Dagblaðið Vísir - DV - 08.04.2014, Síða 20

Útgáfufélag: DV ehf. • Stjórnarformaður: Þorsteinn Guðnason • Ritstjóri: Reynir Traustason • Aðstoðarritstjóri: Ingibjörg Dögg Kjartansdóttir Ritstjórnarfulltrúi: Ingi
Freyr Vilhjálmsson • Umsjónarmaður innblaðs: Viktoría Hermannsdóttir • Umsjónarmaður helgarblaðs: Kristjana Guðbrandsdóttir • Framkvæmdastjóri
og vefstjóri DV.is: Jón Trausti Reynisson • Sölu- og markaðsstjóri: Heiða B. Heiðarsdóttir • Umbrot: DV ehf. • Prentun: Landsprent • Dreifing: Árvakur
Heimilisfang
Tryggvagötu 11
Hafnarhvoli, 2. hæð
101 Reykjavík
FRéttASkot
512 70 70FR jál S t, ó Háð DAg b l Að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AðAlnÚmeR
RitStjóRn
áSkRiFtARSími
AUglýSingAR
Sandkorn
20 Umræða Vikublað 8.–10. apríl 2014
Ljós í myrkri heimskunnar
R
íkisstjórn Sigmundar Davíðs
Gunnlaugssonar hefur sýnt
sig í því að vera ein sú versta
sem setið hefur. Barbabrellur
og hálfsannleikur hefur einkennt að­
gerðir hennar í skuldamálum heim­
ilanna. Og fullkomin vanvirðing við
þjóðina braust fram þegar utan­
ríkisráðherra lagði fram tillögu um
að slíta viðræðum við Evrópusam­
bandið án þess að spyrja fólkið í
landinu álits. En það kann að vera
ljós í myrkrinu.
Bjarni Benediktsson fjármálaráð­
herra hefur boðað stórfelldar skatta­
lækkanir og einföldum skattkerfis­
ins. Það kann auðvitað svo að fara að
þessi loforð verði í anda þeirra sem
Framsóknarflokkurinn gaf í vor og
sveik áður en haninn í Hádegis móum
náði að gala þrisvar. Hugsanlegt er
að bágt gengi Sjálfstæðisflokksins í
skoðanakönnunum hafi ýtt fjármála­
ráðherra út í það að lofa upp í ermar
sínar í þeirri von að flokkur hans fái
ekki slæma útreið í kosningunum.
Við skulum bíða og fylgjast vandlega
með. Svikasaga stjórnarinnar gefur í
raun ekki tilefni til bjartsýni. Verkefni
Sjálfstæðisflokksins á kjörtímabil­
inu ætti í meginatriðum að vera það
að koma böndum á útgjöld ríkisins
og lækka skatta á almenning. Tals­
vert virðist hafa unnist í tiltekt í fjár­
málum ríkisins. Hagræðingarhópur
ríkis stjórnarinnar undir stjórn Vig­
dísar Hauksdóttur og Guðlaugs Þórs
Þórðarsonar hefur tekið hlutverk sitt
alvarlega og komið með fjölmargar
tillögur til úrbóta. Tökin hafa verið
hert á einstökum stofnunum og for­
stöðumönnum gert að standa við
fjárlög. Gott dæmi um slíkt er Rík­
isútvarpið og einstakir skólar sem
gengið hafa nánast sjálfala í fjárhirsl­
ur ríkisins.
Vinstristjórn Jóhönnu Sigurðar­
dóttur var sannkölluð skattpíningar­
stjórn. Þeim var þó sú vorkunn að
hafa tekið við landinu í kaldakoli
hrunsins. Það þurfti því að sækja
alla þá peninga sem mögulegt var
til að halda gangverki samfélags­
ins gangandi. Nú virðist hafa rofað
til og samfélagið er að lifna við með
minna atvinnuleysi og meiri kaup­
getu. Sjálfstæðisflokkurinn hefur
tækifæri til að skera niður skatta með
það fyrir augum að örva atvinnulífið
enn betur. Sú stefna er hárrétt. Flest­
ir gera sér grein fyrir því að of þung
skattbyrði leiðir til þess að launþegar
flýja inn í myrkur hinnar svörtu at­
vinnustarfsemi og skatturinn missir
af sínu.
