Dagblaðið Vísir - DV - 24.06.2014, Page 27

Lífsstíll 27Vikublað 24.–26. júní 2014
Hvað á að gera við
hundinn í fríinu?
Fuglinn fylgir
hvert sem er
H
ann er bara eins og litla
barnið mitt. Hann er algjör
draumafugl,“ segir Íris Lea
Þorsteinsdóttir. Hún er eig-
andi dísarfuglsins Mána
sem fylgir henni nánast hvert fót-
spor. Máni er einstaklega blíður og
góður og líður best á öxlinni á Írisi.
„Hann kemur með í vinnuna og
situr yfirleitt bara svona á öxlinni á
mér,“ segir Íris þegar DV leit við hjá
henni í Dýraríkinu Holtagörðum þar
sem hún vinnur. Máni sat þá róleg-
ur á öxl hennar og kippti sér lítið upp
við það sem var að gerast í kring.
Fer með í göngutúra
Máni flýgur ekki í burtu frá henni og
kemur með henni á flesta þá staði
sem hún fer. „Hann kemur með mér
út þegar ég fer í göngutúr með hund-
inn eða út í búð. Hann kemur meira
segja með mér í sturtu og svo situr
hann líka með mér úti í sólbaði og er
bara alltaf svona rólegur og góður,“
segir hún brosandi.
Máni er mjög hændur að Írisi og
er ekki sama þegar hún skreppur frá
honum. „Það þýðir lítið fyrir mig að
skilja hann eftir hér þegar ég skrepp
að kaupa mér mat því hann verður
alveg brjálaður á meðan og gargar
bara. Hann vill fá að koma með,“
segir hún en ekki er óalgengt að sjá
hana á röltinu með fuglinn á öxlinni.
Hún segist verða vör við að sumu
fólki bregði örlítið við þegar það sjái
hana með fuglinn en flestir kippa sér
lítið upp við það eða finnst það bara
sniðugt. „Ég má reyndar ekki lengur
koma með hann í Bónus, skilst það
sé vegna þess að heilbrigðiseftirlitið
leyfi það ekki.“
„Hvað ertu að gera?“
Máni reynir ekki að fljúga í burtu
enda líður honum best á öxl eiganda
síns. Hann vill líka fá að vera með í
samræðum og spjallar iðulega við
Írisi. „Hann segir oft: „Hvað ertu að
gera?“ og „halló“. Síðan flautar hann
með mörgum lögum og svo geltir
hann á hundinn okkar,“ segir Íris.
„Ég fæ heldur ekki að borða neitt
í friði, hann kemur um leið og vill fá
bita,“ segir hún hlæjandi. „Hann er
alveg rosalega gæfur og skemmti-
legur en vill helst ekki vera hjá nein-
um öðrum en mér. Hann kannski
rétt heilsar upp á fólk en flýgur svo til
baka til mín.“
Ætlar að verða dýralæknir
Íris hefur lengi haft mikinn áhuga
á fuglum og á núna þrjú stykki auk
þess sem hún er með tvo unga sem
hún handmatar. „Ég átti páfagauk
þegar ég var lítil sem ég þurfti að gefa
því við fluttum til Bretlands. Síðan
var ég alltaf að biðja um að fá aftur
fugl en fékk það ekki fyrr en rétt áður
en við fluttum heim, þá þurfti ég aft-
ur að gefa hann frá mér. Síðan þegar
ég kom heim var ég alltaf að biðja um
að fá annan en mátti það ekki. Þegar
ég flutti svo að heiman þá gerði ég
uppreisn og fékk mér fjóra,“ segir
hún kankvís.
Hún er mikill dýravinur og stefn-
ir á að verða dýralæknir. „Ef ég flyt út
til að fara í nám þá kemur Máni með
mér, hann fær bara vegabréf. Ég get
ekki verið án hans,“ segir hún. n
Viktoría Hermannsdóttir
viktoria@dv.is
n Máni fer með Írisi í göngutúr og búðir n „Alltaf rólegur og góður“
Börn krabba­
meinssjúkl­
inga í hættu
Krabbameinsgreining hefur áhrif
á alla fjölskylduna en samkvæmt
nýrri rannsókn eru börn krabba-
meinssjúklinga í hættu á að þróa
með sér tilfinninga- og hegð-
unarvandamál. Birgit Möller við
læknaháskólann í Hamburg-Epp-
endorf skoðaði 235 fjölskyldur og
börn þeirra á aldrinum 11 til 21
árs. Að minnsta kosti annað for-
eldri hafði greinst með krabba-
mein. Niðurstöður rannsóknar-
innar birtust í vefritinu CANCER.
