er ekkert
launungarmál. Þetta er ekkert
óeðlilegt.“ Hann segir að algengt sé
að hagsmunaaðilar hafi samband
við þingmenn til að kynna þeim
ákveðin mál sem þeir vilja veita
brautargengi. „Mér finnst ekki gam­
an að Ísland sé eina landið í Evrópu
fyrir utan Albaníu sem bannar
þessa starfsemi. En á sama tíma
þá er ég auðvitað líka fylgjandi því
að við séum á varðbergi gagnvart
sérhagsmunum á Alþingi,“ segir
Guðmundur um lögleiðingu fjár­
hættuspila og aðkomu umræddra
hagsmunaaðila að frumvarpinu. n
Vissu ekki að frumvarpið
kæmi frá hagsmunaðilum
„Þeir hafa
verið að
kynna þessi sjón-
armið mjög lengi
Ingi Freyr Vilhjálmsson
ingi@dv.is
n Var meðflytjandi frumvarps um spilavíti n Skiptir ekki máli hvaðan gott kemur
Vinna sem hófst fyrir mörgum árum
Arnar og Bjarki Gunnlaugssynir og Icelandair
byrjuðu að vinna að lögleiðingu fjár-
hættuspila fyrir nokkrum árum. Björgólfur
Jóhannsson fundaði meðal annars með
þingmönnum vegna málsins.
Vissi ekki um aðkomuna Guðmundur
Steingrímsson segist ekki hafa vitað að
Willum Þór Þórsson hefði fengið lagafrum-
varp um lögleiðingu fjárhættuspila frá
hagsmunaaðilum. Hann var meðflutnings-
maður að frumvarpinu. mynd sIGtryGGur ArI