Dagblaðið Vísir - DV - 08.04.2014, Side 24

Vikublað 8.–10. apríl 201424 Neytendur
Símafyrirtækin öll
með svipuð tilboð
n Þvertaka fyrir samráð n Nýju áskriftirnar góðar fyrir stórnotendur
B
æði stóru farsímafyrirtækin,
Síminn og Vodafone, kynntu
nýverið nýjar áskriftarleiðir
fyrir farsíma þar sem lofað
er ótakmörkuðum fjölda
skilaboða og mínútum í síma með
ákveðnu gagnamagni. DV lék forvitni
á að vita hvernig stæði á því að bæði
fyrirtækin kynntu sams konar leið á
sama tíma.
Hrannar Pétursson, fram­
kvæmdastjóri samskiptasviðs Voda­
fone, segir af og frá að um samráð
sé að ræða enda bítist fyrirtækin um
hvern viðskiptavin.
„Ég get sagt þér allt sem þú vilt
vita um okkar undirbúning sem hef­
ur staðið í langan tíma, um sex til átta
mánuði, og í þeirri vinnu höfum við
mjög litið til Vodafone Group, sem
er okkar alþjóðlegi samstarfsaðili og
býður Vodafone RED á um 20 mörk­
uðum víða um heim,“ segir hann.
Öllum ljóst í hvað stefndi
Gunnhildur Arna Gunnarsdóttir,
upplýsingafulltrúi Símans, segir fyr­
irtækið í marga mánuði hafa undir­
búið sig til að geta boðið upp á pakka­
samning sem þennan.
„Þessi þjónusta hefur verið að
ryðja sér til rúms víða um heim.
Hún lá í loftinu og við vorum tilbú­
in með útfærslu og kynningarefni en
óákveðin með dagsetningu.
Við töluðum að sjálfsögðu ekki við
keppinautinn áður en við fórum í loft­
ið. Öllum mátti vera ljóst hvert stefndi
þegar hann taldi opinberlega nið­
ur dagana í þjónustuna. Við þær að­
stæður var ekki eftir neinu að bíða,“
segir hún.
Ódýrari iPhone
Athygli vekur að þetta er í annað
sinn á stuttum tíma sem fyrirtækin
kynna sams konar þjónustu en í lok
nóvember síðastliðinn kynntu þau
bæði samstarfssamninga við Apple­
tölvurisann og símaframleiðandann
sem gerði þeim kleift að lækka verðið
á símunum umtalsvert.
Gunnhildur segir það eiga sínar
skýringar. „Eins og þekkt er í dag þá
hefur Apple samið við þrjú íslensk
fjarskiptafyrirtæki, þar á meðal Sím­
ann, um viðskiptasamband. Apple
ákvað hvenær Símanum var heimilt
að kynna samninginn og selja vörur
félagsins, það er 29. nóvember og 13.
desember síðastliðinn. Apple stjórnar
því við hvaða aðila félagið semur við
og með hvaða hætti.“
Undir þetta tekur Hrannar og seg­
ir: „Leið Apple hefur í öllum löndum
verið sú sama.“
Gagnamagnspakkar
„Við leitum sífellt leiða til að bjóða
viðskiptavinum okkar það nýjasta
á markaði og vörur sem við teljum
að henti þeim og þeir sækjast eftir.
Gagnamagnspakkarnir eru gríðarleg
búbót fyrir stórnotendur, sem geta
sparað tugi þúsunda í þessari þjón­
ustuleið. Kjarninn í samkeppni er
iðulega sá að fyrirtæki eru snögg að
bregðast við nýjungum og breyting­
um á markaði. Sú staðreynd að fleiri
en Síminn hafi fylgt snögglega í kjöl­
farið sýnir það og hve hörð og virk
samkeppnin er á farsímamarkaði,“
segir Gunnhildur.
Hjá öllum fyrirtækjunum er rukk­
að aukalega fyrir umframgagnamagn
og símtöl í gjaldskyld númer.
Fyrir stórnotendur
Eldri áskriftarleiðir eru enn í gildi þar
sem greitt er ákveðið mánaðargjald
sem innfelur ákveðinn fjölda af sím­
tölum og sms ásamt ákveðnum fjölda
númera sem hringt er í ókeypis. Neyt­
endur þurfa að skoða símanotkun
sína vel því ekki er víst að nýju tilboð­
in séu betri en núverandi áskriftar­
leiðir þar sem nýju tilboðin miðast
við að talað sé mikið í símann. Síma­
notkun breytist hratt með tilkomu
internetsins og mikilvægt að skoða
vel hvaða liðir það eru helst sem neyt­
endur notfæra sér og velja áskriftar­
leið eftir því. n
Auður Alfífa Ketilsdóttir
fifa@dv.is
Svipuð tilboð Vodafone,
Síminn, Tal og Nova bjóða öll
upp á endalaust tal og sms.
Mynd ShutterStocK
Verðsamanburður
Endalaust tal, sms og 500 mb.
Fyrirtæki 500 mb
n Nova 5.680 kr.
n Tal 5.980 kr.
n Síminn 5.990 kr.
n Vodafone 5.990 kr.
„Þessi þjónusta
hefur verið að ryðja
sér til rúms víða um heim.
Apple hætti notkun eiturefna
Þrýstihópar vilja að fyrirtækið tryggi öryggi verkafólks
Þ
rýstihóparnir China Labor
Watch og Green America
krefjast þess að Apple hætti
notkun eiturefnanna bensens
og n­hexan­leysiefna við framleiðslu
fyrirtækisins.