Vonandi er fyrsta glæta skynsem­
innar að brjótast inn í myrkur þeirrar
heimsku sem umlukt hefur flest
verk ríkisstjórnarinnar. Verði loforð
um skattalækkanir að veruleika
mun Sjálfstæðisflokkurinn upp­
skera. Flokkurinn mun ekki þurfa
að axla fulla ábyrgð á kosningasvik­
um Framsóknarflokksins. Þetta eru
fyrstu merkin um að einstaklings­
hyggjuflokkurinn ætli að fylgja þeirri
stefnu að efla hag einstaklinga í stað
þess að reyna stöðugt að mjólka
meira út úr borgurum landsins. Fjár­
málaráðherra mælti á ensku þegar
hann sagði kokhraustur: You ain´t
seen nothing yet. Þetta er alveg rétt
hjá honum. Enn höfum við ekkert
séð. Vonandi er sjónhverfingunum
lokið og raunverulegar lífskjarabæt­
ur taka við af innistæðulitlu bullinu
um Íslandsmet í aðgerðum. n
Reynir Traustason
rt@dv.is
Leiðari
Ingibjörg snýr aftur
Framsóknarmenn á Akranesi
eru ofurbjartsýnir eftir að Ingi­
björg Pálmadóttir, fyrrverandi
ráðherra, fékkst til að leiða þá
undir merkjum Framsóknar og
frjálsra í komandi kosningum.
Ingibjörg er óumdeild og þótti
standa sig vel á ráðherrastóli.
Hún á eitt magnaðasta augnablik
sjónvarpssögunnar þegar hún
sem ráðherra fékk aðsvif í beinni
útsendingu þar sem rætt var
við hana og Össur Skarphéðins­
son. Var Össuri legið á hálsi fyrir
að hafa ekki gripið ráðherrann
þegar hann hné niður.
Frændi í stjórn
Hjá Eimskipafélagi Íslands urðu
þau tíðindi að Gunnari Karli Guð­
mundssyni, fyrrverandi forstjóra
Skeljungs, var
skákað út fyrir
Lárus Blöndal lög­
mann. Gunnar
er þaulreyndur
rekstrarmaður
og þykir það vera
nokkur missir
fyrir Eimskip. Samsæriskenn­
ingar eru uppi um að Bjarni
Benediktsson hafi beitt áhrif­
um sínum til að koma Lárusi
frænda sínum að. Þetta hafi
gerst í gegnum Lífeyrissjóð op­
inberra starfsmanna þar sem
fjármálaráðherra skipar tvo
stjórnarmenn. Lífeyrissjóður­
inn hafi nú í fyrsta sinn nýtt sér
eignarhlutinn í Eimskipum til
að koma að manni.
Gæðingar á jötu
Skipun nýrrar stjórnar Lands­
virkjunar var með hefðbundn­
um brag. Pólitískum gæðing­
um er raðað
á jötuna eftir
flokksskírtein­
um. Samtrygging
flestra flokka
sýnileg. Athygli
vekur að Vinstri
græn senda Álf­
heiði Ingadóttur, fyrrverandi
alþingis mann, í stjórnina.
Óljóst er hvaða erindi hún á í
stjórn stærsta orkufyrirtækis Ís­
lendinga.
Dansinn á 365
Aurum­málið, sem talið er
sýna bein afskipti Jóns Ásgeirs
Jóhannessonar, skuggastjórn­
anda 365, af
Glitni, er á meðal
stærri sakamála
á síðari tím­
um. Fram kemur
ítrekað að hlut­
hafinn, Jón Ásge­
ir, hafi sent Lárusi
Welding bankastjóra tölvupóst
með meldingum. Athygli vekur
að Fréttablaðið og aðrir fjölmiðl­
ar 365, sem eru skráðir í eigu Ingi­
bjargar Pálmadóttur, eiginkonu
Jóns Ásgeirs, stíga undurlétt til
jarðar og fjalla mjúklega um sinn
mann. Dansinn í kringum Jón
Ásgeir er reyndar hefðbundinn.
Horfum á heildarmyndina
M
ikilvægt er að horfa á
heildarmyndina þegar
rætt er um skuldaleið­
réttingar ríkisstjórnar­
innar. Þau frumvörp sem
eru til umræðu í þinginu þessa
dagana og taka til verðtryggðra
húsnæðisskulda heimilanna, eru
eingöngu einn liður af tíu úr að­
gerðaáætlun ríkisstjórnar Fram­
sóknarflokksins og Sjálfstæðis­
flokksins.