Þar kemur fram að um það bil 21
prósent af nýgreiningum krabba-
meins séu í aldurshópnum 25
til 54 ára en sá hópur er líkleg-
ur til að eiga börn á heimilinu. Á
meðan flest barnanna tókust á
við veikindi foreldris með góðum
árangri þróuðu sum með sér geð-
ræn vandamál.
Fótbolti lækkar
blóðþrýsting
kvenna
Samkvæmt nýrri rannsókn get-
ur fótbolti haft góð áhrif á blóð-
þrýsting kvenna á aldrinum
35–50 ára. Í rannsókninni sem
fjallað var um í Scandinavian Jo-
urnal of Medicine & Science in
Sports æfðu konur með of háan
blóðþrýsting fótbolta í 15 vikur.
Blóðþrýstingur þeirra lækkaði,
þær léttust talsvert og kólesteról-
magn í blóði batnaði einnig, auk
þess sem þol kvennanna batnaði.
Líkamlegur ávinningur fótbolt-
ans varð mun meiri en þeirra
kvenna sem æfðu sund. Fæstar
konurnar höfðu áður æft fótbolta.
Þær höfðu hins vegar það gam-
an af íþróttinni að margar þeirra
stofnuðu sitt eigið lið eftir rann-
sóknina.
Hjálmur greinir
heilablóðfall
Sænskir vísindamenn hafa búið
til hjálm til að flýta fyrir greiningu
heilablóðfalls.
Þegar einstaklingur fær
heilablóðfall skiptir tíminn mestu
máli. Ef sjúklingur fær ekki að-
hlynningu innan fjögurra klukku-
tíma eru líkur á að heilavefur
eyðileggist.
Til að veita besta meðferð þarf
að greina hvort heilablóðfallið
sé af völdum lekandi æðar eða
blóðkökks sem stíflar æð.
Hjálmurinn, segja vísinda-
menn, getur greint þar á milli.
Frekari rannsóknir eru nauðsyn-
legar en vísindamenn vonast til
þess að hægt sé að nota hjálminn
í sjúkrabílum í framtíðinni.
Tvíkynhneigðir karlar berskjaldaðir
Ný rannsókn kafar ofan í reynsluheim tvíkynhneigðra karla
Í
nýrri rannsókn, sem birtist í
American Journal of Preventive
Medicine, er kynferðislegur og
félagslegur reynsluheimur karla
sem stunda kynlíf með körlum og
konum skoðaður ofan í kjölinn. Þar
kemur fram að tvíkynhneigðir karl-
ar eru gjarnan berskjaldaðir fyrir
smitandi kynsjúkdómum og öðrum
heilsufarskvillum. Tvíkynhneigðir
karlar eru aðeins tvö prósent af kyn-
ferðislega virkum körlum en í rann-
sókninni kemur fram að tíðni HIV og
kynsjúkdóma sé ekki í samræmi við
stærð hópsins.
Samkvæmt vísindamannin-
um William L. Jeffries, sem stóð að
rannsókninni, hafa breytur á borð
við kynlíf án smokks, kynlífsreynslu
á ungum aldri, fjöldi bólfélaga, eit-
urlyfjaneysla og áhættuhegðun ból-
félaga af báðum kynjum, áhrif á kyn-
ferðislegt heilbrigði tvíkynhneigðra
karla sem gera þá viðkvæmari fyrir
HIV og kynsjúkdómum en samkyn-
hneigða og gagnkynhneigða karl-
menn. Neikvæð afstaða gagnvart
tvíkynhneigðum einstaklingum,
efnahagslegar hindranir og karl-
mennskuhugmyndir séu á með-
al þeirra félagslegu þátta sem hafi
neikvæð áhrif á kynlífssambönd og
kynferðislegt heilbrigði.
Í rannsókninni kemur einnig
fram að þótt HIV sé óalgengara
á meðal tvíkynhneigðra karla en
samkynhneigðra karla séu tvíkyn-
hneigðir karlar líklegri en gagn-
kynhneigðir til að smitast. Þar kom
einnig fram að tvíkynhneigðir karl-
ar eru ólíklegri en samkynhneigðir
menn að fara í HIV próf og á meðan
21% tvíkynhneigðra karla höfðu leit-
að meðferðar vegna kynsjúkdóms
höfðu aðeins 12% samkynhneigðra
og 2,3% gagnkynhneigðra karla leit-
að sér meðferðar.
Jeffries segist vonast til þess að
niðurstöðurnar verði til þess að
þessi hópur verði rannsakaður enn
betur svo hægt sé að koma til móts
við þarfir hans. n
Tvíkynheigð Samkvæmt nýrri rannsókn eru tvíkynheigðir karlar tvö prósent af kynferðis-
lega virkum karlmönnum.