Þrýstihóparnir segja kínverskt
verkafólk veikjast vegna óhindraðrar
snertingar við eiturefnin sem sé að
ástæðulausu þar sem önnur hættu­
minni efni geti komið í staðinn og
kosti lítið meira.
„Ásamt Green America krefju­
mst við þess að Apple axli ábyrgð
og hætti notkun efna eins og n­hex­
an­leysiefnis og bensens, sem vit­
að er að getur valdið hvítblæði, og
tryggi verkafólkinu þannig viðun­
andi vinnuskilyrði,“ segir Kevin Slat­
en hjá China Labor Watch í samtali
við Guardian.
N­hexan­leysiefnið er notað
frekar en isopropanol eða annars
lags leysiefni þar sem það gufar upp
þrisvar sinnum hraðar en sambæri­
leg efni. En snerting við efnin getur
valdið taugaskaða eða jafnvel lömun
og hefur það verið tengt við nokkur
eitrunartilfelli í iPhone­verksmiðj­
um í Kína.
Talsmaður Apple segir fyrirtækið
krefja alla birgja sína um viðunandi
öryggisráðstafanir þegar unnið er
með hættuleg efni og miðar við ör­
yggiskröfur vinnueftirlits Bandaríkj­
anna eða í sumum tilfellum strangari
kröfur.
Slaten segir Apple ekki eina fyr­
irtækið sem má gagnrýna í þessum
efnum en segir sjónum beint að því
þar sem gríðarlega stór hluti fram­
leiðslunnar fari fram í Kína.
Talsmaður Apple segir fyrirtækið
hafa verið leiðandi undanfarinn ára­
tug í því að minnka notkun hættu­
legra efna svo sem kvikasilfurs,
hættulegra eldvarnarefna og PVC í
framleiðslunni.
„Á síðasta ári framkvæmdum við
tæplega 200 úttektir á verksmiðjum
þar sem við lögðum megináherslu á
hættuleg efni til að ganga úr skugga
um að aðstæðurnar uppfylltu ör­
yggisstaðla okkar. Við útvegum
birgjunum einnig þjálfun í meðferð
hættulegra efna,“ segir talsmaður
Apple. n
fifa@dv.is
risi Apple gerir
reglulega úttekt á
aðstæðum verka-
fólks. Mynd reuterS
Ekki steikja
ólífuolíu
Ólífuolía er af mörgum talin bráð­
holl og svo þykir hún líka bragð­
góð. Hún er sérstaklega vinsæl
í ítalskri matargerð og
í hefðum við Mið­
jarðarhafið. Hún er þó
ekki æskileg í alla mat­
reiðslu til að mynda
er ekki æskilegt að
steikja upp úr ólífu­
olíu, þar sem hún
inniheldur bæði
ein­ og fjölómett­
aðar fitusýrur
sem eru við­
kvæmar fyrir
hita. Það þýðir
að olían brenn­
ur auðveldlega og oxast, sem er
mjög heilsuspillandi. Einnig geta
myndast í ólífuolíunni transfitu­
sýrur ef hún er hituð mikið. Það
er kannski óhætt að nota hana
við vægan hita og í ofnrétti, en til
steikingar við mikinn hita er miklu
betra að nota til dæmis bragð­ og
lyktarlausa kókosfitu.
Hvað er vín-
steinslyftiduft?
Mörgum fallast hendur þegar
þeir fara að skoða heilsuupp­
skriftir og framandi matargerð
þar sem innihaldsefnin eru
oft mörg og óvenjuleg. Margar
heilsuuppskriftir innihalda til
dæmis vínsteinslyftiduft. En
hvað er það? Það er lyftiduft sem
saman stendur af vínsteini og
matarsóda. Þessi blanda virkar
vel sem lyfti efni. Oftast er vín­
steinslyftiduft glútenlaust og
laust við ál. Þetta lyftiduft er fljót­
virkandi og því er best að láta
deig aldrei bíða lengi áður en
það er sett í ofninn. Yfirleitt þarf
sama magn af vínsteinslyftidufti
og öðru lyftidufti. Í öllum tilfell­
um er þó hægt að komast af með
venjulegt lyftiduft.
Fá ekki að
endurskoða
tolla
Stjórn Neytendasamtakanna
mótmælir því harðlega að sam­
tökunum hafi ekki verið gefinn
kostur á að skipa fulltrúa í starfs­
hóp landbúnaðarráðherra sem
á að endurskoða tollalöggjöf á
sviði landbúnaðarmála. Stjórnin
telur það jafnframt óvirðingu
við Neytendasamtökin að ráð­
herra sjái ekki ástæðu til að svara
ítrekuðum erindum samtakanna
þar sem óskað var eftir að full­
trúi þeirra yrði skipaður í þennan
mikilvæga starfshóp.
Neytendasamtökin eru hags­
munasamtök íslenskra neytenda
og það er því með öllu óskiljan­
legt að þau eigi ekki fulltrúa í
starfshópi sem ætlað er að fjalla
um svo mikilvægt hagsmunamál
neytenda.
Stjórn Neytendasamtakanna
hvetur landbúnaðarráðherra
til að gefa Neytendasamtökun­
um kost á að skipa fulltrúa sinn í
þennan starfshóp.