Dagblaðið Vísir - DV - 19.08.2014, Blaðsíða 8

8 Fréttir Vikublað 19.–21. ágúst 2014
Braust vopn-
aður inn á
hótelherbergi
Hæstiréttur hefur úrskurðað
ungan mann í gæsluvarðhald allt
til þriðjudagsins 2. september
næstkomandi, vegna gruns um
ítekuð brot og árásir á undan-
förnum vikum og mánuðum.
Lögreglan á höfuðborgarsvæðinu
kemur að rannsókn mála þar sem
hann er grunaður um auðgunar-
brot, umferðarlagabrot, vopna-
lagabrot og fíkni efna lagabrot. Er
hann einnig grunaður um alvar-
legri brot. Hann er meðal annars
grunaður um nytjastuld, með því
að hafa 15. maí síðastliðinn tekið
bifreið í óleyfi og ekið henni víðs
vegar um höfuðborgarsvæðið. Sá
bíll fannst 10. júní síðastliðinn.
Einnig er hann grunaður um
að hafa tekið annan bíl ófrjálsri
hendi viku síðar, en sá bíll er enn
ófundinn.
Er hann grunaður um þjófnað
og vopnalagabrot hinn 4. júní síð-
astliðinn, fyrir að hafa brotist inn
á hótelherbergi, vopnaður skær-
um, og stolið þaðan snjallsíma og
veski sem í voru tæplega 200 evr-
ur, 500 dollarar og greiðslukort.
Þá er maðurinn grunaður um rán
og stórfellda líkamsárás í félagi
við þrjá aðra, fyrir að hafa veist að
manni aðfaranótt sunnudagsins
6. júlí, kýlt hann nokkrum sinn-
um í andlitið og sparkað í andlit
hans þar sem hann lá í götunni.
Í kjölfarið var hann rændur 66°
norður úlpu og var hann með
nokkra áverka, skurð á nefi, hrufl
í andliti og brotna framtönn.
Hann var handtekinn að kvöldi
7. júlí, grunaður um þjófnað á
matvöru úr verslun. Við hand-
töku streittist hann kröftuglega á
móti og sparkaði í tvígang í höfuð
lögregluþjóns. Þegar verið var að
færa hann í fangaklefa varð hann
mjög æstur samkvæmt dóms-
orði, sýndi „ógnandi tilburði“,
reyndi að bíta sama lögreglu-
þjón í lærið og hrækti á buxur
hans. Kærði á sakarferil að baki
þrátt fyrir ungan aldur. Síðast var
hann dæmdur hinn 11. júní síð-
astliðinn og hlaut þá tíu mánaða
fangelsisdóm, skilorðsbund-
inn til þriggja ára. Við rannsókn
mála hans hjá lögreglu kom í
ljós að hann er í mikilli neyslu
fíkniefna, án atvinnu og hafi ekki
fasta búsetu. Hæstiréttur féllst á
gæsluvarðhaldskröfuna á þeim
forsendum að líklegt sé að mað-
urinn haldi uppteknum hætti.
„Telja verður líklegt með hliðsjón
af ofangreindu að hann fjármagni
neyslu sína að hluta til með af-
brotum en auk þess hefur hann
ítrekað verið undir áhrifum fíkni-
efna við handtöku.“
F
erðaþjónustan á Hveravöll-
um, Hveravallafélagið, þarf
að reiða fram nokkrar millj-
ónir króna vegna rafstöðvar
sem þeir þurfa að færa eftir
tilmæli frá Veðurstofu Íslands. Raf-
stöðin stendur við hús í eigu Veður-
stofunnar, en þar var áður mönnuð
veðurstöð en enginn hefur verið
þar að staðaldri frá árinu 2004 og
allar mælingar orðnar sjálfvirkar.
Starfsmannafélag Veðurstofunn-
ar annast allt viðhald á húsinu og
starfsmenn gera það í sínum frí-
tíma, gegn því að fá að nota húsið
sem orlofshús. Þá fara þangað hóp-
ar af og til á vinnutíma til þess að
sinna viðhaldi á tækjabúnaði Veð-
urstofunnar á svæðinu. Einnig hef-
ur Umhverfisstofnun haft afnot af
húsinu fyrir landverði. Ferðaþjón-
ustan ætlar að fara eftir tilmælum
Veðurstofunnar þrátt fyrir að land-
eigendur segi hana ekki í rétti til
þess að segja til um staðsetningu
rafstöðvarinnar við húsið.