Umfang skuldaleiðréttinganna
er 150 milljarðar og nær til um 100
þúsund heimila. Ánægjulegt er að
um sé að ræða almenna aðgerð en
ekki sértæka. Vissulega hefði það
verið mjög jákvætt ef hægt hefði
verið að hafa þakið hærra, fyrir
þann hóp, sem varð hvað einna
mest fyrir forsendubrestinum
vegna efnahagshrunsins. En í því
samhengi er nauðsynlegt að horfa
á heildarmyndina í þeirri vinnu er
snýr að skuldavanda heimilanna.
Í verkefnastjórn um framtíðar­
skipan húsnæðismála er unnið
að mörgum mikilvægum þáttum
er snerta íslensk heimili og fram­
tíð þeirra. Þar má nefna vinnu að
húsnæðislánakerfi til framtíðar og
lyklafrumvarpið. Einnig er unnið
með verðtrygginguna og þar eru
bæði meirihlutaálit verðtrygging­
arhópsins og séráliti Vilhjálms Birg­
issonar höfð til hliðsjónar. Mikil­
vægt er að verðtryggingin verði
afnumin um leið og skuldaleið­
réttingar ríkisstjórnarinnar ná fram
að ganga.
Einnig mun verkefnastjórnin
skila af sér hugmyndum hvern­
ig komið verði á öruggum leigu­
markaði hér á landi. Þannig að
þeir sem hér búa geti haft raunhæft
val um séreign eða leiguhúsnæði.
Jafnframt er horft til þess hvern­
ig mögulegt verði að lækka leigu­
kostnað og tillögur stjórnarinnar
hljóma upp á allt að 20% lækkun í
þeim efnum. Auk þessa er unnið fé­
lagslegu húsnæðiskerfi með það að
markmiði að allir geti haft öruggt
þak yfir höfuðið.
Verkefnastjórnin mun skila af
sér tillögum til félags­ og húsnæðis­
málaráðherra í lok þessa mánaðar.
Í desember síðastliðnum, lagði
innanríkisráðherra fram frumvarp,
um að fresta nauðungarsölum fram
í september 2014. Nær frestunin til
íbúðarhúsnæðis með verðtryggðar
húsnæðisskuldir. Frumvarpið var
samþykkt.
Í janúar síðastliðnum sam­
þykktu þingmenn frumvarp félags­
og húsnæðismálaráðherra um fjár­
hagsaðstoð vegna gjaldþrotaskipta.
Nú þegar hefur verið opnað fyrir
umsóknir á vef embættis umboðs­
manns skuldara. Umsóknarferlið
er skilvirkt og áætlað er að ferlið
taki um tvær vikur frá því öll gögn
berast vegna málsins.
Í lok mars lagði félags­ og hús­
næðismálaráðherra fram tvö frum­
vörp og þau eru heimilunum í hag.
Annað þeirra varðar húsaleigubæt­
ur til þeirra sem misst hafa eign­
ir sínar á uppboði og leigja þær nú
til búsetu. Þessi hópur hefur, hing­
að til ekki átt rétt á húsaleigubót­
um og hefur það verið miður. Því
ber að fagna að bæta skuli réttindi
þeirra. Hitt varðar embætti um­
boðsmanns skuldara og heimild
hans til að sekta fjármálastofnanir,
ef þær draga eða neita að afhenda
embætti hans þær upplýsingar,
sem á þarf að halda til að vinna
að málefnum þeirra sem til hans
leita. Samkvæmt frumvarpinu get­
ur sektargreiðsla numið allt frá 10
þúsund krónum til 1 milljónar á
dag, líkt og dagsektir samkvæmt
lögum um opinbert eftirlit með
fjármálastarfsemi.
Hér hefur verið skrifað um að­
gerðir ríkisstjórnar Framsóknar­
flokksins og Sjálfstæðisflokksins, í
þágu heimilanna. Umræðan um að
ekkert sé verið að gera fyrir heim­
ilin er ósanngjörn. Við verðum að
horfa á heildarmyndina. n
„Umræðan um að
ekkert sé verið
að gera fyrir heimilin er
ósanngjörn.
Elsa Lára Arnardóttir
þingmaður Framsóknarflokksins
Kjallari
MynD SIGTRyGGuR ARI JóhAnnSSon
MynD SIGTRyGGuR ARI
„Vonandi
er sjón-
hverfingunum lokið
Sumum fannst ekki við hæfi að
kalla þá mestu hvalveiðiþjóð heims
Forsætisráðherra benti á tvískinnung Bandaríkjamanna í hvalveiðum. – DV.is
Eins og æskuheimilið nema að þar verður
aukaherbergi fyrir Evrópusambandið
Björn Valur Gíslason um nýjan hægri flokk. – DV.is