Hafa leyfi fyrir veðurstöð
Eigandi landsins er sjálfseignar-
stofnunin Auðkúluheiði, sem íbú-
ar á landinu stofnuðu árið 2006
en áður voru sveitarfélögin Svína-
vatns- og Þorlækjarhreppir eigend-
ur landsins. Framkvæmdastjóri
Veðurstofunnar hélt því fram í sam-
tali við blaðamann DV að landið
væri í eigu ríkisins, en stjórnarmað-
ur í Auðkúluheiði segir það ekki
rétt. „Veðurstofan er þarna í okkar
þökk og við settum okkur ekki upp
á móti því að veðurstöðin yrði þar
sem hún er núna. Stofnunin hefur
leyfi fyrir mannaðri veðurstöð og
nú ómannaðri, en ekki fyrir orlofs-
húsi,“ segir Jón Gíslason í hrepps-
nefnd Húnavatnshrepps en hann
er einnig stjórnarmaður í sjálfs-
eignarstofnuninni. Hann segir jafn-
framt að Veðurstofan hafi engan
leigusamning vegna afnota af lóð-
inni.
„Þessi rafstöð hefur sinnt bæði
veðurstöðinni og ferðaþjónustunni
en nú er Veðurstofan með sólarraf-
hlöður og notar ekki stöðina. Þeir
segja að hávaðinn frá vélinni trufli
þessa orlofsstarfsemi þeirra sem
við teljum að hafi engan rétt á sér
þarna,“ segir Jón. „Þegar þetta var
byggt á sínum tíma þá gaf sýslu-
maður leyfi fyrir því að húsið yrði
byggt þarna fyrir veðurstöðvarstarf-
semi. Við höfum alltaf verið hlynnt
þeirri starfsemi og gerum enga
athugasemd við hana,“ segir Jón.
Hann segir að í sjálfu sér skipti það
ekki öllu máli hvað fer fram í hús-
inu, en það sé hins vegar vandamál
ef Veðurstofan er að fara fram á að
rafstöðin verði færð vegna einhvers
sem þeir hafi ekki leyfi fyrir. „Það er
ansi langt gengið,“ segir Jón.
Starfsmannafélagið sér um
húsið
Framkvæmdastjóri Veðurstofunn-
ar, Hafdís Þóra Karlsdóttir, vildi
ekki viðurkenna í fyrstu að hús-
ið væri notað sem orlofshús þegar
blaðamaður ræddi við hana. „Það
var heimild fyrir byggingu á þessu
húsi á sínum tíma, það er alveg á
hreinu. Þetta er náttúrlega ekk-
ert orlofshús, í þessu húsi er fullt
af mælitækjum. Eftir að búsetu var
hætt í húsinu árið 2004 höfum við
áfram verið með mælitæki í húsinu,
sem er mjög mikilvægt eins og gef-
ur að skilja. Þar sem engin búseta
er þarna lengur fór húsið að grotna
niður og leiðslur að springa og
fleira sem dytta þurfti að. Árið 2005
var gerður samningur við starfs-
mannafélagið um að það sinni öllu
viðhaldi og hugsi um húsið og nýti
það. Þannig geta þau verið þarna á
sumrin gegn því að þau sjái algjör-
lega um að halda húsinu við,“ segir
Hafdís. Af þessu má ráða að starfs-
menn geti nýtt húsið í sínum frí-
tíma, burtséð frá því hvort þau séu
þar að sinna viðhaldi á húsinu eða
ekki.
Hún segir það alls ekki rétt að
ástæða þess að Veðurstofan hafi
farið fram á að rafstöðin verði færð
annað sé vegna þess að hún trufli
þá sem dvelji þar í orlofi. Rétt sé að
hún trufli svefnfrið þeirra starfs-
manna sem þar dvelja þegar þeir
vinna við viðhald á tækjum. Þá hafi
rafstöðin aldrei þjónað veðurstöðv-
arhúsinu, heldur hafi ferðaþjónust-
an fengið að staðsetja hana þarna
vegna lagna sem þeir gátu notað.
„Af góðmennsku okkar þá fengu
þeir að hafa rafstöðina þarna,“ seg-
ir Hafdís.
Landverðir nýta húsið
„Ég þekki ekki mun á þessum tækj-
um en þarna kom ný rafstöð ekki
fyrir svo löngu síðan. Starfsmenn
vilja meina að hún sé öflugri og það
sé miklu meiri hávaði frá þessari
rafstöð en var áður. Þetta er eitthvað
sem ég hef rætt við Hveravallafé-
lagið í gegnum tíðina vegna þess að
það er búinn að vera svolítill ami af
þessari rafstöð. Ekki bara fyrir ein-
hverja starfsmenn sem eru þarna,
þú kallar það í fríi, heldur líka bara
sem eru að vinna. Þau eru að fara
þarna kannski tíu til tólf í hópum
saman að vinna og þá er ekki hægt
að sofa þeim megin sem rafstöðin
er,“ segir Hafdís. Hún segir einnig
að Umhverfisstofnun hafi sóst eftir
því að landverðir fái að vera í hús-
inu yfir sumartímann og að við því
hafi orðið, en það er einnig á skjön
við heimildina sem Veðurstofan
hefur til þess að hafa húsið á þess-
um stað.
Vilja ekki standa í deilum
Forsvarsmaður Hveravallafélags-
ins, Þórir Garðarsson, segir að þar
sem ekki hafi skapast friður um
málið hafi þeir ákveðið að verða við
beiðninni. „Þeir voru að slökkva á
stöðinni þannig að kerfið lá und-
ir skemmdum hjá okkur. Þá tók-
um við þann kostinn að fara ekki að
standa í stríði við þessa ríkisstofn-
un og komum upp gámum með
rafstöðvum á öðrum stað,“ segir
Þórir.
„Við erum núna að fara í að
grafa kapalinn á nýja staðinn. Bara
kapallinn einn og sér kostar okk-
ur fimm milljónir. Þeir vilja hafa
þetta allt þegjandi og hljóðalaust
þarna upp frá, það truflar þá eitt-
hvað, nætursvefninn þarna. Þannig
að við verðum að færa hana,” seg-
ir Þórir. Hann segir að beiðnin hafi
verið mjög skýr af hálfu Veðurstof-
unnar þar sem meðal annars sagði
að ástandið gæti ekki verið svona til
lengdar. Ljóst er að um meiri kostn-
að er að ræða fyrir fyrirtækið, því
kostnaður við lagningu kapalsins
er mikill. „Auðvitað erum við ekk-
ert sáttir. Við viljum ekki fara í stríð
en okkur finnst það skrýtið að Veð-
urstofan skuli vera að reka þarna
frístundahús fyrir starfsmannafé-
lagið,” segir Þórir. n
Veðurstöð nýtt
sem orlofshús
n Veðurstofan fór fram á að rafstöð yrði færð n Kostar landeigendur milljónir„Þeir segja að há-
vaðinn frá vélinni
trufli þessa orlofsstarf-
semi þeirra sem við telj-
um að hafi engan rétt á
sér þarna
Rögnvaldur Már Helgason
rognvaldur@dv.is
„Af góðmennsku
okkar fengu þeir
að hafa rafstöðina
þarna
Veðurstöðin á Hveravöllum Landeigend-
ur segja að engin heimild sé fyrir því að nota
húsið sem orlofshús. Starfsmenn Veðurstof-
unnar kvörtuðu undan hávaða í rafstöð og
farið var fram á að hún yrði færð. Það kostar
Hveravallafélagið milljónir króna.
TF-SIF köll-
uð heim
Vegna aðstæðna í Bárðar-
bungu í norðanverðum Vatna-
jökli hefur Landhelgisgæslan
ákveðið að kalla TF-SIF, eft-
irlitsflugvél Landhelgisgæsl-
unnar, heim frá útlöndum en
hún er nú við landamæragæslu
í sunnanverðu Miðjarðarhafi.
Flugvélin er væntanleg til
landsins eftir hádegi í dag,
þriðjudag. TF-SIF er búin rat-
sjám, myndavélum og öðrum
tækjabúnaði sem hentar mjög
vel til eftirlits með gosvirkni og
hefur sá búnaður sannað gildi
sitt við eldsumbrot.